ابي كرت شاشه بـ 300 ريال

[BeaUnkill]

الحين ما علمتنا ، المذربورد تدعم AGP ولا PCI-E ؟؟

اذا كان AGP ، خذ 9600PRO من ATi .. تلاقيه في باث للحاسبات .. WWW.PC-Path.com

ممتاز ، ويشغل لك سورس

والسعر ماني متأكد منه ، ولا تستعجل ازين لك .. لا تاخذ شي الا بعد ما تقتنع فيه

[ باحاول اجيب لك السعر باقرب فرصة ]

[BeaUnkill]

على فكرة ، الكروت التالية ابتعد عنها قدر المستطاع :

MX4XXX بجميع الفئات .
GeForce 6200 .
GeForce FX5200 .
Radeon 92XX بجميع الفئات .

تعبانه ولا تستاهل الريالات الي تحطها فيها ..

اما بالنسبة لرام كرت الشاشة ، 256 ما يطلع لها أي فائدة تذكر الا مع الكروت الجبارة << اقصد فيها الـ X8XX والـ 6800 ومجموعتها ..

لذا خلك على 128 ، وراح تفرق في السعر

[p i c a]

طيب الحين انا اول شي ادور على ايش

مثلا ابدا بالـ pro 96000 ولا بأيش

يعني ما ادري وش ادور عليه اول ووش الافضل

لأنكم عطيتوني قائمه ولا ميزتو بالافضل من ناحيه الاداء والسعر !!

[BeaUnkill]

لا تدور ولا تحتار .. بس انت الحين علمني المذربورد الي عندك وش تدعم ؟ AGP ولا PCI-E لكرت الشاشة ؟؟

لانك تقول ان المعالج 3600 ميجاهرتز .. وشكله يقول PCI-E .. و9600برو AGP !!

اذكر لي اسم المذربورد على الاقل

[p i c a]

الماذار بورد انتل

لكن كيف اعرف انه pci او agp

[BeaUnkill]

عن طريق اسم المذربورد

او تستخدم برنامج CPU-Z عندك اياه ؟

من هنا CPU-Z

[p i c a]

انا بروح المحل الحين وبفك جهازي هناك

ياليت ترسل لي رقم جوالك بالخاص عشان اقدر اكلمك واتفاهم معك هناك عشان راعي المحل ما يلعب علي

[BeaUnkill]

طبعا ً المطلوب انك تنزل البرنامج وتفتحه وتفتح التبويب MainBoard وتعطينا صورة له ..

والمحل لا تشيل هم ، اذا انك بتروح لم PATH فهو رجال يخاف ربه

انت بس قله جايك توصية من شباب متندى المنتدى وادهن السير يسير !! P:

[p i c a]

ما اتوقع اني بروح لمحل PATH بروح لمحل بحراج الكمبيوتر .. وهو المحل حق عمي

بس بروح عشان اعرف وش اطلب هناك وايش نوعيه جهازي وايش يقبل وايش مايقبل

[p i c a]

ياليت ترسل رقم جوالك .. لأن اخوي فوق راسي يقول قم نروح ولا منيب موديك

[BeaUnkill]

ماهي صعبة ..

بس انت نزل البرنامج واحنا بنعطيك الكرت الي تحتاجه ، وتوفر على نفسك الوقت .. عشان تاخذ راحتك وانت تدور عن الكرت .. ولا تروح سوفت لاند ( ارض البرامج ) ..

نزل البرنامج وصور لنا صفحة المذربورد ..

انا بانتظارك ..

[p i c a]

والله ما ادري

تدري التصوير ومشوار ومدري وش بعد ياخذ مني ساعه واخوي فوقي

المهم انا رايح وبتوكل على الله وكم واحد معي رقمه بجوالي بدق عليهم وبحاول اعرف وش الي احتاجه من الى

ومشكوورين اخواني كلكم

يالله في امان الله ادعولي

لا لا ارض البرامج مره باعو لي سي دي اصلي بدون سي دي كي ولعنت شكلهم ومن بعدها حرمت اطبه

[MohammedSF]

أخي لا تفك الجهاز و لا تشغل أي برنامج!
المعالج P4 3.6GHz ما نزل غير LGA775 يعني اللوحة اللي عندك PCI-E x16!!

أما أنه الكرت NX6200 Turbo Cache 128MB (خرطي)! فهذا عكس المواصفات اللي قريتها عنه على الرغم من أني ماجربته (و كلام المجرب على العين و الراس )!

هذا الكرت فيه 128MB DDR عادية و تقنية Turbo Cache تخليه يحجز 128 أو 256 من الرام الخاصة بالجهاز ، وطبعاً هي DDR400 أو DDR2 و ياسلام!

رح يشتغل الكرت بذاكرة سريعة (أسرع من اللي عليه) عن طريق استخدام تقنيات في ناقل PCI-E 16x الـ6800 ألترا ما سواها!

الكرت ما يجي إلا PCI-E 16x ، ياريت إذا في أحد جربه يخبرنا عنه...

بالتوفيق...

[BeaUnkill]

نصيحة ، لا تتهور وتشتري على طول ... شوف وش في السوق وارجع استشير ..

ان شاء الله تلاقي كل الي يسرك ..

[ ما خاب من استشار ]

[عمود ارتكاز]

أخي لا تفك الجهاز و لا تشغل أي برنامج!


المعالج P4 3.6GHz ما نزل غير LGA775 يعني اللوحة اللي عندك PCI-E x16!!

أما أنه الكرت NX6200 Turbo Cache 128MB (خرطي)! فهذا عكس المواصفات اللي قريتها عنه على الرغم من أني ماجربته (و كلام المجرب على العين و الراس )!

هذا الكرت فيه 128MB DDR عادية و تقنية Turbo Cache تخليه يحجز 128 أو 256 من الرام الخاصة بالجهاز ، وطبعاً هي DDR400 أو DDR2 و ياسلام!

رح يشتغل الكرت بذاكرة سريعة (أسرع من اللي عليه) عن طريق استخدام تقنيات في ناقل PCI-E 16x الـ6800 ألترا ما سواها!

الكرت ما يجي إلا PCI-E 16x ، ياريت إذا في أحد جربه يخبرنا عنه...

بالتوفيق...

أنا سألت الأخ Gamer مرة ولكن ما أدري هو هذا الكرت ولا واحد ثاني المهم إنه Turbo Cache أنا من يوم ما شفت الـــ Turbo قلت شكله كرت جبار لدرجة إن ذاكرته ما تكفي بس أخ Gamer يقول إنه ضعيف ولا يصلح للألعاب لأنه يقوم باستخدام ذاكرة الجهاز