جميـع الاعضاء سيحصــلون على PS3 و هذا تعهد مني لكم ^_^

[الأمــuaeــير]

اليوم وانا قاعد اتصفّح لقيت خبر عن الps3 وسعره راح يكون 465$ ^_^ يعني :

*1697درهم وريال
*مية وشي بالدينار..

[Macho Man]

تسلم اخوي وان شاء الله يستفيدون الاعضاء منـة ..

[robinho]

أنا مخطط من زمان و الي في بالي أسوي اني أحن وأحن وأحن أخلي الوالد يمل لين اهو يقول بشتريلك اياها

طبعا هذي خطتي الأساسية

خطتي الثانوية اني أيمع فلوس العيد او أكتتب في الخطوط الوطنية....مادي شنو تكملة اسمها بس اهي شركة طيران كويتية مساهمة خاصة او لمن ايي الوقت المناسب أبيعهم او أشتري الجهاز مع الست أشرطة

[kovasevic]

كلامك من ذهب مشكوووووووووووووووووور ..............

[mazinkaizer]

انا وفرت حق الاكس بوكس الجديد 110 دنانير من شهر
(عملت حادث بسيط) كلفني 30 دينار بقالي 80
شريت نظاره شمسيه بخمسه و عشرين دينار و لعبتين اصليتين بخمسه و ثلاثين دينار
بقالي 20 دينار تعلمو التوفير :>

[The Shadow]

اخيرا احد حس فينا حنا الطلاب المسااااكيييييين!!!!

:naughty2: ابهاتنا مايعطونا الا الفسحة بس

وان شريت واجد ياويلنا من الفقر

اشتري جبن وعصير واتم جيعان الين اروح البيت فاك ثمي :اميا جيعااان

راح اسويها على طول لكن محتاج جوال جديد الي عندي يع !!

اسمع بقول لك شي موكانه 2000 واجد!! الفتورة صلخ على بدنا

وان شاف فتورة السوني ياويلنا :smashfrea

تشوف ابوي يصير كذا >>

لكن علشان السوني يفداها الف جواااااال :naughty2:

مشكوووووووووووووووور على وعدك الغريب شوي لكن يرفع المعنويات

[thaer89]

ما تخافو في طريقة اسمها تدلع شوي على ابوك وتنصب شوي على اهلهك وهيك بتجمعه بسرعة

[Guilty Gear X]

هذي انا قلتها باحد المواضيع"(( انا بشتري هالجهاز و لو بـ 1000 دولار )) "

انا طالب ايضا ...وخريج يعني انشالله اللعب البلاي3 وانا خريج

[ألمستشار]

ياهلا فيك اخوي _-_-_GAARA_-_-_
والله انا اسف اخوي ماكان قصدي احبطك او شيء بس انا جبت لك كلام من واقع
والله اعرف ناس الى الحين لسه ماسكه على البلاي ستيشن1
بس مدام طالت الفتره الى 2008 ممكن يقدر يشتري
الحل الثاني ممكن الولد او العضو يوفر كم مايقدر وفي اخر السنه لو نجح على ابوه يايشتري له الجهاز
يادفع النص والنص الباقي عليه
يعني لو وفر 2040 وابوه ساعده بـ1000 ريال عاد هذه كويسه
والجهاز وقتها يكون 1500 يعني رح يدفع بس 500 ريال
بيكون معاه 1540 وهذا شيء كويس جدا جدا وايامها بيكون كمان نازل الكوبي
يعني بامكانه يشتري اكسسورات البلاي ستيشن من يدات والعاب من والى

ولك خالص التحيه ولأخوك

اخوك المستشار

[d.o.d.y]

أخوي انا موفرة 1100 الى الآن بس احترت فيها أقول البلاي ستيشن بشتريه بشتره غصب
اخوي بعدين تقول حالات مادية ضعيفة لو هم كذا كان ما وفروا فلوسهم بس تدري محتارة بين ثلاثة اجمع واشتري لابتوب او dsl او سوني 3 بس كل ما فكرت قلت حرام ما اشتريه وهو بيشغل اشرطة سوني 2 و1 يعني جامع

[_-_-_GAARA_-_-_]

عاشق terry : شكرا على ردك ، و لا تعتقد ان اخوي بشتري الـ PS3 للكل (( لاني انا خلاص حجزته و خليته يتحمس و هو اللي بشتريها لي ))



الأمــuaeــير : شكرا على مرورك ، لكن على فكره مستحيل ان يكون سعر الجهاز بـ 1697 درهم يوم بينزل عندنا ، علشان كذي الفكره كانت لكل اللي ما يقدرون شراء الـ PS3 من الخارج او ما يقدرون على شرائها من الانترنت .



Macho Man : تسلم على الرد ، و يسلم غاليك




robinho : تسلم على مرورك ، و حلوه فكرتك الاولى و انا اعتقد ان معظم الناس يستخدمونها (( خصوصا انا )) و الفكره الثانيه ما اعتقد انها مناسبه (( انت بعدك ما تعرف اسم الشركه فكيف بتكتتب فيها )) هههههههه جمع فلوسك و نفذ الخطه الاولى و بتنجح ان شاء الله



kovasevic : شكرا على مرورك ، و الذهب يرخص علشانكم



mazinkaizer : شكرا على مرورك ، و اقول لك (( سلامات ما تشوف شر ..... لا تسابق الناس و تسوي بعمرك مايكل شوماخر :vereymad: )) ، و ثاني شئ خلاص شكله الاكس بوكس ما بفيدك جمع هالمره للـ PS3 افضل لك

[_-_-_GAARA_-_-_]

p.t.m.p : شكرا على ردك ، و الله يعين جميع الطلاب ، و بالنسبه للسعر 2000 فهو مناسب جدا جدا خصوصا لو انك تريد الـ PS3 مع خمس العاب دفعه واااحده



thaer89 : شكرا على مرورك ، و طبعا فكرة (( تمسكن حتى تمكن )) فكره جيده جده و تقدر تفيدك لكن فكره جدول التوفير هي للضمان التااام على انك تشتري الـ PS3 مع مجموعه كبيره من الالعاب دفعه واحده



Guilty Gear X ، شكرا على ردك ، هو انت صاحب هالجمله :vereymad: ، ههههههههه معليش يمكن جملتك كانت سبب او شراره لكتابة هذا الموضوع و مبروك عليك التخرج و العب الـ PS3 و انت خريج يا خريج




ألمستشار : هلا الغالي و مشكور على ردك ، لا بالعكس كلامك فادني اكثر و قدرت اكتسب مهارات جديده و افكار جديده ما كنت اعرف عنها قبل ، و فعلا اخي انا بعد اعرف ناس الى الان على PS1 ، و بالنسبه لفكرة التوفير هي جيده انه يوفر قد ما يقدر و يوم ينجح بكون عنده مبلغ زين و يقدر يخلي ابوه يكمل على المبلغ علشان يشتري الـ PS3 و المثال اللي انت طرحته بالفعل مثال جيد و الكثير يقدر يطبقه ، لكن الجدول مثل ما قلت طريقه تضمن لك شراء الـ PS3 100% و مهما كنت في اي طبقه سواء غنيه او متوسطه او قليلة المدخول ، و تسلم على ردك مره ثانيه


d.o.d.y : اشكرك على مرورك ، و بصراحه الامر راجع لك الغالي ، يعني الموضوع هذا يتحدث عن طريقة التوفير للـ PS3 و بطريقه مضمونه ، لكن بالنسبه للاجهزه الاخرى فانت عليك التفكير لكن نصيحه (( انت اختار الشئ الاهم بالنسبه لك )) ، و فعلا الـ PS3 جهاز ترفيهي متكامل فلا تخسره



و مشكورين على ردودكم و اتمنى التوفيق للجميع و اي شخص عنده سؤال او مشكله بالنسبه لطريقه التوفير يتفضل يطرح سؤاله



مع السلامه

[mazinkaizer]

mazinkaizer : شكرا على مرورك ، و اقول لك (( سلامات ما تشوف شر ..... لا تسابق الناس و تسوي بعمرك مايكل شوماخر :vereymad: )) ، و ثاني شئ خلاص شكله الاكس بوكس ما بفيدك جمع هالمره للـ PS3 افضل لك

لول والله مايندرى شبيصير الاكس بوكس بيكون رخيص بره ولا تنسى ان قبل الاكس بوكس عيد يعني يمدي

[mazinkaizer]

شباب عندي طريقه عتره توفر فيها بس ما اضمن انك تشتري البلاي ستيشن الا إذا...
اشتر حصاله على شكل اقرب شي لقلبط
شكل بلاي ستيشن 3 او غريندايزر او اي شي تموت عليه و راح ينقطع قلبك اذا كسرت الحصاله اللي على شكل شخصيتك فما تكسرها احسن ولمن ينزل البلاي ستيشن3 اما تقول العن ابو الشخصيه و تكسر الحصاله او تقول العن ابو البلاي ستيشن 3 و تظل تجمع لمن تمل

[Sub-Zero]

اخى موضوعك جميل ومفيد
...وهي طريقة مضمونة وجميلة...للحصول على هذا الجهاز الخيالى .!!!
.
بس انا خايف من شيء ....!!!

انا خايف لا أشتري هذا الجهاز ..وتكون قدراتة مثل ps2 .. بمعنى الجهاز السابق حساس جداً ..ويخرب بسرعة ...وصراحة انه كان مخيب لأمالى جداً ..

جهاز ps2 يتعطل بسرعة ...والعدسة ..لا تتحمل إى شيء اسمة كوبى..(.يعنى تخيل ..اول مااشتريت ps3 ماشعل winning eleven إلا بعد مرتين restart...) رغم ان الجهاز قد مر علية سنه كاملة.. ويقدر يشغل الكوبي وغير الكوبي.. وحتى الأن جهازى لا يشغل إلا الأسطوانة الصفراء ..فقط..
صراحة ..تعبت مع هذا الجهاز ...وقلت ..فى نفسي..( وينك يا بلاستيشن 1....الله يسقى زمانك..!!!)

يأخى انا اعتبر جهاز ...ps1 أفضل ..من ps2 ..من حيث قدراتة على التحمل ..وعلى تشغيل الأسطوانات ومن اول مره....يعنى يعتبر اقوى من البلاستيشن 2 بكثييييييييييييييييير !!!!!
والبلاستيشن 2 امامة ولاشيء..!!!

على العموم انا هذا مجرد رايء أنا....
وأتمنا من كل قلبي الا يكون الجهاز الجديد.. يتعطل كثيراً ومشاكله كثيره ..حتى لا يكون مثل ps2 !!!



وعندى لك سؤال أخر : كيف يمكن أن تشتري الجهاز عن طريق النت ..وهل الطريقة التى تستخدمها مضمونة... 100 % ؟؟؟

وتحياتى لك ..اخى ومشكور على الموضوع الحلو ...