قصة واقعية حدثت في أبوظبي

[$_THE-BIG_NIGGA_$]

يسلموو أختي على القصة

تحياتي

[اخـ القمر ـت]

مشكووووره اختي عالقصه
ومنتظرين البقيه لاتطولين علينا

[مستشارة]

السموحة اتأخرت عليكم .....
الحمدلله ان القصة نالت اعجابكم ... وانشالله بنزل الباقي جريب .. وما بطول عليكم ..

[مستشارة]

سعود:انا ما عزمتج على الغدا اختي الي عزمتج!!وبعدين شو اسمحلي بعد بتنزلين غصبن عنج رضيتي والا مارضيتي؟؟
أريام:يعني السالفه صارت عناد؟؟
سعود:هيه عنااااااد!!
أريام:فشله!!
سعود:شو فشله؟؟يللا نزلي انااترياج في المطعم الي تحت..
أريام:انزين ترياني عقب 10 دقايق بنزل!!
سعود:اوكي ولا تتأخرين بااااي؟؟
أريام:بااااااااي..
يلست افكر ياترى هذا الي انا اسويه صح والا غلط؟؟كيف رضيت ايلس وياه مره ثانيه وليش انا هالكثر مرتاحتله؟؟انا بنزل وامري لله..
نزلت تحت وسرت المطعم شفته يالس سرت عنده وسلمت عليه ويلست..
أريام:شحالك؟
سعود:بخير دامج بخير..
أريام:تأخرت عليك؟؟
سعود:هيه وااااايد؟؟
أريام:صدق والله؟؟
سعود:ههههه اتمصخر وياج..
أريام:اتحريت بعد؟؟
سعود:شو تبين تتعشين؟؟
أريام:ماادري؟
سعود:شو رايج اطلبلج على كيفي؟؟
أريام:يمكن الي تطلبه مايعيبني؟؟
سعود:بتاكلينه عشان تجامليني وبتستحين تقولين شي..
أريام:يلا اختار وبنشوف ذوقك في الاكل!!بس ماابا شي دسم..
طلب سعود معكرونه وشي ثاني ماادري شو اسمه صعب
سعود:شو رايج طلبتلج معكرونه؟؟
أريام:تصدق اني احب المعكرونه..
سعود:شفتي شقايل عرفت الي تحبينه؟؟
أريام:بغيت اسألك سؤال ؟!
سعود:آمري..
أريام:شو سويت مع الريال الي كلمته بعد ما انا سر ت؟؟
(يوم سألته هالسؤال شكله اضايق)
سعود:وانتي يهمج تعرفين؟؟
قلت فقلبي مافيه يعصب علي مره ثانيه
أريام:لا بس حبيت اعرف!!
سعود:غيري السالفه..
أريام:كيفك مابجبرك..
سعود:ممكن اسألج انا سؤال؟؟
أريام:طبعاً ممكن تسأل ومب سؤال واحد اسئله؟؟
(حسيت عمري متساهله وياه فقلت خلني اكون شديده شوي..)
سعود:بس اباج تجاوبيني بصراحه..؟!
أريام:قول شغلت بالي؟؟(الله يستر)
سعود:انتي في حد فحياتج؟؟
سكت وتميت سرحانه..
سعود:بلاج سكتي ماجاوبتيني؟؟هيه والا لأ؟؟
أريام:اسمحلي سعود مابجاوبك لو تبا تسأل سؤال ثاني اسأل؟
سعود:لا مالا داعي..دام اول سؤال ما جاوبتيني عليه؟؟
أريام:اعذرني..
يابو العشا،يلست العب بالأكل اكل شوي وعقب دقيقتين ارد مره ثانيه اكل،يعني كنت افكر..وسعود كان يطالعني وقال:
شو فيج تغيرتي مره وحده قبل شوي كنتي مستانسه وتضحكين كل هذا عشان سألتج هالسؤال؟؟
أريام:مافيني شي بس قاعده افكر فربيعتي؟؟
سعود:شو بلاها ربيعتج؟؟
أريام:ماشي بس مااتصلت فيني؟( قلت جي عشان اغير السالفه)
سعود:انزين انتي اتصلي؟؟
أريام:بتصل،الا ماقلتلي انا شو الي خلاك تهتم فيني كل هالإهتمام بصراحه؟؟
سعود:ماادري قلت انتي بنت ويايه روحج من دبي فقلت من الواجب اني اراعيج..
أريام:آهاا..اكييييييييد؟؟
سعود:طبعاً اكييد..
خلصت عشاي ويلست وياه شوي وقلتله:
أريام:مشكور على العزيمه واسمحلي الحين بسير الغرفه؟؟
سعود:ماتبين حلا؟؟
أريام:لأ(كنت شويه جديه) اسمحلي انا سايره مع السلامه..
وقمت على طول وسرت الغرفه من غير ما اعطيه فرصه يتكلم..
وانا قاعده في الغرفه كنت افكر لييييييييش سعود سألني هالسؤال؟!وليش مهتم فيني هالكثر؟
معقوووووله يكون سعود يستغلني بتصرفاته عشان ارتاحله؟!!باجر بيبين كل شي..
كانت الساعه 10ونص بدلت ويلست العب بالتلفون وصلني مسج،شفته طلع سعود الي مطرشنه والمسج كان(نوم العوافي وتصبحين على خير)طنشت وانسدحت على السرير وتميت افكر ارد دبي والا لأ؟؟ليش ارد دبي دام اني مرتاحه هني؟!باجر يصير خير ورقدت..
اليوم الثالث:
نشيت الساعه 8ونص قمت وتنشطت وعقب 10دقايق تلبست عشان انزل تحت واتريق،نزلت وسرت المطعم كانو مسوين بوفيه،خذتلي اكل وسرت ايلس وماشفت سعود..المهم تريقت وخلصت سرت اتمشى في الفندق(الصراحه وانا اتمشى كنت ادور سعود)..بس ماشفته!!
رجعت الغرفه قلت بطرش لسعود مسج بس غيرت رايي قلت مالاداعي اطرش عشان لا يتحسبني مهتمه فيه..وعقب دقايق وصلني مسج من سعود(صباح الخير*صباح النور)..
وانا اقرا المسج ابتسمت بس بعد طنشت^_-
طرشت مسج حق لطيفه وعلى فكره لطيفه اكبر مني بسنتين..وخفت اتصلبها تكون راقده!!
وقعدت اسمع اف ام من التلفون وصلت الساعه 10بغيت اطلع بس قلت تو الناس عقب بطلع..رن تلفوني وكان سعود الي يتصل ترددت ارد والا لأ؟؟رديت عليه..
سعود:السلام عليكم..
أريام:وعليكم السلام والرحمه..
سعود:شحالج؟؟
أريام:بخير وسهاله انت شحالك؟؟
سعود:بخير ونعمه..شو راقده؟؟
أريام:اي راقده!انا واعيه من الساعه 8ونص..
سعود:ليش عندج دوام تنشين هالوقت؟؟
أريام:احسن من السهر واضيع وقتي على الفاضي..
سعود:حبيت اسلم عليج واطمن؟؟
أريام:مشكور على هالإهتمام..
سعود:انا ماسويت غير الواجب..
أريام:شحال لطيفه؟؟
سعود:الحمدلله بخير..
أريام:لطيفه راقده؟؟
سعود:لأ يالسه في الصاله..
أريام:تعرف اني حبيت اختك؟؟
سعود:والله؟!وشو حبيتي فيها؟
أريام:كل شي ماشاالله عليها حبوبه..
سعود:وما حبيتي حد ثاني؟؟
أريام(ويهي احمر):منو يعني؟؟
سعود:اقول يعني مافي حد غيرها حبوب؟؟
أريام(غيرت السالفه):انت عندك دوام اليوم؟؟
سعود:لأ..
أريام:آهاا..عيل ليش واعي من الصبح؟؟
سعود:يعني انتي بس النشيطه انا بعد نشيط؟؟
أريام:هههه ياالغيور!!
سعود:ما بتطلعين؟؟
أريام:ماادري يمكن بعدين؟!
سعود:ويامنو؟؟
أريام:تستهبل حضرتك!ويامنو يعني روحي..
سعود:واذا قلتلج مافي طلعه روحج؟؟
أريام:شو؟؟وليييييش؟؟
سعود:كيفي مااباج تتطلعين روحج..اذا تبين تسيرين مكان خبريني باخذ اختي وبمر عليج!!
أريام:لا خلاص مالاداعي غيرت رايي ماابا اظهر!!
سعود:احسن!!
أريام(وانا معصبه):تامرني يشي؟؟
سعود:سلامتج..
أريام:عيل برايك بااااي..
هلي ناقص سعود يتحكم فيني شو يتحرا عمره اخوي والا حبيبي؟؟عناداً فيه بطلع ومابرد الا نص الليل وبنشوف انا والا هو؟؟

[مستشارة]

السلام عليكم ورحمة الله وبركاتة
اتمنى ان تعجبكم التكمله والظاهر ان الجزء الي قبله ما عيبكم

ان شاالله يعيبكم الباقي

[اخـ القمر ـت]

مو كأنه الجزء ذي المره قصير
مشكوور اختي على القصه
وبالعكس الاجزاء الاوله روووعه
والقصه حلووه مررره يلا ننتظر البقيه
لاتتأخرين اوكي ^^

[Nnoshah]

لا

بصراحه القصص مثل هذي عجييييييييبه

وانا اداني هالنوع من القصص

بس خليتيني اتحمس

حطيتي جزء واحد حطي جزئين

خخخخخخخخخ ماعليج مني زطيه

المهم راحتج

ننتريا التكمله ,,,

خخخخخخخخخخ الله يعينها اريام ويا سعود اقول مب جنه يتحراها زوجته
والله حاله هالنوه من الرياييل

[دلوعة العالم]

السلااام عليكم...


صراااحة اتحفتينا بالقصه الروووعة........

واشكرك عليها...


مع تحيات اختكم ودلووووعتكم:

دلووووووووعة العاااااااااااااالم

[princess sakura]

تسلمين عالتكملة الحلوة

و القصة الصراحة بدت تحمس

بس الجزء الاخير وايد قصير

و سعود شو يحسب عمره علشان يتحكم عليها

وأريام عجبتني كثير وحلوة حركتها علشان تغيظه

بس ناطرين التكملة

ولا تتاخري علينا

و مشكورة عالقصة الروعة

[ألم القلوب]

القصة مرة حلوة انا استنى التكملة

[سجينه الود]

صراحه القصه روعه وانتظر الباقي لا تتأخري علينا

[Dr.Areej.]

القصه رووووعه

بس سعود يقهر ليه يتحكم فيها


ننتظر التكلمه ^^ لا تتاخرين


و مشكوره عالقصه ^^

[مستشارة]

أولا : انا لله وانا اليه راجعون (( الله يرحم الملك فهد ويرحم جميع موتانا ))
ثانيا : مشكورين حبايبي على مروركم الكريم .. الحمدلله ان القصة عجبتكم .. وانشالله جريب بحطي الجزو الرابع ..

[مدمنة نت]

حبيبتي مستشارة

اول شي الله يرحم جميع موتى المسلمين ويتغمدهم في واسع رحمته
آآآآآآآآآآآمين

وثاني شي
القصة وايد حلوة وممتعة
وانا حبيتها واااااااااااايد واكيد بنتظر التكمله بسررررررررعة

لاني احب هذا النوع من القصص واحلى شي انه على شكل حوار

يلا حبيبتي ما بطول عليج ونتريا التكمله

[زمردة الخليج]

مشكورة أختي على القصة الروعة
ياللا عاد وين التكملة :vereymad:

مع تحيات:
العضو الجديد