مرحبا أخوي ننتندو ...
بالنسبة لمحل جيمز ماستر يتورى لي إني شفته أمام مركز دانية وفي صف ركن جحا على ما أذكر لكن ما أعرف إذا كان ظني صحيح ولا لا ... وأظن إنه قبل ما يكون محل للألعاب كان محل للجوالات والبيجرات ((أو أظن إن هذا محل ثاني جنبه)) المهم المحل جنب بيت الكنافة وبيتزا هت وهذه الأشياء ...
لكن إذا كان المحل زحمة فأكيد 100 % ما حأروح له ((لأني أحب أشتري الشيء على روقان وبدون ما أحد يعكر مزاجي لأن إذا تعكر مزاجي الله يعين اللي عكره)) ...
على فكرة أنا أشتري من محل ألعاب طوكيو اللي في مركز دانية لكن في محل ثاني لألعاب طوكيو في الجمجوم ويبيع الجهاز أرخص من المحل حقي بـ 50 ريال ؟؟!
على العموم إن شاء الله اليوم أشوف محل جيم ماستر ((بس ما حأخلي أحد يعرف إني رايق
ثانيا : بالنسبة لردودك الحقيقة أنا سمعت هذه الإشاعة إنه في بوكيمون دايموند لكن للحين ما أعرف شنهي قصته ؟؟؟ وشنهو شخصياته ؟؟؟ وبما إنها للحين إشاعة فأكيد ما في أحد حيعرف هذه المعلومات لين ما تمحو ننتندو الإشاعات وتحولها إلى حقائق ملموسة مثلما تعودنا معها ...
والحقيقة فرحتني لما قلت إنه في لعبة آر بي جي للكيوب وخاصة بالبوكيمون لأني كنت دايم أتمنى إنه تنزل لعبة آر بي جي مشابهة لبوكيمون (يلو - ريد - بلو - جرين - سلفر - جولد) على الننتندو 64 وخصوصا إن اللعبة كانت مشوقة لدرجة كبيرة و لكن الحمد لله تحقق حلمي وسوف تنزل على الملكة الجميلة وملكة القلوب (الكيوب) ...
وأما بالنسبة لميوث بارتي فهذه اللعبة لطالما سمعت عنها ولكن إلى الآن لم اراها إلا في صورتين عرضت منذ فترة كبيرة في المنتدى وأتمنى أن أراها مجدولة ضمن قائمة الألعاب القريبة النزول على الكيوب ...
ويا ليت نشوف بيكاتشو في جزء ثاني في لعبته الخاصة (هاي يو بيكاتشو) "اللي كان يلعب فيها أخوي الصغير" ...
ومشكور على ردودك ...
مع محبتي,,,
رايق
