أريد شخص خبرة بالاردن ؟؟؟؟؟

[عبودي الطيب]

هلا اخوي عبدالله ومعليش على اسئلتي وحاس اني طفشتك بس معليش بس عندي سؤال واحد ايش رأيك في سكنات الطلاب يعني من ناحية الخدمات اللي متوفرة فيها وهل ممكن اني ارتاح فيها ولا لأ يعني اذا الواحد قعد لوحده في السكنات يعني هل راح يرتاح ولا حيزهق

[Dr-CuTe]

لا اخوي خذ راحتك نحن جاهزين
بالنسبه لسكن الطلاب صراحه في اربد كلها ما في غير سكن طلاب واحد مرتب و هو سكن((يرموك جراند)) احسن خدمات و هدوء و انترنت و و و و و و و لكن محجووووووووووووووز فل يعني مستحيل تحصل فيه
و بالنسبه للمبدأ ما انصحك بسكن الطلاب لانه صراحه غالبا ازعاج ووجع راس و الغرفه صغيره راح تحس نفسك محبوس
و ترا السكنات نصابين :vereymad: لككن اتوقع بما انك ما تعرف احد في دفعتك ابدا بسكن طلاب و اتعرف على شباب يدرسوا معاك و بعدين انقل لشقه
و ادعولي ترا الدراسه صعبه في الجانعه هذي

[Jordanirbid]

أخي عبودي,

اربد مدينة ليست بالكبيرة وسوف تعتاد عليها بسرعة ولكن الافضل ان يكون لك معارف فيها وهذا سوف يسهل عليك العيش هناك. ولا تنسى ان تحضر معك ملابس ثقيله لان الشتاء في اربد بارد جدا وانت غير معتاد على هذه الامور . واذا احتجت اي شيء نحن موجودين للمساعدة باذن الله qkhreis@hotmail.com

[عبودي الطيب]

هلا اخواني مشكورين على تجاوبكم معايا بس بالنسبة للبرد لفيت اسواق جدة كلها مالقيت جاكيت يبناسب الثلوج اللي عندك ياترا هل اقدر الاقي جاكيتات في مدينة اربد وهل يوجد فيها كل الخدمات انا كمان ما ابغا اشتري جاكيت من هنا ما ابغا ازود العفش حقي لاني صراحة ماني عارف كم تكون درجة الحرارة ولوازم الشتا يعني هل من السهولة اني الاقي جاكيتات عندكم وهل المدينة متوفر فيها كل شي

[Dr-CuTe]

و الله ففي هذي ما اعرف انا ادبر راسي من السعوديه في محلات ممكن ادلك عليها في جده
المهم درجه الحراره وصلت يوم لتحت الصفر فالله يعين

[Jordanirbid]

في محلات ملابس كثيرة في اربد وبتلاقي فيها اللس بدك اياه ان شاء الله.

[عبودي الطيب]

السلام عليكم ورحمة الله وبركاته احب اشكر كل من تجاوب في الموضوع انا الحمد لله وصلت بالسلامة وصراحة ومشيت على نفس الوصف اللي كتبتوه ومشكورين وجزاكم الله الف خير

[وحش جده]

عليك وعلى شباب ابويمن
تراهم قبايل