اقتراحات؟

[Yamato]

اشوف فوقي صاحبي ورفيق دربي في جاوب واسال..

تسيف الحال ^________^!


الا ما لاحظتوا...
دايما لما يكون في موضوع طلب رايي من الاعضاء.. تحصل خلق الله كلهم طلعوا...
دليل فعلي.. اننا موجودين ونتابع المنتدى بس ما نرد او ما نكتب موضوع...

اذا.. انا ارد في موضوع لطلب الراي فاذا.. انا موجود بالمنتدى.. صحيح..

طيب بالنسبة لموضوع نقاش.. خلونا نناقشها في الميلس مع شوية شاي حليب.. لحقوني على هناك يا شباب..

[الموهوب]

اللي هو نشيل المراقبة ونخليه بدون مراقبين عشان نآخذ راحتنا!

حرر الرد لو سمحت ’’’’ قبل لاتنشات من جد ..


مافي شيء اسمه بدون مراقب .. وبعدين خذ راحتك .. لان انجل اصلاً مب مشدده مره ..

يعني انجل اقدر اسميها :


مراعضو=مراقب وعضو ... MIX يعني

[Y a z e e d]

العلماني هو تعريف جديد للمنافق الذي يرى ان الدين هو سبب للتخلف و التراجع و يرى ان بعض تعاليم الدين لا تتناسب مع وضعنا الحالي و يجب ان يتم تجاهل الاحاديث و الاحكام التي وضعت قبل 1400 سنة

,

هذا منحل .. أو ليبرالي ( بشكل جزئي جداً ، لأن الليبراليين أقل من ربعهم كذا ) .

العلماني .. تعريف آخر للعقلاني .

أي رجل يميل في وجهة نظره للعلوم الحياتية .

كالعلوم السياسية .

ويقول أن " المذهب السياسي ، و الحزب " هما أربابه ..

أمّا العقلاني .. " فولد عمّه " .

ويقول أن العقل ربّي و الفلسفة شريعتي .

و الملحدين كُثر .. هذولي بعضهم .

من هم من يرى الفنّ و الجمال أساساً للربوبية و الاحترام في الحياة ..

وغيره الكثير .

،

عفانا الله و إياك

[Y a z e e d]

يمكن عماد يقصد بيتهوفن !!

.

زياد ؟!

حاشاه يكون علماني ..

العلماني ملحد يا عالم ! .

الفهم الخاطئ للكلمة مشكلة عويصة .

،

ما قلت يقصدني .

أنا معمم السؤال .

و أعرف نفسي و من أنا تمام المعرفة .

ولا أحتاج لسؤالهِ يا صديقي .

[Angel whisper]

الله يهديكم بس .. انا اقوللكم حطو ارئكم وانتو ترمسولي عن علمانيين وليبراليين؟
الناس تدخل المنتدى عشان تتونس وترتاح شوي .. وانتو مأذينا بهالخرابيط؟ الله كريم ..

عموما عن سالفة النقاشات انا بالمرة مب معارضتنها ..
وانا على بداية رقابتي كنت اخليها عادي .. بس مرة استوى موضوع نقاش "انا فتحته" .. وشوي سخن الوضع فأغلقت الموضوع ..
النتيجة كانت ان الراس العود .. مب الدايركتور .. ولا الغامدي .. لا لا هاذااااك اللي فتح المنتدى .. حذفه وهزئنا ^__^
عشان جيه ما ابغي اجازف بنفسي مرة ثانية .. خاصة وان وايد من الاعضاء هني دمهم حار ..
فبضطر للاسف اني اوقف الموضوع اذا زاد عن حده ..
ولهالسبب تلقوني اغلق مواضيع مع انه انتو برايكم ما يستاهل الموضوع الاغلاق
عموما بنبدا قضية الاسبوع ان شاء الله .. ونشوف كيف الموضوع بيمشي .. بس لا تحرون عماركم وايد وياهp:
بس اقترحو قضايا حلوة ويديده ..

وشكلي برد بفتح موضوع اسأل وجاوب .. بس أول ما اشوف انه استوى lame او على قولة موهوبوه كيف الحال انا بخير ..
بمسحه من ابو الداتابيس ..
وترى المنتدى باعضائه .. اذا واحد منكم تركه .. لا يتريا حد يترجاه يرد لانه بيون غيره وغيره ...
بنفتقدكم اكيد .. بس بيون غيركم
والله يخليكم لنا ..
بس تذكرو ..
whenever you abandon this montada .. a kitten dies ..!

[Electro M]

من لم يمت بالسيف مات بغيره تعددت الاسباب و الموت واحد
مجرد تسميات و تعريفات لا تقدم و لا تأخر
انا اتكلم عن الناس اللي ذكرتهم في ردي الي قبل هذا
علماني ليبرالي ديموقراطي جمهوري يساري يميني حزبي و ما ادري ايش
هذه مسميات مختلفة
الرسول صلى الله عليه و سلم صنف المسلمين ل3 اصناف مؤمنين و مسلمين و منافقين
المؤمنين و المسلمين معروفين
المنافقين عاد لهم 500 مسمى
ما دامهم يتطاولون على الله و رسوله تعالى الله و رسوله عما يقولون باي طريقة كانت
فانهم يتفاوتون بين الكفر و الشرك

ما في احد ضد التطور
مين الي ما يبي يشوف ديرته متميزة بكل المجالات؟
لكن انه يتم الالتفات لاشياء ما لها علاقة و الادعاء انها هي سبب تخلفنا فهذا اللي يعارضه كل مسلم له ضمير
لا و يقولون لازم نتجاهل احاديث صارت قبل 1400 سنة؟!

ياخي حتى قناة MBC4 الي تسوي انها جالسة تورينا ثقافة الغرب شف برامجها
امس برنامج يتكلم عن امريكي ذبح عائلته كلها لانه يحس انها جالسة تأخره عن الشهرة و انها سبب فشله ماليا؟!
و غيره من المصايب اللي يشيب لها الراس
بمعنى انه كل مكان فيه مصايب
ليش في ناس تحب ترطب مصايبنا بالدين ؟!
و هذولا المجرمين في امريكا وش تقولون عنهم بعد!؟
مسلمين؟!

[الموهوب]

عفو(ن):



المجلس هو جاوب واسأل ,, ولكن بطريقة مختلفة .....


انا اقصد ان المجلس بكبرة يصير جاوب واسأل

عمومتاً اقترح نسوي دمج ... ويصير جاوب واسأل والمجلس مع بعض ’’’




لانه بصراحة ... يا جاوب واسأل يا المجلس ... والسبب


ان الشباب بيتشتتون .. اذا احد ’ رد بالمجلس مب راد بجاوب واسأل . ووو ’’’’’’الخ^



بالعربي الفصيح .. جاوب واسأل ولا المجلس ...


بس احس المجلس احسن شوي <<


عمومتاً اللي فهم جملة وحده بس يعطيني خبر .. عشام افرح شوي .. لاني مافهمت ولا شيء من كلامي

=========

E-Mad صح لسانك

[Electro M]

معليش اينجل ترا ردي كتبته قبل لا اشوف التنبيه حقك
انا بس حبيت ابين موقفي بخصوص هالشي لان في ناس بدات تفهمني غلط شوي

المهم انا مع اخوي الموهوب تخلون مجلس المنتدى
جاوب و اسأل شفته في بداياتي
بصراحة موضوع عبيط
واحد يجي يكتب رد على سؤال يمكن ما يهمه ثم يحط سؤال يجاوب عليه شخص ما له علاقة
يعني الدعوة تصير لحسة مخ الا اذا تواجد عضوين بنفس الوقت و جلسوا يسألون بعض
مجلس المنتدى افضل و تكون المناقشة مفتوحة بدون اسئلة
كل واحد يكتب اللي في باله
مثل اللي حصل الحين واحد يتكلم عن ipod و الثاني عن الجامعات و الثالث عن الجوالات
كل واحد يختار الموضوع الي يهمه و اذا كان يبي يضيف شي او يستفسر او يسال
ما في مانع

طالما ان الموضوع ما يتحول لسخافات و اشياء ما لها معنى

[Angel whisper]

خلاص الموضوع بيتم مثل ما هو
واذا عندكم افكار لاشيا يديده عطوني خبر .. او اكتبو عنه هني .. او في المجلس حتى اذا بغيتو .. براحتكم
وعادي مادوه حصل خير
بس اي رد ثاني على هاذيج السالفة = مصيبة

[XenO]

اممممم .. ايش رايكم بـ Party في المنتدى العام .. يعني الكل يكون موجود في يوم خميس مثلاً أو أي يوم تحددوه .. بحيث تكثر الردود بالمنتدى وتنزل المواضيع ويصير المجلس منور بالكل .. ^^

مدري .. فكرة جات على بالي حبيت اقولها .. -_-

[Lena]

زينو,,فكرتك خطيرة مدري ليه احس تونس@_@هههههه كنها عزيمه تعالو الوقت الي كذا وكذا ...


حلوة مرة لو تطبقت بس يمكن تصير صعبه الواحد تطلع له ظروف ..

لكن over all روعه مدري كيف جبتها

[Angel whisper]

فكرة حلوة!
بس امم وضحلنا شو تبغي تشوف بالضبط ^_^
يعني مثلا هالشي بيكون على يوم الخميس كامل ولا بس فترة محدده منه؟

[Lunar Poet]

هلوو آل ^_^ ..

اضن لازم يتم تغيير بعض مراقبين المنتدى .. بدون ذكر أسماء .. J/K

اممم .. مادري .__. .. شرايكم بمسابقة رمضانيّة ؟

[XenO]

لينا
حركتات ..
المشكلة في الظروف صح .. -_-
بس هذا ما بيمنع الأعضاء الباقين من التواجد ..

انجل
يعني بما إن يوم الخميس -مثلاً - إجازة .. فيكون هذا اليوم سبشل بتواجد الأعضاء وقتها ..
وبكذا تنزل المواضيع وتزداد الردود والمجلس ما يتوقف .. يعني يزداد النشاط بشكل عام في المنتدى العام سبشلي
باختصار .. موعد في مذكرتك لهذا اليوم بأن تخصص جزء منه للمنتدى .. ^^

[Lena]

زينو روعه صراحه
شخصيا
اكره وضع المواضيع او اتكاسل عنها لاني اعرف اني بتعب لكن مافيه احد ولا فيه احد بيرد او مهتم
فاصرف نظر
لكن كون فيه تجمع شي يحمس صراحه



الباقي في اتفاق الاعضاء ورضاهم عالفكره