مقابلات مع المبدعين!!!

[sodina]

واااااااااااو الرسمات جميييييييييييييييييله مره مره ماشاء الله عليك عبقري هههههههه
اوكي ابي اسالك :متى بدأت ترسم؟؟؟؟؟؟؟؟؟؟؟؟؟اخوي روايه
مع السلامه

[Squall 9]

شرايك بقسم العاب القياده ^^

ومبارك عليك الشهر

[INCREDIBLES]

يعني اطلع الي في قلب ولا كيف............

[Winter_wolf]

يعني اطلع الي في قلب ولا كيف............

Go ahead i'd like to see what'll happen

[Dark Watch]

شو عندك من السيارات ؟

هل جربت انك ترسم سيارة ؟

اذا جربت ممكن تحط لنا رسمة سيارة

وبس
وكل عام وانت ابخير وعافية

[Misho0o]

اول شي ،، كم سنه لك مراقب ،، وشو رايك فيها ^^"

ثاني شي ،، شلون كان بدايتك في احتراف الرسم ،، وكم سنه لك تمارس هذي الهوايه ^^ ؟

وثانكس

[TheDeath]

ههههههه

الله يعينك على الاسئله .. صارت واجد ..

ماراح احط اسئله الحين ... زحمه سير

[شعاع السنافي]

ودي أسأل لكن الأسئله صارت كثير وماراح
يقدر يجاوبها كلها
بأنظم للي قبلي

[Rewayah]

TheDeath

اذكر بس سؤال واحد.. هل سبق ورسمت وحووش؟ .. مثل الي في يوقي والبوكيمون والديجيمون.. الخ؟ ..

ههههههههههه

سبق ورسمت وحوش؟!

إيه وايد.

رسمت وايد وحوش، بل أنا وايد أحب رسم الوحوش والكائنات الخرافية والخلط والدمج بينها.

الوحوش من أول الأمور اللي حبيت أدرب نفسي عليها.
عندي دفتر رسم سكيتش ضخم حجم B3، من 50 صفحة، مليان لآخرة كله وحوش.
كل صفحة فيها من خمس لسبع رسمات مبعثرة، أمسويهم حق قصة من قصصي.

هالدفتر وايد أعتز فيه، بس صار قديم شوي، أفكر أشتري واحد جديد مؤخراً الصراحة، وأقوم بتخصيصه لتصاميم الوحوش الحديثة.


إذا رسمت؛ أبي أشوف كم رسمة منهم.

هههههههههه

كعيّنات وسامبلز يعني؟ ^^

إن شاء الله، في أقرب فرصة TheDeath.


==================



88_Shadow

مممم
^^
شو تعني هذه الكلمه؛
الإقامة: بين سرب الحقيقة ووحي الخيال؟
ليش سميت نفسك ‘رواية‘

إشدراني. هههههههه

عجبتني الجملة فكتبتها!

ممكن لأني أحب كتابة القصص؟!
سرب الحقيقة هو عالمي الحقيقي بين الناس.. ووحي الخيال أعتقد عوالم كتاباتي ومؤلفاتي.


"ليش سميت نفسي رواية"... ..
بسبب حبي للكتابة على الأرجح!

في البداية الأعضاء كانوا يلخبطون ويعتقدون بأني بنت، بس أنا كنت أفهمهم العكس. ^^
هههههههههه

أسئله حشورة ويمكن تكون غبية بس سامحني عليها ^^
مم
أتمنى انك تحط غاليري بالمنتدى ^^ و تمتعنا فيه

هههههههههه
لاحشورة ولا شيء!

سئلوا اللي تبونه.

وبخصوص جالاري لي، إن شاء الله بشوف.


==================

الاخ رواية
ماشاء الله عليك عندك تخصصات وايدة . بصراحة شخص بمثل مؤهلاتك وذكائك يستحق يعمل في شركة تستطيع تطويره وتهتم به . واقصد بذلك شركة دبي للمالتيميديا أو الترفيه .هل قدمت طلبا لها أم لا ؟؟

والله بعدني ما قدمت لهذه أخوي, بس شكلها يبيلها أجربها!

شكراً للنصيحة والإقتراح.


EMPIRE OF EVIL

ممكن تحدثنا عن بدايتك في الرسم؟

بدايتي كانت عادية كبداية أي رسام؛ حبيت شيء.. جلست أمارسه بشكل متواصل.

حب الرسم بدأ عندي من يوم كنت صغير (عندي رسومات محتفظين بها الأهل من يوم كان عمري سبع).

كذلك، كنت في المدرسة وايد أحب حصة التربية الفنية، وأشارك في نشاطاتها المتنوعة.

ميولي تطور لحب الأنيماي والمانجا أكثر شيء، إلى جانب الكوميكس الأمريكي وأفلامهم الكرتونية المتحركة، لما تعرّفت عليهم.
من الأشياء اللي أثرت فيني على سبيل المثال لا الحصر؛ غرندايزر، نينجا المغامر (إيـgـانو نو كابامارو)، رانزي الساحرة (توكيميكي تونايت)، فارس البطل، سندباد، ساندي بل، ثندركاتس، بايانيك سيكس، الزهرة الجميلة (سوسن)، المقاتل المضحك (يقضان الفضاء).. وغيرهم الكثير.

هالكرتونات وايد عطتني دافع لتطوير مهارتي وإبتكار تصاميمي الشخصية.

رسمي يتمحور أكثر شيء حول الأنيماي، المانجا والكوميكس.


وبمن تأثرت؟

إذا كان قصدك أخوي بأي رسام تأثرت، فأنا كنت أميل لأسلوب ‘ساتوشي يوروشيهارا‘ الياباني، تعرّفت على رسومه وأسلوبه أول مرة في عام 1991، من خلال ألعاب الفيديو جيمز.

كذلك كنت أحب أسلوب ‘gـو ناgـاي‘، رسام غرندايزر.
لكن ألحين لما كبرت، صرت أحس رسمه شويّة كارتوني أورثودوكسي، شرات ‘ون بيس‘ أو شخصيات ‘تيزوكا أوسامو‘، وأنا صرت أميل للواقعي شوي.

كذلك في رسامين وايد أحب أساليبهم، معظمهم يابانيين، إلى جانب قلّة أمريكان، منهم ‘جوني لي‘.


لكن حالياً؛ أحاول تطوير أسلوب خاص بي، أستوحيه من الواقع مع دمج أسلوب المانجا الياباني.
أسميه الـ ‘PRAMS‘، بس وايد معقد ويبيله دقة. ^^"


بما أنك خريج الجامعة الأمريكية؛ سأفترض أن عمرك بين 22-25 سنة، وسؤالي هو: هل أنت متزوج؟ إذا نعم؛ هل لديك أولاد؟ لديك الحق في عدم الاجابة.

لا بعدني ما تزوجت. ههههههههه ^^
بس جريب إن شاء الله.

وليش ما أجيب، أسئلة عادية حقيقةً.


==================



drugey

كيف أخلي مشاركاتي تعدي 50 أو 100 مشاركة؟

مع كثرة الردود والمشاركات!! بديهي!!
ههههههههههه

[SpyAngel]

رمضان مبارك على الجميع00

اشكر الأخت ms-rose على الفكره الأكثر من رائعه
وترحيب حار الى الأخ المبدع - روايه00

لدي سؤالين فقط"
1-اذكر بداية فتح منتدى الرسم الحر وكتاباتك انت ورسوم شاهين والرائعه فطوم والمبدعه اورانج رود00
هل تود رجوع تلك الفتره؟!! ومالذي اختلف الان عن تلك الفتره؟؟

2- هل تحب الانيماي القديم ام الحديث؟؟ سمي تلك الانيماي00
3- اين ثمره!! المحلله المبدعه لكل انواع الأنيماي
0
0
0
السؤال الثالث للجميع
اسفه على الإطاله000
spyAngel

[Rewayah]

ثانيا احب ان اشكـ ـر الاخ المبدعـ .. " نسيت اسمه " على هذا الابداع الذي قدمه لنا ..

و احب ان اهنئهـ على ابداعه المتألق و حضوره المتميز ..

مشكور أخوي وحياك الله بينا. ^^


dante-55

"* طبعا راح أطرحـ عليه سؤال واحد فقط و أتمنى الأجابه بكلـ صراحه

سـ 1 - من متى قمت بـمـ مارستـ هواية الرسمـ ؟

و الله مادري؛ كانكـ رسام أو لا, لكنـ .. أحب أشوفـ شي من أعمالكـ"

بخصوص سؤالك الأول، سأله الأخ EMPIRE OF EVIL فوق وأجبت عليه، راجع الإجابة أخي dante-55.

لكن بزيدك شوي هنا ما يخالف،
بديت تقريباً من كان عمري سبع.

أما بخصوص بعض أعمالي، فبفتح إن شاء الله جالاري قريباً، يمكنك من خلاله الإطلاع على مستجداتي في الرسم.


==================



Winter_wolf

إيش رأيك بقضية البطاريق شبه المنقرضة اللي تهددها إنحسار طبقة الأوزون فوق أنتاركتيكا؟ ):< !!! لازم نسوي شي !! لازم !! ياعالم * ياخذ شهيق عميق ويحاول يهدأ *

Sorry about that (:>

هههههههههه

لا عادي، والله ما أعرف شو أقولك، مساكين البطاريق.
المشكلة إنه إنحسار طبقة الأوزون، مش تهدد بس البطاريق الشبه منقرضة، أعتقد إنها تهددنا كلنا كبشر، وتهدد كل الكائنات على الأرض من حولنا!! ولا؟!! ^^"
لوووووووووول


ايه وسؤال ثاني :

أيش أنواع المراسم " مرسام أو Pencil " اللي تستخدمها بالرسم (:؟

على فكرة، هاي ثاني مرة أسمع هالكلمة ‘مرسام‘! ^^
المرة الأولى سمعتها من أخوي الحبيب ديك منتوف.

هاي شكلها تسميه عندكم في السعودية, صح؟!

أخوي، المرسام اللي أستعمله للرسم هو أقلام رصاص تيكنيكال من نوع Cushi من شركة Pental اليابانية, حجم 0.5 (ينباع في الجمعيات والمكتبات).
مع ‘ليد‘ رصاص Hi-Polymer، غماقته متوسطة، درجة HB.
أرسم غالباً على دفاتر رسم إسكتشات Cartridge حجم A4، من شركتا Winsor & Newton البريطانية وPaperline الأندونيسيّة.
إلى جانب دفاتر رسم متعددة الأحجام من شركات أخرى، من وقت لآخر.

وتعجبني رسوماتك Lad, You rock.

Thanks Brother!!


==================



smoox15

بدون لف ودوران
سؤال للضيف
لو طلبت منك ترسم شي يمثل شخصيتك ( يعني من النظر إلى الرسمه أعرف وش تفكر فيه ... )
وش بترسم؟
------------------
أتمنى السؤال ما يكون محرج
-----------------

لا!
لا محرج ولا شيء!! ^^

بالعكس، سؤال عادي ومتوقع، مرات رسوم الفنان تثير الفضول لدى المشاهد أو المتابع لأعماله، وهذا طبيعي جداً.

نرجع لسؤالك،


همممممم...

رسمه تمثل شخصيتي...


... ... ... ... ... .. .

تنين أحمر؟!


أعتقد تنين أحمر.. !!

لا لا أزرق أزرق. ^^


لوكنت برسم شيء يمثل شخصيتي، راح أرسم تنين أزرق شرس (يمثل الكبت اللي فيني)، به حراشف كثيرة ومتعددة (شخصيتي)..
مقيد بالسلاسل العملاقة من الرقبة في قصر إحدى الملكات (إرتباطاتي)، وتطعمني كل بزوغ إطلالة فجرٍ تفاح أحمر (رغبتي)..

ههههههههههههه


... ..

والله يبيلي أرسم هاللوحة!!
ههههههههه


==================



sodina

أوكي أبي أسالك: متى بدأت ترسم أخوي رواية؟

... ... .. ^^"

أختي sodina، راجعي جوابي على سؤال أخي EMPIRE OF EVIL وdante-55.
هالسؤال إنسألته مرتين.
ههههههههه

حياج. ^^


==================



Squall 9

شرايك بقسم العاب القياده؟ ^^

ومبارك عليك الشهر

الله يبارك فيك!!

مبارك عليك وعلينا وعلى الجميع!!


بخصوص سؤالك، والله أخوي أنا ما زرته حقيقة! ^^"

بس أكيد حلو!!

دام فيه أعضاء حلوين وطيبين مثلكم، أكيد بيكون حلو.

كل هواياتكم حلوة وممتعة!!
بدليل ممارستكم لها!

لكن أنا شوي مشغول، وما أقدر أتابع المنتدى بكبره! ^^" ههههههههه


==================

يعني أطلع الي في قلب ولا كيف............

خذ راحتك أخوي!!

قول اللي تبيه!!

هالموضوع لكم، مب لي.


==================



Dark Watch

شو عندك من السيارات ؟

تيوتا لاند كروزر فضيّة، وسيارت الأهل بعد نسوقهن، معضمهن ستيشنات.


هل جربت إنك ترسم سيارة ؟

أكيد!!

بس متعتي أكثر شيء في رسم الآلات المستقبليّة، اللي مالها شكل محدد!!
يعني طائرات خرافية، روبوتات، آلات ضخمة وسفن.. إلخ.

رسم الأشياء الموجودة في حياتنا، يبيلها دراية ودقة، إذا كنا بصدد الحصول على مواصفات صحيحة ومطابقة للأصل.

أجد صعوبة حقيقةً في رسم الطائرات، السيارات والقطارات القديمة، ذات التفاصيل الكثيرة.
عندما أرسم مثل هالأمور، لازم يكون عندي صور ومرجع فني لها.


أما السيايير اللي من خيالي، بالمواصفات الخرافية والعبط، فهاي حدث ولا حرج أخوي. ^^


اذا جربت ممكن تحط لنا رسمة سيارة؟

إن شاء الله بشوف إذا قدرت، أخي Dark Watch.

وكل عام وانت ابخير وعافية

الله يعافيك أخوي!!

[Rewayah]

Dark Misho0o

أول شي ،، كم سنه لك مراقب ،، وشو رايك فيها ^^"

أربع أعوام. ^^

والصراحة أشوفهم مروا بسرعة بشكل غير معقول...

البارحة أنا وتوتو وأورانج رود وشاهين كنا مراقبين هنا.. نمرح مع الأعضاء.. نتسابق وياهم.. نرد على الجالاريات.. ندخل في التحديات..

ألحين الوقت طاف بسرعة..
كأنه ثواني.. أربع أعوام.. الصراحة ما أصدق بأنهم عدوا بهالصورة...


ثاني شي ،، شلون كانت بدايتك في إحتراف الرسم ،، وكم سنه لك تمارس هذي الهوايه ^^ ؟

... ... ... ... .. . @@

شو سالفتكم أنتوا مع هالسؤال؟! @@

كل حد بالس يعيده!!
ههههههههههه

ما عندكم أسئلة ثانية؟!
لووووووول

عموماً، بتناول السؤال بصيغة ثانية لو تسمح لي. ^^


بدايتي في إحتراف الرسم كانت عن طريق متابعتي للرسوم المتحركة ورسمها.

كنت أقوم بتسجيل حلقات الرسوم المتحركة العادية اللي تنعرض في التلفزيون, وأشغلها على الفيديو، فإذا مرت لقطة عجبتني، ضربت ‘Pouse‘، وجلست أرسم الصورة.

كذلك في عايلتنا يوجد وايد رسامين ما شاء الله، كانوا يشجعوني ويحمسوني.


كم سنة لي أمارس هالواية.. همممممم

والله مادري, من كنت سبع لين يومك هذا وأنا أرسم الحمد لله.

هو في فترات قطعت، بس كنت دايماً أرد، لأنه الرسم كان عشقي الكبير.


==================

ههههههه
الله يعينك على الاسئله .. صارت واجد ..

ماراح احط اسئله الحين ... زحمه سير

لا عادي خذ راحتك ذاديث!

بالنسبة لي عادي.

خذ راحتك وإسأل اللي تبغيه. ههههههههههه






هذا وعذراً على الإطالة إخوتي.


حياكم.

[سانوسوكى]

salam
thanks ms rose for this great topic
and how are you brother rewaya
thanks for your replays
i think that other members ask nearly all Qs

i really want to see any of your stories

thanks again

[88_Shadow]

لوكنت برسم شيء يمثل شخصيتي، راح أرسم تنين أزرق شرس (يمثل الكبت اللي فيني)، به حراشف كثيرة ومتعددة (شخصيتي)..
مقيد بالسلاسل العملاقة من الرقبة في قصر إحدى الملكات (إرتباطاتي)، وتطعمني كل بزوغ إطلالة فجرٍ تفاح أحمر (رغبتي)..

ما شاء الله على الخيال الواسع تدري انا لو ابي ارسم شي خيالي قبل ما انام اكون اريد ارسم و اذا ما حصلت فكرة ارسم اي شي لين ما تي الفكرة بروحها و اذا ما يات اسير احط راسي على المخدة واسكر اليت لازم يكون ظلام وافكر و بالعافيه تطلع لي فكرة بس مب دايما اريد ارسم شي غريب نادرا ^^
عندي سؤال !
انا تمنيت اني ادرس الرسم وجي بتوسع بس ما سمحت لي الفرصه هل يمكنني ان اكون على مستوى عالي ..::مصدقه نفسها :: بدون ما ادرس ولا ؟

[Tokimeki]

مرحبا +^_^+

عندي سؤال واحد ...شنو تمثل لك شخصية " ساداكو "