كم " المفترض " ندي العمال بقشيش ؟

[7_Dark Soul]

اعطيه اذا سوا شي يستاهل..... او اعطيه اذا بطلب منه شي يسويه...و على حسب الشي مو كل طلب اعطيه عليه...جذا بتخرب اليزانية

بس ما اعطيه مبلغ كبير... في حدود الخمسة ريال

[Yamato]

في العادة ما اسويلهم سالفة ابدا.. تشوف الحبيب ينقل شنطتي من مكان لمكان.. بس انا امشيه.. وشكلهم تعودوا الحين على تعاملي معاهم..

بس اكثر الناس اللي اعطيهم بقشيش هم عمال تنظيف السيارات.. واكثر شي 10 دراهم...

وعلى ايام الجامعة كنت اعطي الهندي المسؤول عن تنظيف الفيلا عشر او خمس دراهم.. اولا لانهم مساكين وثانيا لما تعطيه اول مرة بتشوفه نفس الجني يقولك شبيك لبيك يا بيك

احيانا اعطي شخص بقشيش ما يستاهله.. لكن اعطيه من مبدا اني اكسبه هو (راجع سبب نمبر تو)


سؤال.. هل هو بقشيش ولا بخشيش

[Winter_wolf]

سؤال.. هل هو بقشيش ولا بخشيش

بقشيش 4 Evaaaaah.

تمام الموضوع المفترض يؤخذ كإحصائيه, متوسط البقشيش في الخليج طلع 5 ريال مااتوقعتها D=

على كذه انا كريم زيادة عن اللزوم, بكره راح اوري كل المبقشش اليهم العين الحمرا ):<

لكن برضه راح اعطيهم 10 مرة واحده ربي يباركلي بالريال والصدقة ماتنقص من مال.

تسلمو لكل اللي ردو بالموضوع ^_^

[Angel whisper]

التاكسي: اعطيه الباقي
الجرسونات: على حسب خدمتهم .. اذا من ورا خاطرهم:زيرو
اذا اوكي كانو بيحصلون عالاقل 10
اللي ينظفون الطاولات في المولات >< ما اعرف شو يسمونهم بس مساكين يكرفون كراف .. اعطيهم بعد فوق العشر .. حرام يستاهلون ..

[عبودي]

ليس من عادتي ان اعطي


بقشيش هههه
لا تكسي ولا غيرة
بس احيانا لو كان مزاجي اوكيك
تشوفني كا ما اشتري شي اقول
خل البقاي لك
بس ما احب مصطلح بقشيش

[hussien-11]

ونتر .. أنا بحاجة حد يعطيني بقشيش

[Yamato]

التاكسي: اعطيه الباقي

ما يستاهلون ابدا.. :mad22:

ويا انجل.. تراج مبذرة في البقشيش...

[دبرجمان الزمان]

تالله ان التبذير داء.. ومن حسن الحظ ان له دواء, سعره زهيد, نفعه مجيد, رسالة بالخاص تأتيك بالخلاص.





ps :

-لا نقبل البطاقات الدولية.

[Angel whisper]

ما يستاهلون ابدا.. :mad22:

ويا انجل.. تراج مبذرة في البقشيش...

مب مبذرة ._.
يعني هاذيلا التكاسي اللي عندنا تابعين لشركة .. ويستلمون مبلغ معين كل شهر هو جزء من كل اللي يحصلونه .. اظن بس 30% ..
فاتخيل لو الواحد منهم يطلع بس الف في الشهر معناته ما يطلع حق عمره راتب غير 300 بس ..
ومن ناحيه ثانيه هم ناس نظاف ومحترمين .. وتعاملهم وايد زين .. وايد يكسرون بخاطري ..
والعمال اللي عندنا في الكليه .. اول ناس يوصلون الكليه واخر ناس يطلعون منها ..
من دام اني قادره اعطي .. فما ببخل على حد .. الدنيا ما فيها خير بعد والواحد ما يضمن كم بيعيش وكم بتدومله النعمه

[Rory]

ما أعطي بالعاده .. إلا مال الجمعية إلي يوصل الأغراض للسياره .. و مال المطاعم أعطيهم الباجي ..
ومرات في المحلات يسوون حركات ماعندهم خرده أو لحظه بنخرد أو اشتري شي زياده أو غير .. فـ أقول خلاص الباجي حلال عليكم ..

[Lena]

You're Evil i can tell you that
D=

لكن مااعتقد انه البنات المفترض يعطو بقشيش, والعامل اللي يطلب بقشيش من بنت المفترض يتحاكم بجرائم حرب.

على كذه احنا الغلابة المتورطين اللي لازم يوزعو بقشيش يوميا )":

اهيء..ظلم...

oh!!

proud5: being a girl has many advantages

hehe this is good ,my money is mine

[Anima]

طيب الحين وانتو طالعين في الفجر ولا في عز الظهر ولقيت واحد عامل بلدية يشتغل بكل امانة وجد

تعطونه شي ولا لا؟

انا هذول بس الي اعطيهم لانهم يستاهلون مره

[NsaN]

سمعو ا يا اعزائي..هالقصة الجمييييلة..الي كلها حكم و عبر..

في سنة من السنوات...رحت مع الاهل العمرة..في احد الدول الخليجية <<< قول والله
بالمطار..بغينا حد يساعدنا بالاغراض...

شفنا هندي و اشرناله..و حليله من الفرحة قام يدز اللي على يمينه و يساره..
الصراحة عمري ما شفت حد يحاور بالعربانة شراته..
Such Talent..خلتنا مرتاحين و قعدنا نترياه..

و فجأة..و صدمة..اول ما بغت قدمه تطأ البلاطة اللي احنا واقفين عليها..لف عليه هندي ثاني و قاله: طييييييييييييييط..
و قام من عمره يحط الاغراض عالعربانة..عاد احنا سياح..و ما ندري بعادات هالبلد..فقلنا هب مشكلة..

كجائزة ترضية..قلنا بنعطي الهندي رقم واحد "بقشيش" ..تقديراً لتفانية بعمله..
هو صدق ما سواا شي..بس قلنا حليله عن خاطره هو اللي تعنى و يانا لهني..

عطاه الوالد 5 ريال..و قاله مشكور...شو تتوقعون الهندي سوا؟؟

قاله و بكل حقارة: شو خمسة ريال؟؟ و شوي يصكنا كف..

كان ودي لحظتها والله اشل الخمس و اطرها يدامه خساس فيه..بس الوالد الله يهداه قال لا..اتركوه..و دعوا الزمن يعلمه ما لم يعلمه له الدهرووووو...

هني كلنا أذعنا لحكمة الوالد..و قررنا المضي بصمت..

Anhooo...مسألة البقشيش تختلف من مكان لمكان..و من شخص لشخص..
يعني بقشي المطعم..غير عن التكاسي و غير عن الجمعيات و غير و غير و غير..

انا اعطي اللي اقدر عليه..للي اقدر اعطيه..

و سلامتكووون

[الموهوب]

في ناس .. مايستاهلون ويسوون حركات نص كم عشان ياخذون الباقي ,,

فمثلاً ..

اذا طلبت طلب ووصل .. باقي مثلاً 4 ريال ..يجي يقولي مافيه ><


اقوله طيب شوي ’ مايمديني احرك رجلي الا وقال خلاص خلاص في ’ لا ومعصب هو ووجهه ...

====


لكن مثل حقين البلدية والله يستاهلون

[Electro M]

احسن ما في السعودية ان البخشيش عندنا موب منتشر و اتمنى انه ما ينتشر

رحت لسوريا كرهت ابو البخشيش
و رحت للبنان و تمنيت لو ابخشش اي واحد يمر علي منهم

ياخي سوريا كل واحد يسوي لك شي مهما كان ما يستاهل يبيك تبخششه؟!
حتى الجمارك حقتهم اذا ما حطيت في جوازك بخشيش لما تعطيهم اياه يرصونك ساعة
لا و احلى شي لما يجلس يلمح لك و يقعد يغمز بعيونه
و الله يا فقعت ضحك في وجه واحد منهم مرة
عطيته الجواز و جلس يطالع و يدور في وسط الجواز و انا مسوي نفسي ما ادري وش القصة ثم يجلس يغمز و يبرطم و انا اشكل
بالاخير قال لي : شو هاد ما بدك تلحلنا حالك شوي يا زلمة!

الا مكان واحد و هو اللي نجلس فيه يوميا بصراحة محترمين و لا يطلبون منك اي بخشيش و فوق هذا يعزونك و يكرمونك بدون اي طلب

اما لبنان فتحس انك بالسعودية في معظم اماكنها بسبب عدم طلبهم للبخشيش و ما تندم ابدا لما تدفع لهم لانه ما يحسسك انه جالس يشحد منك او جالس يغصبك على البخشيش
و احلا ما فيهم جماركهم بعد
خصوصا اذا مسكت صف - سرا- عشان يجي دورك تختم جوازك عادي تصف قدامك و وراك بنات
و مرة وحدة لزقت صدرها في ظهري
عاد انا وجهي صار كذا حرفيا من الاحراج
يا زين من فتح عندهم محل خباز زي اللي عندنا
و بدا ما تمسك سرا مع شنبات تمسكه مع ناس تفتح النفس

اما مصر
فموب لازم يسوي لك شي عشان يطلب منك فلوس
لو تسلم عليه و يرد عليك السلام يحاسبك على الرد بعد