مافي جهاز ينافس الاكس بوكس

[LINK0072]

أنا ما أتوقع أنه ينجح لأن مايكرسوفت ما لها خبرهبأجهزة الألعاب

[جيم سنتر]

يا شباب انتو كذا على عماها تقولون بيخسر الاكس بوكس هذا تعصب مرفوض عطونى دليل انا بقولكم العابه وعطوني وحده منها فاشله

ميتل جير اكس
سايلنت هيل2 اكس
بروجيكت جوثم
شينمو ((محتكره))
داينو كرسس3 ((محتكره))
كوبي بالهبل راح ينزل عليه والسيديات تنتظر على احر من الجمر نزوله
سيجا جي تي 2002
وسيجا انا اعتبرها تمتلكها مايكروسفت لانها العابها الجديده والقديمه بتنزل عليها
والعاب صدقوني ماني ذاكرها لكنها بتكسر الدنيا
فأي فشل تتحدثون عنه
خله ينزل الجهلز وانا ابصم باالعشره ان الجميع راح ينبهر وينهبل بالرسوم والالعاب كفايه شوفو العروض
اخيرا الكيوب راح ........
ولا ل نحكم الان على الاقل مع انها هذا الامر محسوم بين الكيوب والاكس بوكس

[The Lone WOLF]

كوبي بالهبل راح ينزل عليه والسيديات تنتظر على احر من الجمر نزوله

هل هذا سبب نجاح جهاز ؟؟
على العموم العاب XBOX كلها DVD فقط و حتى الان نسخ الDVD ناقص , يعني راح تضطر تشتري اصلي ...

اخيرا الكيوب راح ........
ولا ل نحكم الان على الاقل مع انها هذا الامر محسوم بين الكيوب والاكس بوكس

ما ادري على اي اساس تبون استنتاجاتكم , GameCube لاتزال الحجوزات عليه تحطم الأرقام في سرعتها محلات EB نفذت كمياتها في زمن قياسي و يعد الأسرع في تاريخ المحلات , Amazon انتهت حجوزاتها في رقم قياسي ايضا ما يقارب 4 دقائق .

لا واحسن شيء انك تتهم الشباب انهم يتكلمون على عماها ههه...

انا مااقول ان XBOX سيفشل بل على العكس اتوقع انه ينجح لكن ليس كنجاح GameCube ...

و شكرا...
TLW~

[جيم سنتر]

عزيزي The Lone WOLF..
عن DVD كوبي امره محسوم بس باقيله اسابيع قليله جدا
ويكون الكوبي كامل



وعن الحجوزات هذا صار بكل جهاز نزل
وراح تشوف الدعايات الي راح تخلى الكيوب قزم امام عملاق
انت منت عايش بالدنيا روح شوف المواقع
قسم كبره كبر الموقع نفسه يهتم بس بالاكس بوكس
وعن العابه الي بتصدر والاهتمامات عليه كبيره جدا
يعني انتظره ينزل وشوف الناس كيف راح تنسي الكيوب مره وحده
يمكن في ناس تحب زيلدا وبوكيمون ودونكي((ههههه)) راح يشترون الكيوب ما الومهم يبون يتذكرون الايام الطفوله الحلوه
تعال بعد الكيوب يشغل DVD لا والف لا
وهذا مطلوب بكل جهاز عشان يوكب تطور الدنيا
عزيزي The Lone WOLF اتمنى انك تحكم عقلك بالمسأله هذي وخل عنك المقارنه بالمبيعات لان انياب الاكس بوكس ما جت لحد الان هذه الناحيه
قارن بالاداء بالالعاب بالقوه يعني من اي ناحيه الكيوب احسن
قلي فهمني ابفهم ليه فيكم هذا العناد هل خوف من الهزيمه
بعد ما اكلتوها من البلاي ستيشن2 رجاء رد علي ولا تنسحب

[torpedo]

الكيوب يشغل الـdvd بواسطة جهاز ( جيم كيوب بانسونيك)

[جيم سنتر]

الجهاز زي ما سمعنا مخصص لليابان وما راح ينتشر اكثر من حدودها

[The Lone WOLF]

الكيوب مصمم فقط للألعاب , و ما ادري متى صارت خاصية مطلوبة في اجهزة ((العاب كمبيوتر)) و غير كذا هالخاصية موجودة في جهاز باناسونيك , و بنفس سعر PS2 و XBOX .

اما عن الحجوزات من قالك انه صار في كل جهاز ؟؟
طيب تقدر تقولي في كم انتهت كمية XBOX من عند Amazon ؟؟ و قارنها بالكيوب و تعرف من اللي ينتظره الناس أكثر..
و تقدر تقولي ليش الكيوب اصبح اسرع غرض تمتلي الحجوزات عليه في محلات EB واحدة من اشهر محلات امريكا ؟؟ تعتقد لأن الناس ما ينتظرونه . هههه

بعدين Zelda اللي ميب عاجبتك أخذت جوائز ما فيه لعبة في العالم حققتها , حتى انها وصفت بأفضل لعبة في العالم . و البوكيمون مافيه اي واحد ينافس شعبيته حتى و ان كان موجه لجمهور صغير نسبيا ...
و لكن نفس الناس هذي تستنى Eternal Darkness و Resident Evil و Metroid و غيرها و غيرها الكثير من الألعاب اللي لها شعبية كبيرة جدا في العالم و على الأخص Metroid . لكن طبعا المشكلة اننا هنا نفهم في ناس الواحد تعب و هو يفهم فيهم كتبت اكثر من مرة و اكثر من موضوع لكن ما عندك احد , متعصبين همكم ان الجهاز يشغل كوبي ..
بعدين اذا كان على المواقع ليش ما تقراها انت و تشوف ليش معظم المحللين يتوقعون ان الكيوب يحقق نجاح اكثر من XBOX , آخرهم شركة THQ صرح محللينها بالكلام هذا ...
بعدين ليش ما تشوف وش العاب الكيوب الموجودة ؟؟ و لا ما عندكم الا جهاز اطفال , مع ان فيه موضوع انا بنفسي كاتبه عن النقطة هذي لكن ما عندك احد...
بعدين وش اكلنا من PS2 و الكيوب ما بعد نزل؟؟ ... والله ياهو انت عايش في الدنيا
و شكرا....


TLW~

[bad_wario]

في ونص الكيوب وش عيوبه
من احسن الكمبيوترات

ــــــــــــــــــــــــــ

وترى لين الحين ما نزل الاكس بوكس يعني لا تحكم قبل ما ينزل
وش دراك أنه ما يكون بلاي ستيشن احسن منه

ــــــــــــــــــــــــــــ

[wario2002]

الجيم كيوب والسوني 2 منافسين الأكس بوكس لاغير وشكرا...
تحياتي



":" صديقكمwario2002 ":"