السعر المبدئي للاكس بوكس 360 في دولة الامارات العربيه المتحدة

[Emirates]

اهلين شبااااب

وكما توقعت

السعر 2000 سوف يكون من نصيب الاكس بوكس 360 العادي

يضاف 800 درهم تقريبا للاكس بوكس 360 بكامل تجهيزاته

وشكرا

[algernas]

بارك الله فيك اخي الكريم أتمنى انه السعر مايزيد عن 2000 درهم
بس ممكن تخبرني عن المحلات الي تتعامل معها بالعين - لانه الصراحه مو كل المحلات واحد - فيه محلات ما تبيع افلام البلاي ستاشن ولااكس بوكس اصلي يعني كله منسوخ
وشكرا

[عاشق X360]

ههههههههههههههههه أخوي هذا نصب واضح هناك رفع كبير لسعر الجهاز المفروض يكون 1200

لكن شنسوي وإنشاء الله يرخص وبشتريه عام 2007 إنشاء الله

[Emirates]

المحل اللي اتعامل معاه

كابول للالعاب في السوق المركزي

اما النصب فما اقولك انه ما فيه ولكن احسب الشحن والضرائب كله يوصل 500 درهم تقريبا

يعني فوق سعرك زيد وبيطلع 1700 درهم ولكن نسبة الربح في الامارات وخاصه لجهاز الاكس بوكس 360 لا يتعدى ال من 300 درهم الى 600 درهم

وشكرااا

[نجم الالعاب]

اهم شئ انه يكون فيه كوبي

[algernas]

اسف اخوي Cervantes بس هل محل كابول هذا يبيع نسخ اصليه او منسوخه فقط - وايضا اذا تخبرني بالضبط وين السوق المركزي لاني ما اعرف كل المناطق بالعين ؟؟ يعني هل هو قرب محلات الرياضه من وين محلات السندباد أو فيه مكان غير وشكرااا جزيلا لك اخي العزيز وفي انتظار ردك وكل عام وانت بخير وصحه وسلامه

[Emirates]

ايوااا انت شفت وين السندباد

الشارع اللي وراا بتلقى السوق الرمكزي

وشي دوار فيه شجره صغير سير سيده لين ما توصل عند محلات السنافر بتكون على ايدك اليسار لف الدوار وارجع وادخل الباركينج

وشكرا

[THE_MATRIX]

اقول متأكد ان الـ XBOX 360 النسخة الكاملة بـ 2800 درهم لحظة نزولها في مركز كابول ولا مجرد تخمينات ؟

[THE_MATRIX]

يعني اكثر ولا اقل من 2800

[Emirates]

بتكون 2800 لا اكثر ولا اقل

[ahlam imate]

انشاء الله اتكون ارخص في البحرين

[ahlam imate]

مشكور على الموضوع

[BL@CK_SH@DOW]

السلام عليكم

انا سئلت محل بكم الاكس بوكس 360 اللي معاه الهاردرايف يقولي ب2500 بدون ولا شريط هل تنصحوني اشتريه اول ماينزل ولا انتظر

[Emirates]

ياااااااليت ينزل ب 2500 انا اول من بيشتريه الصراحه

كسعر مبدئي رائع واذا انت صبور فبينزل سعره بسرعه

وشكرا