اخواني ارجوكم جاوبوني

[Luis Nazario]

هل من الممكن فك الملفات الموجودة داخل الأميج؟ مثلآ بواسطة IsoBuster؟
وكيف نصنع من الملفات أميج للبلايستيشن 2 و شغال .ممكن؟
هناك أي طريقة لفحص الأميج المعمول قبل الحرق للتأكد من أنه ما في أي مشكلة؟

مرحبا اخوي ..
صدقني انا حاس فيك بس ما باليد حيله ..النسخه اللي شغال عليها قديمه كثير وانا متاكد ان المشاكل هاي
ماراح تواجهها ان شاء الله في الجزء الجديد ..علشان تفحص الامج لازم يكون عندك امج بصيغه Bin
استخدم نفس البرنامج و اختار من القائمة Tools وعقب اختار Any format to Bin
اختار امج ال ISO وعقب حدد مكان انشاء الامج بصيغه Bin
بعد ما تخلص استخدم هالبرنامج Eccregen 1.41 وصله البرنامج علشان يشيكلك على
الاخطاء وعقب احرق الامج باختيار الملف cue ببرنامج Nero وشوف وان شاء الله
تضبط العملية

مع التحية .....

[basak]

أخي الكريم Luis Nazario

ألله يعطيك العافية

البرنامج الي وصيتني عليه(ECCRegen)موجود يمي

بس أخي المشكلة في الأميج أذا أستخدم (bin)البرنامج( Game Graphic Studio )ما يقراه وأذا أستخدم( ECCRegen) (iso) مايقراه.

وأذا أستخدم التغير(converting) نفس الشيء. مثلآ الأميج الي سويته قبل .غيرته من (iso)الى(bin)وفحصته ب(ECCRegen)وطلع أنة {(Mod 1(pc} مع العلم أنه لازم يكون ( Mod 2) !

ياخي العزيز العبقري أذا الحل مو يمك آني متأكد ماحد يعرفه.

مارأيك بالباتش ؟ هل يحل المشكلة؟

يعني أسوي باتش؟

أذا ممكن قول لي و شلون أسويه.

كل أملي أنت ياخي رجاء لاتحبطني

أمنيتي توصلني لحل مع هاي المشكلة !!!!!

[Luis Nazario]

السلام عليكم ....
اخي الكريم ..انا لما قلتلك علشان تحول الامج من iso الى bin مش علشان تعدل عليه ببرنامج
GGS فقط لتكشف الاخطاء الموجوده في الامج ان وجدت

ابسالك سؤال:
هل سبق لك ان جربت لعبه ناسخنها بروحك؟؟؟ يعني هل سبق لك ان عملت نسخه من شريط
وشتغل معاك بدون ما تعدل عليه اي شي (مجرد نسخه)؟؟؟

اذا الجواب كان لا
اعمل نسخه من الشريط اللي عندك باستخدام برنامج Magic ISO بصيغه bin و عقب بدون
ما تعدل اي شي انسخه على سيدي فاظي و شوف هل بيشتغل الشريط معاك ولا لا؟؟؟؟

اذا كان الجواب نعم
اتمنى تقولي بالضبط شو اللي عدلت عليه في الامج لان اي غلطه في التعديل ممكن تخلي الشريط
ما يشتغل ....

مع التحية ......

[basak]

أخي الكريم Luis Nazario


ألله يعطيك العافية

أخي سويت أميج ( bin) بواسطة (magic iso)و بدون أي تغيرات فيها حاولت أحرق الأميج في نفس البرنامج لكن طلع لي هاي الحالة : 1

مع العلم أنك أنطيتني الكراك وطبقته وما كان أي مشكلة وحرقت(iso) بنفس هاي البرنامج!

حتى أذا ما قبل الكراك أو سويت غلطة في تطبيق الخطوات كان لازم في البداية بتقول أدخل السيريال

حتى داخل البرنامج أختفى لائحة(registery) يعني البرنامج كامل مثل هني: 2



لكن ماأدري شنو المشكلة

[Luis Nazario]

مرحبا اخوي...
احرق الامج ببرنامج نيرو ما يحتاي تحرقه بهالبرنامج ..تختار ملف cue وعقب تحرقه على
سرعة بين 2 الى 8 x

مع التحية .....

[basak]

أخي العبقري السلام عليكم
أتمنى لك التوفيق والتواجد الدائم معانا أنشاءالله
أخيLuis Nazario حرقت السي دي مع نيرو وما فيه أي مشكلة و شغال 100%
مع التحية

[Luis Nazario]

أخيLuis Nazario حرقت السي دي مع نيرو وما فيه أي مشكلة و شغال 100%

وعليكم السلام اخوي ....
شي جميل ان الشريط اشتغل معاك علشان نستبعد ان في مشاكل في النسخ او السيديات
طبعا لحين الامج الموجود عندك في الكمبيوتر بصيغه bin تمام
حوله الى صيغه ISO باستخدام برنامج MagicISO
والحين عدل على الامج .... بعد ما تنتهي حول امج ISO الى Bin وعقب استخدم برنامج
ECCREGN علشان تعدل الاخطاء ان وجدت وبعد ما تنتهي احرق الامج ببرنامج نيرو
اظن هالمره مشيت معاك بالحرف واذا ماشتغل السيدي بعد كل هالشرح فالمشكله من التعديلات اللي تقوم فيها

مع التحية .....

[basak]

حياك الله أخي العزيز
أشكرك هوايد على أجاباتك السريعة
أخي بدون أي تغييرات في الأميج.
بواسطةMagicISOغيرته من bin ألى ISO ومرة ثانية غيرته من ISO الىbin وفحصته بECCRegen يطلع أنه( Mod 1(pc لكن قبل التحويلات فحصته (أي الأميجbin الشغال) يطلع(Mod 2(psx/pc.
سويت هالخطوات بواسطة كل البرنامج الي عندي (UltraISO -WinISO ) لكن في كل الأحوال نفس الشي. وفي هذه الحالة يعني في التحويلات يغيير من نوعية الأميج و بعد الحرق ما يشتغل .
مع التحية

[Luis Nazario]

الله يحييك اخوي ...

فعلا كلامك صحيح بخصوص البرنامج ...
شوف الحين امج ISO حوله ببرنامج CDmage الى ملف Bin وطريقه التحويل
بتحصلها في هالرابــــــــــــــــــــــــــط ابدء من رقم "1" وكمل باقي الخطوات
وعقب شغل برنامج Eccregen وراح يعطيك هالمره mode2 باذن الله

مع التحية .....

[basak]

أخي العبقري الموهوب والله ماقصرت
أخي العزيز سويت الخطوات الي قلتلي وصار كل شي مضبوط
وبعد ذالك سويت تغير واحد في الأميج(iso) وهي لائحه اللودين(loading)وهي(التعليق العربي) بداله كتبت أسمي (بواسطة Game Graphic Studioفكيت الصورة وخزنته بصيغة bmp وبواسطة الفوتوشوب 7 مي غيرت الأسم ودخلته) وبعدين غيرت الأميج الىbin وفحصته بECCRegenوما كان أي مشكلة .
وحرقت السي دي الحين السي دي مافيه أي مشكلة يشتغل زين بس ما يطلع شي في اللودين يعني مو بس الأسم الي غيرته حتى الأطار ما يطلع مع العلم اللعب واللوائح الأخرى ما فيه أي مشكلة
أنا متأكد أنه القياسات مالي للصورة مو مضبوطة !ونت أدرى
مع تحيياتي للأخ الفاضلLuis Nazario

[Luis Nazario]

السلام عليكم ورحمه الله ....
اخيرا كل شي اشتغل تمام عندك

ما يطلع شي في اللودين يعني مو بس الأسم الي غيرته حتى الأطار ما يطلع مع العلم اللعب واللوائح الأخرى ما فيه أي مشكلة
أنا متأكد أنه القياسات مالي للصورة مو مضبوطة !ونت أدرى

المشكله ليست في المقاسات وانما صيغه الصوره ....باستخدام برنامج الفوتوشوب
بعد ما تنتهي من تعديل الصوره حولها الى indxed colored من خلال الذهاب الى :
Mode >>> ثم indexed colored >>> ثم تخزين الملف بصغه PNG

بخصوص خلفيه اللودنغ:
في منطقه لازم تكون شفافة غير مرئية شوف الملحقات ...وعلشان تخليها شفافه استخدم :
1- الاداه الموجوده في البرنامج اللي شكلها نفس القلم
2- تختار الاداه و تحدد المنطقه المراد جعلها شفافه
3-بعد ما تحددها بتحصل عداد اسمه opacity اذا كان 100 خله صفر
4- الحين اسحب الصوره

ملاحظه: جرب تفتح الصوره اللي سويتها بصيغه bmp و شوف مؤشر الشفافيه Opacity
وعقب افتح الصوره بصيغه PNG وشوف المؤشر بتشوف الفرق

مع التحية ....

[basak]

أخي العظيم سلام الله عليك

صديقي العبقريLuis Nazario ما أدري شلون أردلك ها الجميل والله ما أنسالك الي السويته معي

مشكور جدا أخي الفاظل كل شي صار تمام

أخي العزيز بالنسبة للأصوات والأغاني و الفيديو ماأدريشلون أبدي أكون ممنون أذا فسرت لي الطريقة.

أخي العزيز ردت أطلعك على معلومة صارت معي :

فكيت الفايلات الموجودة داخل اللعبةبواسطة IsoBuster وخليته داخل مجلد جديد وبواسطة أحد من الوبات طلعت على شرح وأستفدت منه طلعت الفايل FILEDATA وسويت التغيرات بواسطة Game Graphic Studioوبعدين بواسطة CDmage فتحتbin الأميج وداخل الأميج ب(import file...)حطيت FILEDATA ألي سويت التغيرات فيها وصارت معاي ومافي أي مشكلة.

أخي العزيز هل بأمكاني أن أستفاد من هاي الشغلة لتغيير الأصوات والأغاني و........؟

هل هاي المسائل يطبق على النسخ الدي في دي والأصدارات الجديدة واللألعاب الأخرى غير winnin eleven؟

[basak]

أخي العزيز Luis Nazario
أخي ما أدري ليش ما جاوبتني أخوي الكل بحاجة الك دخيل الله لا تعوفنه!
أنا بأنتضار ردودك

[Luis Nazario]

السلام عليكم ...
بالنسبه لاسئلتك حول تغير الاغاني و عرض المقدمه اتوقع يصير تستخدم البرامج اليديده
بس مو متاكد من هالشي انت جرب وشوف .... بتحصل شروحات متنوعه في المنتدى
راح تستفيد منها باذن الله خاصه بتغير عرض المقدمه و تغير الاغاني ..

ملاحظه: اي تعديل له علاقه بالاغاني او الملفات الصوتيه خلني بعيد عنه

مع التحية .....

[basak]

أخي السلام عليكم ورحمة الله
اخي ما أدري شنو قصدك بالبرنامج اليديدة؟
وما أدري ليش بتقول بالنسبة لتغيير اللأصواط والأغاني خليني بعيد عنه؟ هل هو بهالتعقيد؟أذا أنت ماتقدر عليه أنا شاسوي؟
وعندي أستفسار أذا ممكن تجاوبني عليه.بالنسبة لائحة مستويات الاعبين داخل التشكيلة شلون أخليه شفاف؟ هسة أني غيرت بعض منه لاكن يطلع الخلفية سوداء مو شفاف داخل العبة:n
أذا ممكن تفسر لي الحل(مع العلم قبل التخزين بصيغة bmp خليتmod منrgb الى indexed )
مع التحية