الترفيهي وما ادراك مالترفيهي

[خيـ KhyaL ـال]

لا حظت شي بالموضوع


الاعضاء الجدد خربو الترفيهي

الاعضاء الجدد مواضيعهم سخيفه

الاعضاء الجدد يبون الالعاب عشان يزودون مشاراكاات

الاعضاء الجدد بس يكتبون قصص

الاعضاء الجدد بس ينقولون مواضيع

الاعضاء الجدد مواضيعهم تافه

الاعضاء الجدد مواضيعهم مالها معنى





الاعضاء الجدد الاعضاء الجدد الاعضاء الجدد


كله الاعضاء الجدد ><" ؟؟!!!!


انتو قلتوها بنفسكم الاعضاء الجدد


يعني توهم جديدين !!




و الحين فترة اختبارت

ما يقدرون الاعضاء يشاركون !!!!


يعني يمكن بعد الاختبارات يصير زي اول و احسن

يكفي تحطيم

[R O C K Y]

السلام عليكم ^^

كان الناس اول شي قبل لاتدخل اقسامهم تزور الترفيهي عشان يرفهوا عن نفسهم

الحين اخر شي افكر ازوره الترفيهي

السبب ،، بدون سؤال


كثرة مواضيع القصص اكثر من اول

ولله حاله ......اول كنتوا تقولوا القسم هذا محتاج نشاط والحين تقولوا واحد من الاسباب الي تخلي الترفيهي ملل XD

يعني في ناس تكتب ردود طويله اطول من اللازم يعلقوا على كل شي على كل حرف وهذي اشوف شي مالها لزمه يا تعلق على شي عجبك يا مو لازم تعلق ،، جاي تعلق على الحلو والبطال ،، هذي مالها لزمه

وانتا ايش دراك انهم ماعجبهم !!!!!

اخوي ازززززززززززم

المواضيع التافهه والسخيفه منتشره بشكل فظيع!

بالنسبه لك يمكن
كل واحد يرد على هذي المواضيع الي تقول عنها سخيفه معجبتهم

واما عن الالعاب الترفيهي فـ بكل صراحة اطفال ,, مع احترامي الشديد لهم

وش المتعه اني اقول 1 - 2 -3 ؟!...اقعد فيه ماقلنا شي
بس مو كل عمرك تقعد فيه,,الواحد يغير!!

كلن يرى الناس بعين طبعه ^^

فيه ناس اعرفهم اكبر مني ومنك يدخلون الالعاب وانتا تقول عنهم اطفال

وعموما الالعاب هذي ...فيه ناس تستمتع بيها

وبعدين من دون ذكر اسماء الاعضاء الجدد + الاعضاء من الاقسام الاخرى

مخربين القسم بقوه

كيف هذا يااخوي...يعني ماتبي احد يجي للترفيهي

(الترفيهي عمره ماراح يرجع زي ماكان الإ بعودة الأعضاء القديمين)

لا يالطيب

ليش االاغضاء القداماء...

ليش ماقلت باجتهاد الاعضاء الحاليين يرتقي الترفيهي

وعلى فكره انا متوقع لك المميز بهدا القسم ^__-



وانا شايف ناس كثار ...ينطبق عليهم ( وراهم وراهم عليهم عليهم ) ! ^^




ومشكووووور على الموضوع

[Angel Never Cry]

السلام عليكم
هلا مشاري<<<شيابيك هني مو عندك امتحان-__-"

اقول
ترا في واااااااااايد اعضاء ما تشوف منهم شيء الا بالعطل يعني تشوف بالعطله الصيفيه يحلى المنتدى 100 مره اكثر من الايام الدراسي

وفي مثل ما ادري وين سمعته ولا اعرفه اصلاً بس اتذكر معناه<<<<حاب يفلسف بس مو عارف

معناته ان لا تشوف حالنا قبل ونقول متى يسير مثل قبل

لازم احنا نخليه احسن من قبل بس نحتاج وقت طويييييييل او رجوع بعض الاعضاء القدم لو لفتره بسيطة يحمسون فيها الاعضاء الجدد او الي نص جدد<<<قصدي عن نفسي انا نص يديد^^

وانا اصلاصً ما ادري وين قاط ويهي هني احس انا في مكان غلط><"

اقول انا اتمنى انه يتسن الترفيهي

ورجاء لا تكثرون من النظر الى ورا وتتحسفون على حال المنتدى الحين

وبااااااااايووووووووو

[Sonic]

هع والله زمان على الترفيهي ^^

زمان كان ذادايركتور بنفسة يشارك في الترفيهي مدير المنتدى^^

أما الأن-__-"

بس برضه مو لازم نيأس لازم في حل

زمان كان الكل يشارك أما الآن بعضهم يدخل يقرأ يخرج بدون سلام ولا كلام كذا تحبط الكاتب تخليه مايحط شيء جديد مايفكر يحسب فكرته هبله وأن الأعضاء كرهوها صح ولا لا؟

طيب أيام أكس لارج كان في قناة الترفيهي ليه ما يكون في قناة ثانية؟أزم موجود ما كان يساعد لارج هي سهله ماتحتاج كلم واحد وأتعم معاه وبس مشاري ليه ماتجدد القناه أنت وأزم؟

أنا أيام الترفيهي كتبت موضوع محد عبرني وربي هاه مافي أحد هاه مافي أمل-__-"مافي ومن يومها ما كتبت

وقريب حطيت قصة طول بعرض وقليل ألي ردوا ما في حماس مافي تشجيع مافي تحييز أيش الفايده تتونس مرة ولا مرات؟ أكتب مشكور أخوي تابع عادي ما بينقص منك شيء

كمان مافي عصابات مافي مقالب مافي تحديات مافي مسابقات مافي أي شيء يحمس والله تحس بالملل ذا مو ترفيه صار كأبه

ياخي لو كنت عضور جديد أدخل قوانين منتدى الترفيهه بس مافي احد أنا بنفسي ما دخلتXD بس الحمدلله ما سويت أي موضوع خاطئ

تصدقوا عضو مميز جا من احد الأقسام ماقرأ القوانين وسوى موضوع خاطئ رغم تميزه لكنه أخطأ ليه ما قراء القوانين

والله المنتدى في أزمة.. طيب الأعضاء القدامى مو زينا بشر ليه ما نفتح مواهبنا الكوميدية شويه ونوسعها في أشياء.. لاتخاف ولاتستحي لو كنت منت متأكد الله يخلي الرسائل الخاصة أرسل لأحد المراقبين وأذا سمح لك حط وماعليك.هذا ألي عندي إن شاء الله اكون أفدتكم ومشاري إن شاء الله في ذا الموضوع بنلاقي الحل^^

والسلام عليكم

[Sander]

صحيح انه ماكان كامل بس كان يرفه عن النفس كان يشيل الهم

كان ولازال و سيبقى بعد .

هع والله زمان على الترفيهي ^^
زمان كان ذادايركتور بنفسة يشارك في الترفيهي مدير المنتدى^^

ههههه أكيد! كان هو مشرف الترفيهي
عالعموم الترفيهي أحسن من غيره بكثير
الي يبغى يشارك يعرف كيف يشارك , مجرد وجودك و طرحك لمشاركتك بيساعد في تحريك القسم
كلكم جزء من الترفيهي
اما نجلس نتكلم و نبكي عالأطلال خخخ هذي مابتغير شي
كلام بلا حركة مايودي و لا يجيب

وبعدين زمان أنا كنت عضو بالترفيهي و ماكان زي ما تتخيلوه
صح في فترة من الفترات كان حلو و يجذبك للمشاركة
بس الجديد يبقى جديد لحد ما يضم نفسه بنفسه للشله
و بعدين القداماء عندهم ولاء خخخ بالحلوة و المرة موجودين
مو من أول ضربه يهربون << وده يسوي مشكلة

القسم يرحب بالجميع و المجال مفتوح لتثبت وجودك , ودك تشارك أهلا و سهلا مشاركتك لك مو لغيرك
و الي موعاجبه القسم بما فيه ماحد بيجبره ع المشاركة , فيه أقسام ثانية .. تسلى فيها .

[Dark Leon]

لا حظت شي بالموضوع



الاعضاء الجدد خربو الترفيهي

الاعضاء الجدد مواضيعهم سخيفه

الاعضاء الجدد يبون الالعاب عشان يزودون مشاراكاات

الاعضاء الجدد بس يكتبون قصص

الاعضاء الجدد بس ينقولون مواضيع

الاعضاء الجدد مواضيعهم تافه

الاعضاء الجدد مواضيعهم مالها معنى





الاعضاء الجدد الاعضاء الجدد الاعضاء الجدد


كله الاعضاء الجدد ><" ؟؟!!!!


انتو قلتوها بنفسكم الاعضاء الجدد


يعني توهم جديدين !!




و الحين فترة اختبارت

ما يقدرون الاعضاء يشاركون !!!!


يعني يمكن بعد الاختبارات يصير زي اول و احسن

يكفي تحطيم

انا مع الاخت خيال ... كلامها صح

يعني انا اجي كل يوم اشوف مواضيع جديد

ادخل القاها مقفله ( المنقول ممنوع)

واغلبهم يكونوا اعضاء جدد

يمكن ماشافوا قوانين المنتدى الترفيهي

ونادرا جدا ما القى مواضيع مبتكره

الا من اعضاء ما اقول قدماء

بس فيه اعضاء جدد مالهم شهرين

والله يكتبو مواضيع احسن من بعض القدماء

ما ابغى اطول عليكم ..

.( الي يبغى يشارك ابواب الترفيهي مفتوحه .... والي جاي ينقل مواضيع دورلك منتدى ثاني )



اخوكم .. مافيا16 سابقا

[o0ism0o]

بالنسبه لك يمكن
كل واحد يرد على هذي المواضيع الي تقول عنها سخيفه معجبتهم

ههههه في نوعين من الناس بالمنتدى كله مو القسم
1-اصحاب المشاركات
2-ما له داعي اقول
ثالثا,,الي يكتب موضوع ويحرج الناس
عشان يردون عليه

كلن يرى الناس بعين طبعه ^^
فيه ناس اعرفهم اكبر مني ومنك يدخلون الالعاب وانتا تقول عنهم اطفال

وعموما الالعاب هذي ...فيه ناس تستمتع بيها

صدقت,
عموما
انا ماقصدت كل الي فيه,,انا اقصد الي معتكفين فيه
الي كل همهم الاعاب,, اقرا كلامي ثاني وراح تفهم

كيف هذا يااخوي...يعني ماتبي احد يجي للترفيهي

فيه فرق يوم اقول ممنوع الدخول وفيه فرق يوم اقول ممنوع التخريب !

</FONT></FONT></FONT>

[BuTtErFlY lOvE]

السلام عليكم..
"الهدوء قبل العاصفه"
خذ لك نفس عميق وبدون عصبيه>>تبي محط من اولها خخ

اولا اخوي ميشو..
الردود كل واحد برده مو..
يعني الردود الطويله انت تقول مالها داعي..
والردود القصيره مالها داعي..
تيب وشو الوسط..امكن انت نظرتك تختلف عن نظرت هذا الشخص..
يعني هو يحس إن لها داعي في نظره وانت لا..
يعني وجهات النظر تختلف ..
هزا بالنسبه للردوود...
ثانيا..
تقول ايام زمان وماايام زمان..
تيب ليه ماتشيلون كلمه كان..
وتحطون بدالها بيصير..
يعني كله كان كان كان..طبعا الاول تحول..
لكن انتم بتعاونكم كله بيرجع مثل اول وافضل..
يعني الحين انت تقول هذا اخر موزوع لك بالترفيهي؟؟
وش معناها انسحبت..هذا وانت المراقب علي الترفيهي..
اجل معني كلمتك هذي التحطيم بعينه..
يعني الكل بيقول وانا اولهم..
دام مراقب القسم ترك الموازيع والكتابه فيها ليش نتعب نفسنا؟؟
بصراحه مشاري..
يعني لو بدال موضوعك هذا كتبت لك موضوع تتكلم فيه عن ايام زمان والحين..
وش لازم نصلح ونتبع لاجل نرجع مثل اول..
وذبيت فوسطها كم حشه وكم نكته غلي الطاير..
وتكلمت فيه عن هذا وهاذاك..
افضل من تحطيمك وتغزلك في الماضي..
يعني كلامك هذا ماراح يودي ولا ينقص بالعكس راح نرجع نكرر نفس الدوامات الي ماتنتهي ابد..
صح كلامك عيين الصواب كله وماكذبت بكلمه..
لكن هناك اساليب تشجيعيه ^^.. مو..
o0ism0o
ردك قووي ماشاء الله عليك..
وكلامك كله صح..
لكن عندي ملاحظة بسيطه علي بعض كلامك..
انت تقول يجون اعضاء من خارج الترفيهي وكثيير قريت هزا الكلام منهم..
اوكي الترفيهي موب ملك لاشخاص وفئة محددين..
ولا هو للكل..
يعني إن كان بيجي من برا.."مثلي"وكان يحاول يغير..ويعدل ماعليه لكن..يمهزله ومشاكل
"مع إني اتوقع بصير من هالنوع" موب حياه الله..
الموهيم انت تقول نترك للجدد تيب انتم الحين تضعفوا من عزيمتهم بهذا الموزوع..
بتترك الترفيهي انت كمان..
وربي بدون تعليق علي الرحيل..
لكن لكل شخص وجهة نظر..

وما راح يصير كذا الا بفضل الله ثم بجهودكم وجهود الاعضاء اللي باذن الله راح يكونوا يد واحده
هذا كلام بحور الشوق..
تكونون يد وحده مو الكل ينسحب,,وينتظر المنتدى يتعدل,,
من بيعدل فيه الجدد..
انا مااذم الجدد وانا منهم..
لكن الجدد ماعندهم خبره مثلكم يعني محتاجينكم قدوه لنا بالعربيه الفصحي,,
لا تحطون الالعاب مشاركاته تزيد..
راح ينجذب الكل للالعاب ويتركون الباقي..
ماايد هذي الفكره الحين هيرو..
...
ايي انا اشوف في الردود كثير متحمسين ويقولون إحنا في الخدمه,,
تيب ليه ماتحاولون تتحدون او شي وتنزلون كم موزوع او تردون علي الاعضاء إلي حركاتهم نص كم
مثل ماتقولون لو إنكم موب مراقبين..
مثل ماسوو رعبه وفراوله مع العيون البيض ^^ هذا دليل..

ميشو هزا كلامك..
صدقني اذا انت تعتمد على هذا القرار وتعتمد على هذا الشي ،، الترفيهي ماراح يتحسن
نحن اللي نحسنه بيدنا
اوكي انت اجل تعرف إنه راح يتعدل ليه تيب تبي تترك كتابة الموازيع,,
تصدق لو تنزلون مسابقات وتخلون مجموعه او الاعضاء إلي يبون يساعدون يردون علي الموازيع
النص كم برد محترم
صدقني راح تقل هذي المواضيع ويستحي الشخص علي وجهه لكن موب من اول مره لا ثالث رابع
امكن عاشر
لكن إن حبيت الشي مو تتركه؟

سفاح انت تيب من الاعضاء الي يحركون القسم مع سوات وكريس وريتشي وساندر وفراوله ورعبه..
وكثيير لكن الاهمال والتحطيم مثل كذا يقلل العزيمه,,
والاحظ انا في المنتدي المسابقات ماتجي إلا مع المناسبات؟
ليه المسابقات الترفيهيه قليله بدون مناسبات؟ ماادري ليش..
الاعضاء الجدد ياخيال سبب كل شي مثل ماتفظلتي
ليش؟
لان بكل بساطه مالهم قدوه في المنتدي..
الكل راح وتركه..
والقديرين من الجدد مكتفين يدينهم ليه ماادري..

كمان مافي عصابات مافي مقالب مافي تحديات مافي مسابقات مافي أي شيء يحمس والله
تحس بالملل ذا مو ترفيه صار كأبه
هزا كلام سونك..اخووي هزا كله يقدر يرجعونه المراقبين مع مساعدات من الاعضاء القديرين حتى
وإن كانو جدد..

ساندر
و بعدين القداماء عندهم ولاء خخخ بالحلوة و المرة موجودين
مو من أول ضربه يهربون << وده يسوي مشكلة
انا كلامي من كلام ساندر وبعدين انت ماتسوي مشكله بالعكس انت تقوول الحق,,وانا معك..
اوزمو
فيه فرق يوم اقول ممنوع الدخول وفيه فرق يوم اقول ممنوع التخريب
بهذي صدقت وهذا إلي كنت اقصده..

اخر شي اقوله في ردي الحين..
اولا اتمني تطالعوا الموضوع مو من وجهة عتاب أو اني ابي مشاكل لاوربي لا كل إلي ابيه إننا نحرك
القسم..
وثاني شي..
ادري اني بكوون في البلاك لست لبعض اللاعضاء لكن الله يسهل بس..ويستر..
ثالثا ميشو سوووري و اسفه
وGomensai
إن كنت تعديت حدودي موب كنت إلا تعديتها وانا اعترف.
لكن اتمنى العذر والسموحه من الكل وخاصة مشاري..
لكن هذا الكلام من دخلت للمنتدى وسجلت فيه وانا اتمني اقووله...
وقلته الحين..
والدليل إني مابي اخرب إني قريت كل الموزوع بردوده..
وإلا اكتفيت بكلمتين ورد غطاها او مارديت ارحم..
وإلي وده يناقش او يتكلم علي المكشوف مااحب اللف والدوران..
واخر شي العذر والسموحه علي الاطاله والفلسفه الزايده^^..
سلااامز..
واتمنى الكل يتحرك مو الكل يبكي علي الاطلال والكل يقول إحنا بالخدمه..ويدينكم علي خدكم؟
نبي افعال ملينا من الكلام..
باي..

[سفاح جدة الدموي]

ياشباب

منتو ملاحظين أن في أعضاء عاجبتهم عبارة (نبكي على الأطلال) اللي قلتها ^_^



.......

[Sander]

منتو ملاحظين أن في أعضاء عاجبتهم عبارة (نبكي على الأطلال) اللي قلتها ^_^

خخخ
متى قلتها ؟ ما سمعتك

أنا بشوف انو النقاش ذا بيطول عالفاضي ,
فيه ناس ماتبغى تتعب نفسها و يادوب نشوف لهم مشاركة أو ثنتين و جايين يتشكون من وضع الترفيهي..

أنا بشوف الوضع أوكيه و فيه أعضاء تشارك بس فترة الإختبارات مسببه خمول
و فترة العيد كان فيها غياب أعضاء و غيره ,,

ماني شايف السوء الي تتكلمون عنه .. القسم وضعه مقبول .

[Fly_Batman]

بس حبيت أضيف مقولة...

(من عاش علي ماضيه‏,‏ أضاع حاضره ومستقبله)‏

فدعونا..نترك تعلقنا بالماضي ونعمل في حاضرنا..ولأجل مستقبلنا..^^..يعني مستقبل المنتدى..><

[Misho0o]

باتر فلاي

انا سئمت كل شوي اكتب موضوع اقول اكيد بيستفيدوا من الموضوع وبيسون يامثلي او احسن مني

طلع مافي فايده

ومين قال اني راح اترككم ؟

انا راح اوقف عن كتابه المواضيع وبس

الين ما اقتنع بالترفيهي اللي يرفه عن النفس مو اللي يجيب الهم

ساندر ،،

ممكن لأنك اخذ اجازة ماتشوف الوضع

[Misho0o]

المهم هنا خلص الجدل والكلام الفاضي ابغى اشوف التطبيق

بالعربي مواضيع زينه

وعلى فكرة باتر فلاي في ردود مالها داعي تعلق على فاضي والمليان

هي يا انك تعلق على شي حلو او لا تعلق لأنها تجيب ثقل الدم

وروكي مواضيع القصص كثرت الناس بس تكتب قصص قصص قصص مافي تغيير

واذا ايش دارك ماني عاجبهم في 3 او 4 اظن كلموني بخصوص هذا الموضوع ويقولون كمان موب هم في غيرهم يقولون انه ردودهم تجيب الهم

يعني في ناس ردودها طيبه وترفع المعنويات في ناس تعلق على شي ماله داعي

مثلا

الحين بقول شي ^^

يلا قول ^^
___________

انا ودي اسوي شي ^^

وش ودك ؟

___________

بالله ايش الهباله ذي ؟


احسها مبزرة ومالها داعي اقرأ الموضوع كله وبعدين خذ اللي يعجبك وعلق عليه

المهم

Closed

[Sander]

ساندر ،،
ممكن لأنك اخذ اجازة ماتشوف الوضع

مشاري

أنا لي سنين بالمنتدى.. أعرف وضع الترفيهي و كيف يصير وقت الدراسة و وقت الإختبارات...
وضع الترفيهي مو سيء ابدا ً .. هذا ركود عطلة العيد و الإختبارات..

و بعدين كونك مراقب عالترفيهية صعبة تحبط الأعضاء برد زي كذه..
المفروض تحسسهم أنو الوضع ممكن يتحسن للأفضل و هو أن شاءالله بيتغير
أصلا ً بدأ يتغير...
مادري بس هذي مو أول مره أغيب عن المنتدى .. أعرف وضع القسم أنا براقب و بتابع لأكثر من سنة ,
فيني أقدر اذا سيء أو جيد ..

مشكور على جهودك في القسم و الله يعينك أخوي ,
لا تترك كتابة المواضيع و حتى اذا ناوي تتركها لا تعلن هالشي ^^