Mandriva Linux و الويندوز

[rubso]

لا انا اقصد تحول اللابتوب الى FTP Server او HTTP Server ومن ثم تضع فيه جميع ملفات الـ Mandriva Linux، ثم تبوت من الكمبيوتر العادي وتختار اي نظام تثبيت بديل وعادة تقدر تشوفها من الـ HELP في برنامج البوت للـ Mandriva او الدسك الاول.. "للعلم ضغط Enter راح يدخلك على التثبيت الرسومي على طول، Next وهالخرابيط"..
هذي الفكرة اللي انا اقول لك عنها، وهذه الخطوة موجودة في الدسك الاول للمندريفا .. وتقدر تجيب صورة .img لمندريفا وتحطها على فلوبي وتبوت وتسحب ملفات التثبيت من الـ FTP Server اللي انت سويته ..
صراحة بيني وبينك انا ما جربت الطريقة هذي، وهي صعبة وطويلة، ولو بسويها راح اسحب ملفات التثبيت من الانترنت على طول "بمعنى FTP Server مجهز من الانترنت مو شبكة منزلية" ..


وبالنسبة لـ Ubuntu 6.06 هذا نظام تشغيل مبني على التوزيعة المشهورة والقديمة من عام 1993 Debian، ونظام التثبيت ماله متطور كثيراً، LiveCD وايضاً Installer على طول، لكن ميزة الـ LiveCD تركبه وتشوفه هل يشتغل بجهازك بالشكل المطلوب، فقط تضغط Install ويركب لك النظام خلال 10 دقايق بالكثير، وبالنسبة لي، افضل بكثير من Mandriva Linux بسبب انه سيدي واحد فقط، وفيه جميع البرامج اللي يحتاجها اي مستخدم، وايضاً فيه نظام حزم روعة فيه ملاييييين البرامج فقط بضغطات بالفارة ولمن تحطه بالتأكيد راح تحترفه .. وانا الآن اكلمك منه ومثبت على جهازي.

[الاسود^الملغوم]

اولا مشاء الله عليك على المعلومات هذي الذهبيه

ثاني شي :: بدام انته تستخدمه و تمدحه يله الي اتشوفه بس ما عليك امر تعطيني ال داونلود ماله

ثالث شي :: لمن اسويله انستال من وين اشغله من داخل الويندوز ولا من البوت ؟؟

و اسف اذا تعبتك معاي

[rubso]

اخوي الاسود الملغوم..
خذ هذا الرابط من سيرفر قريب شوي للكويت
http://www.initworld.com/ubuntu/6.06...sktop-i386.iso
ايضاً اذا كان بطيء التنزيل جرب هذا الرابط ..
http://mirror.cs.umn.edu/ubuntu-rele...sktop-i386.iso
وبالنسبة للنقطة الثالثة: لمن تسوي له تثبيت ( Install ) .. راح يثبت معاها Boot Loader نفس الصورة اللي وضحتها لك فوق .. تختار منه الوندوز او اللنكس على كيفك.

[الاسود^الملغوم]

اولا :: مشكووور

ثانيا :: قولي مبروك ركبت الماندريفا على الكمبيوتر العادي (( بسهوله )) بس قعت ساعه كامله على شان اسوي (( سواب و ما ادري شنو اسمها و الموانت هذا كان اصعب شي

ثالثا :: يعطيك العافيه على اللنكات

رابع شي ::: اشلون اسوي ابديت حق الليونكس الي عندي

و يصير اغير من ماندريفا الي اي توزيعه ثانيه ؟؟

[rubso]

مبروك على تركيبك ماندريفا .. واهم شي انه التثبيت عطاك صورة عامة عن اللنكس وطريقة تثبيته .. وهذا مثال سهل فقط.
طريقة ابديت توزيعتك Mandriva Linux سهله نوعاً ما وشرحها في اسفل الصفحة هذي
http://club.mandriva.com/xwiki/bin/KB/InstallIupdate
ايضاً بالنسبة لتوزيعتك Limited Edition 2005 سينتهي دعمها بالتحديثات في بداية شهر يوليو او "شهر 7" للعام الحالي .. وهذا خطر نوعاً ما وللأسف لو اني عشت مع الماندرك او المندريفا فترة طويلة كنت اقدر افيدك بطريقة تحديثها وتركيب 2006 عليها .. لكن اقرأ الصفحة وان شاء الله راح توصل الطريقة
وبالنسبة للتغير من ماندريفا الى توزيعة ثانية هو تثبيت التوزيعة الجديدة عن طريق Format القسم من القرص الصلب اللي مركب عليه Mandriva Linux ومن ثم اتمام عملية تثبيت التوزيعة الجديدة ..

[الاسود^الملغوم]

مشكووووور اخوي على ردك


و يعطيك العافيه

بس في شي مو فاهمه

عن تركيب ليونكس مختلف عن الي عندي قصدك

احط السيدي (( البوت )) و اسوي نفس الخطوات الي سويتها بالماندريفا (( بس اسوي فورمات على الهاردسك الي سويت عليه الماندريفا )) بعدين اركب عليه الاصدار الجديد صح ؟؟

[rubso]

حط سيدي البوت مال اوبونتو، بعدين راح يدخلك داخل نظام Ubuntu نفسه، بتلقى على سطح المكتب install اضغط عليه، وكمل بالخطوات لمن توصل لخطوة تقسيم الهاردديسك وهذي الامور، وتسوي فورمات على الهاردديسك اللي عليه ماندريفا، بعدين كمل الخطوات وهو يركب كل شي وبعدين يطلب منك ازالة السيدي وتسوي رستارت وانتهت عملية التثبيت راح تنتقل بعدها لعملية الاعدادات وهذي اسهل من السهالة الفايدة منها انك تشغل ملفات الـ MP3 و الـ RealPlayer والافلام والـ DVD وهذي الامور وايضاً تعديل الخطوط..

[الاسود^الملغوم]

يعطييييك العافيه

الحين كل شي تمام

بس بغيت ما عليك امر

مواقع :: برامج حق الليونكس

و العاب ::

و مشكووووووووور

[rubso]

برامج حق اللنكس، اغلبها تتوفر Source وانت تسوي Compile ، لكن اللي اعرفه انه Mandriva linux فيه Package Manger تختار منه برامج وتنزلها جاهزة .. ومدعومة للمندرك، اظن اسم هذا المدير SMART Package Manager
هذه الصفحة توصف لك الحل وطريقة تثبيت هذا البرنامج ومن خلاله تقدر تختار كمية ضخمة من البرامج الجاهزة لتوزيعتك فقط من خلال الـ Search او من خلال المسارات Games او Graphics إلى آخره .. تفضل
http://www.pclinuxonline.com/modules...=6818&forum=18

[الاسود^الملغوم]

يعطيك اميه و الف و خمس و خمسين و خمسه عافيه ----> ما ادري شنو قلت هههههههههه

بس يصير انزل الملفات هذي على هاردسك خارجي (( من الويندوز )) و بعدين انزلهم على الليونكس ؟؟

[rubso]

ليش تسوي جذي .. ما دام ركبت Mandriva .. اتبع الخطوات هذي كلها من الـ Mandriva نفسه ! لانه يحتاج انترنت على شان تسوي هالعملية !

[الاسود^الملغوم]

هههههههه

ادري بس انا استخدم وايرلس

و الكمبيوتر العادي مافيه وايرلس (( و كيبل النت ورك مو عندي حاليا ))

فا انا ملزوم ههههههههه (( 5 ))

[rubso]

امممم .. ولله امر صعب ، لانه مدير الحزم هذا SMART يتطلب اتصال انترنت على شان ينزل الحزمة اللي تبيها ويركبها لك .. يعني اربط جهازك بكيبل وفك عمرك !
اما اذا كنت بتسوي العملية يدوية انت بنفسك من الوندوز تنزل حزمة وتركبها راح تكون عملية صعبة وطويلة جداً ! فكر فيها !

[الاسود^الملغوم]

حطيت الهاردسك الخارجي

و لمن ضغطت عليه قالي : ما اقدر ادش على الريموفبل فولدر ؟؟؟؟

[rubso]

لو تجرب تدخل له كـ Root .. ( مستخدم جذري ) ممكن ينفع

وعلى فكرة ادخل موجه الاوامر وعطني نتيجة امر

dmesg

وحطه هنا كـ CODE عن طريق علامة # في المنتدى