مبروك للأبيض الاماراتي الصغير

[The King Of Dark]

لا والله ..

شو هالرمسه بعد ...؟


هذا العرب ما عندهم غير يواشون بعضهم ..




الله يستر بس بالكاس الخليج شو بيسووون

[/center]

معروفة حكاية التزوير بالجرايد

ولازم يشتكون ... لأنهم لو ما أشتكو وش الفايدة من البطولة

كان ماصرت مخصصة للناشئين كذا

فهمتي ليه اشتكو ؟؟

[راؤول الأسطورة]

مبروووك للمنتخب الاماراتي الفوز بالبطولة...
ومبروك لنا المركز الثالث ، على الأقل أفضل من لا شيء
وللعلم لاعبي المنتخب الاماراتي ليسو من زور أعمار اللعيبة...

^
^
^
^
^
^
^
المنتخبات الخليجية كلها زوروا بالأعمار وأولهم منتخبنا العماني
أحس ان البطولة فاشلة...
من المباريات اللي شفتها الأداء ركيك جدا والمستوى هابط والمباريات مملة لأقصى درجة...
اللاعب الواحد يعدي 5 أو 6 أو حتى كل الفريق على كيفه كأننا نلعب وننج اليفين
وفوق هذا كله مثل ما قلت أغلب الفرق مزورة لعيبتها ، قلت أغلب وليس كل عشان لا تصير حرب بالموضوع
يعني بالنهاية البطولة فاشلة بكل المقاييس برأيي المتواضع :أفكر:
شكرا لك أخي على الخبر

[Van Google]

مبروووك للمنتخب الاماراتي للناشئين البطولة الخليجية .....

وبالتوفيق في باقي المشاركات ...

[DeaD MaN]

مبروك للمنتخب

والله رفعوا راسنا

هاردلك للسعوديه

[Rivaldooo 11]

على حسب علمي ان البطولة انتهت بفارق الاهداف

بصراحة ما شفت بطولة عالمية انتهت بفارق اهداف


على العموم مبروك للابيض اولى البطولات

[الكلام الصح]

مبروك الفوز لكبار الإمارات الصغار

وهاردلك للأخضر الصغير

الناشئين السعوديين أحسنوا وهم يقارعون عمالقة عمان والإمارات

أكثر فريق إلتزم ودايما مايلتزم بالأعمار

هم الكويتيون

[الوصلاوي]

ألــف ألــف مبــروكـ لأبيــضنا الصغــير .. و عقـــبال بطـــولهـ الناشئــين القادمــهـ " والتــي ستكـــون في الإمــارات " ..
كســبنا فريـــق مميـــز بالفعــل ..
و استـــطاع الأبيــض الصغـــير الانتصـــار بكــل المبـــاريات عدا مباراهـ السعوديــهـ .. بســـبب الارهـــاق الذيــ خلقــهـ جدول البــطولهـ على لاعبـــينا ..!

وبنـــظرهـ سريعــهـ على البطـــولهـ .. المستوى جـــداً صغيـــف لفــرق : عمــان و البحريـــن و قـــطر .. و كأن لاعبــيهمـ يلعــبون الكرهـ لأول مــرهـ ..!

وعـــن الحديـــث في قضيـــهـ تزويـــر الأعمـــار ..
منتخبـــنا بريء مــما اشيــع .. فكــل اللاعــبين همـ في العمــر المحــدد " تحت 17 سنهـ " .. أكـــثر الاحتــجاج كــان على اللاعـــب " أحمــد خليل " .. بســبب بنيــتهـ الجسمـــانيهـ الجميــلهـ ..
وكمــعرفهـ قريبــهـ بالــلاعب أحمـــد خليــل .. فــهو من مواليــد 1990 .. أي إنــهـ تحــت الســن القانونـــي .. ولا عزاء لمـــن اراد شوشــرهـ صفوفــ منتخبــنا ..!

سؤالــ : لمــاذا هدتــ هــذي الإتهـــامات بعد أن عــرض " خليفهـ سليـــمان " أحمد خليل عــلى المــشككين بعبـــارهـ " نحن جاهزيـــن لجــعل من يريــد فحص اللاعب .. بالمــوافهـ " ؟

مبــروكـ للأبيــض .. و هـــارد لكـ لكل الفرق .. و عقـــبال الفريـــق الأول في أبـــوظبي ..
لكمــ مني أرق تحيهـ ..

الوصـــــــــــــــــــلاوي

[الــشــديــد]

مبررررروك للابيض الاماراتي وبتوفيق

[جونينيو]

يقولون ان منتخبنا الناشيء مزور بأعمار اللعيبة..

ايه مزور انت شفت طولهم + شكلهم
اتوقع مزوره والله اعلم

[DMC]

عدا مباراهـ السعوديــهـ ..

بالعكس فاز المنتخب لامارات الصغير على منتخب السعودي الشقيق
كانت النتيجة هيه لاكبر على السعودية اظن 5 او 6 مقابل لا شي

اولن خلني ابارك على المنتخب الامارات للصغار وتحقيقه بالفعل انجاز في تاريخ الكرة لاماراتية
يعتبر اول كاس يدخل الخزينة
حوالي 35 عام معناها اكبر عن عمري
بس كما كان معروف كان المنتخب العماني للناشئين حصل على البطولة اكثر عن مرة
لكن لم يحقق الشي الملموس في كأس الخليج للكبار
بهذا اظن مهمة المنتخب الصغير صعبة في المشوار القادم وتحقيق الي تتمناه الجماهير لاماراتية
بعد طول انتظار
وخصوصا الي سوف تقام في لامارات
البطولة الدولية ^_^
اتمناه له التوفيق وبعد عقبال فريق لابيض للكبار
النهاية

[DMC]

ايه مزور انت شفت طولهم + شكلهم
اتوقع مزوره والله اعلم

اخوي اتصل على لاتحاد الكورة في دولة لامارات العربية المتحدة
واسألهم اذا كان صغار لامارات اعمارهم مزورة او لا
لامارات لها اتحاد يرعاه شؤون لاعيبته
وبعد الغلط لو استوا يكون على الجنة المنظمة وهي السعودية
كان لازم تتحقق قبل اشراكهم ولا انا غلطان اخوي جونينيو
النهاية

[ابتسامــــــه]

ايه مزور انت شفت طولهم + شكلهم

اتوقع مزوره والله اعلم

متى كان الطول أو الشكل مقياس لــ العمر

[Rivaldooo 11]

يا جماعة لا تكثروا كلام باركو وامشوا

لا تشككوا في استحقاقهم للبطولة

[Nanto]

السلام عليكم ...

بالعكس فاز المنتخب لامارات الصغير على منتخب السعودي الشقيق
كانت النتيجة هيه لاكبر على السعودية اظن 5 او 6 مقابل لا شي

!!!!!!!!!!!!!!!!!!!!!!!!!!!!!!!!!!!!!!!!!!!!!!!!
متى استوى هالشي ؟؟؟؟؟؟؟؟؟؟؟
منتخبنا تعادل مع المنتخب السعودي و الفوز بالخمسة كان على منتخب البحرين الشقيق . بالنسبة لسالفة التزوير أعتقد ان خليفة سليمان أبدى استعداده لقبول اجراء الفحص الطبي للتأكد من أعمار اللاعبين. الله يهدي بعض الاخوة السعوديين، يعني لازم تاخذون هالبطولة ؟ خلونا نفرح شوي ما شاء الله عليكم عندكم بطولات و ألقاب كبيرة (عيني عليكم باردة) حتى بطولة كأس العالم للناشئين بسكوتلندا 1989 خذيتوها (والله أنا ما كنت أدري و بكل صراحة أنا أفتخر بهالشي ... فزتوا على سكتلندا بأرضها) و أبطال آسيا للكبار 3 مرات و كأس الخليج أكثر من مرة على ما أعتقد و صعدتوا كأس العالم 4 مرات، خلونا نستانس الحين و في النهاية ترانا اخوان و حبايب.

و بالتوفيق للكرة الاماراتية و السعودية في الاستحقاقات القادمة.

[_(DEVIL)_]

مبروك للأبيض الصغير وكل الأماراتيين . . .
ويا منتخبي الصغير اديتم اداء جيد وخيرها في غيرها يا الأخضر . . .