سعر...البلاي3...عند الصدور...

[rubso]

بعد التحقق صحيح بالسعودية يطلع 0.03 ريال ..
على العموم إذا ما كان على سعر العملة ربما يكون على قيمة المعيشة هناك والله أعلم..!

ولا قيمة العيشة ولا هم يحزنون، المسألة مسألة انه الـ PS3 سوني اعلنت انه Open Price .. كأنه مزاد .. مو نفس الـ PS2 اللي كان سعره رسمي باليابان، او الـ Xbox 360 ..
واللي زاد الطين بلة، الـ 100 ألف وحده فقط، الطلب مرتفع، والعرض منخفض = سعر مرتفع جداً..

[HORROR MASTER]

و اكيد اذا نزل عندنا بالسعودية راح يكون سعره
ما بين 6000و7000 ريال <<<<<< ما يبغالها كلام محلات عندنا نصب×نصب
واحسن شي تتتظر سنتين أو اكثر حتى يكون بسعر معقول
و شكرا

[Blue Ocean]

همممم مو كأنكم قمتم تصايحون والرجال يتكلم عن الاصدار الياباني من الجهاز واليابان مالها سوا 100000 فقط!!

انا اتمنى انه ينزل بأميركا اول يوم على السعر الرسمي 600 دولار واهمممم شئ المواقع تنزل امكانية الحجوزات عليه من بدري انا بصراحة من الناس اللي يبونه من اول يوم ومحدد له 1000 دولار ان جاءت حياه الله زاد عن الالف يومها بتصير الشغلة نصبة وساعتها انتظره كم شهر احسن

[H.R]

ما اتوقع رغم ان كمية محدودة وقت اصدار وليس عند نهاية سنة
عند نهاية سنة راح يكون عددها 2.1 مليون

[Tamaki_q8]

very expensive --;

i hope ps3 games not 50 kd each LOL

[Son_OF_Liberty]

راح انتظر سنه او سنه ونصف
مو عشان السعر بس برضوا عشان صدور الالعاب والموديلات الجديده من الجهاز

[Zero]

طيب ليش الكل على لسانه كلمة "سنة .. سنة ونصف" ؟ ، اللي يبغى ياخذ الجهاز فور
صدوره وهذا شي صعب ، يقدر يصبر له أربعة شهور أو أقل أو أكثر شوي ومو مثل المدة
اللي على لسان الكل "سنة .. سنة ونصف"

عموما أنا راح آخذ الجهاز لما أخلص من دراستي الثانوية وما راح آخذه قبل حتى لو تمكنت
وشكرا ..

[Emirates]

طيب ليش الكل على لسانه كلمة "سنة .. سنة ونصف" ؟ ، اللي يبغى ياخذ الجهاز فور
صدوره وهذا شي صعب ، يقدر يصبر له أربعة شهور أو أقل أو أكثر شوي ومو مثل المدة
اللي على لسان الكل "سنة .. سنة ونصف"

عموما أنا راح آخذ الجهاز لما أخلص من دراستي الثانوية وما راح آخذه قبل حتى لو تمكنت
وشكرا ..

لان مب الكل يقدر على سعره في الوقت الحالي

[Zero]

لان مب الكل يقدر على سعره في الوقت الحالي

اللي يبغى ياخذه فور صدوره يقدر يصبر أربعة .. ستة .. سبعة شهور بعد موعد صدوره
اللي أحب أرمي إليه أن اللي يبغى ياخذه في وقت إصداره مو شرط يصبر "سنة .. سنة ونصف"
بالعربي مللت من ترديد الجملة السابقة على ألسنة الأعضاء XD!

[veronica007`]

سعره راح ينقص

[Freaky Angel]

اخوي زيرو

لان في ناس مخططه مثلي

تشتري الويي اولا ...

وتشتري البلاي 3 بعد صيفية 2007 لان الالعاب المنتظره بتكون بذيك الايام

GTA6

RE5

MGS4

Army of Two

(( ادري ان في العاب رائعه بتصدر بس مو باهمية الالعاب هاذي ))

انصح انك تشتري الوي بهاذي الفتره

1- لرخص سعره << ان كانت ماعندك ميزانيه يعني ههه

2- تحربه لانه يعني صراحه يبين حلو مرة واجهاز التحكم بعد منه

3- الالعاب اللي بتكون عليه بتكون مو بطاله

وذي وجهة نظري

للعلم

اذا كانت الاسعار

ترى الميزانيه تكفي ولله الحمد لشراء اكثر من جهاز

بس المضمون هذا انا اللي اتكلم عنه

اشتروا الويي وماجاكم بوجهي

[sweet Mio]

واذا وصل الخليج ( هذا اذا وصل) اعتقد سعرة يكون من 800- 1000 دك؟

نعم ؟؟؟؟؟؟؟؟؟؟؟؟؟؟؟
800 او 1000
يا ربي شنو هذا


مالي امل اشتريها
انتظر يقل شوي لو يوصل 400 اوك انا اقدر اشتري اما 1000
يا مامي والله ما احلم فيها

[Electro M]

تعرف كبمارو ؟

[Zero]

تعرف كبمارو ؟

لووووووووووووووووووووووووووووووووول

انصح انك تشتري الوي بهاذي الفتره

لكن أنا قلت وراي دراسة ، وأول ما راح أخلص راح أتجه للـPS3 وأكثر ما يهمني FFXIII ..
وبعدها آخذ ما لذ وطاب من الأجهزة

[Emirates]

طيب ليش الكل على لسانه كلمة "سنة .. سنة ونصف" ؟ ، اللي يبغى ياخذ الجهاز فور
صدوره وهذا شي صعب ، يقدر يصبر له أربعة شهور أو أقل أو أكثر شوي ومو مثل المدة
اللي على لسان الكل "سنة .. سنة ونصف"

عموما أنا راح آخذ الجهاز لما أخلص من دراستي الثانوية وما راح آخذه قبل حتى لو تمكنت :أفكر:
وشكرا ..

الناس مب مثل شورك انت تقدر لكن في اعضاء ما يقدرون حتى بعد سنه

كل الاعضاء ومقدرتهم

يعني بالعربي كل عضو يدش يلقى هالسعر مخطط يشتريه ليمن يرخص ومحد يقدر يعلق على رايه

مو بس اعضاء المنتدى وايدين والسبب سعر البلاي اللي يتعدى ال 2200 درهم اماراتي >> سعره الاصلي في الخارج

يعني بسعر التجاره عندنا لين ما يكون متوفر الجهاز اكيد بيكون 2800 درهم ! طبعا بعد نصب الاصدار اللي يتعدى ال 5000 درهم

كل وله رايه يمكن الاكثريه مخططين ياخذون الجهاز عند صدور الالعاب المنتظره بقوه على الجهاز وهالالعاب ما بنشوفها الا بعدييين مثل اللي قال بيشتري الويي

وانا حاليا عندي الاكس 360 اقدر اصبر لين ما تنزل العاب البلاي 3 القويه امثال ديفل مي كراي 4 وميتل جير 4 وغالبا العاب مشتركة اقدر اشتريها على الاكس 360

ما فيه شي يخليني اشتري جهاز غالي حتى بعد 6 اشهر من صدوره اذا ما توفر لي ميتل وديفل 4