GameSpot: الـWii لن ستخدم الـDVD...

[Super Shadow]

يارب ما يكون في شي اسمة كوبي ..

اذا الاكس بوكس 360 حسب ما سمعت قدروا يسوون له كوبي

على الويي ما بيقدرون؟؟؟

أنا ما أقول جي لأني من أنصار الكوبي

بالعكس

ما أداني شي اسمه كوبي

[THE_MATRIX]

ما أداني شي اسمه كوبي

ليش في احد يحبة لول ..
ما وراه إلى تخريب الجهاز ..

المهم سالم الله يخليك غير الأبتسامات هذي ترفع الضغط

[Emirates]

اولا ما نبغي الويي فيه دي في دي ... للافلام

لان بكل بساطه متوفره وبكثره عندنا

لكن سالفة الكوبي .... اذا كان يستخدم نفس صيغة الاكس بوكس 360 فراح يظهر له كوبي لا محاله وبسرعه بعد

وان شاء الله بناخذ الالعاب اصليه على شان ما تروح علينا متعة الاون لاين

لو ناينتندو لها خبره في مجال الاون لاين بتسوي نفس حركة مايكروسوفت كل شوي ابديت وتمسك الاجهزه المشبوهه لووووول اما لو انها تركت المجال وما فيه اي حمايه فلعبة الكوبي بتكون حالها من حال اللعبه الاصليه وتلعب بها اون لاين

وشكرا اخوي على الموضوع

[LION GUN]

في توقعات كبيرة انه يطلع كوبي لانه نظام الحماية في الوي لن يختلف كثيرا عن الكيوب - كما سمعت-واليو سيدعم الdvd
و الdvd ذو الطبقتين يعني يشيل 9 جيجا تقريبا ولاكن لن يشغل الأفلام ليست هناك مشكلة فالهكر جاهزون دائما
ويحملون رسالة شريفة وهي لا لغلاء اسعار الألعاب ولولاهم لما انتشرت العاب الفديو
واسعدت الناس الا بين المقتدرين كل واحد حر يبي يشري اصلي خله يشري لاكن لايحرم الناس من اللعب
بحجت ان الكوبي غير قانوني وهل من المعقول ان تشري بـ 40-50 دولار امام الكم الهائل من الألعاب يعنى هناك اشياء اولى ان تضع اموالك فيها حتى لوكان الواحد فاني عمره وماعنده شغله غير العاب الفديو وكان مهوس بها كمان.. يكفي ان تاخذ لعبة او اثنين اصلية مثل وينج الفن او العاب القتال مثل تكن او سوبر سماش او بوكيمون لانها العاب لاتنتهي وكثيرة الأستخدام ولاتعتمد على مراحل معينة ولو كانت الشركات تحترمنا ولا تعبرنا على الأقل كان خلت اسعار الألعب بمتناول او جعلتها بالغة العربية او على الأقل جعل سوق عربي لألعاب الفديو ويكون هناك فرع لنينتيندو
الجميع وبلاش يطمعو ويحرمو اكثر الناس لاتحسبون اني بخيل او ما عندي الحمد لله عندي حساب ومليان لاكن هناك اولويات واشياء لازم الواحد يقدم فيها عقله على قلبه واما الفرق بين الكوبي والأصلي في الجودة والعب مافي اي فرق عندي البلايستيشن ولا مرة علق او ماشغل الشريط اما انه الأصلي افضل من الكوبي لانه له حس في العب وانك ما تشتري اشرطة كثير... فهاذا يعتمد على الشخص انا كل العابي لاتتعدى 20 لعبة على البلايستيشن وقيمة الوحة 8-10 ريال واحيانا لعبتين بــ15 طب ليش ما شريت العاب كثير ؟؟ لاني حاط نظام لنفسي ومنظبط به وهو اني ما اخذ لعبة الا وانا مقتنع مئة بالمئة بلعة وما اخذ غيرها الا لما انهيها اما اذاكنت تشري الأصلي حتى تتبع مثل هاذا النظام فالمانع ليس نفسك او عقلك انا المانع هو جيبك ريح جيبك وشد على نفسك وخلي لك مبدأ ....... ورجاء لايزعل مني اي احد مجرد وجهات نظر وقنا عات واي واحد عنده شي علي لايسكت وشكرا

[hussien-11]

أخ ليون جن المسألة مش مثل ما تتخيل

الألعاب أصلا موجهة للسوق الغربي و ما تصدر عندنا بشكل رسمي ، و هي تتناسب مع مستوى الدخل هناك ..

عملية تطوير الألعاب أصبحت مكلفة جدا و تحتاج ملايين علشان تغطي تكلفتها، سعر اللعبة مدروس تماما و مش ممكن يكون أقل من هيك و إلا بتكون الشركات في خطر ..

و القرصنة عملية غير قانونية أكيد .. و ترى مو كل الناس تقدر تشتري كل شي ، هذا حال الدنيا .

[Snake-87]

الاصلي = تلعب فيه لما اتمل

الكوبي = ما تعطيه ويه مثل الاصلي

اتفق معاك 100%
ولكن محفظتي لا تتفق معاك ^^"
لأنك تشتري لعبة يمكن تتحسف إنك شريتها لأنها (زياالة) أو ما تعجبك ولما تبي تبيعها يطيح فوق نص السعر
مثلا أنا شريت ناروتو على الPSP شريته بـ 19 كويتي
شغلته مرة وحدة بس و تحسفت إني شريته
رديت على صاحب المحل : قالي 5 @@ ؟؟؟؟؟؟؟
وخليته مدة عند محل ثاني لما باعه ب10
شوف هذي 9 دنانير قطيتها بزباااااااالة مو حرام ؟؟
وأنا محظوظ لأني قدرت أبيعه فما بالك بأنك ما تبيعه ؟
19 بزبالة ؟ حرام والله .

يعني دعم الشركة الناشرة والمطورة وايضاً تشجيعهم على اصدار المزيد من الاجزاء وبالتالي تحريك سوق الالعاب ^^

عندنا؟؟ ما أعتقد هالسالفة أبدا أبدا
لأنه المحلات عندنا يشترو اللعبة أصلية وبالجملة
وما همهم انباعت أم لا لأنها مبيوعة أكيد وحتى لو طاحت بجبدهم عادي
فهم ييبيون جميييع الألعاب أصلي
وإذا نفذت أو عليها طبب زيادة يشترون من برة ويبيعون عليها الضعف >< "
يعني بالسوق (الكويتي) أو الخليجي عموما ما نأثر عليهم أبدا ><"

لكن الصراحة ما انصح بالكوبي إلى اذا كان 100% شغال بدون اي سلبيات ..

مثل السوني 2 والجيم كيوب ملوتي ^^
أو حتى الPSP
XD

[Emirates]

شباب اتفق ويا اللي يايدون الكوبي من ناحية الاسعار الرخيصه

لكن اذا ناينتندو فعلت مثل مايكروسوفت وشطبت الجهاز وما تقدر تدخل اون لاين مره ثانيه

اعتقد اتجه للاصلي بتأني وبدون تسرع واخذ الالعاب اللي بتعيش معاي واقدر استفيد من خدمة الاون لاين في وقت واحد

لان اللعب بالاون لاين شي رائع

تلعب مع اعضاء المنتدى تقرب البعيد وبالعكس بتكونون متعارفين حتى اكثر من الماسنجر والمنتدى

واللي مجربين الاكس بوكس 360 وخدمة اللايف بيأيدوني

ولو انتشر الكوبي صدقوني فيه العاب ما بتلعبون بها مثلا اللعبه بعشرين درهم نزلت بعد بكره لعبه ثانيه باخذها وباجل هذي الاسبوع الجاي 4 العاب باخذهم كم استوت ؟؟؟؟


بتحس انك خذت العاب كثيره وبتحسبها بثمن دسك اصلي وبتلعب فعلي ويعيش معاك شهر كامل لين ما تنهي وسنه مع الاون لاين هذا اذا ما كان اكثر

المسأله مش بالكثره بقدر ما هي بالمتعه واستغلال الاصلي في الاون لاين

وهذا المطلب الاول والاخير من الاصلي (اللعب على الشبكه )

يعني تخيل تلعب سوبر سماش وماريو بارتي وغيره لوحدك والا مع اخوانك .... والا تلعب مع العالم

انا من انصار الاصلي وهاي شباب وجهة نظري وراي شخصي واختلاف وجهات النظر لا يفسد في الود قضيه

[Super Shadow]

المهم سالم الله يخليك غير الأبتسامات هذي ترفع الضغط

لوووول

أول شخص ينتقد ابتساماتي في المنتدى أنت بينما الباقيين مدحوها

المهم

عادي تحمل العذاب شوية

باجر بتتعود

[Super Shadow]

اتفق معاك 100%
ولكن محفظتي لا تتفق معاك ^^"
لأنك تشتري لعبة يمكن تتحسف إنك شريتها لأنها (زياالة) أو ما تعجبك ولما تبي تبيعها يطيح فوق نص السعر
مثلا أنا شريت ناروتو على الPSP شريته بـ 19 كويتي
شغلته مرة وحدة بس و تحسفت إني شريته
رديت على صاحب المحل : قالي 5 @@ ؟؟؟؟؟؟؟
وخليته مدة عند محل ثاني لما باعه ب10
شوف هذي 9 دنانير قطيتها بزباااااااالة مو حرام ؟؟
وأنا محظوظ لأني قدرت أبيعه فما بالك بأنك ما تبيعه ؟
19 بزبالة ؟ حرام والله .

نصيحة مني قبل ما تشتري لعبة اصلية

شوف آراء الأشخاص الي لعبوها قبلك و اسألهم عن انطباعاتهم للعبة

اذا كانت آرائهم مقنعة اشتريها

و شوف تقييمات اللعبة من المواقع بس لا تاخذ بتقييم من موقع واحد

بالنسبة لي أنا ما أشتري اللعبة الا بعد ما أشوف آراء المجربين و المبيعات الي حققتها

موقع جيم سبوت ما آخذ بتقييماتهم نهائيا

و السبب معروف

لكني أشوف تققيمات المواقع الأخرى و المجلات و أمشي عليهم

بس مش دايما

[Valkyrie]

انا طبعا من أنصار الأصلي لأنك اذا شريت اصلي فما بتتجمع ألعاب كثيرة عندك وكل لعبة تحس لها قيمتها مو مثل الكوبي ، ما يهمك لو يضيع او يخترب او يتكسر ، انت في النهاية تقدر تشتري غيره ، لكن الأصلي تحافظ عليه

والأصلي بالتالي يبقى عندك فترة اطول وبعد كم من سنة راح تشوف اللعبة ما زالت عندك في غلافها الأصلي وتتذكر الأيام الي كنت تلعبها فيها ، وفي النهاية تصبح الألعاب الأصلية عبارة عن collection يبقى معك طوال السنين

أما الكوبي فأنا ما أدانيه اطلاقا ، وان شاء الله في الجيل القادم ما اضطر أني أشتري كوبي لأن مو ناوي عليه ابدا ابدا

[Snake-87]

شوف آراء الأشخاص الي لعبوها قبلك و اسألهم عن انطباعاتهم للعبة

اذا كانت آرائهم مقنعة اشتريها

و شوف تقييمات اللعبة من المواقع بس لا تاخذ بتقييم من موقع واحد

هذا شيئ أكيد
ولكن أحيانا ذوق اللاعب نفسه يكون غير
فمثلا الشباب كلهم يمدحون هيلو مثلا أو فيفا وكل الدنيا تقول أنه 9.5 مثلا (يعني قوية جدا)
لما تيي وتلعبها في ناس ما يحبون هيلو أو طريقة هيلو وفي ناس شروا فيفا على كلام الناس وما عجبهم (أذوااق الناس)
مثلا أنا ماريو كارت كنت أنتظره على أحر من الجمر وقلت مالي شغل بالناااااس
والناس كلها تمدحه والمواقع ومبيعات
تصدق ما عجبني؟
وأفضل Crash team Racing على السوني 1 عليه ؟

يعني مو شرط التقديرات تقوم شي أساسي لا تنسى ذوق اللاعب نفسه .

أول شخص ينتقد ابتساماتي في المنتدى أنت بينما الباقيين مدحوها

المهم

عادي تحمل العذاب شوية

باجر بتتعود

أتشرف بأني أكون ثاني واحد انتقد أبتساماتك -_-"
وابتساماتك مؤلوفة ,,, هل هذي الشخصية (كابتن عمر) من الننتندو ؟؟؟؟
XD ?
في وايد غيرهم ياخي غييير XD
شفت شلون الناس كلها تحبها بس 2 طلعوا بالغلط وقالوا مو حلوة ^^"
نفس الحالة من الجيمز ^^

وشرايك بالخبر إلي بتوقيعي XD !!

[Digital Guy]

بالنسبه لتشغيل الافلام ما يحتاج ننتندو تفكر بالموضوع وتخلي هذه الامور للهكرز وهم راح يخلوا الجهاز بتاع كله على رأي أخوانا المصريين

وانشاءالله يتم كسر الشفره وكسر الحمايه بسرعه حتى تخف علينا المصاريف ويصير الجهاز وألعابه بمتناول الجميع (باستثناء الألعاب القويه لازم تكون أصليه)

بالمناسبه المبلغ الأجمالي اللي دفغت خلال الخمس السنوات الماضية لألعاب الكيوب وصل
6120 درهم ل34 لعبه


مع تحيات أخوكم بو مريم

شباب أنا أحس أني غيرت الموضوع لما جبت طاري الهكرز عموما لو واحد من اخواننا المراقبين يغير عنوان الموضوع بما الكل صار يناقش عن موضوع الكوبي


مع السلامه أخوكم بومريم

[Valkyrie]

صحيح يا شبيبة احس أن الموضوع انحرف عن مساره كثيرا لوووول

اوكي يا ليت الكل الآن يرجح إلى محور الموضوع الأصلي

[THE_MATRIX]

انا الصراحة اعتبر الـ Wii كونه انه يدعم DVD9 الصراحة إنجاز ^_^ ..
بما انه ما يدعم الـ HD بشكل كامل فقط يدعم الوايد سكرين
يعني ممكن ان نشوف في المستقبل العاب كبيرة و ضخمة و طويلة قد تصل إلى 70 إلى 100 ساعة لعب ^_^ ..

[D.D.S]

انا الصراحة اعتبر الـ Wii كونه انه يدعم DVD9 الصراحة إنجاز ^_^ ..

بما انه ما يدعم الـ HD بشكل كامل فقط يدعم الوايد سكرين

يعني ممكن ان نشوف في المستقبل العاب كبيرة و ضخمة و طويلة قد تصل إلى 70 إلى 100 ساعة لعب ^_^ ..

اوف اذا صارت 70 الى 100 راح اتكون وايد وايد

يعني اتوقع راح يكون في ملل اكثييير جدا في اللعبه

كافي الصراحه 40 او 30 ال 25 تلعبها زي ما اهيه

اما 100 او 70 راح توصل وايد بس بعدين لي 50 الى 60 راح اتمل وايد

وماكو فايده

25 ال35 = تلعبها بحماس واتخلصها عدل

70 الى 100 = راح تلعبها وتوصل وايد مثلا الى 60 و راح اتمل ولا اتطالعها مره ثانيه

طبعا هذا بالنسبه لي ولا انتم اشرايكم ؟