رحلتي إلى لبنان ( من تأليفي )

**:: HiDEY ::** · 29-09-2006, 05:05 AM

المشاركة الأصلية كتبت بواسطة LO BO

أختي hide n seek
صدق تحبين القصيم
القصيم بعض الكلمات تكون فيها ( نس ) بس هذا الضمير مؤنث
يعني ما تقولين وش لونس يا محمد
تقولين وش لونس يا hide n seek
تمام

طيب .. فاهمة انه للمونث .. بس حابة اتأك اذا لهجة قصيمية أو لأ يعطيك العافية عالتوضيح

**:: HiDEY ::** · 29-09-2006, 02:22 PM

×.O
شنوو ؟؟
ما لاحظت انك مزلت جزئيين !!
--- ترووووح تقرا الباجي---

أبو جزمه / طيب عطنا كيك طماط و عصير باذيجان و عسكريم لحم بسرعة

العامل /

إس قول ؟؟

اللهم اني صائمة !!

انتظر البقية
تحيااااااااتي

**:: HiDEY ::** · 29-09-2006, 02:24 PM

×.O
شنوو ؟؟
ما لاحظت انك نزلت جزئيين !!
--- ترووووح تقرا الباجي---

أبو جزمه / طيب عطنا كيك طماط و عصير باذيجان و عسكريم لحم بسرعة

العامل /

إس قول ؟؟

اللهم اني صائمة !!

انتظر البقية
تحيااااااااتي

**LO BO** · 30-09-2006, 10:55 PM

مشكورين على التفاعل الرآئع

إعذروني على تأخر هذا الجزء

و الآن مع المسلسل الرمضاني الشيق المتجدد الذي تتنظرونه بفارغ الصبر و الحماس المنقطع النظير

برنامج :-

{ رحتلي إلى لبنان }

بطولة :
أنا

أبو جمجمه

أبو جزمه

ملخص ما سبق لمن فاتته حلقات ماضية :-

قال لنا خوينا علي عن لبنان و أعجبنا الفكرة أنا و أبو جمجمه وقررنا أن نطلب المساعدة من أبو جزمه ( المطخطخ بيننا ) على مباشرة الرحلة رحنا لمه و عيا علينا ندخل البيت ورحنا للطرفية وفي طريق العودة وقفتنا نقطت التفتيش بتهت التفحيط لاكن ظهر أنه أبو جزمه ثم أخذ إلى التوقيف وتم خروجه بوسطة ( من أبوه طبعا ) و أخيرا تم خروج نبأ الموفقه على المباشرة علينا بالرحلة لا كن بقي موافقة ولي أمي أنا و أبو جمجمه ( صارت مدرسة

)

الموقف بيتنا :-

أنا / يارب يدق علي .....
أمي / وشبلاك يا وليدي تفكر تبي تتزوج ؟؟
أنا / يمه الله يهديك ماهب فاضي للسواليف الزواج

أمي / أجل وش فاضيله ؟؟
و في هذه الأثناء يقول جوالي ترررررررررررن ...... ترررررررررن !!!
أخذت أمي الجوال و علطول / ألو ( يا عيني على اللقافه )

أبو جزمه / هلااااااااا كيف الحال

أمي / بخير

أبو جزمه / وشلونكم عساكم بخير .. بخير .. الله يعينكم .. طيبين .. وش أخبار أمك .. طيبه ... الحمد لله أجل مع السلامه !!!

أمي / !!
أبو جزمه / بس حبيت أقول إن أبوي وافق نروح للبنان جهز الشنطة و ...... ( وافضيحتاه )
أبوي / هاه ياأم العيال جبت لك كراث يحبه قلبس

أمي نبطت و نست سالفت الجوال وراحت للمطبخ تجهز الكراث

أنا / الحمد لله أخيرا راحت .... ألو أبو جزمه
أبو جزمه / وراه طاح الجوال وش بلاه صوتك تغير أكيد يوم طحت تغير الصوت ... دب طخ طح طع !!!!
أنا / وش الأصوات هذي ؟؟؟؟
أبو جزمه / خلن أطيح علشان يتغير صوتي

أنا / لا يرجال تو تكلم أمي .... وش قالت لها ؟؟؟؟
أبو جزمه / أقول شكل المكالمه طولت مع السلامه

أنا / أبو جزمه ... تكفا رد ....
أبو جزمه / توت ... توت ... توت !!!!!
أنا / إخخخخخخخ فصل الخط الله يقطع بليسه ما لي إلا أمي اللحين بس وش يقنعها ؟؟؟

رحت لأمي ولقيتها تغسل الكراث

أنا / يأماه الله يحداك ليش أخذتي الجوال يوم رن ؟؟
أمي / إيه يوليدي ... حسبتك تغازل

أنا / يماه الله يديس أنا أغازل لا حول و لا قوة إلا بالله ؟؟؟

أمي / صدقت لا حول و لا قوة إلا بالله ؟
أنا / وش قال لك أبو جزمه بالتلفون

أمي / إلا الموضوع يالله غيره

أنا / تكفين يماه قال إننا نبي نروح !!!
أمي / إيه .... بس ياوليدي تدري إني أخاف عليك ولا أبيك تروح عني

أنا / يأماه أبي أشوف الثقافات الأخرى خليني أتطلع على شعب آخر غيرنا

أمي / و الله ياوليدي ما ودي تبعد عني

قمت وحبيت راس الوالدة ( مشهد درامي مؤثر

) و الحمد لله إقتنعت بس بقى الوالد

أنا / تكفين ياماه قولي لأبوي نروح

أمي / أبشر يا وليدي

و بعد محاولات دامت نصف ساعة و خمس ساعات وافق الوالد بشرط إحضار الهدايا

الموقف بيت أبو جمجمه :-
أبو جمجمه / يارب يرن يارب
الجوال / طلطلطلطلطلط طتطتطتطتط طكطكطكطكط ( نغمه سبيشل )
أبو جمجمه / ألو ؟؟؟؟
أبو جزمه / هلااااااااااا

أبو جمجمه / بشر نروح للبنان !!
أ بو جزمه / هاه ما أسمعك الشبكة زفت !!
أبو جمجمه / نــــبــــــي نــــــروح لـــــلـــــبـــــنــــان ؟؟
أبو جزمه / شو و الله ما أسمع

أبو جمجمه / ني نح لبان ( يتكلم بسرعة علشان التقطيع يصير بسيط )

أبو جزمه / إيه
أبو جمجمه / أجهز الشنطة يعني

أبو جزمه / إيه خلاص مع السلامه إذا عندك أسئله دق علي مهب أنا أدق و أنت تسأل

أبو جمجمه / خلاص

إنقطع الخط !!!!!!
أبو جمجمه / يماه وااااااااء وااااااااء ( يصيح طريقة جديدة للإقناع خاصة للمدلعين بس بدون سنع )

أم ( أبو جمجمه ) / سم يا وليدي آمر
أبو جمجمه / أص ، دق، اي .... يب،،بي .... ير،،حون ... لل،،بنا،،ن ..و أنا ....مهب ...را،،،يح ( يتكلم مفصل علشان سيوي نفسه يصيح )

أم ( أبو جمجمه ) / خلاص يوليد رح بس لا تصيح ( يقطع بليس اللي يقتنعون زي كذا مهب زيي نص ساعة و خمس ساعات )

أبو جمجمه / وش آخذ معي بالشنطة

أم ( أبو جمجمه ) / خذ أهم شي الفروه و سروال السباحه !!!!....!!!!
أبو جمجمه / ليش ؟؟؟

أم ( أبو جمجمه ) / علشان إذا صار حر سبحت و إذا صار برد تدفيت .... إيه صح خذ الطربوش
أبو جمجمه / وين الطربوش ؟؟؟؟؟
أم ( أبو جمجمه ) / أماك يا أوليدي تقول إنه ما يكفي الدميجه !!

أبو جمجمه / إيه يأماه مافيه طربوش قد راسي

أم ( أبو جمجمه ) / خلنا نشوف السوق أول شي إذا ما لقينا الشكوى لله

راح أبو جمجمه هو و إيا أمه للسوق ....
أم ( أبو جمجمه ) / فيه طربوش مقاس هذا الولد

العامل / لا هزا مافيه تربوس هزا فيه قدر

أم ( أبو جمجمه ) / ياللي ما تستحي على وجهك تتطنز بولدي و الله لأوريك

و بدت أم ( أبو جمجمه ) تلعب بالعامل كيرم و ما تركته لمين دخلت الحمرا
رجعوا أبو جمجمه هو و إمه للبيت ......
أم ( أبو جمجمه ) / أغديك ما تاخذ الطبوش يالوليدي .......
أبو جمجمه / طيب يأماه

وسكر الشنطه ( للمعلوميه نص مساحة الشنطه للفروه )...؟؟

نكمل الرحله في العدد القادم

تشاهدون في الأعداد القادمه

&&&&

أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&
أبو جمجمه / وين السوق
فادي/ شو عاوز
أبو جمجمه / ؟؟؟؟؟؟؟؟
&&&&
الشحاذ / ( بليز قف مي مني ) { تراه يحتسي إنجليزي }
أبو جزمه / بليــ؟؟؟؟؟؟؟؟؟؟؟؟؟؟؟؟؟؟؟
&&&&

تحياتي

**C.RONALDO** · 01-10-2006, 05:35 PM

السلام عليكم ورحمة الله وبركاته

كيف حل جميع الأعضاء

عساكم بخير

وعليكم السلام ورحمة الله وبركاته

بخير يالغالي وقصتك روووعة ..

واحلا المقاطع بالقصة :

أبو سحليه / ملاهي

خخخخخخخخخخخخخخخخخخخخخخخخخ صارت ملاهي

أبو جزمه / خلان أقمز على بيتهم علشان أضرب الصوارير عندهم بعدين جلسنا نتقهوى ساعتين و نص

أحلا سحـــــبه خخخخخخخخخخخخخخخخ ..

و بدينا نسولف فجـأه قام أبو جمجمه و جلد أبو جزمه !

يستهال القتل مو الجلد عالسحبه ..

أبو جزمه / يا ضابط و الله ما فحط أنا اللي فحطت

تسلملي الشجاعه ههههههههههههههههههههههههههههههههههههههه

أبو جزمه / طيب وينه ؟

ويسأل ههههههههههههههه ههههههههههههههه

أبو ( أبو جزمه ) / وينه الضابط شف طلع ولدي لأتمردغبك بالأرض

داش قوي خخخخخخخخخخخخخخخخخخخخخخخخخخخخخخخ مو مخفر صار

أبو ( أبو جزمه ) / ياحليلك ياولدي أثرك مخفه

ههههههههههههههههههههاااااااااي احلا جملة بالقصة يا لوبو

و بعد محاولات دامت نصف ساعة و خمس ساعات وافق الوالد بشرط إحضار الهدايا

اا قععععععد يا التوقيت ..

الجوال / طلطلطلطلطلط طتطتطتطتط طكطكطكطكط ( نغمه سبيشل )

ماله داعي سبشل مادام النغمة هذا صوتها خخخخخخخخخخخخخخخخخخخخخخخ
-
-
-
-

والله انك فلللله يا اخ لوبو .. وانا على فكرة ضفتك عندي بالماسنجر عشان تكلم القصة لي لحالي

ننتظر التكلمة على احر من النار

**:: HiDEY ::** · 01-10-2006, 06:22 PM

حلووو حلوو.. انتظر البقيه ..
بس عندي سؤال....
انت و ربعك جم أعماركم ؟؟
مجرد فضوول .........

**S.W.A.T._911** · 01-10-2006, 07:37 PM

بصراحة المقطع هذا أفضل جزء بالقصة إلى الان

و كأن القصة ابتدت من هذا المقطع

و الآن مع المسلسل الرمضاني الشيق المتجدد الذي تتنظرونه بفارغ الصبر و الحماس المنقطع النظير

من قلب

أنا كنسلت المسلسلات اللي اتابعها و وقّت ساعتي على موعد حلقات هذا الموضوع

أم ( أبو جمجمه ) / خذ أهم شي الفروه و سروال السباحه !!!!....!!!!

ههههههههههههههههههههههه
شلون جت ذي .. فروة وسروال سباحة

خخخ
عليك طلعات ياخي

يعطيك العافية يا لوبو على التكملة الرائعة

وفي انتظار بقية القصة

سلام ^^

**TiTaN** · 01-10-2006, 08:49 PM

هلا والله بالمقطع الجديد XD

أم ( أبو جمجمه ) / علشان إذا صار حر سبحت و إذا صار برد تدفيت .... إيه صح خذ الطربوش

ما شاء الله ، منطق لا يغلب XD

بإنتظار التكملة ^__^

**LO BO** · 02-10-2006, 01:28 AM

السلام عليكم ورحمة الله وبركاته

مشكورين على التفاعل

( على الأقل طيبتوا خاطري بعد إلغاء تثبيت الموضوع )

و الآن مع المسلسل الرمضاني الشيق المتجدد الذي تتنظرونه بفارغ الصبر و الحماس المنقطع النظير

برنامج :-

{ رحتلي إلى لبنان }

بطولة :
أنا

أبو جمجمه

أبو جزمه

إخراج :
أنا بن أبوي العائلتي

الموقف بيتنا ( اللحضات الأخيرة قبل السفر ) :-

أنا / يالله مع السلامه

أمي / الله يحفضك يا ولدي

مشيت مستعجل أبي أروح لبيت أبو جمجمه بعده أبو جزمه علشان نروح للمطار ....
الحمد لله وصلت لبيت أبو جمجمه ، جلست أحتريه يوم طلع شفت !!
أنا / وش أنت لابس يأبو جمجمه

؟
أبو جمجمه / شوفت عينك الفروه تحتها سروال السباحه

.
أنا / طيب ليش جايب فروه ثانيه

أبو جمجمه / ما لك دخل إفتح الشنطة حقت السيارة بس

أنا / أقول ماأنتب رايح لما تلبس لبس زي الناس مع السلامه أبي أروح و أمر أبو جزمه و بعدين نمرك ما تركب إلا وأنت مغير الملابس هذي

رحت لبيت أبو جزمه وعند الباب لقيته يحترين

أنا / معليش تأخرت يالله ركب شناطك فتحت شنطت السيارة ....!
أبو جزمه / طيب

أنا / طيب ليش الزباله ( ولكم الكرامه ) عند بيتكم متكومه كذا ؟؟؟
أبو جزمه / هذي مهب زباله هذي الشناط

أنا / وش أنت ماخذ تراي أدري إن نص هاشناط نعال ( و الله فضيحه ) إجدعهن بالبيت

أبو جزمه / لا

أنا / تكفى بلا مبزرة تلقى هناك محلات موضه أحسن

أبو جزمه / إممممم طيب

يوم رجع النعال صارت خمس شناط ( و الله ما أدري وش بهن ) ...!!؟؟
أنا / بسرعة تأخرنا عن أبو جمجمه خلنا نروح ......
أبو جزمه / طيب بس وقف عند البقاله و الغسال و الحلاق و محل السوني

أنا / وش تبي بهن ؟
أبو جزمه / علشان نتأخر عن الطيارة بعد و تصير زي قصة اللي سافر بالطيارة في آخر لحضه

أنا / أقول خل عنك الخرابيط

يوم وصلنا لبيت أبو جمجمه لقينا واحد لابس بلوزه خضراء و سروال أحمر واقف عند باب بيت أبو جمجمه ..!
أنا / يا الأخو وش تسوي عند بيوت الناس تراه عندهم محارم

طلع أبو ( أبو جمجمه )

أبو ( أبو جمجمه ) / وش تقول أنت اللي ما تدري إني راعي البيت

أنا / أووووووووه آسف بس وين ولدك أبو جمجمه

أبو ( أبو جمجمه ) / طيب ياوليدي يالدميجه تعال

أبو جمجمه / طيب جاي يباه ..... تراي قلت الأمي إنك قلت لي دميجه

أبو ( أبو جمجمه ) /

رحنا للمطار و الحمد لله لحقنا على الطيارة و خلصنا الإجرائات بسرعة

أعتذر على المقطع البسيط

ليش ؟؟

( العدد القادم مثير يحمل في طياته العديد من المفاجئات )
؟؟؟؟؟؟؟

تشاهدون في الأعداد القادمه

&&&&

أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&
أبو جمجمه / وين السوق
فادي/ شو عاوز
أبو جمجمه / ؟؟؟؟؟؟؟؟
&&&&
الشحاذ / ( بليز قف مي مني ) { تراه يحتسي إنجليزي }
أبو جزمه / بليــ؟؟؟؟؟؟؟؟؟؟؟؟؟؟؟؟؟؟؟
&&&&

تحياتي

**TiTaN** · 02-10-2006, 02:02 AM

أبو جزمه / طيب بس وقف عند البقاله و الغسال و الحلاق و محل السوني

أنسب وقت للمقاضي هدي كلها ><"

مقطع مرة قصيييير ، بإنتظار مقطع المفاجأت ^_^

**C.RONALDO** · 02-10-2006, 07:49 PM

أبو جزمه / علشان نتأخر عن الطيارة بعد و تصير زي قصة اللي سافر بالطيارة في آخر لحضه

خخخخخخخخخخخخ متأثر ابو الشباب ..

في انتظار المشهد القادم ..

**×"NIGHT STAR"×** · 03-10-2006, 07:00 PM

ههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههه
والله فللللللللللللللللللللللللللللللللللللللللله..

يفطس ضحك..

الجديد خيوووو

**LO BO** · 04-10-2006, 12:43 AM

السلام عيكم ورحمة الله وبركاته

كيف حال الشباب ؟؟

بخير ( الحمد لله )
و الآن مع المسلسل الرمضاني الشيق المتجدد الذي تتنظرونه بفارغ الصبر و الحماس المنقطع النظير
و الجميل و الرآئع و الفتاك اللي كلكم تتحترونه بدون تأفف أو ملل ( أكيد )
برنامج :-

{ رحتلي إلى لبنان }

بطولة :
أنا

أبو جمجمه

أبو جزمه

إخراج :
أنا بن أبوي العائلتي

مطار القصيم :-
أنا / يالله بسرعة خلصونا أخاف نتأخر .....
أبو جزمه / لالا أنا متوقع إننا جاين بالوقت المناسب علشان حنا نطق باب الطيارة

أنا / بسرعة الرحله تبي تبدا يالله خلونا نخلص الجوزات ....
العسكري / يالله وراكم مستعجلين باقي على رحتكم أكثر من ساعتين
حنا / وشو

العسكري / رحلتكم الساعة 5:50 دقيقه و الحين الساعة 2:20 دقيقه

أنا / أبو جزمه وشلون قريت التذكرة ؟؟؟؟؟
أبو جزمه / كذا ( بالمقلوب خخخخخخ )

أبو جمجمه / و الله لأوريك

أنا / تعوذ من بليس يا أبو جمجمه حنا بالمطار
أبو جمجمه / موعدنا بعدين

دخلنا صالت الإنتظار جلسنا شوي ونادوا بالمكرفون ؟؟؟؟؟
نرجو من الأخ أبو جمجمه الحضور بسرعة !!!!
أنا / وش أنت مسوي بعد ؟؟؟
أبو جمجمه / ما أدري

أنا / خلن أروح معك علشان أشوف السالفه

أبو جمجمه / إيه تكفى تعال تراي خايف

أنا / طيب

رحنا للقسم شرطة المطار
الضابط / أنت أبو جمجمه !!!
أبو جمجمه / إيه نعم

الضابط ( دايم يتمشكولون مع ضباط خخخخ ) / ليش معك أسلحه بالشنطة !!!
أنا / وشووو ؟؟؟
الضابط / أنت أبو جمجمه

أنا / لا !!
الضابط / أجل إسكت

أنا / طيب
أبو جمجمه / و الله ما معي مسدس
الضابط / طيب ما معك وشو هذا

أبو جمجمه / لالا ...... هذا مسدس ماء قالي خويي أبو جزمه إنه مهم بلبنان

الضابط / وشو مهم بلبنان أنت مهبول خلاص حنا بنصادره

أبو جمجمه / حلالكم بس عطون ريالين حقاته

الضابط / لا

أبو جمجمه / أصلن نا ما أبيهن

الضابط / ليش

أبو جمجمه / آخذ بسكوت من الكفتريا

الضابط / خلاص خذ ولا عاد أشوفك هنا مره ثانيه
أبو جمجمه / طيب

الحمد لله مر الوقت بسلام ونادوا على الطيارة ........
أبو جزمه / ترى محلاتنا قدام

المضيف / طيب بس محجوز عندي كل المحلات بأسمك و أنتم ثلاثه بس

أبو جزمه / علشان نوصل أول ناس

المضيف / الحمد لله و الشكر على العقل

أبو جمجمه / إلزم حدودك

المضيف / آسف ....... يالله روحو محلاتكم

حنا / طيب

راح كل واحد لمحله و جلس يوم شغلو الطيارة و عدلوها مشت الطيارة
فجأه بدت الطيارة تدور ( تخمس ) ؟؟؟؟؟؟
أنا / ليش تدووور الطيارة ؟؟؟
أبو جمجمه / ما أدري ؟؟؟
أبو جزمه / معليش

الطيار / ياناس واحد جزمته واصله للدرقسون و قاعد يلعبها

حنا / وشو

أبو جزمه / أنا ما دريت إن جزمتي وصلت لدرقسون

أنا / بعدها بسرعة أخاف الطيارة تقلب

أبو جزمه / طيب

بعد أبو جزمه جزمته عن الدرقسون و صادرو نعاله بحكم إنهن طوال مره
بعدين طالب الطيار لقاء أبو جزمه و حنا بالهواء
أبو جزمه / أدخل ؟؟
الطيار / نعم .. تفضل

أبو جزمه / ماشاء الله الطيارة كلها لمبات و أزرار و عددات ما غير يبرمن يمين و يسار

الطيار / إيه نعم كيف الحال

أبو جزمه / الحمد لله ..... عندي سؤال ممكن ؟؟؟
الطيار / إسأل !!
أبو جزمه / وشلون تطير الطيارة وهي مابه كلاتش

الطيار / أنت صاحي وش كلتشه أنت

أبو جزمه / أجل وشلون تطير مهب أنتم تحطونها بالأول ثم الثاني و إذا وصلت للثالث طارت

الطيار / صاحي أنت .... أقول إطلع برا

أبو جزمه / وش دعوا عاد زعات يوم سألت .... طيب مع السلامه

طلع أبو جزمه من غرفة الطيار روجع محله لقى ولد صغير جالس في أحد الماعد قدام قام جلده و يقول أدري إنك مخطط توصل قبلنا بس أنا أذكى منك إجع ورا لأجدعك من الطيارة

الولد ( يا ويلي ) خاف ورجع بسرعة بدون نقاش

وصلنا للرياض و أبو جزمه مبسوط واقف عند الباب و يقول للناس / حنا وصلنا قبلكم

تحياتي

إنتظروا تكملت هذا الجزء في العدد القادم

&&&&

&&&&
أبو جمجمه / وين السوق
فادي/ شو عاوز
أبو جمجمه / ؟؟؟؟؟؟؟؟
&&&&
الشحاذ / ( بليز قف مي مني ) { تراه يحتسي إنجليزي }
أبو جزمه / بليــ؟؟؟؟؟؟؟؟؟؟؟؟؟؟؟؟؟؟؟
&&&&

**LO BO** · 04-10-2006, 12:46 AM

بس عندي سؤال....
انت و ربعك جم أعماركم ؟؟
مجرد فضوول .........

ما أدري أنتي حددي العمر
يمكن أقول 22-24
للمعلوميه القصه خياليه

**:: HiDEY ::** · 04-10-2006, 02:39 PM

لوول أي انا خمنت ان القصة خيالية !!
بس بصراحة .. راح اضل اتابعها حتى لما اترك المنتدى راح اضل اقراها !
مشكووور عالمجهود الرائع ..
و انتظر التكملة
بيباايوو

الموضوع: رحلتي إلى لبنان ( من تأليفي )

أدوات الموضوع

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

رد: رحلتي إلى لبنان ( من تأليفي )

ضوابط المشاركة