طيب مو مشكلة
هاتي لي حالة واحدة حدثت في عهد الرسول صلى الله عليه وسلم
ذكر فيها أن هناك جني تلبس في إنسان
أو من عهد الصحابة الكرام من بعده , أو حتى عهد التابعين والسلف الصالح
ما راح تلقين لأنها كانت شغلات ما هي موجودة
هذي كلها شغلات دخيلة علينا ولا لها أي وجود يذكر في تاريخ الاسلام وبداياته
واللي روجوا لها هم المشعوذين والدجالين مستغلين جهل الناس بهالخصوص ومستغلين خوف الانسان من المجهول
في ناس يدّعون أنهم مشائخ واذا جاؤوهم الناس يبون يتعالجون يبيعون عليهم أشياء بأسعار خيالية
ماء مقري فيه يبيعه على الناس بثلاثين ريال ومرات يوصلون خمسين !
والزيت يبيعه عليهم بالسعر الفلاني .. هذا غير الاشياء الثانية
وطبعا هو ما هو غبي يخليهم يروحون على طول .. لا يواعدهم كذا جلسة لين يمصون اللي عندهم كله
وللأسف يستخدمون القرآن الكريم على شان يضحكون على الناس ويقنعونهم أن شغلهم ما هو شغل دجل
طبعا أنا ما انكر ان القران علاج وشفاء
لكن الافضل والاحرز ان الانسان اذا بغى يتعالج بالقران هو اللي يقرا على نفسه أو أحد بيته يقرا عليه
مو يروح ياخذ حريمة ونسائه ويدخلهم على واحد يقرا عليهم قران ويمسكهم بأماكن غير لائقه ويلمسهم بحجة ان الجني قام يستخبى من القران وهو يبي يلحقه ><
1- شيطان مايقدر غير على الوسوسه ..
2- جن يستخدم للسحر ..
3- عفريت
4- مارد
5- مدري وين طار اسمه ما أتذكر ..
وكل واحد عنده قدرات وهاد رقم 5 أقواهم ...
طيب ممكن تعطيني مصدر
آية قرآنية أو حديث شريف يذكر فيها كذا
أنا معاك أن الجن أنواع .. أصلا هم مذكورين بالقران في قصة سيدنا سليمان عليه السلام
منهم الغواصين ومنهم البنائين وهم أمم و شعوب وديانات مثل البشر
بس ما في شي يثبت ان هذا الجني أقوى من هذا
والمارد والعفريت والجن الازرق ومش عارف مين
أصلا حتى تسمية العفريت ما هي تسمية عربية , مأخوذه من الحضارات القديمة و وجدت طريقها للعربية في عهد الدويلات الاسلامية في بلاد فارس
واللي ساعد على انتشار هالتسميات قصص ألف ليلة وليلة الخرافية وغيرها الكثير من الادبيات الفارسية المعربة في ذلك الزمان
طيب فلنفرض مثلا أنهم كذلك و بهذا الترتيب
من وين عرفنا أنهم كذا ؟
هذا عالم غيبي .. ما نقدر نأخذ معلومات عنه الا عن طريق القران الكريم أو عن طريق الاحاديث النبوية الصحيحة
غيرها ما نقبل مصدر ><
ما يصير ينضحك علينا بالطريقه هذي
نكرر ما يردده الناس بغير تفكر ولا تدبر
ويصير يطلع منه صوت غريب وقوي جدا .. مستحيل انه يكون صوت انسان .. واختي شهدت حاله من هالحالات وسمعت الصوت .. هيه كانت بنت وكان متلبسها جني ..((قل اعوذ برب الفلق)) .. ولما قروا قرآن بالفصل يلي جنب فصل أختي .. البنت صارت تصارخ وتضرب بحالها ... وبعدين طلع منها صوت رجال .. رجااااااال!! ومو اي رجال .. مافي رجال بالعالم يقدر يطلع صوت مثل الوصت يلي سمعوه .. وحتى البنت كانت بعيده عن الفصل وصلهم الصوت كأنها قاعده بينهم ..!!!
ايش هوه تفسيرك النفسي لحاله مثل هالحاله ؟؟
ما ادري لا تسأليني , انا ماني عالم نفس على شان اقدر ارد عليك تفسير علمي
بس انا متأكد ان علم النفس عنده اجابات على هذه التساؤلات
صدقيني يا اختي الانفصام بالشخصية يسوي مثل كذا و ألعن
وفي انواع كثيرة منها مرض الوسوسة .. والوسواس القهري , هذي كلها لها علاجات عند الطب وعلم النفس
الله ما انزل داء الا و انزل معه دواء
طيب هل تعلمين ان هناك بعض الامراض العضوية سببها مرض نفسي ؟
هذي بس معلومة حبيت احطها عندك على شان تعرفين ان الامراض النفسية ممكن تعمل شغلات تأثر على الانسان خارجيا
وحتى في دراسة جديدة قريتها قبل فترة يقولون ان الشخص اذا جاء يعمل تمارين - لتقوية العضلات مثلا - أنه اذا كان يؤمن ان التمرين هذا راح ينفعه فعضلاته راح يزداد حجمها بسرعة أكبر من لو ما كان يعتقد انها ما تنفعه
هذا دليل آخر على ان النفسية تلعب دور في الانسان
وفي مرض نفسي - معروف و مثبت علميا - يخلي الانسان يشوف شغلات ويسمع اصوات ماهي موجودة
ما ادري وش اسمه للاسف .. لكنه معروف وثابت بعلم النفس كما ان له علاج و أدوية
أما بخصوص البيت اللي يوم جاو يهدمونه مات اللي كان يبي يهدمه
مات بقضاء الله وقدره وش دراكم انه مات بسبة البيت هذا
على العموم انتوا على راحتكم .. صدقوا اللي تبون ^^
أما انا الحمد لله .. فعندي إيمان قوي أن النفع و الضر بيد الله وحده , وهو وحده من يجب أن أخشاه .. لا شيطان ولا جني يقدر يسوي لي شي الا بأمر الله
والشياطين ما يقدرون يسوون شي غير الوسوسة في بني آدم
وابن آدم اذا وسوس له الشيطان ان هناك جني
فأكيد راح يتخيل شغلات وحتى ممكن يسمع أصوات غريبة اذا آمن بالشي هذا
فاذا استعاذ بالله انصرفت الوسوسة .. وبعدها يهدأ الانسان
على العموم هذا اللي عندي وانتوا على راحتكم ^^
ما اقدر اغير نظرية مخيمة على الشعوب العربية لفترة زمنية طويلة خلال رد أو ردين
سلام ^^
