لاتدخل إلا إذا كنت تملك أسلحة ....أقصد أسئلة محرجة....العضو((نتيندو)) تحت المجهر

[killer ss]

اها!!

تبغا الاسئله المحرجه اجل.....

تفضل.............:

1-انت ترقم ؟؟

2-عندك خويه؟؟وكيف صدتها ؟؟

3- اذا كان عندك.......وش اسمها؟؟

4-قد خانتك وراحت مع واحد ثاني؟؟

5-اذا ابوك تطلق من امك.........مع من بتروح؟؟

اعتقد انها كافيه تخلي وجهك محمر:":

وسلام.............

[speed_2222]

جاوب وبصدق

اما الشخصان فهما ............................ تم تررررررررا بوشي وسعد او سعد وبوشي فاذا كان فيه اثنين رفعولي الضغط فهم هاذول الاثنين

وشلون رفعو ضغطك أبغ أعرف أشلون ؟ وضح أكثر


طيب وشرايك في فاس يوم قرر أن يرحل ؟
وقل وش رايك فيه وهو حط موضوعه أنه قرر أن يرحل؟

[wzzany]

هلا والله ننتندو يا حارق النت ومفجر المودم



تبي أسئلة محرجة حاضرين


1_ كم كف تلقيت أو أكثر وحدة توجعت فيها لم كنت صغير طبعا من أمك أو أبوك (يعني طراق )

2_ انت مو مشترك في أي منتدى ثاني

3_ شو يكون موقفك لو أختك الصغيرة تكسر الجيم كيوب شو يكون موقفك ( لا تفاؤلو بالشر)

4_ إمتى صار معاك موقف محرج في المدرسة

5_ شنو كان موقفك لمن شريت الجيم كيوب هذا إختيار من المتعدد

أ - قاعد كل شوي تطالع العلبة بالطريق للبيت
ب_ مومصدق عمرك وقام تناقز من الفرحة بالطريق
ج_ فجيت الصندوق في السيارة لأنك مستعجل

[بوشي]

طيب نجي للاسئلة يانتيندو ....وأفرح هذي آخر دفعه منها


1- عضو يعد مكسب للمنتدى ، من هو ؟؟


2- عضو دائما تفكر فيه ؟؟


3- عضو تتمنى شوفته ؟؟


4- عضو يرفع ضغطك ؟؟


5- عضو تتمنى رجعته ؟؟


6- عضو تقتدي به ؟؟


7- أفضل رد أعجبك ؟؟ ومن كاتبه؟؟


8- أفضل أغنية تحب تسمعها ؟؟


9- أول صداقة على النت ؟؟ وأذكرها (حتى لو كان فيها مشاكل)


وأنتهت الأسئلة ،،،


وشكرا لك على التفاعل .........

[killer ss]

وينك ياننتندو؟؟؟

لا تكون اسئلتي احرجتك؟

[nintendo]

بما انها اخر مجموعة من الاسئلة راح اجاوب عليها براحة اولا اسئلة كيلر اس اس (( تقول كابرس )) :

1-انت ترقم ؟؟
نعم . لمن اكون فاضي وماعندي شئ اسويه واعلمك على الطريقة بعد اكتب الرقم في ورقة واخذ معايا (( النبيلة )) والله ماعرف ايش اسمها عندكم وصرقخ في عين البنت واكيد راح تتصل علي من المستشفى .

2-عندك خويه؟؟وكيف صدتها ؟؟
ماتفكرنيشششششششش اقول الله يخلي الكباين ماشاء الله مليانين هناك . وصدتها بالسنارة

3- اذا كان عندك.......وش اسمها؟؟
اقول احسن اعطيك الرقم وانا تتصرف معاها !!!! اسمها سعدية وهي مولدة الحبش بس ابوها تركي وامها من دار السلام ....

4-قد خانتك وراحت مع واحد ثاني؟؟
الاخ مـاثر بالافلام المصرية زيادة عن اللزوم وين نحنا يا كيلر احسن تسألني حصلتوا شقة ولا لا !!! وابشرك الاجابة على السؤال لا

5-اذا ابوك تطلق من امك.........مع من بتروح؟؟
فال الله ولا فالك !!! بس اكيد بروح مع ابوي هو عنده (( الفلوس ))

اعوذ بالله اسئلته تفكرني بأسألت جدي قبل ماينتحر ...... كيلر بيجيك يوك محلي والله لاعطيك اسألة ماراح نشوف زجهك في المنتدى بعدها

نجي لاسئلة الاخ سبيد :

وشلون رفعو ضغطك أبغ أعرف أشلون ؟ وضح أكثر
انا اقلك هاذول الاثنين من النوع المعاند كل واحد فيهم يقول كلام (( يعني عقولهم صغيرة )) الاول يقلي انا احب البيض المقلي والثاني يحبه مشوي يعني شئ يرفع الضغط ومثل مايقول عبدالمجيد عبدالله :

احب البيض انا مقلي كيف اهواه انا مقلي
لو مرت علي ذكراه احس بالجوع انا فبطني

طيب وشرايك في فاس يوم قرر أن يرحل ؟
يرحل !! صار سندباد ماصار فاس .... اقول مين يبي يرحل يرحل ومين يبي يجلس يجلس ومن يبي يتونس يتونس كل واحد حر في نفسه انا صراحة ما احب اتكلم في السياسة ...

وقل وش رايك فيه وهو حط موضوعه أنه قرر أن يرحل؟
هو حط موضوع قرر انه بيرحل فيه !! غريبة ماشفته ولا كنت وصيته يجبلي اشياء من برة معاه
...........

نجي لاسئلة مفجر النت (( تدرون هذا من كثر ماهو على النت والله النت يشتكي )) :

1_ كم كف تلقيت أو أكثر وحدة توجعت فيها لم كنت صغير طبعا من أمك أو أبوك (يعني طراق )
والله الصراحة انا في البيت مدلع جدا لاني اخر واحد من العيال (( مافي احد بعدي غير واحد انا قتلته )) فماتذكر انه اهلي فرشوني غير مرة وحدة كنت مابغى اروح المدرسة (( في الابتدائية )) وماحصل غير فرش من الاثنين . بس اعجبكم ماتصالحت معهم غير لمن اشتروا العاب سلاحف الننجا الجديدة (( واحد واصل ))

2_ انت مو مشترك في أي منتدى ثاني
مشترك في منتدى نادي الاتحاد وكنت مشرف في منتدى خفايا الالعاب ومشترك في المدينة الالكتورنية

3_ شو يكون موقفك لو أختك الصغيرة تكسر الجيم كيوب شو يكون موقفك ( لا تفاؤلو بالشر)
والله الحمدلله ماعندي اخوان اصغر مني بس عيال اختي الله يرحمها ساكنين معانا في البيت (( بزارين )) واذا احد فيهم لا سمح الله خرب جهاز الكيوب ماراح تفرق اذا رميته من الشباك وانا اعلمه الطيران ..

4_ إمتى صار معاك موقف محرج في المدرسة
في المدرسة كثثثثثثثثثثثثثثثثير خصوصا لمن انكفش ومعايا برشام (( تحس نفسك غبي )) ويقلك المدرس المصري طلعه فتقوم تحط خمسين ريال في جيبه عشان يسكت .....

5_ شنو كان موقفك لمن شريت الجيم كيوب هذا إختيار من المتعدد
هاذول الثلاثة مايكفون بالاضافة اليهم مافي اشارة ماقطعتها بالطريق ماشي على 220 من كثر ما ابوس العلبة انخرقت وباقي اشياء كثير

أ - قاعد كل شوي تطالع العلبة بالطريق للبيت
ب_ مومصدق عمرك وقام تناقز من الفرحة بالطريق
ج_ فجيت الصندوق في السيارة لأنك مستعجل

الحمدلله خلصنا من مفجر النت ونرجع الحين لمن بدا هاذي الورطة ومن ختمها ........ بوشي ........

1- عضو يعد مكسب للمنتدى ، من هو ؟؟
انا والباقينن يسرررررررررررررررو

2- عضو دائما تفكر فيه ؟؟
للاسف مافي بنات !!! يعني ولا احد

3- عضو تتمنى شوفته ؟؟
شوفته عشان احبه ولا شوفته عشان اطقه الاولى مافي احد اما الثانية فانت وسعد وكيلر على راس القائمة بس خلكم تجون جدة والله لاسوي فيكم مقالب وراح اخليكم تتعودون على حياة السجن عندنا ...

4- عضو يرفع ضغطك ؟؟
كثر منها ........ كثير جدا انت وسعد وبعض الاحيان لينك وكبتن فالكون وmkb (( بحكم انه اهلاوي )) واي احد يحسب نفسه اذكى من ننتندو (( ماشاء الله علي )) وفيه واحد يرفع ضغطي بزيادة الي هو كيربي مادري ليش حاط نقره من نقري تقول قاتله احد

5- عضو تتمنى رجعته ؟؟
بصراحة ذا لون وولف .......

6- عضو تقتدي به ؟؟
مافي احد واذا كان فيه يمكن ذا الدر وذا لورد لانهم عقال (( على حسب علمي ))

7- أفضل رد أعجبك ؟؟ ومن كاتبه؟؟
الله اكبر تبغاني اتذكر كل الردود اممممممممممم احلى رد قرته ماعتقد كان في هذا المنتدى كان في منتدى ال ign واحد من الشباب اشترى الاكس بوكس ويقول يبغى جهاز محمول غير الادفانس قنصحوه يشتري الكيوب ..

8- أفضل أغنية تحب تسمعها ؟؟
اجنبية اي شئ لمايكل جاكسون وخصوصا اغنية man in the mirror واغنية they dont care about us وكما احب اغاني سيلين ديون وخصوصا اغنية my hart will go on واغنية والله ماعرف اسمها بس هذا مطلعها u can read ur mind and i know ur story وكمان تعجبني اغاني باك ستريت الرايقة مثل i want that way وshape of my hart وبعض اغاني برتني سبيرز وخصوصا crazy و lucky واخيرا اغنية ماتذكر اسمها لبرتني وهذا مطلعها am sitting alone up in my room thinknig about what we been thru ohh my love

اما عربيا فتعجبني اغنية ايها توفيق (( تترجى فيا )) واغنية فرقة ميامي (( ياسادة ياكرام )) ولعلمك انا اسمع اغاني كثير وذويق جدا (( عندي احساس مو مثل بعض الناس قارفينا بالاسئلة )) ....

9- أول صداقة على النت ؟؟ وأذكرها (حتى لو كان فيها مشاكل)
يالله هاذي ترجع لايام الشات . اول مرة صادقة وحدة من استراليا وطبعا نصبت عليها وارسلتلها صورة بيكها وقلتلها هذا انا (( واحد نصاب جدا )) وقلتله ترسلي صورتها قالتلي دام انك حلو لهاذي الدرجة ماراح تعجبك صورتي وبالفعل طلع شكلها شبه الطماطم المدعوسة من سيارة وانيت مافيها زيت ......

هيييييييي خلصت الاسئلة مشكور جدا على تفاعلكم معاي في هاذي الفقرة واتمنى اني اكون جاوبت على كل اسئلتكم بطريقة لائقة ومسلية . مع العلم انه الاجابات كان كلها مزح واتمنى انه ماحد يزعل من صراحتي ومن مزحي الثقيل وخصوصا الي يعرفوني في الماسنجر ويعرفوا قد ايش انا مجنون .........

وكل عام وانتم بخير ..... وانا من دحين مختار بوشي للحلقة القادمة (( والله لتندم ))

[The Elder]

معليش على التاخير، طلعت عيوني على الكتب.
نـــــــــــــــنـــــــــــــتــــــــــــدو
اخيرا جاتنا فرصة فيك. قبل ما اسئل اذكرك ان مافي زعل ولابد من الصراحة. جهز سلطانية ولا شي عشان تاخذ الأسئلة:
1- لاتتهرب، وش اسمك الحقيقي. وعمرك؟
2- لما اكتشفت انك اتحادي ما حاولت تتعالج، سمعت الكوي ينفع. لا بجد، هل كنت تعلن اتحاديتك حتى وقت ما كان الاتحاد مستواه تعبان؟
3- اذا بتوزع هذي الصفتين من 100 على نفسك، كم تعطي كل صفة: الثقة، الغرور؟
4- وزع التالي حسب اهميته عندك في الحياة: الحب، الصداقة، الواجب؟
5- هل تعتقد انك اذا تركت المنتدى راح يخرب ولماذا؟
6- هل تعتقد انه فيه واحد ممكن يغطي مكانك اذا تركت المنتدى؟
7- كم تعتقد وزن مخيخ سعد بالرطل الخشبي؟ ولماذا هذا التموج في صداقتكم؟
8- هل تعتقد بوجود صداقة حقيقية على النت؟ والى اي مدى ترى ان تكون؟
9- ما هي الاكلات الشعبية التى تشتاق لها من وقت الى اخر؟
10- افضل واسوء عمل سوته ننتندو في تاريخها؟
11- ماهي نوعية الالعاب التي تفضلها؟
12- بماذا تصف من يكره ننتندو؟
13- ما هو الشي الذي لا تغفره حتى لأعز اصدقاءك؟
14- هل تفضل ان تعود مشرف ام تبقى عضو سلتوح مثلنا؟
15- عمل ندمت على عمله في المنتدى وعمل ندمت انك لم تعمله؟

تعبت وانا اكتب وبعد ماني قادر افكر الحين. يبغالي وقت عشان اعطيك اسئلة مزبوطة. يمكن مرة ثانية اذا فيه وقت.

عندي ملاحظة على فكرة تحت المجهر. مفروض ما يسئل عضو حتى يرد انه موافق ومستعد. وما ينتهي وقته الا اذا ردو الاعضاء انهم خلصوا. عشان لا تختلط اوقات الاعضاء. بوشي مفروض انه ينظم هذي الشغلة عشانه تلقف وجاب الفكرة.

الدر

[nintendo]

مع انه فترة الاسئلة انتهت (( واحد يبغى يصرف )) بس مو مشكلة راح اجاوبك على اسئلتك اخوي ذا الدر :

1- لاتتهرب، وش اسمك الحقيقي. وعمرك؟
اسمي معروف لدي الجميع وهو عمر وعمري 18 سنة وانشاء الله يوم 15 شوال بيصير 19 سنة

2- لما اكتشفت انك اتحادي ما حاولت تتعالج، سمعت الكوي ينفع. لا بجد، هل كنت تعلن اتحاديتك حتى وقت ما كان الاتحاد مستواه تعبان؟
وانت ايش حارق رزك !!! انا اتحادي وافتخر ونحنا جمهور الاتحاد وفي جدا سواء الفريق تعبان مريض نحنا وراه وكمان كيف الفريق تعبان وهو الاول على الدوري !!!! واليوم مبارتنا مع الهلال بنشوف مين التعبان ...

3- اذا بتوزع هذي الصفتين من 100 على نفسك، كم تعطي كل صفة: الثقة، الغرور؟
الاولى 100% اما الثانية 50% ....

4- وزع التالي حسب اهميته عندك في الحياة: الحب، الصداقة، الواجب؟
الصداقة , الحب , ................................ الواجب (( انا والحمدلله ماسوي الواجبات في المدرسة )) اما الواجب في الحياة فيمكن انا مقصر فيه ...

5- هل تعتقد انك اذا تركت المنتدى راح يخرب ولماذا؟
والله ماعتقد راح يخرب بس انا تركته فترة وتقدر تسأل الاعضاء وش صار في المنتدى . يعني هذا السؤال ماعتقد انه موجه لي المفروض انه للاعضاء ...

6- هل تعتقد انه فيه واحد ممكن يغطي مكانك اذا تركت المنتدى؟
والله انا كنت متعشم في ذا لون وولف . بس للاسف اقدر اقول انه خيب ظني فيه شوي ...

7- كم تعتقد وزن مخيخ سعد بالرطل الخشبي؟ ولماذا هذا التموج في صداقتكم؟
تصدق اول مرة اعرف انه سعد عنده مخيخ اصلا !!! صراحة انا ماحب اصادق الناس الجامدين احب صاحبي يكون كوميدي ومسلي (( وسعد تقول مسرحية عادل امام )) مايصدق احد يفتح موضوع تريقة تلاقيه اول واحد ... اما عن التموج في صداقتنا فهذا شئ طبيعي اما اذا كانت دائما صداقة بدون مشاكل فمعناها انه غلط وماتنفع ...

8- هل تعتقد بوجود صداقة حقيقية على النت؟ والى اي مدى ترى ان تكون؟
والله صداقة على النت بس ماتكفي ابدا . لازم يكون هناك مقابلات وعزايم وغيرها لكن المشكلة اننا كلنا شباب يعني لو كان فيه شويت بنات على الاقل زي عندكم ;-)

9- ما هي الاكلات الشعبية التى تشتاق لها من وقت الى اخر؟
انا لمعلوماتكم خبير في الاكل وماكل ايش شئ ابدا يعني حتى اذا كان الاكل ناقص شئ على طول اعرف ولكن المشكلة مهما اكل وزني نحيف جدا وانا والحمدلله ماكل اكل شعبي (( يايييييي ))

10- افضل واسوء عمل سوته ننتندو في تاريخها؟
انها جعلت الننتندو64 يستخدم نظام الكارترج لانها لو كانت سي دي كانت ننتندو مازالت الاولى ...

11- ماهي نوعية الالعاب التي تفضلها؟
كرة القدم وماريو كارت (( فقط ماريو كارت في نوعيته ))

12- بماذا تصف من يكره ننتندو؟
حاهل بعالم العاب الكمبيوتر فلولا ننتندو ماكان فيه شئ اسمه فيديو جيمز . ياناس بالعقل ننتندو انقذت الفيديو جيمز . واقول للمتعصبين ضد الننتندو موتوا بغيظكم الننتندو دائما الافضل ...

13- ما هو الشي الذي لا تغفره حتى لأعز اصدقاءك؟
والله شوف انا مازعل من اي شئ تقريبا وخصوصا من اصحابي وماعندي اي حساسية لهم بس انا احقد اذا صار شئ بينهم من ورايا مثلا طلعة حلوة ;-) امبارة كورة وغيرها من الاشياء ولا احد يقلي عليها ..

14- هل تفضل ان تعود مشرف ام تبقى عضو سلتوح مثلنا؟
والله ماتفرق معايا انا جربت الاثنين والحمدلله مرتاح جدا كعضو مافي مسؤليات ولا مشاكل اشيل همها واهم شئ اتونس على كيفي في المنتدى ....

15- عمل ندمت على عمله في المنتدى وعمل ندمت انك لم تعمله؟
اني دخلت هذا المنتدى . لاني صراحة ماكنت اتوقع انه راح يأخذ جزء كبير من يومي (( لدرجة كبيرة جدا )) وكذلك مشاكل الفواتير والنظر ....

عمل ندمت اني ماعملته !!!! يمكن يكون تقصيري في حق المنتدى .......... وخصوصا اني مقصر في المواضيع هاذي الفترة ومتفرغ للردود ....

اتمنى اني كنت صريح معاكم ولكن هذا هو ننتندو مثل اقل عضو مافرق عن احد بشئ واتمنى تكونوا اتعرفتم علي اكثر (( وخصوصا الناس الحلوة ;-) لاتصدق انه انت ياسعد )) وكل عام وانتم بخير ...

[asf4ever]

ممكن نشوف صورتك بدون تهرب

[mahmoud mahmoud]

اخي nintendo
ما هو رايك بالقضيه الفلسطينيه؟
mahmoud mahmoud
الجزيره موسكو

[nintendo]

ماعتقد انكم راح تشوفون صورتي في المنتدى اخوي اسف ودك تشوفوني تعال جدة وعزمني على العشاء ...

والله يا اخ محمود مثل اي مسلم في جزيرة العرب . العين بصيرة والايد قصيرة ماعندنا غير الدعاء لهم ...

[بوشي]

nintendo

وكل عام وانتم بخير ..... وانا من دحين مختار بوشي للحلقة القادمة (( والله لتندم ))

الله يستر شكلك ناوي بأسئلة جامدة ، عموما تقدر تفتح الموضوع في أي وقت وأنا مستعد


The Elder

عندي ملاحظة على فكرة تحت المجهر. مفروض ما يسئل عضو حتى يرد انه موافق ومستعد. وما ينتهي وقته الا اذا ردو الاعضاء انهم خلصوا. عشان لا تختلط اوقات الاعضاء. بوشي مفروض انه ينظم هذي الشغلة عشانه تلقف وجاب الفكرة.

يكون في علمك أول مانختار أي عضو نرسل له رسالة خاصة وهو يعلن موافقته يعني هذي النقطة منفذينها

أما مسألة الوقت إذا وقفوا الأعضاء من الأسئلة تنتهي المدة ، والصراحة كنت أتمنى لو فيه مراقب كان أي موضوع ننتهي منه تغلقه

وشكرا لك على الملاحظات وأي ملاحظات ثانية لاتحرمونا منها ......


وشكرا.....

[ganon0]

لحظه لحظه شباب بقى تحليلي النفسي

[ganon0]

انا ما عندي مخيخ انت و اياه؟طيب ان ما وريتكم ما اكون سعد.و انت يا الدر حسابك عصيييييييير(عصير دانون عشانه بايخ) اما ننتندو فلولا ابوه موصيني عليه كان وريته شغله...لكن وش نسوي انا الخبل اللي وافقت

بسم الله الحمن الرحيم:
ننتندو رغم انه اجتماعي بشكل كبير لافت الا انه انطوائي بنواحي كثيره.و غالبا مع انه عنده اصدقاء كثيرين الا انهم يتجاهلون خفايا ننتندو لانه يلهيهم بنكته و مواقفه الجميله اللي تضحك(اسألوني انا عنها كم مره بغيت ابول على روحي من الضحك و هو يقص علي مواقفه...انا جاد)و غالبا حتى لو عرفوا ان ننتندو انسان مليان تفاصيل بشخصيته و تعقيدات بمواقفه و مبادئه الا انهم يتجاهلون فضولهم لمعرفة هذي الخفايا لان ننتندو دائما عنده اللي يقوله عن اشياء برأيهم هذي الاشياء اهم...و هذولا اصدقاء مهوب على اي حال يدومون لك يا ننتندو..يمكن واحد او اثنين منهم...و ننتندو يدري ان حياته ينقصها الكثير و يعوض هذا النقص بالضحك و السوالف و اصطناع المواقف عشان يقنع نفسه بانه ما فيه شيء ناقص..الا ان هذا يقنع الناس اللي غير ننتندو...ما اخفيكم ان ننتندو فيه تذبذب كبير في مواقفه...و مع ان ننتندو يدري انه يحتاج احد او يدري انه المفروض يصير عنده تنوع انواع الاصدقاء و انه يحتاج احد يسمع كلام مختلف جدا عن نكته الحلوه الا انه متى ما توفر هذا الشخص يمنعه ننتندو و يحكم عليه انه يكون مثل باقي اصدقائه اللي يحبون النكت.لكن السوأل اللي ننتندو مهو داما يوجهه لنفسه هل راح يقبل هذا الصديق بكذا؟...نقطه ثانيه:ننتندو يوم كان صغير كان احد اعظم اهدافه هو الاستقلاليه.و كان يتحقق هذا الغرض بشكل تدريجي سريع...و ننتندو الان انسان يملك استقلاليه كبيره لكنها تتطور بشكل ما يقدر يسيطر عليه.و هذا ممكن يسوي مشاكل و ينسي ننتندو اشياء مهمه كثيره.ننتندو يعتقد انه لو احد يحاول يحجز استقلاليته و يقلصها فهو ضده و حتى لو كان نفسه هو على غلط...احيان كثيره ننتندو يعطي الانطباع الخاطىء عن نفسه بسبب اخطاء بسيطه بالاسلوب لكن الاخطاء هذي بدت من زمان و كانت تكبر فهي الان كبيره...لكن اللي ما يعرف الصقر يشويه...و انا اتمنى اعرف هذا الصقر .و رغم كل هذا الا ان ايجابيات ننتندو دائما هي اول من يظهر و هي كل اللي الواحد يتذكره عن ننتندو.

[nintendo]

مشكور اخوي الدكتور جانون .........

اقول بعض الاحيان ماقدر انام في الليل ليش يا دكتور