ماذا تعرف عن الـ Hdtv ؟ (اقرأ قبل الشراء)

[Arsenic]

السلام عليكم
شكرا ZACK على الموضوع المهم
وبالنسبة للتلفزيونات انا ارشح وبدون منافس تلفزيون برفيا وخصوصا الجديد الفئه اس 46 بوصه انا الصراحه شريته وماعليه اي كلام وغير كذا يعتبر بين الاس والفي لأنه يحتوي على مدخل
hdmi
وهذا موقع الجهاز بالعربي
http://www.sony-mea.com/arabic/press...Article_Id=124

[سلماوي]

انزين شلون للجودة مين الافضل
اكيد سوني اغلى سعرا بس الجودة مين الافضل


نبي مقارنة بين سوني وسامسونج الي وضعته في ردي السابق

[ZACK]

انزين شلون للجودة مين الافضل
اكيد سوني اغلى سعرا بس الجودة مين الافضل


نبي مقارنة بين سوني وسامسونج الي وضعته في ردي السابق

الصراحة ما ادري عن السامسونج لأني ما شفته ...

ولكن أقولك السوني واظح جدا وما عليه كلام ... انا مجربه

[NGC]

مم شرح جميل وموفي

انا قررت اشتري شاشة ال سي دي من زمان مفكر فيها

شنو تنصحوني فيه

انا عاجبني واحد مال سامسونج مااذكر اسمه ولكن موجود بموقعهم ومكتوب انه مناسب للأكسبوكس360

ونشاهده كثيرا في معارض العاب العالمية

خل ادخل الموقع احسن واوريكم اياه

هذا

نوعية ممتازة بس ممكن تقولولي جم ينباع بالكويت
وعن وضوحه اعتقد افضل شاشة بس السعر مخوفني

شوف اخوي سعر التلفزيون إللي انت حطيته بالصورة 720 دينار عند شركة الاندلس في شارع بن خلدون


فيه واحد ثاني اصغر منه حجمه 32 بوصة نفس المواصفات بالضبط ادخل على الرابط واحكم انت


http://www.samsung.com/me/products/t...v/la32r71w.asp

http://www.samsung.com/me/products/t...v/la40r71b.asp

هذا التلفزيون ممتاز وشاريه بسعر 460 دينار وهذا افضل شي للإكس بوكس 360 حالياً نازل عندنا بالسوق

[nxxn]

والله محتار من جد الحست انا محتار اخذ سوني S32A10 وهذا سعره خرافي من الوكاله سعره 5999 يعني ست آلاف ! وهو HD ready + فتحة HUMI

ولا تنصحوني آخذ سامسونج ؟ أرجو توضحون لي سامسونج يا اهل الرياض أهم شي يكون ارخص من السوني لأني ناوي عليه هاليومين خصوصاً المكافئات أخيراً نزلت وياليتها مانزلت ! نزلوا الف ريال فقط بعد اربع شهور +__+


ويعطيك العافيه على الموضوع المفيد حبيب قلبي

[سلماوي]

شوف اخوي سعر التلفزيون إللي انت حطيته بالصورة 720 دينار عند شركة الاندلس في شارع بن خلدون


موكانه غالي

وجم سعر في الوكالة سامسنوج

عليه تنزيلات ولا لا

لانه سعره غالي صراحه توقعت ان يكون 600 الى 650 دينار

[NGC]

شوف اخوي سعر التلفزيون إللي انت حطيته بالصورة 720 دينار عند شركة الاندلس في شارع بن خلدون


موكانه غالي

وجم سعر في الوكالة سامسنوج

عليه تنزيلات ولا لا

لانه سعره غالي صراحه توقعت ان يكون 600 الى 650 دينار

ما اظن فيه وكيل سامسونج بالكويت بس على فكرة شركة الأندلس ما تبيع إلا منتجات سامسونج -___-

ما أدري الشباب مصرين ياخذون LCD أحجام كبير إذا تبي استخدامك الشخصي اخذ بو 32 بوصة ارخص ونفس الموديل إللي انت حطيته بالصورة

[abb543]

ألف شكر على المجهود الرائع

[cantona222]

شكرا عالموضوع.

الصراحه معلومات حلوة و دقيقة.
اذا تبون تتعلمون زياة عن هالموضوع شوفو هالـLink http://gear.ign.com/articles/738/738065p1.html
هذا موقع IGN مسوي Q&A (اسئلة و اجوبة) عن الـHD TV's انا قرأت اغلب اللي موجود.
ناس عاديين يسئلون خبراء IGN.
الصراحة تتعلمون شالسالفة. لان السالفة شوي معقدة

[سلماوي]

خل اشوف الوصلة مالت اخوي cantona222



وانا احب الشي كبير 32 شنو تسوي رايحه بالعرض وصغيره

وجم الرزلوشن مالها

هل مشابه لل 40

[NGC]

خل اشوف الوصلة مالت اخوي cantona222



وانا احب الشي كبير 32 شنو تسوي رايحه بالعرض وصغيره

وجم الرزلوشن مالها

هل مشابه لل 40

نفس الريزلوشن بالضبط

HDTV Ready (720p, 1080i)

هذا مواصفات 32 بوصة
http://www.samsung.com/me/products/t...v/la32r71w.asp

مواصفات 40 بوصة

http://www.samsung.com/me/products/t...v/la40r71b.asp

قلت لك انا هم نفس الموديل بس هذا اصغر منه بالحجم بس انت استعجلت بالرد -___- بعدين 32 بوصة صغير حق الإستخدام الشخصي !

[سلماوي]

انا عندي نضام سنمائي نوعه باناسونك الرزلوشن ماله بحد اقصى **6

يركب على هذا التلفزيون بوضوح حلو ولا الصورة تكون صغيرة ولاتكبر



وبالنسبة للتفزيون لازم اشوفه بالاول علشان احكم عليه

بس هو رايح بالعرض فيبين صغير من اعلى

[Snake-87]

السلام عليكم
جزاك الله ألف خير وأدخلك فسيح جناته على هذا الشرح الحلو صراحة ... أبدعت .

أنا كنت ناوي أشتري جهاز اليوم سوني بريفيا ولكن ما أدري شنو يدعم بالضبط وسعره 319 دينار
ولكن ما أذكر شنو مكتوب عليه وكان صافي جدا ^^" ولكن الأفضل أتمهل بالشراء وأشوف إلي قلت لي عليه .

ولكن الحين في سؤال .. سمعت انه 2011 راح يوقفون البث الفضائي العادي ويحولينه HD بمعنى آخر انه اجهزة التلفزيون العادية لا تقدر انها تعرض البث الفضائي (جريدة الوطن) .
فهل هذا صحيح ؟ وياريت تفيدنا من سالفة الفيديوات والـ DVD يعني هل الـ HD مثلا إذا حطيت عليه فيديو او ديفيدي يزيد من الوضوح ؟ وهل الألعاب الي تدعم ريزوليشن غير ال 1080 مثلا تفرق جدا على تلفزيون لا يدعم هذا الريزولوشن ؟

باختصار .. أنا ودي أشتري جهاز لل PS3 وخايف من سالفة السعر والـ 1080 لأنه لعبة ولعبة ..
وولد عمي وده ياخذ أيضا .. ولكن لل360 (ال360 ما تدعم 1080 صح ؟ )

وقريت في احد المواضيع ما أذكر أيهو انه السامسونج أقوى من السوني
ولاحظت سعر الباناسونك (الفييرا) انه قوي جدا ولكن هل الي مكتوب عليه HD للباناسونيك قوي ؟

والحين تخوفت من سالفة الburn in الي قريتها توه ><"

فهل بريفيا وإلا فييرا وإلا سامسونج ؟



ولاحظت انه الشركات والمجلات مثل ign على ما أعتقد دازين لهم سوني3 يجربونه
كل الشركات حاطين جهاز سامسونج ..

وياريت تقول لي إذا تعرف عن الأسعار .. لأني رحت إليكترونيات الغانم وبغوا ينصبون علي (شلون لا تسأل XD)

وشفت البريفيا وعشقته صراحة

وشفت وانسا HD
XD
صراحة وايد كبير وسعره ارخص من البريفيا بشوووية بس الحجم اكبر ..
بس يبقى وانسا (اخاف منه ) XD

وجزاك الله خير

[THE_MATRIX]

وولد عمي وده ياخذ أيضا .. ولكن لل360 (ال360 ما تدعم 1080 صح ؟ )

مايكروسوفت ذكرت انها بتنزل تحديث عبر الـ live ورح تدعم الـ 1080p

ولاحظت سعر الباناسونك (الفييرا) انه قوي جدا ولكن هل الي مكتوب عليه HD للباناسونيك قوي ؟

طبعاً فيارا قوي جداً لكن إلي اعرفة ينفع للبلازما و شاشات كبيرة ^^ ..
انصحك بسامسونج اسعارها ممتازة مقارنة بقوتها و جودتها و حتى سوني لكن سوني مشكلتها غالية شوي

فهل بريفيا وإلا فييرا وإلا سامسونج ؟

بالترتيب : سامسونج ثم برافيا ثم فييرا هذي اقوى تلفزيونات في العالم تقريباً و معهم شركة شارب
لو بتلاحظون حتى ننتندو في E3 وفي كل المعارض تستعمل تلفزيونات شارب رهيبة ^^ ..

والحين تخوفت من سالفة الburn in الي قريتها توه ><

هذي المشكلة فقط في البلازمة يعني تقدر تاخذ LCD
لكن في مشكلة في الـ LCD اكبر من هذي ^^ ..
ديد بيكسل : هذي عبارة عن بكسلات صغيرة جداً تكون خربانه او ميته بتشوف نقط صغييييرة على الشاشة تخرب عليك و تضايق الواحد صراحة ^_^ ..
لكن ادعي ربك يوم تاخذ الجهاز و اتكل على الله وما عليك من احد ^^ ..

[THE_MATRIX]

شباب اسمعو نصيحتي صدقوني ^^ ..
اقولكم اي واحد بيشتري تلفزيون يأجل الموضوع ..
شباب في تلفزيون بينزل في السوق بعد كم يوم من SAMSUNG في اولاد ربعي يقولون التلفزيون نزل من كم يوم
انا بحاول اروح الوكيل و اشوف ان شاء الله ..
تلفزيون وحش جنان شو اقولكم كل المواصفات فيه ..

او اي واحد يصدر يشتري من النت يحضة لأن السعر بيكون ارخص ..
المهم عندنا في الخليج رح يكون في حدود الـ 8000 درهم إلى 7500 تقريباً او اعلى شوي ..

هذا هو :-




شباب إلي ماياخذ هذا التلفزيون احسن له ينتظر لين يجمع و تاخذونة ..

يدعم الصيغ التالية : 480i 480p 720p 720i 1080i 1080p
شباب يدعم الـ 1080p يعني Full HD شو تبون اكثر من جي ^_^ ..
و فيلة منفذين للـ HDMI

للمزيد من المواصفات و الصور و الشراء عبر النت : هنــــــــــــــا

انا عن نفسي رح انتظر شوي و رح اجمع فلوس شوي و باخذة الصراحة
سعرة جداً جداً رائع بالنسبة إلى تلفزيون خيالي مثل هذا