ألعب بالقرد وماريو وزيلدا وحنا نبي نلعب بميتل جير سوليد و إف إف10 وجي تي3 وسوني2أروع

[EVANGELION 1]

الى الأخ حيوي بصراحه ماكان له داعي تفتح الموضوع وبالصوره هذي وحاط معلومه غلط:
اولا)شكرة ميكروسوفت اغنى من شركة سوني, في ترتيب اكبر خمسين شركه بالعالم اللي نشرته جريدة الوطن احتلت شركة جنرال موتورز المركز الأول واحتلت ميكروسوفت المركز الثاني وسوني الثالث.
وعلى فكره شركه ميكروسوفت نزلت مكانتها من الأول بسبب القضايا اللي رفعت عليها وجميع المحللين الأقتصاديين يتوقعون لها عوده اكبر وأقوى من الأول بعد انتها هذه المشاكل.
اما بالنسبه للردود اللي وردة على موضوعك أقول الآتي للأخ نيتندو
فأبي اقولك كلمه شوف اخوي خل في بالك النقطه هذي
(جميع شركات الألعاب في كفه وشركة سكوير سوفت في كفه) اوكي
والى ساعة كتابت هذا المقال (لا ادري عن المستقبل) تعتبر هذي الشركه من اقوى أنصار سوني ولم تعلن عن تعاونها مع شركات اخرى
وهذا لوحده كفيل بأنك ماتستحقر السوني.
اما بالنسبه ل PKLW2000 فا اسمحلي ليش مايقارن شركة سوني بنيتندو تقول نيتندو الرائعه وسوني البايخه معليه لكن كلامك معكوس واذا تبي تتأكد ارجع لموضوع الحرب وحاول تقرى كلامي هناك اما اني بعيد الكلام هنا معليش الى ساعتك هذي السوني افضل من النيتندو, مالكم االا تنتظرون الجيم كيوب لعل الله يكتب فيه الفرج
اذا نزل وكسر السوني زي ما السوني كسر ال64 هذيك الساعه تكلمو اوكي.
اما عن اعتماد الشركه على نفسها او على غيرها فأظنه كلام سقيم لأن الشركه لما غيرها ينزل عليها هذا يعتبر اعتماد على النفس لأن الشركه اولا اعتمدت على الجهاز وثانيا اعتمدت على مكانة الجهاز وثالثا قوتها في انها تشتري الشركات الأخر وتخليهم ينزلون على جهازها. بعدين انت فرقت معك ايش ان الشركه نفسها تنزل ولا غيرها انت عليك من اللعبه واذا كنت مهتم بالشركه شوف كلامي قبل شوي عن سكوير سوفت.
وسلامتكم وارجو ان الموضوع يتقفل.

[FAS]

EVA

ما اصدق

على اي حال احنا قفلنا الموضوع

[EVANGELION 1]

مراحب شباب,
اخوي فاس ايش اللي منت مصدقه؟؟
بعدين فيه اضافه ابي احطها بالنسبه للأخ KHL2000K ممكن اعرف من وين جاب تصريحه حق التقييم للألعاب؟ من قال العاب السوني ماراح توصل التسعينات؟؟ خلينا نشوف اي لعبة فاينل فانتزي عليها وخلينا نشوف ميت جير 2 عليها ونحكم بعدين. وش رايك؟ تذكر هذولا لعبتين من القائمه الطويله.
باي

[FAS]

ردك كان قصير

هذا الي ما صدقته

[link_hero_64]

صح لسانك يا فنقيلين .
ملاحظه: ترى قريت مقالتك كامله.

[pklw2000]

اسمع ياابو الشباب تقول مقارنه بين الشركتين سوني ونينتندو طيب اش دخل شركة سكوير سوفت عشانك عارف ان هذه شركه سوني بدون هذه الشركات من جنبها اما بالنسبه للمقارنه فشركة نينتندو هي الافضل من ناحية الالعاب لان لها مجال عريق من هذه الناحيه اما للااجهزه فان سوني خرباته كثيره عكس نينتندو اما الشهره فجات مع سوني 1والله ضربة حظ ولااسباب ان سوني 1نزلت عليه اسطوانات كوبي اما النينتندو اشرطة الكارتج وهي غالية السعر وبعدين لاحظ ان شركة نينتندو مقاومه مع ان السوني كل الشركات تدعمها مو على شان السوني عشان اشرطة الكارتج في جهاز نينتندو والله لو كان النينتندو اسطوانات كان سوني 1 ماسمعت عنها عشان كذا اقول لك ضربت حظ اما المقارنه بين شركة نينتندو وسكوير سوفت لاحظ ان هذه الشركه ماعندها الا شريط واحد وهو فاينل فانتسي اما نينتندو عد وغلط طيب نسوي مقارنه بين اخرالالعاب وهي زيلدا من شركة نينتندو وفاينال فانتسي 9 انا اقول ان زيلداافضل ودليل ان مجلة العاب الكمبيوتر قالت ان شريط زيلد افضل شريط من جميع الااجهزه
اما السوني2 اسمحلي ياابو الشباب اول مانزل طلع خربان روقنا اما الان ليس عليه اشرطه حلوه وان النينتندو افضل والدريم كاست وهذا الكلام من المجله ليس من عندي اما الكيم كيوب اول الاشرطه هي افضلها وهي لعبة ماريو الاسطوريه وهذا سبب لشرا الجهاز بعدين عيب عليك تجي تكلمنا وتقط اول شي كلم خويك حيوي2 ان يحترم نفسه بلا عليك هذا موضوع؟ بلا مايستحي على وجه بعد يكتب هذا الموضوع في منتدانا والله انه غبي وحاقد

[a.m.k]

يا شباب اشفيكم تضاربون على شيء تافه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله بصراحه انا احب الاثنين و الي مالعب كل الالعاب مايتكلم عنها

[EVANGELION 1]

الى الأخ pklw2000 لو سمحت ركز في كلامي:
لما نقارن بين النيتندو والسوني من الأفضل مانقارن بالتاريخ لكن احنا نتكلم عن الوقت الحاضر. من الشركه اللي مدخله اكبر قدر من الأموال من جهازها. يعني جهاز السوني 1 حقق ارباح لسوني اكثر ولا جهاز 64 حقق لنيتندو اكثر؟؟
اكيد وبدون نقاش السوني, اذا لغاية كتابتي لهذا المقال تعد سوني افضل من نيتندو. واذا تبي كلام اكثر من كذا ارجع لموضوع الحرب بين السوني وال64.
اما عن قولك اني اقارن سكوير سوفت بشركة نيتندو انا ماقارنتهم لكن خلنا نكون صريحين اكثر الأعاب ارباح ومبيعات في التاريخ هي العاب سوني يكفيك ان سلسلة فاينل فانتزي (اللي انت مستحقرها ومقارنها بزيلدا"الموضوع هذا برجع له بعد شوي") كل ماينزل جزء يحطم الأرقام القياسيه اللي حققها اللي قبله. يكفيك ان فيه لعبه لفاينل فانتزي (فاينل فانتزي تاكتيكس) انتهت من الأسواق والحين فيه قطعه واحد نادره جدا تتم المزايده عليها الآن وقد بلغ السعر اكثر من 700 دولار(لاحظ دولار وليس ريال) يعني مايقارب ال 2625 ريالا. الهدف من كلامي كله ان شركه سكوير سوفت راحت تكون الفاصل بين الأجهزه. انا اقول ان سكوير مع سوني الآن صح ولا لأ؟
ولما انت تقول ان سوني بدون الشركات ماتسوى فأوكي انا معاك طيب واذا وبعدين؟؟ وش دخلني انا؟؟ انا من هدفي اني احصل احسن الألعاب من احسن الشركات على جهازي البلاي ستيشن؟ وخلاص دام الألعاب تجي خلاص انا ليش يهمي اذا كانت من سوني ولا لأ؟
وبالنسبه لموضوعك عن زيلدا وفاينل فانتزي 9 وان مجلة العاب الكمبيوتر تقول ان زيلدا احسن. شوف حبيبي اولا المجله هذي مجله بيني وبينك مايمكن الأخذ بكلامها لأنها عربيه واحنا مقارنه بالأمريكان ولا شي. ثانيا حتى لو كانت كل المجلات قالت ان زيلدا احسن من فاينل فانتزي فهذا يرجع الى ذوق أصحاب المجلات وليس الذوق العام. كيف ممكن نعرف الذوق العام؟؟ ممكن نعرف الذوق العام بأننا نشوف المبيعات صح ولا لأ؟ شوف حبيبي هذي معلومه حطها في اذنك, زيلدا في اول اسبوع من صدورها باعت 800000 نسخه في حين ان فاينل فانتزي باعت اكثر من 2000000 نسخه, وش رايك؟ من اكثر؟ اظن زيلدا مايجي نصف فاينل فانتزي.
بعدين مره ثانيه اقولك ان الشركات على الجهاز من عيب العيب ان ماعندك شركات شوف ال64 ماعليه شركات وعليه شركة نيتندو اللي مسوين فيها زحمه وفشل فشل ذريع صح ولا لأ؟
بعدين تقول نجاح سوني حظ هههههههههههههههههههههههههه
واااااااااااهاااااااااااهااااااااااااااااااااااااااا
قسم بالله انك تهزء نفسك كذا وتهزء شركتك معك.
يعني بالله من قال لنيتندو تنزل كارتردج؟؟ بعدين ليش تقول حظ واكثر الشركات في العالم تنتج للسوني؟؟ يعني لما سوني قامت وسوت اعلانات وتعاقدت مع الشركات كان هذا كله حظ؟؟ ياخي انت بكلامك هذا تدل على ان نيتندو ماعندها خبرأ في البرمجه ولا في التصنيع, بل ان كل شغلهم حظ يعني يجون ويجمعون قطع ويحطونها على بعض ويطلع جهاز ويحظونه بالسوق ويشوفون ينجح ولا لأ. بالله هذا كلام؟ قال ايش قال حظ. هههههههههههههههههه مسكين والله.
على العموم الكلام طال في هذا الموضوع اللي عن السوني والنيتندو واللي براسي قلته وكل الكلام هذا مكرر وكله موجود في موضوع الحرب واذا انت منت رايح تقرى الموضوع ارجوك لاترد, روح اقرى موضوع الحرب اول واذا كان عندك كلام رد علي ولا لاترد بليز, لأن كل كلامك هذا مردود عليه وانا جالس بس اعيد.
هذا اللي حبيت اقوله وشكرا
الأمبراطور EVANGELION

[حيوي2]

:! :! غير معقول هل هذا أنا :! :!


......................... وأنا اسف على رفع الموضوع :": بس الردود تضحك

ويالذكريات ......



شكلي غبي :": :": بالمواضيع هذه :": ?:




وانا اسف مرة ثانية

[mario131]

ايام زمان

[Tails&Kirby]

اتمنى ان نظرتك لشركة ننتندو تغيرت الآن خاصة بعد التغيرات الغريبة التي حصلت التي لم يتوقعها احد

[كاركيون]

ظريف يا باز

[ننتندو جاندورف]

بعد سنيتين اتضح من الفائز انه الكيووووووووووب !!