وش شعوركم بالله ؟

**white-sox** · 01-12-2006, 01:03 AM

المشاركة الأصلية كتبت بواسطة hod hod

السلام عليكم ورحمه الله وبركاته
.
.
.
.
.
.
.
.
.
.
ترى النقط هذي لعانه علشان محد يقراء الموضوع من بره

كيف حالكم كل ابوكم ؟

المهم السالفه تبداء من بداية هذا الترم
جت لنا استاذه هنديه تدرسنا مادة انجليزي
حضرتها زعلانه لانها مدرسة ادب وخلوها تدرس كتابة

طيب احنا وش دخلنا ؟

جت ياطويلين العمر وتسب فينا
انتم يالسعودين انجليزيتكم زفت
وانتم مستحيل بيوم تتعلمون انجليزي مثل الناس
نطقكم خطأ
المنهج سخيف وتافهه
طيب جالسه تستقوي على بنات مستوى اول ؟؟

انا دايماً اشوفها تحرك بفمها بس مو فاهمه وش تسوي
طلعت الأخت تقشر فصفص بالمحاضره

واذا سألناها عن اختبار ترجع تقول انتم يالسعودين مدلعين ترجعون تنامون عندكم خدم مو مثلي اتعب واشتغل وبعيده عن اهلي

طيب ماعجبك ارجعي لديرتك من غصبك ؟

المشكله كل ماتجي استاذه اجنبيه تجلس تتشكى
الراتب اقل والشغل اكثر وسب وتهزيء
الين ماجا اليوم

وتكملنا وحده من الاستاذات السعوديات
عن مشاكل المجتمع
قالت لها وحده من مشاكل المجتمع قله الوظايف قالت ايه صح بعدين يوم وحده ثانيه قالت بسبب الاجانب
ردت الاستاذه ليش وش فيها اذا وظفنا اجانب

بغيت اقول ماعليك شرهه انتي وخواتك مشتغلين بالواسطه

جالسه تقنعنا ان عادي الاجنبي يشتغل عندنا وانهم خبرات جيابينها من بره

طيب خبرات بتدريس مواد انجليزي ؟؟

ولابتدريس مواد عربي ولا مواد ادارة .. الخ
خريجين هالاقسام ولاااكثر
نجي للموضوع المهم
مافيه دوله بالعالم تشغل اجانب كثرنا يالسعوديه
ليش ياترى ؟
قلة خريجين؟
لا والله
فيه وحده اجنبيه بمستشفى الحرس اشتغلت صيدلانيه
والمعروف بمستشفى الحرس فيه مقابله واختبار
عداها المسؤول بدون اختبار وبدون مقابله
ليش ياحضي
علشان راتبها اقل
طيب فيها خريجين دبلومات اولى من عندها
نجي لأختي جت تقدم على وظيفة بمستشفى التأمينات
الا مين الي يقابل المقدمين ؟

سوداني

مصدقين انه بيشغل سعودي ولاسعوديه

والاحلى جت وحده اجنبيه بدون ذكر جنسيه جت تتهاوش تقول ليييييش الافضليه للسعودين

تقول لها امي لأنك بالسعوديه

شكلها نست

عموما السوداني سحب على السعودين وباقي الجنسيات ووظف سودانيه مثله

شفتو الفزعه مو احنا ياحضي

طيب الحين فيه ناس رح يجون يتهاوشون معي صح ؟

بيقولون ليش انتي انانية وتبغين بس الوظايف لعيال وبنات بلدك ؟
انا اقول لكم ليش
ماشفت دوله بالعالم
تفضل الاجنبي على ابن بلدها
اتحدى القى سعودي متوظف بمصر او سوريا او الاردن ... الخ
واذا توظف 1% مايلقى البدلات مثل الي عندنا
اصلا لو تروح سياحة في اي دوله تشوف الفرق شلون لو وظيفه

فيه سالفه بقلبي بقولها

بمصر فيه برج نسيت وش اسمه الي عليه صورة جمال عبدالناصر

المصري يدخل بجنيهين والاجنبي بعشرين جنيه يعني
النفر الاجنبي = عشر انفار مصرين

طبعا مصر مثال وكذا الحال بباقي الدول

تتوقعون رح القى وظيفه هناك يعني ؟

وبصراحه ليتني اشوف شكر من الاجانب
كله معصبين
ويهزؤن
ويقللون من قيمتنا
ويمشون المنهج اي كلام
طبعا مو الكل علشان مانظلم

الموضوع ماله حل بس اعتبروه فضفضه من وحده متهزئة اليوم

لا تحزن اخي الكريم كلها 5 سنين او 10 و لن تجد اجانب عندكم , الحكومات الخليجيه تبنت سياسه التطفيش للاجانب و هذا حقيقي مش بالسهل الواحد يروح دوله خليجيه دلوقت مش زي السبعينات و التمانينات فالموضوع اصبح صعب جدا و دخول اي دوله خليجيه اصعب من دخول امريكا نفسها , انا كل خلاني كانو بالخليج بس كلهم رجعو بسبب كثره العمل و صعوبه الظروف المعيشيه , ودي فرصه كويسه عشان الخليجيين انفسهم يشتغلو , وا انا عن نفسي مع احترامي للاخ الكريم بدجون زعل ان اخر دوله افكر العمل بيها السعوديه مش عشان مش حلوه و لاحاجه

لكن زي قلتها يعني انا اعد في بلدي افضل اكون معارف ينفعوني في الضيقه ,هو ده اللي كنت عاوز اقولو و شكرا

**hod hod** · 01-12-2006, 01:16 AM

أهلن خيتو جريحه ^^

المشاركة الأصلية كتبت بواسطة الوردة الجريحة

ليش أختي ما تنظرين للأمر

على إنها أرزاق قسمها الله كيفما يشاء
فالرزق ليس شرطا أن يكون في نفس البلد التي ينتمي إليها الشخص
بل ممكن يكون في بلد آخر
كما يحصل حينما يتم توظيف شخص من غير البلد
وآخر من أبناء البلد لم يحصل على هذه الوظيفة
فالوظيفة رزق وهكذا فرب العالمين يرزق من يشاء
لو نظرتي للأمر من هذا المنظور لأدركتِ إن بإمكانكِ التعايش مع الأمر
صحيح إن على الدول أن تضبط القوانين بحيث تكون في مصلحة البلد والمواطن
ولكن القوانين لن تقف أمام أمر الله عزوجل ولن تمنع رزق كتبه الله لأحد
شكرا للموضوع وإسمحي لي على وجهة نظري التي قد تختلف عما طرحتيه

فإختلاف الرأي لا يفسد للود قضية

تبغين الصدق ؟؟

كلامك احرجني والله وانتي صادقه بكل كلمه قلتيها بارك الله فيك ^^
بس لاتنسين اختي كل خطوة نخطيها قضاء وقدر بس احياناً الواحد محتاج انه يفضفض لاأقل ولااكثر ومثل ماتكرمتي خيتو كل شيء قضاء وقدر

وصحيح ان الاجنبي الله كتب رزقه عندنا بس صدقيني الطرق عندنا خبيثه جداً
مثل ماقلته بموضوعي ليش وظف الصيدلانيه بدون اختبار ومقابله هذا غش

غيرهم كذا اختبار وكذا مقابله علشان وظيفه وهو يوظفها بالساهل علشان راتبها اقل طريقة خبيثه
ومثل ماقلت العتب على المسؤلين مو عليهم هم

حياك الله خيتو ^^

**hod hod** · 01-12-2006, 01:20 AM

أهلن خيو ^^

المشاركة الأصلية كتبت بواسطة Light.Darkness

:Facts

1-الولايات الأمريكية المتحدة هي اكبر دولة يقوم اجانبها بتحويل اموالها للخارج.
2-المملكة العربية السعودية هي ثاني اكبر دولة يقوم اجانبها بتحويل اموالها للخارج.

كح كح اعتبرني غبية وفيني النوم شسالفه مافهمت ؟

**hod hod** · 01-12-2006, 01:29 AM

أهلن خيو ^^

المشاركة الأصلية كتبت بواسطة white-sox

لا تحزن اخي الكريم كلها 5 سنين او 10 و لن تجد اجانب عندكم , الحكومات الخليجيه تبنت سياسه التطفيش للاجانب و هذا حقيقي مش بالسهل الواحد يروح دوله خليجيه دلوقت مش زي السبعينات و التمانينات فالموضوع اصبح صعب جدا و دخول اي دوله خليجيه اصعب من دخول امريكا نفسها , انا كل خلاني كانو بالخليج بس كلهم رجعو بسبب كثره العمل و صعوبه الظروف المعيشيه , ودي فرصه كويسه عشان الخليجيين انفسهم يشتغلو , وا انا عن نفسي مع احترامي للاخ الكريم بدجون زعل ان اخر دوله افكر العمل بيها السعوديه مش عشان مش حلوه و لاحاجه

لكن زي قلتها يعني انا اعد في بلدي افضل اكون معارف ينفعوني في الضيقه ,هو ده اللي كنت عاوز اقولو و شكرا

صدقني دول الخليج الخليج الي تحكي عنها ماتوقع منها السعوديه

عموما احسك بأخر 3 جمل كتبتها فهمت قصدي

اكيد عندكم بمصر رح تنقهر لو ان سعودي أخذ وظيفة وخلاك جالس بالبيت
عموما الموضوع مثل ماقالته أختي ورده ارزاق من الله والموضوع فضفضة والعتب للسعودين مو للأجانب لأن الاجانب مالهم ذنب

حياك الله خيو ^^

**Son_OF_Liberty** · 01-12-2006, 06:03 AM

والله انكم يالبنات مااحد يعرف لكم

الحين بعد ماصلحتي ذيك المجزره الي بالاستراحه عشان الجامعه
وبعد ماانقبلتي فيها جايه تسكبين العبرات

<<<واحد عاطل مقهور ليش مالقيله شغله وقام يفك حرته بهالمخلوقه

أول شيء بخصوص الدكتوره مدري الاستاذه حقتك
يعني على بالك من زمان بتحصلين شهاده او بتخطين خطوه بحياتك من دون عثرات واهانات وملطشه وكلام فاضي.....الخ
هذا وانتي الكلام موب موجه لك انتي لحالك

المهم
أنظمة التوظيف <<<مدري وش يسمونها عاد بس مالقيت غير هالكلمه
عندنا تعبانه انا من زمان اقولها الفساد الاداري هو الي مضيعنا هنا

يعني بجده على كثر الشركات والاعمال الي فيها مااظن ألقى واحد سعودي ماسك التوظيف بوحده منها

مااقصد الاساءه لأحد لكن فيه شيء احسن من شيء وابن البلد أولى والأقربون أولى بالمعروف .....عاد كملوا انتم الباقي

عالعموم بالتوفيق ياحضرة الكونتيسه

**الجمس الحمر** · 01-12-2006, 07:28 AM

hod hod

اذا كتبت موضوع مرة ثانية ...... طوف سطر ... وسع اشوي يا اخي

عيوني راحت

زين الحين ..شنو المطلوب

اغتيال هذا النوع من المعلمات

وحنا ما يجيبون لنا غير المرضى و المتردية والنطيحة

واهل البلد مو لاقين شغل ياكلون عيش من وراه

ابتلشنا وربي

**Amarantine** · 01-12-2006, 08:01 AM

طيب الحين فيه ناس رح يجون يتهاوشون معي صح ؟

بيقولون ليش انتي انانية وتبغين بس الوظايف لعيال وبنات بلدك ؟
انا اقول لكم ليش
ماشفت دوله بالعالم
تفضل الاجنبي على ابن بلدها
اتحدى القى سعودي متوظف بمصر او سوريا او الاردن ... الخ
واذا توظف 1% مايلقى البدلات مثل الي عندنا

خخخخخخ مع احترامي لك, اللحين الاجانب يشتغلون في الخليج والاخص السعوديه لعدم وجود الكفائات من اولاد الوطن في تخصصات معينه , اللحين تقولين ليش السعوديين مايحصلون شغل في مصر؟ هذا السؤال واضح واجابته هي عدم الكفائه.

**Electro M** · 01-12-2006, 09:44 AM

عدم الكفاءة بسبب مين؟
هنا السؤال
اذا نظام بعض الجامعات ما يأهل الخريجين حديثا للدخول مباشرة في سوق العمل

المسئولية تكون عليه و الا على اللي خرجه؟

و الاجانب موب كلهم كفاءات
لمجرد انهم يرضون براتب اقل هالشي يخليهم مرغوب فيهم لا اكثر و لا اقل
و الا عندنا كفاءات لكن ما عندنا من يهيء لها الوظيفة

**Light.Darkness** · 01-12-2006, 10:49 AM

المشاركة الأصلية كتبت بواسطة hod hod

أهلن خيو ^^

كح كح اعتبرني غبية وفيني النوم شسالفه مافهمت ؟

هلا

السالفة ان مقدار الأموال الي العمالة الأجنبية تحولها لخارج البلاد حول العالم هي الأعلى في الولايات الأمريكية المتحدة تليها مباشرتا المملكة العربية السعودية

وهذا ذا تأثير كبير على الأقتصاد و يوضح حجم العمالة الأجنبية في السعودية و تأثيرها

يعني الولايات الأمريكية المتحدة هي أكبر إقتصاد في العالم وكل الأجانب يتهافتوا عشان يشتغلوا هناك
بس ترتيب اقتصاد السعودية على العالم لا يتوافق و ما تحوله العمالة في السعودية للخارج
الأجانب يحولون مليارات المليارات خارج السعودية فالسعودية في المركز الثاني مباشرتا في تحويل اجانبها اموالها للخارج

اتمنى اكون وضحت بما فيه الكفاية

و إذا السالفة بعد مي واضحة لا تستحين اقدر اوضح اكثر

المشاركة الأصلية كتبت بواسطة Electro M

عدم الكفاءة بسبب مين؟
هنا السؤال
اذا نظام بعض الجامعات ما يأهل الخريجين حديثا للدخول مباشرة في سوق العمل

المسئولية تكون عليه و الا على اللي خرجه؟

و الاجانب موب كلهم كفاءات
لمجرد انهم يرضون براتب اقل هالشي يخليهم مرغوب فيهم لا اكثر و لا اقل
و الا عندنا كفاءات لكن ما عندنا من يهيء لها الوظيفة

كلامك صحيح

**hod hod** · 01-12-2006, 01:09 PM

اهلن خيو سون اللاتيني