تقاييم عادية Pro Evolution Soccer 6

[حمود جيرمني]

مستوى اللعب 9
هذا اهم شي بالنسبة لي الجيم بلاي

[MOJ]

السؤال الذي يسدح نفسه
هل نزل الشريط في الاسواق
وهل احد منكم جربه وانطباعه العام و و و الخ

[FAS]

السؤال الذي يسدح نفسه
هل نزل الشريط في الاسواق
وهل احد منكم جربه وانطباعه العام و و و الخ

نزلت النسخة الاوروبيه من زمان ,
اما الأمريكية صدرت اليوم , يعني يبيلها كم يوم على ما توصلنا .....
___
حمود جيرمني

صح , قلت ان كونامي تركز على الغيم بلاي مو على الجرافكس ....
بس هذا ما يمنع ان احنا ننتقد الإخراج ....
ونوضح سبب انخفاض تقييمها .....

[البيكهام هام]

اللي وصله الاصدار الامريكي يقولي لانه عندي الاوروبي وبشوف الامريكي يصير يباري الاوروبي ولا لا

[Dukefleed]

مهما كان التقيم فاللعبه تستاهل الاحترام

Same opinion، وانا بصراحة اشوف التقييم جيد، لانها في النهاية تتم لعبة كرة قدم.

فاس، احسن لك تاخذها وتلعب ويانا على اللايف (انا مو لاعب اي لعبة وننج الفن من زمان.. تقدر تقول من 7 يمكن..)

[UCHIHA_ITACHI]

مهما كان التقييم فهي تظل افضل و امتع لعبة كرة قدم على وجه الأرض و بصراحه التقييم ما فيه شي والي يهمني اكثر شي الايف حتى لو كانت الرسوم نفس ال Ps2 و فيفا بصراحه انا ماني عارف ليش يتعبون نفسهم ويسوون سلسله بلا توقف لاني من شريت fifa 2007 على 360 دريت انها افشل لعبة كره على الاطلاق و غيرت تفكيري عن شركة ea sport بكاملها حتى لو بتلاحظون تحركات اللاعبين في فيفا كانهم اوراق يتحركون و كل لاعب تقول مجبس ايده وقاعد يمشي عكس ال winning eleven واقعيه بشكل كبير

[البيكهام هام]

8
8
كلامك هو عين الصواب

والله ياجماعه لعبه ماتنلعب حرام تقط عليها فلوسك وحرام تنزلها ديمو بعد فيفا والله اللعب يذكرني بأيام سيجا

شوفوا الدوري الياباني من اول مانزل ولايومكم هذا عالاوروبي كل يوم نستمتع باللعب فيه ولا مره ملينا منه لانها متعه حقيقيه

وصدقوني ياجماعة الخير اللعب باللايف هو متعه لابعد الحدود وخصوصا بالدوري الياباني

[se7en7]

888888

روحوا اللعبوا fifa 2007 على الاكس بوكس الاول بعدين تعالوا وتكلموا

و الله فيفا 2007 في رايي قضت على شيء اسمه ويننق اليفن

و المزايا فيفا 2007 كثيره منه الدفاع الرائع عكس ويننق اليفن كرة السله لا دفاع ولا حراسه

و في رايي ان UEFA Champions League 2006-2007 هي رصاصة الرحمه على ويننق اليفن

[البيكهام هام]

الناس اذواق

بس لو نسأل مية واحد تخيرهم بين وينينغ اليفين او فيفا اضمن لك اقل شي يوصلون تسعين واحد يختارون الوينينغ اليفين هذا اذا موكلهم

[UCHIHA_ITACHI]

اذا على ال 360 فيفا فاشله بعد على الأكس بوكس الأول ؟؟
رسوم فيفا على ال 360 فااااااااااااشله بمعنى الكلمه ليدرجة اني شريت اللعبه من شهر ونص تقرريبا و ما لعبت الا 4 مباريات بسس

و الويننغ اليفين لها شعبيه كبيره و معروفه عند كل الناس هي بالفعل اسطووورة يعني لو بكتب تعبير خمس اسطر عن عيوب الفيفا ماراح اخلص

[Devil..S]

اخوي البيكهام انت تقول النسخه الاوربيه عندك
حبيت اسالك الرسوم في اللعبه اقوى من الفيفا 2007 ولا

وحاب اقول راي في اللعبتين
الفيفاا نا اشوف رسومه قويه وفي حركات حلوه بس في الاسلوب ماعتقد يجي جنب وينج الفن ابدا
انا احس الفيفا بارد في اللعب اما الوينج الفن الحماس كله
واشوف من عيوب الوينج الفن حركات اجسام اللعيبه فيها مشكله
انا اتكلم عن الوينج الفن حق البي اس 2 اما حق ال360 لسه ماشفته واكيد راح تتعدل العيوب

[MOJ]

والله ياجماعه الفيفا الاخير على الاكس بوكس 360 روعة وطريقة اللعب قويه ومثيره ورهيبه.
التكتيك والدفاع والحراسه وروعة الاهداف.
لازم تغيرون رأيكم في اصدار الفيفا الاخير لان هناك تغير جذري كبير والشريط عليه اقبال كبير يفوق الوننق واسألو اصحاب محلات الاشرطه.

[joker_zambrotta]

والله اللعبه ماتستهويني لانها PES مو winning eleven وبعدين جويستك ال360 مو مال العاب كره او حتى 2-d فايتنغ

انا بنطر WE اللي راح تصدر من المركز الرئيسي في اليابان وهي راح تكون بداية نقطة جديده اعتقد بمحرك جديد للجيل الجديد

[عاشق 360]

اللعبه اللعبه قويه حيييل في الجيم بلاي وممتعه ؟

[Modi]

اللعبه بالنسبه لي ماتقارن بالفيفا الي مافيها غير الرسم فقط !!
برو افلوشن الجيم بلاي هو مايميز اللعبه .. دام انه ممتاز .. بالنسبه لي يكفي

فيفا 07 فاشله بقوه 06 افضل مع ان السلسله بكبرها محد معطيها وجهه
عن التقييم اكيد نازل لو انه بيسبول او سله او كره امريكيه .. كان بيكون مرتفع