5 اسباب قد تجعل الps3 لايبيع جيدا (رجاء عدم التعصب)

[XxLEGENDxX]

السلام عليكم ورحمة الله
هذي اول مشاركة لي .. وان شاءالله استفيد منكم وتستفيدون مني .. ^_^

بخصوص موضوع البلاي ستيشن 3 ..
عام 2008 .. PS3 راح تكون المسيطره على سوق الالعاب وستشهد انطلاق اقوى مجموعاتها من ميتل جير و فاينل فانتسي وحتى مونستر هنتر

سوني هي اللي بيدها عمل ثورة في مجال الالعاب وقت ما تحب وهي اللي بيدها تنقل الالعاب من جيل الى جيل اكثر تطور تقنيا

ابتداء من سوني 1 عام 1997 واللي بفضله قامت الناس تقبل على العاب الفيديو بشكل كبير جدا وغطى على بقية الالعاب اللي كانت موجوده مثل سيجا ساترن و 3DO وحتى نيتندو64
ونفس الشيء حصل مع PS2 يوم قدر انه يقضي على نيتندو جيم كيوب و سيجا دريم كاست على الرغم من ان هذي الالعاب رسوماتها اقوى بكثير من PS2

ونفس الشيء راح يصير مع PS3 ان شاءالله
wii راح تكون موضه تنقرض مع الايام والاكس بوكس ربما بيعمر اطول لكن مب شرات PS3 اللي عادي يكون ل 7-10 سنوات للامام والناس راح تستخدمه
اخوكم اللي يكلمكم للحين عنده بلاي ستيشن ون وللحين العبه

السعر مب مبالغ فيه .. 2200 ل 60 جيجا جدا مناسب خاصه انه يحتوي على بلو راي .. انتظروا 4 اشهر وشوفوا كيف الاسعار

اتركوا اكس بوكس و وي تتهنا هذا العام لان بعد هذا العام راح يكون ل PS3

^_^

[الجام العربي]

يا جماعة الجهاز مازال بالبداية وبتشوفون أشياء رائعة جدا جدا جدا !!!
يعني بعد سنتين على أقل مدة

[القبطان فرفشلي]

ياشباب انا قصدي عن حالة البلاي3 واحتمال فشلها في السوق فقط

وشكرا

[haseo]

السلام عليكم ..

ما أتوقع بلايستيشن 3 بتفشل أبدا لكن في نفس الوقت ما أتوقع إن بيكون لها نجاح كبير مثل نجاح بلايستيشن 2 أول ما نزل

صحيح إنه غالي سعره ويقولون 6000 لكن انتظر فترة وبيوصل يمكن 2000

أما عن الألعاب الحصرية مو شرط تكون أول ما ينزل

وإن شاء الله يكون بلايستيشن 3 أحسن من 2

المسألة كلها مسألة وقت وبيتعدل كل شي إن شاء الله

في أمان الله ..^^

[MSF]

شباب الحين X360 و هارد دسك 20 غيغا و مشغل HD-DVD وأجهزة تحكم لاسلكية
أرخص من الـPS3 نسخة الـ20 غيغا ؟
ــ

[XxLEGENDxX]

بالنسبة لسعر البلاي ستيشن 3 عندنا في الامارات فهي :
20 جيجا هارديسك : 1800 درهم
60 جيجا هارديسك : 2200 درهم

الاكس بوكس اخوي اشتراه من دبي ب 1400 درهم مع جهاز لا سلكي والمحول وكل شيء لكنه من غير الالعاب
لعبة الاكس بوكس سعرها مابين 180 - 200 درهم

انتظروا الى ان تنزل العاب اليديده وبعدين اشتروا سوني 3 ^_^

[القبطان فرفشلي]

شباب الحين X360 و هارد دسك 20 غيغا و مشغل HD-DVD وأجهزة تحكم لاسلكية

أرخص من الـPS3 نسخة الـ20 غيغا ؟

ــ

طبعا

ال360 سعره 299 دولار

والبلاي3 20 قيقا سعره 499 دولار

وشكرا اخي الكريم على التفاعل

[Ninja.Gaiden]

كلامك 100%

[MSF]

299 دولار مع مشغل الـHD-DVD و هارد دسك 20 غيغا ؟

[MSF]

20 جيجا هارديسك : 1800 درهم

نسخه يابانية أو أمريكية ؟

[chris2003]

مع احترامي لك ولرايك بس يظل PS3 من افضل الاجهزه عند كثير من الناس

[MSF]

بعد البحث
X360 + 20GB = 400$
X360 HD-DVD Player = 200$
So , 400 + 200 = 600$
الأسعار من موقع أمازون !

[فوق المستحيل]

الامر ليس مادي بقدر ماهو نوعي

النوع الاهم وليس السعر

ماهي نوعيه المنتج ؟

سوني 3...راح تنتصر...لان التاريخ يعيد نفسه

والوقت سوف يقلل سعر السوني 3 كما قلنا سابقاً



.

[Dukefleed]

ما أتوقع انه يفشل ابداً.. خصوصاً وانه عليه العاب تعتبر من الأفضل. المشكلة الوحيدة انه معظم الألعاب الجيدة بتنزل آخر هالسنة أو حتى 2008.. ففي هذه الفترة تحس الجهاز ما عليه شيء يجذبك له.

وبصراحة هالجيل فيه منافسة شديدة حتى الآن والنتايج مب مبينة.. نصبر ونشوف.

بعد البحث
X360 + 20GB = 400$
X360 HD-DVD Player = 200$
So , 400 + 200 = 600$
الأسعار من موقع أمازون !

صحيح أخوي.. بس أنا مب فاهم ليش حاسب الـHD-DVD على انه شيء مهم للجهاز؟ هو فقط للأفلام وليس مثل البلوراي في الـPS3.. فأنا بكل صراحة مب فاهم ليش كل ما جيتوا تقارنون تضيفون سعر الـHD-DVD؟

[MSF]

صحيح أخوي.. بس أنا مب فاهم ليش حاسب الـHD-DVD على انه شيء مهم للجهاز؟ هو فقط للأفلام وليس مثل البلوراي في الـPS3.. فأنا بكل صراحة مب فاهم ليش كل ما جيتوا تقارنون تضيفون سعر الـHD-DVD؟

لأني أريد جهاز يقدر يشغل أفلام