محتار بين WII و Xbox 360

[scaryface]

اذا تبغي تلعب بالكوبي فجهاز وي الافضل ويعيش مدة اطول (كما تعودنا على نيتندو)

واذا تبغي لعب قتالي + اونلاين والعاب اخرى الاكس بوكس اكيد افضل (بس مع ضمان)

[المتشكي]

اكيد الـwii

[FAS]

يعتمد على نوعية الألعاب التي تحبها ومدى تمسكك بالألعاب .
الاكس بوكس 360 يقدملك :
- كمية هائلة من ألعاب الFPS لا تقارن بأي جهاز ( غير الPC )
- لعب أونلاين قوي وممتع ويزيد من عمر اللعبة ( تحتاج اتصال DSL واشتراك بخدمة اللايف )
- أغلب الألعاب تحت تصنيف M للبالغين , فيها عنف وإجرام وسرقة وووو ...
- جهاز مناسب لشخص واحد ( اذا ما عندك أحد في البيت يلعب )

أما الويي , :
- أفضل جهاز يقدملك ألعاب بلاتفورم .
- اسلوب جديد وممتع للتحكم , مع إمكانية ظهور أفكار جديدة بالمستقبل لألعاب تعجز عن دعمها الأجهزة المنافسة .
- جهاز عائلي بحت , بمعنى
أ- أغلب الألعاب بالتصنيف E لجميع الأعمار
ب - أغلب الالعاب بها طور تعدد اللاعبين وبعض الالعاب يزيد العدد بها عن 8 لاعبين .
- أيضاً الجهاز يحتوي على اجهزة ننتندو الأربع الماضية , الفاميلي والسوبر ننتندو و ال64 والكيوب ,
حيث يمكن تنزيل ألعاب كلاسيكيه , كما يمكنه تشغيل ألعاب الكيوب بشكل مباشر .

في النهاية الخيار لك , ولذوقك ....

[نمرمقنع]

يعطيكم العافية شباب على الردود والله الكل يرشح الاكس بوكس وبعض الاخوان يمدحون الجهازين والاكس بوكس وسوني على ماعتقد الفرق بكم لعبة حصرية يعني سوني = اكس بوكس والاختيار بعد التجربة وتجيكم الاخبار
محد جاب طاري الاكس بوكس الجديد اللي ينزل اخر الشهر؟ وكم بيكون سعره

[Modi]

مودييي اخبارك يا واد وين الغيبة؟؟

بخير والله موجود بس الدنيا ومشاغلها XD

محد جاب طاري الاكس بوكس الجديد اللي ينزل اخر الشهر؟ وكم بيكون سعره

سعره 479$ تقريبا .. اذا ماني غلطان

[REDFOX-ZERO]

صلو على نبي يا اخوان اول شي الريال هذى ناوي على جهاز الاختار يرجع له بس حلو موضوعه ^^. احيك اخوي فتحت ثقره قويه لل عنصريه ^^.

[فوق المستحيل]

اخوي نمرمقنع انت شنو تلفزيونك ؟

[نمرمقنع]

REDFOX-ZERO حبيب قلبي شكرا وانشالله مافي عنصرية ولا عصير ليمون ههههههه اذا في عقل مافي عنصيرية.

اخوي فوق المستحيل تلفزيوني عادي سوني 34 مو هاي ديفينيشون وعندي بروجكتور بانسونيك توصل شاشة العرض الي 300 انش وفيه فتحات HDMI وPC وCOMPONENT وPC IN وS-VIDEOوSERIALوSCART المهم جربت الــPS3 على وصلة HDMI واشتغل تمام صاااااافييييي صااااااروخ على 100 انش من غير ماتكبر اذا بتزيد في حجم الشاشة بيقل الوضوح لازم تخلية 100انش واضح ومع الفليبس 8500 واط اوووووو اجرام والله بعض المرات قلبي يعورني انقززززز من صوت الانفجارات باللعبة انا حاس الجيران بيشتكون علييي عالعموم مشكورين شباب وماقصرتو بالردود

[GHOST 360]

بدون متشوف خض ال360

[محامي الفيلسوف]

انا شريت الاكس بوكس 360 صار لي شهرين

وشريت معه 7 اشرطه

تصدق اني فتحت بس 3 اشرطه وقاعد العب فيهم و الـ 4 اشرطة الباقيات مافتحتهم

بتقولي ليه ؟

بقولك من كثر ما انا مستمتع بالاشرطه اللي قاعد العبهم مافتحت الـ 4 اشرطة الباقيات ....


متـعه لأبعد حدود وخصوصاً لعب الأون لاين....... شي ثاني



وصراحه تكفيك لعبة جيرز اوف ور.... حرام تفوت عليك متعة لعب هذي اللعبـه الراااااائعه

وترى متعتها باللعب اون لاين اكثر من الجيم بلاي



بعدين اختيارك مابين الاكس360 والـ Wii راح يعتمد على ذوقك انت مثل ماقال احد الاخوان

لان اسلوب الالعاب بالـWii يختلف عن الاكس...


انا عن نفسي كنت قبل لا اشتري الاكس محتار بينه وبين الـ ps3 والـ Wii

بس اكتشفت ان الـ Wii اغلب العابه ماتنفع لي... عليه العاب كثيره مثل راي مان .. يعني رسوم غير واقعيه... انمي


وانا ماتعجبني هالالعاب ...


والـ ps3

شفت العابه قليله وحرام اشتريه بهالوقت ... اصبر عليــه سنه ونص عشان يجي وقته وتنزل عليه الالعاب الحلوه


فكـان الاختيار الامثل هو الاكس بوكس 360....


وانا الى يومك هذا مستمتع فيه وغير نادم ابدا


تحياتي ،

[Dark Spot]

اخوي انصحك تسوي زي ماقال الاخ FAS على حسب الي تبيه والي تحبه من العاب ومعروف ان الـ360 فيه ملكة FPS هالو وصراحة خاصية الاون لاين عجيبة وروعة والواي مالي خبرة كبيرة فيه بس الي اعرفه ان طريقة لعبه مميزة بشكل غير طبيعي واغلب العابها زي ماتقول عائلية

ومن ناحية البلاي 3 اخوي انت دفعت فلوسك فيه حاول انك تحلله وانشاء الله قريب تنزل العاب تخليك تدمن عليه
والشباب الي حاقدين على البلاي 3 لايكون هو اسمه بلاي لا تصلي لا تعبد ربك لا تطيع والديك انصر اخوانك اليهود ستشين 3
ترا راس ماله جهاز بو 2250 ريال حالته حالت الـ360 بو 1700 ريال وحالتهم حالت الواي بو (( شباب مساعدة مدري كم سعره )) ريال
وراس مالهم كلهم تجي انت مسرع وفي ايدك كاس لبن ويطيح على الجهاز بعدها انت تقوم ترقص break dance
ياخي انتم عليكم عنصرية مدري ويش تبي
يجيك اخويه جنب بعض واحد منهم يقول بالغلط "ياخي الاكس بوكس احسه خياس" يجيك الثاني يقوله " تعال يابن الكلب "
والعذر والسموحة على الاطالة

[XvashX]

إنت واضح عليك ناوي على Wii وهذا الشيء واضح من كتابتك للموضوع وإذا تبي رأيي
إكتب أفضل 10 ألعاب عندك (في الكيوب والبي اس2 والأكس) وذاك الوقت راح نفيدك زين
وإن شاء الله ما تندم إذا شريت إلي نفسك فيه .....وسلامتكم^^.

ملاحظة تراك كتبت موضوعك في قسم الإكس بوكس يعني كل إلي هنا من عشاق
الجهاز وأنا أولهم بس إن شاء الله نقدر نفيدك إذا قلت لنا الألعاب إلي تحبها ^_^.