Super Paper Mario .. نقاش + استفسارات + حلول + اسرار .. بالداخل

[kabeeer]

مشكووووووووووووورين فاس و wario2002

[wario2002]

KSA_BOY : تسلم والله ماتقصر .. انا مقدر اهتمامك بس الموضوع عاجبني وانا مفكر بالعنوان قبل لا احطه .. ولو ماعجبني صدقني بقولك غيره ..

=================================================================
kabeeer : الحق واجب وانا اخوك .. تسلم لي عالرد



انا بروح العب بيبر ماريو لي يومين مالعبت

[kabeeer]

شباب انا في نفس مكان ماتريكس

المهم فيه وحدة ناشبة في حلقي كسرت مزهريتها وتبي مليون روبية
من جدها ذي ولا تستهبل
يعني اجمعلها ولا لأ

[wario2002]

kabeeer : خخخخخخخخ لا وين من جدك انت بيني وبينك انا كنت مصدق بالبدايه لاني ماستبعد هالهبال عن سلسلة بيبر ماريو

لكن انت شيك عالمكان صح واذا ماعرفت شي اقرا ردي على ماتريكس وتعرف الحل .. المهم انا وصلت شبتر 4-4 وانحجرت بقوووه .. حست بكل مكان عجزت اعرف الحل

[kabeeer]

مشكوووور أخوي wario2002
اصبر لي يومين بس وأعدي مكانك انشاء الله وأعلمك كيف تعديه

[THE_MATRIX]

مشكورين شباب ما تقصرون ^^ ..
شباب الحين اريد اروح إلى تشابتر 3 بس اعتقد لازم احصل لويجي وين اقدر احصلة ..؟
وفي مجاري خضراء برى المدينه يقولي لازم اخلص 100 مرحلة والصراحة وصلت عند الـ 30 و دوخت ..
لازم اخلص الـ 100 كاملة ..؟

[FAS]

ماتريكس ,
وضح مشكلتك أكثر .... هل هو كان معاك وأنت فقدته ؟ إذا هذا الي صار , اقرأ الحل وجربه .

بعد ما تفقد لويجي , ارجع ورى راح تحصل بيب مصكر , استخدم الboomer عشان تكسر البلوكات الي عليه . وادخل هون واستخدم ال3D عشان تحل بعض الألغاز وتلقى بعض السوالف , وكمل لعب لين ما توصل التشابتر 3 .

أدري الكلام مختصر , بس ابيك تستانس وأنت تلعب , بس حبيت اعطيك فكرة عن الي تسويه .
===

واريو ,

يخوي الفاضي , يعمل فيها قاضي .
حل سؤالك هو ...

استخدم بيتش يا ذكي عشان تشقح .

[THE_MATRIX]

لا انا اقصد لويجي وين احصلة ..؟
انا لعبت فيه يوم كان المكادن مثل الأسود مثل الـ dark
.

الحين إلي ابيه بالضبط كيف اروح إلى تشابتر 3 ..
الباب موب موجود وين اروح ..؟
اعتقد لازم اروح احط القلب مكانه بس ما عرفت وين مكانه

[FAS]

ماتريكس يرحم خالتك سبيجه اكتب بالأبيض

روح عند Merlon وهو راح يكلمك شوي بعدين راح يرجع لبيته , أ،ت اطلع من بيته وروح للطريق الي يوديك للبيب Pipe الي عليه صناديق Blocks واستخدم الBoomer عشان تتخلص من البلوكات وتدخل البيب . ولما تدخل استخدم ال3D وراح تلاقي القلب .

قولي اذا نفعت معاك عشان اكملك الحل , أو حاول تحله بنفسك ... ورد علي ... ولا تنسى ... اكتب بالأبيض

[THE_MATRIX]

منو Merlon ..؟
الساحر ؟

وسوري والله نسيت ما كتبت بالأبيض لوول ..

[FAS]

الي يقولك القصه في البداية .... عرفته ؟

[wario2002]

اقول فاس تراك حست الاعضاء انت ووجهك

ماغير تجيب حل من المواقع ويطلع غلط .. ياحبيبي لازم تكون عندك اللعبه عشان تعرف تشرح الحل

مثلا الـ Pipe الي لازم تفجر البلوك الي عنده بالبيكسل الي اسمه Boomer (( ذكرني بقيرز )) هذا تلقاه بمكان صعب .. وانت طبعن ياطويل العمر ماتعرف وين المكان بس جاي تحوسنا


بخصوص بيتش الي تقول خلها تشقح خخخخخ .. ياذكي ادري انا شقحت والديها .. بس ماينفع وصلت لمكان وانحجرت بقوه .. صدقني بلقى حل بس خلني اخلص من الاختبارات الزززفت عشان القى وقت العب


اخوي ماتريكس .. ميرلون هو الساحر ابو شنب .. المهم ماتريكس انت يوم خلصت الباب الثاني ورجعت كلمت ميرلون .. عطاك مفتاح ؟

المهم اذا كان معطيك مفتاح .. اطلع من بيت ميرلون .. وانت بالبلد حول العالم للـ3D وامش يمين بتلقى باب مقفل .. افتحه بالمفتاح الي عطاك اياه ميرلون .. بتلقى داخل Pipe فيه اشياء مسكره عليه .. بس هذا مب وقته الحين .. لاني ماظن ان عندك الـبيكسل الي ينفجر .. المهم اذا دخلت هالمكان خلك محول لعالم الـ3D وبتلقى طريق يوديك للجهه الثانيه .. راح تلقى الـ Heart Piller هناك .. الي هي عباره عن البلوك الي تحط القلب داخله .. المهم ماراح تقدر تروح له الا بمساعدة بيتش

وبخصوص لويجي راح تحركه بس بعالم الـDark حاليا .. بس اتوقع راح تحركه بعدين باللعبه .. لان القصه تقول ان 4 ابطال الي لازم تلاقيهم بطريقك .. انا الحين معي بيتش وباوزر وباقي لويجي بس ..

المهم جرب الحل الي عطيتك وقلي وش صار معك

[wario2002]

ابشررركم خلصت المكان .. ووصلت للباب الخامس بس مالعبته خزنت قبل لا ادخل ..

ماتريكس بخصوص الـ100 باب .. هذي خلصها بعدين اذا صارت الـHp والـ Attack حقتك كثيره ..

وعلى فكره لازم تخلص الابواب هذي قبل لاتنهي اللعبه احسن لك .. وفي سر يقول اذا خلصتها مرتين يطلع لك شي جديد باللعبه نسيت وش هو .. بعدين نتناقش في هالشي

المهم حبيت ابشركم بشاره .. انا رحت مدينه جديده اسمها Flopside .. هي مثل المدينه الاولى Flipside ولكن فيها بعض الاختلافات ..

يعني البشاره هي ان اللعبه اطول من ماكنا نتوقع .. انا كنت اتوقع ان اذا خلصت الابواب الثمانيه يكون فيه بعدها مكان فيه العدو الاخير وخلاص ... بس طلع بالمدينه الثانيه فيه 5 ابواب جديده راح تفتحهم بعدين

[CutX]

سؤال خارجي.. لماذا تكتبون نصف الردود باللون الأبيض؟؟

[wario2002]

سؤال خارجي.. لماذا تكتبون نصف الردود باللون الأبيض؟؟

لان بهذا الموضوع فيه بعض الكلام ممكن يخرب على البعض قصة اللعبه .. فعشان كذا حطيناه باللون الابيض .. و بعض الاحيان نحط مستطيل اسود

ياليت اخوي تقرا اول صفحه بالموضوع عشان تفهم قصدي صح .. وحياك الله معنا