أول ما شفت فاينال...

[بوعبدالرحمن]

أنا كانت بدايتي مع فاينل فانتسي 8 قبل سنة أو سنتين تقريبا
كنت ما أعرف شي اسمه أر بي جي إلا
لما شفت ذاك اليوم مجلة لفاينل فانتسي 8 وكان فيه صور الشخصيات
أعجبتني الشخصيات فشريت المجلة وصدقوني المجلة طلعت زفت
المهم بعد ماشريت المجلة جلست أدور الشريط أيام
لين شفت الشريط صدفة في الرياض ومن سوء الحظ كانت يابانية
شريت الديسك ولعبت اللعبة وجلست عليه سااااااااعات طووووووويل
إلين وصلت في نهاية الديسك الثالث وبعدها علق الشريط
وبديت أبحث عن فاينل فانتسي يابانية وما لقيت إلا إنجليزية
شريت الإنجليزية بعدها أنهيت اللعبة والحمدلله
مالعبت إلا فاينل فانتسي 8

وهذي قصتي مع فاينل فانتسي ، وأرجوا أني ماثقلت

[شتاينر]

شكرا على الموضوع الجميل ... أنا قصتي مع فاينل فانتاسي صغيرة :
أنا ما كان عندي بلاي ستيشن وكنت ألعب الألعاب على الكمبيوتر ، ومرة جاب أخوي مجله ويندوز ( هاذا أسم المجلة ) وكان فيها ألعاب ديمو ، وعلى غلاف الشريط كان صورة سكوال .. قلت خليني أجرب هذه اللعبة ، وفعلا سجلتها على الكمبيوتر ، وكانت بداية اللعبة عند ما يبدل سكوال ملابسه ويروح مع سيلفي على الحفل الراقص .. وكان العرض رائع بمعنى الكلمة ، وبعديها لعبت في اللعبة حتى خلصت نسخة العرض هذه كلها ، ومرت الأيام وأنا أعيد وألعب هذه النسخة مرة ورا مرة وبدون ملل ، وقررت بعديها إنه أشتري اللعبة على الكمبيوتر ، ورغم إنها كانت غالية ( بحدود 600 درهم - ريال ) لكن كنت مصر .. ورحت عند المحل وخبرنب إنها لسة ما وصلت عندهم وبعد أسبوع بتيجي .. أنا قلت في نفسي ليش أصرف كل فلوسي على لعبة وحدة ؟؟ ، خليني أشتري البلاي ستيشن وبعدين أشتري اللعبة عليه بكون أحسن ، وفعلا أنا أول ما إشتريت الجهاز جبت اللعبة بنفس اليوم ... هذه كانت بدايتي مع فاينل فانتاسي 8
طولت عليكم صح

[M7MOOOD]

بييييييييه ...

الله يرحم أيام أول

[سيفروث3000]

أن كنت أمشي في السوق فدخلت محل للاعاب فرأيت وحدة حلوة وجميلة فسارعة وأخت العبة ":" ":" وهو الجزء8 فعلا جميلة لو في وحدة في الدنيا مثلها كان تزوجتها

[M7MOOOD]

كتب العضو (سيفروث3000)
":" ":" لو في وحدة في الدنيا مثلها كان تزوجتها

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها يا بابا أنت توك 11 مادري 12 سنه ... و تعمل نفسك ريال و تبي تتزوج أنا راح أموت من الضحك و الله نكتة

[cuteboy]

ههههههههههههههههههههههههه محمود ههههههههههه خل الرجولة حقك ههههههههههههههه
ماعاش كويتي شيعي يغلط على سعودي ههههههههههههههههههه

[wescker]

بوعبدالرحمن....يوم لعبت بالياباني همت شي؟؟! ولا مع الخيل يشقرا .... وما قصرت

شتاينر....أ الله تدري عاد أن هذي أول مرة واحد يقولي أن موضوك حلو....تسلم والله تسللمممم

سيفروث3000..... يخطير أنته...........


M7MOOOD..... محمود رجاء بلا مشاكل على الأقل قول لنا قصتك مع فاينال..

cuteboy..... رجاء بلا مشاكل...الله يخليك....

[kid346]

انا شفت فاينل فانتسي 8 في مجلة العاب الكمبيوتر و ملاعب الكمبيوتر وكان يتكلمون عنها واجد
شريتها وكانت في البداية صعبة وكرهتها بس حبيتها لما عرفت لها

[Dagger]

للاسف ما كانو يعطوني شي لاكن انا اللي كنت استغل الوضع واطلب واتشرط على كيفي ويا ويله اللى ما يرضى



وبعدين يا محمود اترك الجاهل اااااقصد الصبي فحاله

[wescker]

kid346 ...ثانكس

Dagger.... ...

[سيفروث3000]

كتب العضو (cuteboy)
ههههههههههههههههههههههههه محمود ههههههههههه خل الرجولة حقك ههههههههههههههه
ماعاش كويتي شيعي يغلط على سعودي ههههههههههههههههههه

شنو سعني اذا كان الواحد شيعي يعني كافر أنا ما أسمح لك تتكلم على أي واحد شيعي وتقول أن الشيعة كدا وكدا تتكلم على الكويتين عادي ما في مشكلة لكن شيعي ممنوع ممنوع ممنوع ممنوع ممنوع ممنوع ممنوع ممنوع فاهم والله لا

[ريـــنــــوا]

سوررررري على التأخيررررر .... انا ما أعرف ليش انا دائما اخر الناس ؟؟

على كل حاااااااال و كل عام و انتم بخيررررر جميعا

أنا قصتي قلتها قبل كذا في موضوع ثاني و راح اقولها مره ثانيه...
بدأت القصه لما أختى Wyna62 شافت استعراضات عن FF8 في مجله العاب الكمبيوتر و ركبت راسها الي تشتريها ... طبعا انا عارضت اشد اعراض ( كنت و مازلت من عشاق متيل جير سوليد ) و قلت لا هذه لعبة بتضيع فلوسك على الفاضي لانها RPG و أنا كنت أكره هذه الالعاب.

المهم جابت أختى اللعبه رغم نصائحي لها و لعبتها و أول ما شفته منها هو المعارك قلت لها أيش هذا التخلف.

بس بعد كم يوم دخلت لقيت اختى تشوف عرض البدايه أنا ذهلت من روعته... و بدأت اشوف اختى و هي تلعب عشان اشوف العروض و بدأت القصه تؤثير اهتمامي و كنت وقتها اكره سكوال بسبب تصرفاته.

و بعد كم يوم قمت أسرق الشريط من دولاب أختى من وراها و العب باللعبه ... و ما اتهنيت بها الا و مسكتني و قالت لي اشتري الشريط أذا عجبك ... و ما كذبت خبر على طووووووووول اشتريت و كانت أورع و أجمل لعبه لعبتها في حياتي.

و من بعدها عشقت الـ RPG و ما قمت العب غيره.




يووووووووووووه شكلي طوووووووولت عليكم.

[Tidus]

في يوم من الايام كان في ورع صغير اسمه Tidus ......كان قعد يقرى جريدة

الراي العام يوم الجمعه .....الجريده هذي في كل يوم جمعه تنشر مقال عن

العاب الكمبيوتر .....و مشاري ..قصدي Tidus قرى هالمقال بس في

جملتين شدن انتباهه (Metal gear جعلت البلاي ستيشن في القمه .......

وعشاق العاب الRPG ينتظرون بفارغ الصبر FINAL FANTASY8 بعد النجاح

الذي حققه الجزء السابق ) وفي هاللحظه Tidus انصكم و قال لنفسه :

شنوا يعني العاب الRPG ......مع العلم ان ما كان عنده بلاي ستيشن

وقتها اساسا .....و بنهاية السنه الدراسيه نجح Tidus و طلع الاول على

الصف و راح ابوه شراله البلاي ستيشن مو عشانه نجح لا ....عشان يفتك

من لجته و صجته ....و بعد مده تطور مستوى Tidus بالالعاب و راح يشتري

final fantasyو كان ماخذ معاه دينارين و لما وصل للمحل انصدم ان ff

طلع اربع ديسكات و كان لازم يجيب معاه 4 دنانير ...رضى Tidus بالامر

الواقع و شرى metal gear .... وبعد مده وصى واحد من اخوانه الكبار

انه بطريقه و هو رايح السوق يشتريله ff.....و ما قصر اخوه راح و جابله

الديسك الي يبيه ...و راح Tidus يبي يلعب الديسك و شاف المشهد

الاول و انبهر من قوة المشهد و حلاته .....بس المشكله انه لنا بدى اللعبه

اكتشف انها باللغه اليابانيه ....رضى Tidus بالامر الواقع ووصل بالعبه

و هو ما يدري شالطبخه و في يوم من الايام خربط في قائمة الادوات

و دش ميزة الجنكشن و لعب عليها لعب ......و لما بدت المعركه لاحظ ان

في بعض الخيارات زادة ولما اختار الخيار الزايد ....طلع وحش كبير من

نار و يطير بالسما و يضرب على الوحوش كره ناريه كبيره ............:واو:

وبعد المشهد الي شافه Tidus حلف و قال الا اشتري هالشريط نسخه

انجليزيه ..............................................و انتو تعرفون الباقي ................

توته توته خلصت الحتوته............

[wescker]

ريـــنــــوا....عسا ما تعبانكِ...........مشكوووورة على المشاركة

Tidus..... هب عليييه دافوور :واو: ماشاء الله عليك.....ألف شكر على القصة

[S-Python]

سلام عليكم..


انا بصراحه ما كنت اعرف ff الا يوم طلعت فاينل 8 ... وذيك الساعه بديت احب العاب ال ار بي جي ثمن لعبت بعدها 9 ثمن بعدها لعبت 7 (( والله اللخبطه )) .

والا قبل ما كنت اعرف شيء اسمه فاينل .. اما الحين فرق كبير ..



مشكور اخوي على موضوعك ..


اخوك ابو صويلح..