بصراحة لا أتنمنى صدور ألعاب منسوخة على البلاي ستيشن3 ! ماذا عن رأيك؟

[الجام العربي]

بصراحة انا ماخسرني إلا هذا الكوبي
أشتري 30 لعبة وتطلع ألعاب بايخة وأرميها !!
الأصلي يجعلك تتمهل بالشراء

[المأثور]

أصلي أو كوبي
للأسف أكثر ما يحدد إختيارك هو السوق نفسه
إذا كان ربح المحلات على الكوبي أكثر من الأصلي راح تشو ف الكوبي بكثرة
ولا تنسى كثرة أعطال الجهاز يعني تصليح أكثر + بيع قطع الغيار +شراء أكثر من جهاز يعنى ربح أكثر
وراح تلقى الأصلي نادر بالمحلات +أرتفاع مبالغ في السعر

[White Knight]

ولا تنسى كثرة أعطال الجهاز يعني تصليح أكثر + بيع قطع الغيار +شراء أكثر من جهاز يعنى ربح أكثر

على قولك تلقى شركة سوني تكسب منا نحن العرب في قطع الغيار فقط من كثر الأعطال

[البيكهام هام]

انا مع صدور الكوبي
بكل بساطه اشتري جهاز ثاني مستعمل واطوره للكوبي واستعمله 5سنين قدام باحسن مايكون وبتوفير فلوس بشكل موطبيعي وحتى الالعاب مااشتريها الله يخلي الانترنت تنزيل ونسخ ولعب

اما الالعاب اللي فيها الاونلاين قوي هي اللي تستاهل اصلي مثل وير هاوك والدوري الياباني وكول اوف ديوتي4 والالعاب هذه<<كل شهر لعبه وحده الاونلاين مالها قوي وناخذها اصليه ماتأثر

واستغرب من الناس اللي يقول الكوبي يخرب الجهاز البلاي2 انا ماشريتها الا مرتين اول مانزلت وسنة 2004 تدري ليش ماخربت لاني محافظ عالجهاز>>ناس تنقل اجهزتها بكل مكان والغبار ياكلها ويجي يقولك كله من الكوبي لووووول

نعود لمحور حديثنا شهر 11 بتنزل اكثر من 10 العاب كل وحده اقوى من الثانيه لو خذينه كل لعبه ب20دينار يطلع السعر 200 دينار اووه جهاز ثاني ومع لعبتين ويدتين اليس كذلك؟

[المأثور]

للأسف سوني لا تربح من قطع الغيار لانة القطع تكون كوبي (غير أصلية)
الذين يربحون هم أصحاب المحلات وخاصة عندنا مجمع الرحاب
والسبب هي شركة سوني نفسها الي عطت الوكالة في الشرق الأوسط لشركة لاتفقه في التجارة(خاصة ps 2+3 )
مثال في الكويت
شركة سوني تبيع الجهاز ( مطور) أو تطور الجهاز ps2 شنو معناه
وعدم توفير الاكسسوارات الجهاز و القطع الغيار شنو معناه
وعدم توفير الاشرطة الأصلية شنو معناه
أنا مع الاصلي إذا كانت سوني تدعم الأصلي

[Abdul-Rahman]

تصدقوا أول لعبة اشتريها اصلي في حياتي مع البلاي ستيشن
بعد كم يوم إن شاء الله عالPS3
آخر مرة اشتريت اصلي على ايام السيجا
وكان شريط سيمبا >> كح كح غبار
أخخ اتذكر إني ما قدرت اختم اللعبة موقف في المرحلة الاخيرة لليوم
>>> حولنا الموضوع لذكريات
--------------------

المهم كلامكم صحيح يا شباب
الاصلي راح يغير الكثير من الامور
والله يعيننا على غلاء السعر
وبالنسبة لي أتمنى بقاء الاصلي
ولكن اللي يقول اربع اشرطة في الشهر تراها صعبة
تخيلوا 1000 ريال شهريــًا
في ألعاب ال PS3
أنا ناوي كل شهر لعبة أو لعبتين إذا كان شهر خطير
مثل هذا الشهر اللي إحنا فيه اكتوبر فيه الوينينج إليفن
وبعدها راتشيت
وشهر 11 اساسين كريد إن شاء الله
وبعدها بآخذ إجازة كم شهر إلى أن تصدر ديفل ماي كراي
>>> طفشان وقاعد افضفضلكم

[عبدالله الجابري]

أنا أتفق مع الكثيرين الذين يؤيدون شراء الشرائط اللأصلية للأسباب:

1- تشتري شريط و تعرف انه كوبي (مسروق) فهذا حرام كالسرقة نفسها..والله يعين صراحة

2- رخص الكوبي الشديد يؤدي إلى كسل الشخص في المحافظة عليه، و يؤدي إلى الإسراف و هدر المال عكس الأصلي فإنك تعرف قيمة المال اللي أنفقته في شرائه و بالتالي تحافظ عليه.

3- في أجهزة الجيل الجديد تركيب المود شيب اللي تشغل الكوبي فيه مخاطرة كبيرة لأن سوني ننتندو مايكروسوفت يقدرون يطرشون تحديث يكشف هالقطع و يخرب جهازك..ساعنها ما ينفع أي شيء في تصليح جهازك.

و أنصح الأخوان إنهم يشترون الأجهزة من قبل الوكلاء لأنها تكون مضمونة و أي شيء يستوي لا سمح الله يكون عليهم

[LANCE VANCE]

انا اقلك
تدفع 250 في كراش او دراغون بول؟؟؟

هيا لو ترخص الاصلية اوافقك

بس برضو في ناس ما تقدر تدفع

[mgs7]

صحيح ان كراش ودرغون بول العاب متوسطه لاتشتريها افضل وترى كراش ودراغون بول في بشر يشتغلون عليها سنه كامله وانت تروح تبوق شغلهم بعشره ريال هذا كيف لو لعبه مثل متل جير يقعدون عليها سنين
وشكرا

[White Knight]

أنا أتفق مع الكثيرين الذين يؤيدون شراء الشرائط اللأصلية للأسباب:

1- تشتري شريط و تعرف انه كوبي (مسروق) فهذا حرام كالسرقة نفسها..والله يعين صراحة

2- رخص الكوبي الشديد يؤدي إلى كسل الشخص في المحافظة عليه، و يؤدي إلى الإسراف و هدر المال عكس الأصلي فإنك تعرف قيمة المال اللي أنفقته في شرائه و بالتالي تحافظ عليه.

3- في أجهزة الجيل الجديد تركيب المود شيب اللي تشغل الكوبي فيه مخاطرة كبيرة لأن سوني ننتندو مايكروسوفت يقدرون يطرشون تحديث يكشف هالقطع و يخرب جهازك..ساعنها ما ينفع أي شيء في تصليح جهازك.

و أنصح الأخوان إنهم يشترون الأجهزة من قبل الوكلاء لأنها تكون مضمونة و أي شيء يستوي لا سمح الله يكون عليهم

هذا هو الكلام ولا بلاش

انا اقلك
تدفع 250 في كراش او دراغون بول؟؟؟

هيا لو ترخص الاصلية اوافقك

بس برضو في ناس ما تقدر تدفع

وكمان مو كل ألعاب سعره 250 بعض الألعاب سعره 200 وإحتمال ينخفض السعر في المستقبل
فمثلا هيفنلي سورد أول مانزل كان ب 280 والأن أصبح 250 وإحتمال يرخص مع مرور الزمن
ريسستيج كان سعره 280 ولأن سعره في المعرض ب 200 ريال يمكن لأن قدييييم

[LANCE VANCE]

ولو حتى ب 100 كثيرة

بس مع الديمو احسن لانو تقدر تجرب اللعبة و اذا عجبتك اشتريها و او لا تشتريها

مع انو حركة الديمو كويسة
مو سرت تقدر تحملها <<ببلاش مو؟؟
في بلاي الاول و الثاني كنت تشتريها او مع الالعاب تجي((ما ادري عن الاول))
و برضو لو الملات يعرضو الاشرطة

لانو حرام تدفع 250 و ما يعجبك الشريط اتورطت فيه

[ساسوكي]

انا اقلك
تدفع 250 في كراش او دراغون بول؟؟؟

هيا لو ترخص الاصلية اوافقك

بس برضو في ناس ما تقدر تدفع

ومن قالك تشتري كراش او دراغون بول؟
اذا اللعبة مب عاجبتك مب شرط تشتريها....حتى لو كانت كوبي....ليش تشري اللعبة اذا كنت ما تحبها اصلا؟
------
انا مع الاصلي....لعبة في الشهر كافية...

[BIG-M]

انا ماتمنى صدور العاب منسوخة علشان انه نحن العرب مشاء الله مستخدمين كثار فاذا زادت نسبة المبيعات في منطقة الشرق الاوسط بتتحسن الخدمات لأنه نسبة المبيعات بتصير عالية و بالتالي نتوقع ستور خاص ماتدري امكن تنزل لك اضافات خاصة بالمنطقة العربية..

تخيل تنزل GTA IV باضافة مخصصة للمنطقة العربية وتكون مثلا باقة محطات راديو عربية

[HeRmAnO]

انا مع الاصليه

ولا اتمنى نزول الكوبي ابدا .. تحس ان اللعبه تصير تافهه وتتركهه .. والله حتى في اشرطه شريتها كوبي ولا لعبت فيها حتى ساعه ..

وعلاوة على ذلك الاصلي ما يخرب العدسه بنسبة 95% بالأضافه الى استخدام للجهاز ..

شكرا والى الامام دائماً يا عرب

[haseo]

الاصلي له فوايد كثيرة ...اولها تفتك من مشاكل لاكوبي وتتاكد ان اللعبة كاملة وتقدر تلعب اونلاين بدون مشاكل ..وزيادة على كذا ما في الا ويننج اليفن نسخة اصلية مو مليون نسخة معدلين على صورها XD

بعدين بتشوف الواحد ما يشتري اللعبة الا وهو عارفها

لكن المشكلة في السعر ...يعني لو قلنا اللعبة بـ200 ريال تشتري 10 العاب بالفين ريال يعني جبت سعر الجهاز نفسه !!

وانا ماشتري الا الالعاب الي تنمدح او تاخذ 85+

شخصيا ما تهمني التقاييم اهم شي اشوف عروض اللعبة واقرا عنها اكثر من مراجعة لان مراجعات المواقع هالايام فيها تناقض ..العروض اهم شي واذا اللعبة دخلت مزاجك اشترها