اقتراح للمراقبين

**orange road** · 16-12-2001, 11:31 PM

يه.. آبيييييي....

**Ranma Saotome** · 16-12-2001, 11:46 PM

أفا عليك ياخلود انتي مايحتاج تطلبين...
أنا من أول ماتوصل الأفلام بانسخهم وباجيبهم لين باب غرفتك...
طبعا النسخه الأصليه لك والمنسوخين لي
لكن صبري علينا شوي

**orange road** · 17-12-2001, 12:02 AM

صج؟؟؟

والله زين.. طلعت كريم وايد يا اخ رانما.. هي هي هي..

**orange road** · 17-12-2001, 12:45 AM

شاهين..
اعتقد اني جمعت لي اكثر من صوت موافق على هالاقتراح..
يللا ارفع هالاقتراح الى السلطات العليا حتى تبت في امر هالقرار..
واذا ما وافقوا راح نسوي مظاهرات جدام سفارة المنتدى ونحذفها بحصى و ..
وتطلع كلمة النهاية ويخلص الفيلم والناس يطلعون يرجعون على شباك التذاكر يبون فلوسهم..
هاهاهاها

**Ranma Saotome** · 17-12-2001, 12:49 AM

أنا بعد أقول كذيه لكن في ناس وايد ماأدلوا بدلوهم
ومب أي ناس

**القــعـقـاع** · 17-12-2001, 06:29 AM

انا معاكم

**Ranze Eto** · 17-12-2001, 09:35 AM

الله الله عليكم :غضب: يا خلود و رانما ... اشوف الافلام التحذف من بينكم و انا مطلعيني من السالفه و الا كني موجوده ....

شوفو عاد اذا ما عطيتوني افلام ..... صدقوني بهد منتدى الانمي باللي فيه على روسكم انتو الاثنين :غضب:

و بفر عقل مشرف الالعاب ... عليكم و بخليه ما يسمع كلامكم على المنتدى اللي تبون اتسونه ......

هااااا اشقلتوو ؟؟ بتعطوني افلام و الا لا ؟؟

(تراني واسطة قوية في المنتدى

.... شخصية مهمه في سفارة المنتدى و لي كلمة )

*حاسه انهم تخرعوا و بيوافقون انهم يعطوني الافلام.

**orange road** · 17-12-2001, 10:17 AM

رانزي.. حبيبتي..
لا تخافين الشريط اللي بيوصلني باعطيج منه نسخة..
بس لا تعفسين المشروع على روسنا من الحين..
ترى آنا احبج

**fatoom** · 17-12-2001, 10:47 AM

هي كأنكم مصختوها ...:غضب:

أنا أبي نصيبي بعد ...
بس بتأخذون نصيب الأسد ....
وأنا ساكته...
لا عيوني ...أبي أصلي ...

بصراخ :
(وين نصيبي..)

:غضب:

**orange road** · 17-12-2001, 10:52 AM

انتي آخر وحدة تتكلم عن نصيب الاسد يا بطة..
انتي اول يبي لي ال dvd player بعدين تحجي..

**shaheen** · 17-12-2001, 12:39 PM

انا بعد
هههههههههه
عندي دي في دي بلاير.... في البلايستيشن تو

**Ranma Saotome** · 17-12-2001, 12:53 PM

أنا آبي أعرف ليش فتحت هالموضوع...
ياشباب ترى كل واحد بياخذ نصيبه لكن مب ببلاش ( سامعيني مب ببلاش ) قلنا ربع لكن شنسوي الدنيا مقايضه
وترى أنا مب قادر اطلب ألا يوم الأحد الجاي إذا استلمت ال e-card ويبيلها أسبوع لين توصل الأشرطه ( VHS ) ومايحاتج أن توصوني أنا بعد أتوقع أن معظم الأفلام عندكم ( أكييييد عندكم )
بس يوصلون وأبدا أنسخ لكل واحد نسخه وبعد بالصق على النسخه صورة الشخصيات عشان يبين أنه أصلي

بس خفّوا علي شوي

**shaheen** · 17-12-2001, 01:02 PM

انزين نرجع لموضوعنا...
شلون بنعمل المنتدى... ؟ بمعنى اخر
ابغى اعرف كيف بيكون المنتدى؟

منتدى للأنمي والمانجا؟
وبعدين تقسيماته شلون؟
ولا هو منتدى واحد شامل؟

ابي اعرف شنو بالضبط تبون لانكم تعطوني مجرد افكار

**Ranma Saotome** · 17-12-2001, 01:25 PM

والله ياخوي فبوس العيد مسحت مخي من الأفكار
لكن أقول لو ينفتح المنتدى ونشوف الاقبال عليه شلون
وبعدين إذا قامت الموضوعات تتوسع وتتشعب نقسم المنتدى أقسام على حسب ال... مادري على حسب شنو

**orange road** · 17-12-2001, 01:35 PM

شاهين..
تصوري عن المنتدى ان يكون اسمه منتدى الانيمي..
وبعدين داخل المنتدى نبتدي نطرح المواضيع باسماء الانيمي نفسه..
يعني موضوع رانما، موضوع فوشيقي يوقي، موضوع قن دام وينج.. وجذي..
ونناقش داخله هالكارتونات سواء من ناحية الانيم او المانجا (لانه كله محصل بعضه)..
اذا حد عنده اقتراحات ثانية يقول..

الموضوع: اقتراح للمراقبين

أدوات الموضوع

أفا عليك

ينخاف منج يا رانزي

والله حاله

ضوابط المشاركة