[نقاش] مستقبل ألعاب الـ Wii

[haseo]

العاب الكاجوال تبيع بشكل اكبر دائما وابدا باستثناء العاب الهاردكورز اللي يلبعها حتى الكاجوال على جميع الاجهزة مثل فف وميتل جير ودراجون كويست وغيرها بسبب كثرة عدد الكاجوالز

هذا اللي قصده ابراهيم

[KSA_BOY]

الكاجوالز ما في أمل يلعبون دراغون كويست , يمكن قصدك مثلا ماريو ؟
عموما كانتونا فاهم .. بس يقصد إن هالشيء ما صار إلا في الفترة الأخيرة ..

[haseo]

^
^
معظم الكاجوالز = مع الخيل يا شقرا

يسمع الناس تمدحها ويشتريها حتى لو ما تعجبه...المهم شراها وانحسبت نسخة انباعت

يمكن قصدك مثلا ماريو ؟

ومثل ميتل جير وهيلو وغيرها

[KSA_BOY]

عجيب امر شركات الطرف الثالث..ليش الى الان متجاهلين الوي ولا استغلوا مبيعاته

صحيح السنة الأولىما قدمت شي قوي من الطرف الثالث بستثناء ألعاب تنعد على الأصابع لكن 2008 شي يبشر بخير بصراحة مثل :

- مونستر هانتر 3 .
- فاتل فريم 4 .
- تاليز أوف سمفونيا .
- فريجيل .
- وي لوف جولف .
- فاينال فانتسي كريستل كرونيكل .
دراغون كويست سوردز .

وغيرهم .. يعني مبدئيا السنة القادمة أفضل من الأولى من ناحية ألعاب الطرف الثالث , وإن شاء الله مستوى جودة الألعاب راح يتحسن مع الأيام .

[cantona222]

دراغون كويست سوردز .

هاللعبة شفتلها أكثر من Video و Preview.............. اللعبة ما تبشر بالخير ، لا تنتظرونها

[KSA_BOY]

أنا ما شفت ولا ناوي أشوف .. منتظر تقيمات وإنطباعات أحسن , ممكن يطلع منها شي مع إن الإنطباعات اليابانية مش لا بد .
واللعبة فريست بيرسن يعني شكلها بتطلع فوق في التقيمات , ولا هاسيو خخ ؟

[haseo]

^
^
فيرست بيرسون ؟!!...اجل كل المراجعين الحين مجهزين رقم 9 ويفكرون باللي بجنب الفاصلة

[طالب_مفلس]

حلو موضوع نقاش عام عن الوي ...

خلوني افضفض شوي ^_^

انا عميل للننتندو من ايام الـ NES ...

و آخر جهاز شريته كان الجيم كيوب و الصراحة تجربتي مع الجيم كيوب خلتني متردد اشتري الوي الى الآن ...

قررت انتظر شوي و اشوف اذا في العاب حلوة بتصدر عشان اشتريه و الحين مرت سنة و ما اشوف شي يشجعني اشتري الجهاز ...

احس حرام اشتريه عشان ماريو جالاكسي بس ...

زيلدا لعبتها على الكيوب و ميترويد ما تعجبني :|

طريقة تحكم عجيبة و مذهلة صحيح لكن ما في العاب تستغلها بشكل صحيح ...

و حتى السنة الجاية اشوف العالم تنتظر لعبتين بس ..سماش و ماريو كارت ...

اللي ابيه كل سنة ينزلو 4 او 5 العاب بنفس قوة ماريو و زيلدا ^_^

و يخترعو لنا كاركترات جديدة و قصص جديدة ...

و مدري الى الآن احس الوي جهاز مسالم ...

مره بالغلط شفت موضوع يتكلم عن العاب الاكس بوكس لسنة 2008 ( انا ما اعرف شي عن الاكس بوكس غير هالو) ..
ما شفت كيف طريقة اللعب بس الصور خلتني افكر جديا اشتري اكس بوكس ..
العاب تحسها موجهة للكبار اكثر...

نبي العاب فيها نضج اكثر و واقعية اكثر ...

مو يروح يجيبو لي ريزدنت ايفل اللي صار لها مليون سنة من نزلت و يقعدو يعيدو و يزيدو فيها ...

نبي شي جديد ^_^

ايه و ابي لعبة زي 007 جولدن اي على الننتندو 64

انشالله ما اكون ثقلت عليكم

[haseo]

^
^
الموضوع عن مستقبل العاب الوي مو نقاش عام

الوي في اول سنة في له العاب قوية وهي : جالاكسي- مترويد-زيلدا-بيبر ماريو

وبالنسبة لكلامك عن الالعاب وانها تكون موجهة للكبار ...اقول ان المهم في اللعب هو المتعة مو اي شي ثاني ولو اللعبة ممتعة ما يهمني باقي الاشياء

و مدري الى الآن احس الوي جهاز مسالم ...

الوي التهم كل منافسينه وهو الجهاز الاكثر مبيعا وطلبا عليه حتى الان

[مذكرة الموت]

موضوع حلو وهام لمحبي النينتندو ..^^

انا أتوقع مستقبل مبهر لألعابه...

إلى حد الآن في اللعاب عجيبة وممتعة طلعت وفي القليل منها فشل <.<" لكن في القريب العاجل راح يكون مبهر..بمعنى الكلمة..

وانا من عشاق الwii عشق جنووني ^^

[cantona222]

^
^
فيرست بيرسون ؟!!...اجل كل المراجعين الحين مجهزين رقم 9 ويفكرون باللي بجنب الفاصلة

First Person Camera / View
مو First Person Shooter

[haseo]

^
^
عارف، بس هم يحبون الشوتر + الفيرست بيرسون...يعني لو اللعبة تاخذ 7 عشانها فيرست بيرسون يعطونها 8 ولو طلعت شوتر بتوصل 9 وبيفكرون باللي بجنب الفاصلة

[rare games]

^^^^^^^^^^^^^^^^ ماراح تاخذ اكثر من ثمانيه صدقني حتى لو فرست بيرسن ما راح يزيد شي انا ا اول اقريت ردودكم عبالي تمزحون طلع من صجكم في العاب كثيره فريست بيرسن وتقييمها منخفض

[دليل الاعاب]

هاللعبة شفتلها أكثر من Video و Preview.............. اللعبة ما تبشر بالخير ، لا تنتظرونها

غريبة ماعجبتك


العبة على انها لعبة فرعية و على انها اسلوب جديد على العبة الا انها بدعة في المبيعات في اليابان نص مليون في اسوبع على مااعتقد وهذا فقط نسخة الياباني كيف لو نزلة نسخة الامريكية على فكرة انا من الاشخاص الا بيشترونها مو علشانها دراجون كويست لا علشان اسلوب العبة من العروض عجبني صراحة بس العيب الوحيد الا لو انهم اضفوه في العبة كان تكون 100/100 الا وهو مادام العبة منظور اول لعيه ما حطو نظام اونلاين ياااخي الوي الى الان دعمه لاون لاين قليل نبي الكثير من لاعاب الاون لاين الممتازه


=================================
بنسبة لكلام الاخ طالب_مفلس فاعتقد انه كلامة صحيح خصوص لمحبي القصص العميق صحيح يوجد زيلد و يوجد فاير امبلم ولكن نريد شخصيات او عناوين جديد وعلى فكرة اخوي طالب_مفلس بنسبة لعشاق المتعه خلاص نتندو مرضيتهم اشد االارضاء ام عشاق القصص و قوة الاعاب هناك العاب قليل جدا وهذا العيب نتمنى ان نتندو تعالجة في 2008 عكس الاجهزه المنافسة الاخر التي تطارد وراء المتعه التي قد لا تتوفر بأجهزتها الا بعد فتره خصوصا اذا طريت المتعه فالكل يعتقد انك تقصد الوي
الوي=متعه و تسليه و اثاره

==============================
نرجع لدراجون كويست سورد
الحين سؤال هو متى تصدر العبة سكوير لم تعلن اذا كان في نسخة امريكية
فلو احد عنده خبر يعطينا ايه؟

[rare games]

^^^^^^^^^^^^^
راح تصدر في 2008 بدون تحديد موعد اصدار للحين بس اكيد انها بالربع الاول واللعبه فيها اونلاين بس طريقه ما اعرفها بس جنها تبادل وحوش او تصميم مناطق مو متاكد بس فيها اونلاين بكل تاكيد