نزل ديمو Ryu Ga Gotoku (يوكوزا 3)

[meshofesho]

الحمد لله اني الغيت التحميل

بعد ردودكم + العرض

[PRO~GaMeR]

للاسف مازال يوجد عيب قاتل فى اللعبة
(وهى المحادثات بين الاشخاص مايزال لا يوجد بها صوت بالرغم من وجود الـ BLU RAY )
هذا كسل من المطورون!!!!!!!!!!!!!!

[Snake-87]

الديمو رووووووووووووعة

إنهيت الديموز

إنطباعاتي عن الديمو الأول والثاني مع بعض :

نبدأ بالرسوم .. تفاصيل الوجه رووعة .. الإضاءة روعة .. الشعر جيد جدا .. وليس ممتاز أحيانا تجد بالحواف كسرات وكأنه سوني 2 .. الرسم بشكل عام 9/10

- الجيم بلاي (آكشن)
نفس تحكم الجزء الأول ليوكوزا بالضبط تقريبا ..
الآكشن العادي بدون سلاح تقدر تلكم وتركل . عندك عداد للطاقة وللدم .. الطاقة إذا اكتمل تقدر تسوي حركة قاضية .. زر الدائرة تقدر تمسك الخصم وتسحبه للمكان إلي تبي (مو كل واحد يخليك تمسكه ومو كل واحد يخليك تسحبه ... الي وزنه ثقيل يقفز عليك ويخفسك) تقدر وانت ماسكه تصكه لكمات وتحذفه على ربعه او اثناء مسكك له تقدر تركل الي جابك من وراك ويقول (جامادااه) يعني لا تعترضني . تقدر وانت ماسكه ايضا تسحبه إلى شيئ قريب منك (جدار أو حديدة او طاولة) ولما يكون عداد الطاقة متروس اضغط مثلث راح يسوي حركة قاضية يطق راسه بالجدار أو ما شابه .

الأسلحة ... تقدر تغير سيوفك بالـD-pad (الاسهم) وبالديمو يوجد سيفان او سيف واحد نفس الوقت . طبعا الكومبوات موجودة .

تستطيع ان تأخذ الأشياء إلي محيطة جنبك (كرسي - مهفة - إلخ) .. إذا كان العداد متروس تقدر تعكس الضربة بضربة قاضية .

R1 تسوي lock للخصم علشان تتولاه .
في زر ما اذكر شنو اهو يخليك تسوي dodge .

يقدر الخصم يمسكك لازم تشكل X علشان تفلت منه .

هذا بالنسبة للجيم بلاي بالآكشن .


- جيم بلاي جانبي :
الحصان .
راكب حصان وبيدي قوس ورمح (حلوة ^^) تنيشن وتضغط R1 مدة علشان تشد القوس وتجيب الأهداف ... يأتيك فجأة غصن شجرة لازم تضغط الزر المناسب علشان توخر عنه .

-حجرة ورقة مقص .
لعبة يبيلها سرعة بديهة . يقولون لك طق o . بعدين X بعدين مع بعض بعدين .. إلخ .. ذكرتني بـDj max.


* الجيم بلاي بالمدينة :
أيضا نفس أجواء يوكوزا الأول والأصوات روعة كالعادة تحس انك في سوق فعلا .. تسمع فلان وعلان يحتفلون بصوب و الياهال يركضون بصوب .. وحمام يدور أكل بالأرض .. وقطوة تلحس إيدها و تفاصيل كثيرة ^.^ .

لما تكون بداخل غرفة تمشي طبيعي ومشيته تضحك ... لما يطلع برة يركض .. وهم ركضته تضحك .. ماسك الي لابسه (الروب) كأنه صروال ويركض xD .
لما تركض وتطق بريك وتاخذ فوق تحت ردة فعله جميلة وواقعية .
طبعا حاطين لك علامات بالخريطة تروح لها .. أحيانا يوقفون لك ناس يبون فلوسك او تدافع ان ياهل او ماشابه فتدخل طور الفايت وتتهاوش مع الناس (اليوكوزا بالأجزاء القديمة) .
التمثيل الصوتي 10/10 .. اتمنى الجزء الانجليزي يكون ترجمة فقط .
بعد ما مريت على كل إلي يبوني فجأة نزلت حمامة من السما وعندها ورقة .
لما تخلص الديمو يحطونلك عرض طويل شوي وروووووووووووووووووووووعة حمسني .. مع اني ما فهمت إلا جم كلمة على لغتي الأنيميشنية بس روعة .

العرض :
(كل المكتوب إفتراضات على لغتي اليابانية المضروبة ^^")
صاحبنا يكون مضطجع بداره ويوصل له واحد يقول له في مشكلة (ما ادري شنو وظيفة البطل صراحة بس ذكرني بلوفي بون بيس بالحلقات الخاصة ^^) ... يروح يلقى طفلة متيمعين عليها الناس ويطقونها ..يقول طفلة مالي شغل فيها .. ويعطيها ظهرها ويمسكه إلي مناديه ويناديه بأسمه .. يقول له مالي شغل ... تعطيني فلوس ؟ إذا تعطيني فلوس اوكي .. (كاني = فلوس) بو الشباب تقمط ويهه xD .. الطفلة سمعت اسمه راحت له جان تقول له انت (دانيه) ؟ قال ايه منو انتي ؟ قالت ما اعرف اسمي او شغلة جذي .. قام ضحك عليه إلي معاه (فهمها انها بنته بالحرام على ما اعتقد ) عطاه نظرة حارة واخترع .. المهم إلي مع البطل شاف عندها سيف قال لها شنو هذا وكان يبي ياخذه وهي رافضة رفع ايده جان يمسكها البطل ..(وقال له هذي طفلة .. وحط بيده فلوس) .. قال له خلها تيي معاي او شي جذي ..
لما راحت له ما ادري شنو قال لها بالضبط اعتقد انه طلبي .. قالت له اي شي ؟ قال ايه .. سكتت مدة .. جان يقول لي متى ساكتة (الترجمة مضروبة على الآخر xD) .. ابيك تقتل لي ماياموتو لو سمحت . (هذا إلي فهمته مو متأكد من ولا شي) .

انتهى الديمو !!
ذكرني بأجواء شين مو .. باجر بلعبها .
اكثر شي متحمس له القصة

الديمو الاول 900 عروض فقط .

اقرأ ردي بالكامل بعدين احكم

الديمو الثاني فوق 800 ام بي ..تمشي يجيك احد بعدين تجيك كتابه تحت تضل تضغظ XXXX لحد ما تطفش من اللعبه..مافي محادثات في اللعبه

اللعبة بالطبع ما تصلح ياباني بس ننتظرها انجليزي .. بس اللعبة قوية حيل

يظهر الديمو لي بي اللون الاسود و الابيض ..بدون الوان

مو مضبط السيتنج اكيد

الديمو بي اللغه اليابانيه

اللعبة يابانية -_- " وماتكلمو عن موعد صدور الانجليزية حتى . روح جرب الجزء الأول الانجليزي على السوني 2 .روعة .

للاسف مازال يوجد عيب قاتل فى اللعبة
(وهى المحادثات بين الاشخاص مايزال لا يوجد بها صوت بالرغم من وجود الـ BLU RAY )

اتفق معاك بس البلوري ماله شغل .. يقدرون يسونه بس كسل مثل ما قلت .

[SALM0RE]

شكرا Snake- 87 كفيت و وفيت الحماس ضارب للأخر أنشاء لله اجربها بعد شهرين او ننتظر أكثر لي ماينزلون نسخ الـ PAL / US

[التانغو7]

ممكن اتقولو لي كيف افتح ستور يباني

[Modi]

بمحمله .. بس ما ادري وش احمل ابو 800 او 900 ؟

[PRO~GaMeR]

الصـــراحة كنت ناوى انى منزلش الديمو (عن انطباعات الردود السابقة) ولكن بعد مراجعتــــك الممتازة
هنزله باذن الله