السماح للمرأة التي تحمل بطاقة الهوية بالسكن في الفنادق السعودية

[بليجرو]

من نفس الجريدة..قرأت تقرير يتكلم عن ان القرار

كان مسموح به من أكثر من 30سنة...

ولم يظهر على السطح أو لم يطبق على أرض الواقع

إلا في هذه الفترة....


بالنسبة لي قرار لابأس به...

وإن شاء الله يكون ذو فائدة...للمحتاجين له


شكراً لك على الخبر...,

[أنــفــاسـ]

الحين إحنا في السعودية جالسين على فلوسنا و نلعب بالحريم كيفنا لأن ما عندهم شغل و لا مشغلة معظمهم.

اكيد قصدك في القرارات اللي تصدر ^^"

لمن يجينا الفقر, و يروحون السواقين و الشغالات, و يكتشف الناس إن نص البلد هم الحريم اللي ما يخلونهم يسوقون و يطاردون رزقهم اللي الله كاتبه لهم.. بيكتشفون إنهم كانوا ظالمين.

كلامك صحيح .... والله يستر لما يخلص النفط .. او تكتشف مصادر اخرا ... بعدها .. من وين راح يكون لدوله ميزانيه !!

لأن اللي اعترض على قيادة المرأة عنده سواق, و 90% أكثر من سواق, و شغالة, و ما يبغى مرته تطلع من البيت لأنها بتطلع من فراغ و بتروح تقضي وقت و يمكن تفسق.

تفسق .. استغفر الله ...... يعني الرجال على راسه ريشه ما يفسق !!
واصلاا كل هذا معتمد على التربيه ... يعني ساقت الحرمه او لا ... اللي يبي الحرام وجود
بس ما يردع الشخص إلادينه وتربيته

لكن لمن وحدة مسكينة ما لعيالها إلا الله ثم هي, و نفسها يكون عندها سيارة تدبر عمرها فيها, لكن لازم تجيب سواق و راتبه و سكنه, الوضع يختلف.

اي والله ... ياما حريم زي كذا ... وبعضهم ما يقدرون يدبرون راتب السواق
وتلقاها متلحطه تدفع فلوس التكاسي رايحه جيه
عشان كذا انا ربطت بين سواقه الحرمه وبين السماح بالسكن بالفنادق
يعني المسأله مترابطه وفيها تشابه

و صدقوني, لو أصابنا فقر لا قدر الله.. الناس بيتغيرون.

لا ان شاء الله ... بس اكيد كل شيء راح يتغير ويمكن تغير جذري ...



حيااك اخطبوط


تحيااااااااااااااااتي

[أنــفــاسـ]

ما أدري شنو يعني عندكم الهويه بالضبط

بطاقه الهويه ... تكون فيها صورة المرأه واسمها وتاريخ ميلادها وتارخ انتهاء البطاقه
هذا اللي تعنيه عندنا ..... عاد ما ادري اذا لها معنى ثاني عندكم !!

لكنا خلنا ننظر للقرار بشكل إيجابي

الاغلبيه دايم ينظرون لسلبيات .... حتى لو كانت الايجابيات اكثر من السلبيات

إذا عن السلبيات كل شي بالعالم له سلبيات العيب فينا نحن إذا عرفنا نستغل صح أو لا ..

صح كلامك ... وانا اؤمن بهذا الكلام

مثال .. إذا نظرنا للأنترنت مثلا من منظور السلبيه ما كان دخلناه في بيوتنا

حتى التلفزيون .... حتى الحاسب .... الفديو ....ووو
حتى المويه اللي نشربها .. فيها سلبيات... لانها تدخل في تصنيع اشياء محرمه كثيييييره
يعني كل شيء له سلبيات ...

نرجع للقرار الصادر من الدولة ..
بذكر لك موقف و انا متاكده هناك آلاف العوائل تمر بنفس الظرف

و ممكن أقول لك صديقتي عشان لا تقول ابتسامه ألفت قصه من الخيال

يتيمه و عندها 3 أخوات و أمها أساسا أجنبيه .. يعني الأم ما عندها محارم بالإمارات

الجده " أم الأب متوفي " عايشه عندهم بالبيت .. مرضت الجده أخذوها لـ أقرب مستشفى و المستشفى نقلوها لـ مستشفى تبعد عن البيت 400 كيلو
طبعا هم سافروا مع جدتهمـ .. وحده من البنات نامت مع الجده
و الأم و الاخوات لازم بيحتاجون لـ سكن .. يا إما فندق أو شقه مفروشه

إذا بالإمارات مب مسموح للحرمه تسكن بفندق من غير محرم وش بتسوي هالحرمه مع بناتها ؟؟؟!!!

مع العلم إن صديقتي ما عندها أخوان ولا أعمام و حتى إذا تواجد العم أكيد بيكون غير محرم على الأم

و بنفس القصه لازم وحده من هالبنات تسوق سياره و إلا من بيقضي أشغالهم و مشاويرهم؟؟!!!!!

الله يعين خويتك والله... من قلب الله يعينها ويوفقها في حياتها
ترا مو معنى كلامي اني ضد القرار ...بلعكس
بس شلون توافق الهيئه على كذا !! ..... وربي مستغرب
يعني الحرمه تكون بلحالها في فندق .... وتسافر لحالها..
وليش مسوين زحمه على قياده المراه !!

بالنهايه .. العيب مب بالقرار أو الوسيله
العيب فينا نحن إذا ما أحسنا الاستغلال ^_~

كلامك سليم 100 % ... وكل واحد وتربيته واخلاقه ودينه

بس اللي يقهر ان اشخاص تلقينهم على الحرمه اللي ما بيدها حيل وقوه
ويشوفون انها هي اللي بتخرب الكون .. وفيها وفيها .... وما يشوفون انفسهم
الحرمه روح وانسان ... مثلنا .... بس الفرق ان الله خلقها انثى .... وانت خلقك الله ذكر ( ما راح اقول رجال لان كل رجل ذكر بس مو كل ذكر رجال )

آسفه على الإطاله

اسفك غير مقبول ... لانك تستحقين الشكر

طلتك حلوه اخت ابتسامه



بالتوفيق


تحيااااااااااااااااتي

[أنــفــاسـ]

من نفس الجريدة..قرأت تقرير يتكلم عن ان القرار
كان مسموح به من أكثر من 30سنة...
ولم يظهر على السطح أو لم يطبق على أرض الواقع
إلا في هذه الفترة....

مافهمت قصدك ... يعني هذا القرار اصلاا موجود من 30 سنه ؟
او انه كان مطروح من 30 سنه و تمت الموافقه الحين ؟

بس اتوقع كنت تقصد السؤال الثاني .... بس توني ادري ان له 30 سنه !!
يعني صعبه جدا يحطون هذا القرار او يطبقونه قبل 30 سنه

بالنسبة لي قرار لابأس به...
وإن شاء الله يكون ذو فائدة...للمحتاجين له

ان شاء الله ... مع اني عارف انه راح يستغله غير المحتاجين D:

شكراً لك على الخبر...,

حياااك بليجرو

بالتوفيق


تحيااااااااااااااااتي

[بليجرو]

للأسف...نص الخبر بحثت عنه في النسخ الموجودة عندي

وفي الموقع الالكتروني للجريدة....ومالقيته..

مافهمت قصدك ... يعني هذا القرار اصلاا موجود من 30 سنه ؟
او انه كان مطروح من 30 سنه و تمت الموافقه الحين ؟

والله على ماأظن...أن القرار صادر من30 سنة...,

[أنــفــاسـ]

للأسف...نص الخبر بحثت عنه في النسخ الموجودة عندي

وفي الموقع الالكتروني للجريدة....ومالقيته..

ولا يهمك خيوو ... انا مصدقك بدون ما تجيب اثباتات ^^

والله على ماأظن...أن القرار صادر من30 سنة...,

ما اتوقع !! ... لان قبل 30 سنه الوضع مختلف كثيييييييييييييييير وما اتوقع يوافقون عليه ذيك الفتره



شكرا على طلتك الثانيه ^^


تحياااااااااااااااااااتي

[ابتسامــــــه]

بطاقه الهويه ... تكون فيها صورة المرأه واسمها وتاريخ ميلادها وتارخ انتهاء البطاقه
هذا اللي تعنيه عندنا ..... عاد ما ادري اذا لها معنى ثاني عندكم !!

عندنا نفسكم ^^"
استغربت لانه بالموضوع انذكر 15 % إلي يحملون بطاقة الهويه
قلت يمكن لـ فئة معينه من النساء مثلا موظفات أو غير ذلك

الله يعين خويتك والله... من قلب الله يعينها ويوفقها في حياتها
ترا مو معنى كلامي اني ضد القرار ...بلعكس
بس شلون توافق الهيئه على كذا !! ..... وربي مستغرب
يعني الحرمه تكون بلحالها في فندق .... وتسافر لحالها..
وليش مسوين زحمه على قياده المراه !!

ألاحظ بـ كلامك غيرتك الشديده على النساء السعوديات
الحرص واجب و الخوف مطلوب .. >> نفس أخواني إذا شافوا بالـ tv حرمه و قاعده بوسط رياييل
يقولون
هذي إماراتيه ؟!!!!
و قاعده بين الرياييل !!!!


و مثل ما قلت بالبداية إن شاء الله يستغل هالقرار بما يرضي الله تعالى


<<< محد يعطيها ويه ^^"


النقاش معاك شيق لانك متفهم
و مب متعصب لـ فكره أو رأي ^_^

[ناصر المحمدي]

السلام عليكم ورحمة الله وبركاته

الله يعين .. ^___^
اتوقع انه اول من يستغل هذا القرار هم الفاجرات من النساء .. << خخ شرير ..

بصراحة حتى لو المرأة اخذت لحالها فندق صدقووووووني .. في جراثيم كثار ماراح يتركوها بحالها ..
اقلها سمعتها بتروح وطي ..
لان مافي حرمة يلاحقوها شباب الا لأنها بدون محرم .. معروفين الجبناء لأيأذون الا الضعاف ..

صحيح ان القرار راح يفك ازمات .. لان بعض المرات تحصل ظروف طارئة وقد تضطر المرأة لان تسكن وحدها دون محرم ..
ولكن هذا لايمنع من انها مدعاه للفساد .. هو الفساد موجود موجود .. والبعض جهر به ..
ولكن هذا القرار راح يضر الناس اللي ماتدري عن الدنيا ..
الله يعين ..

مشكور أخوي انفاس على الخبر ..

في أمان الله ..

[ناصر المحمدي]

الى ألأخ اخطبوت ..

, و يكتشف الناس إن نص البلد هم الحريم اللي ما يخلونهم يسوقون و يطاردون رزقهم اللي الله كاتبه لهم.. بيكتشفون إنهم كانوا ظالمين.

اولا اذا الله كتب رزق لعبد مافي احد يقدر يمنع هذا الرزق ..
ثانيا لاتحكم على الناس بأنهم ظالمين ..ليس كل الناس عندهم شغالة وسواق فيه ناس مسخرة نفسها لأهلها ..

لأن اللي اعترض على قيادة المرأة عنده سواق,

انا معترض على قيادة المرأة .. وماعندي سواق .. لو سمحت لاترمي الكلام بدون حسبة ..

لكن لمن وحدة مسكينة ما لعيالها إلا الله ثم هي, و نفسها يكون عندها سيارة تدبر عمرها فيها, لكن لازم تجيب سواق و راتبه و سكنه, الوضع يختلف.

مو شرط تكون مسكينة .. في كثار نساء ماعندهم شي ومتوكلين على الله .. والله سبحانه وتعالى مسخر لهم أهل الخير

و صدقوني, لو أصابنا فقر لا قدر الله.. الناس بيتغيرون.

تقصد لو أغتنوا الناس بيتغيروا ..


في أمان الله ..

[أنــفــاسـ]

عندنا نفسكم ^^"

ايه اشواا D:

استغربت لانه بالموضوع انذكر 15 % إلي يحملون بطاقة الهويه
قلت يمكن لـ فئة معينه من النساء مثلا موظفات أو غير ذلك

اي سعوديه من حقها الحصول على بطاقه احوال ... بس هو يقصد ان 15% من السعوديات طلعن بطاقه احوال
اما البقيه مضافات مع الوالد او الزوج في كرت العايله

ألاحظ بـ كلامك غيرتك الشديده على النساء السعوديات
الحرص واجب و الخوف مطلوب .. >>

أحلفي ...... P:

نفس أخواني إذا شافوا بالـ tv حرمه و قاعده بوسط رياييل
يقولون
هذي إماراتيه ؟!!!!
و قاعده بين الرياييل !!!!

الله لا يلومهم .... والله يستر من الجاي

و مثل ما قلت بالبداية إن شاء الله يستغل هالقرار بما يرضي الله تعالى
<<< محد يعطيها ويه ^^"

خلاص عرفنا ان شاء الله يستغل في ما يرضي الله ..... من جد ما تنعطين وجه ..
P:

النقاش معاك شيق لانك متفهم
و مب متعصب لـ فكره أو رأي ^_^

شكراا خيتوو ابتسامه .. احرجتي تواضعي

كل يوم تعالي ^^



تحيااااااااااااااااااتي

[أنــفــاسـ]

السلام عليكم ورحمة الله وبركاته

ا
وعليكم السلاام ورحمة الله وبركااته
يالله حيووه

لله يعين .. ^___^

الجميع ^^

اتوقع انه اول من يستغل هذا القرار هم الفاجرات من النساء .. << خخ شرير ..

استغفر الله .. ياخي انا ما احب كلمة فاجرات وفاسقات ... لانها كلمه قويه
وان شاء الله يكون كلامك مزح ^^

بصراحة حتى لو المرأة اخذت لحالها فندق صدقووووووني .. في جراثيم كثار ماراح يتركوها بحالها ..

ممكن تصير .... وكمان ....ممكن ما تصير

اقلها سمعتها بتروح وطي ..

مو لهدرجه ناصر .. عشانها مثلا سافرت وسكنت بفندق راح تروح سمعتها وطي
طبعا يختلف إذا كانت الحرمه يوميا في ديره ويوميا في فندق ... كذا يختلف الوضع
بس تراك مبالغ شووو ^^

لان مافي حرمة يلاحقوها شباب الا لأنها بدون محرم .. معروفين الجبناء لأيأذون الا الضعاف ..

الحين خلاص ناصر يختلف الوضع شوي .... حتى لو مع ابوها ... حتى لو مع زوجها كمان
فيه اختراع اسمه بلوتوث !!
يعني اللي بايعتها ما فرقت عندها .. حتى لو مع ابوها او زوجها

واكيد لو كان المحرم موجود راح تكون نسبه عدم التعرض لها جسديا كبيره

صحيح ان القرار راح يفك ازمات .. لان بعض المرات تحصل ظروف طارئة وقد تضطر المرأة لان تسكن وحدها دون محرم ..

احياان

ولكن هذا لايمنع من انها مدعاه للفساد .. هو الفساد موجود موجود .. والبعض جهر به ..

اف مدعاه للفساد مره وحده !! .... ولا عشان الحرمه موجوده في الموضوع ..صار مدعاه للفساد

ولكن هذا القرار راح يضر الناس اللي ماتدري عن الدنيا ..

شلون يعني... صراحه ما فهمت وش تقصد

الله يعين ..

الجميع ^^

مشكور أخوي انفاس على الخبر ..

حيااك اخ ناصر

في أمان الله ..

بالتوفيق


تحيااااااااااااااااتي

[A.N.G.E.L]

موضوع جيد انفاسـ للأسف توني ملاحظه!

عاد تصدق هذا احسن قرار سمعته..والله يا خوي لو تسمع القصص عن جد بتتمنى زي كذا وأكثر..انا ماهمني عن الأشياء السيئة الي بتصير!

زي ماقالت اختي ابتسامة لو بنشوف الجانب السيئ لكل حاجة...كان الله بعونا صدق!

العيب فينا نحن إذا ما أحسنا الاستغلال ^_~

"أنفاسـ مواضيعك رهيبة ودايم اتابعها..والصراحة تعجبني بكل مرة ^^.."

[أنــفــاسـ]

موضوع جيد انفاسـ للأسف توني ملاحظه!

اللي يهمني اكثر تواجدك ^^

عاد تصدق هذا احسن قرار سمعته..والله يا خوي لو تسمع القصص عن جد بتتمنى زي كذا وأكثر..انا ماهمني عن الأشياء السيئة الي بتصير!

هو القرار حلو .. بس اللي مستغربه انا شلون الهيئه وافقت عليه.. غريبه والله !!
صدقني انجل لو بناظر للاشياء السلبيه كان محد طلع من بيتهم

زي ماقالت اختي ابتسامة لو بنشوف الجانب السيئ لكل حاجة...كان الله بعونا صدق!

وهي صادقه

"أنفاسـ مواضيعك رهيبة ودايم اتابعها..والصراحة تعجبني بكل مرة ^^.."

يالبه قلبك ... احرجتني
وربي يشرفني كلامك


لا تقطع ^^



بالتوفيق


تحيااااااااااااااااااااااااااتي

[G Girl]

مساء الخير..

هالموضوع اللحين حديث مجتمعنا مابين التأيد والرفض والقبول والإعترآض..

بس بحكم مجتمعنا وعاداتنا مآفي مره تطلع إلا مع رجلها ولكل قاعده شواذ..

وفي كل دول العالم مسموح وعادي من عرفنا الدنيا ..بس إحنا مجتمع مغلق للمرأه

وكل شي لين حدها يجيها برأي زي الاميره ماتروح وين ماتروح إلا ومعها رجل يحميها

بس هالقرار الجديد حلو وفي نفس الوقت شين ..

بطاقه الاحوال بحد ذاتها غربيه لان إحنا غير كل الدول..

وشلون اتغطى ومعي بطاقه فيها وجهي كاشف وشعرفهم انه انا مثل ماقال انفاس في البدايه..

وراح يستغلونها الصغار والمراهقات بذات بأمور يندمون عليها بعدين..

انا ضد هالقرار صراحه ..

ويسلموو اخوي على الموضوع..

[أنــفــاسـ]

مساء الخير..

مساء النور والسرور

هالموضوع اللحين حديث مجتمعنا مابين التأيد والرفض والقبول والإعترآض..

بس خيتوو الموضوع تم الموافقه عليه وانتهى ^^

بس بحكم مجتمعنا وعاداتنا مآفي مره تطلع إلا مع رجلها ولكل قاعده شواذ..

انا معك بالسفر ... بس في نفس المنطقه ممكن الوضع يختلف

وفي كل دول العالم مسموح وعادي من عرفنا الدنيا ..بس إحنا مجتمع مغلق للمرأه

صدقيني احيان مغلق على غير سنع

وكل شي لين حدها يجيها برأي زي الاميره ماتروح وين ماتروح إلا ومعها رجل يحميها

ممكن تكون كذا ... بس مو كل النساء اميرات عندنا بالسعوديه.... خصوصا اللي مالها اخوان
واتمنى تكوني من ضمن الاميرات اللي يجها كل شي الين حدها

بس هالقرار الجديد حلو وفي نفس الوقت شين ..

ممكن

بطاقه الاحوال بحد ذاتها غربيه لان إحنا غير كل الدول..

احنا كذا دايم ترا ... نخاف من الشي الجديد... لانه غريب على عاداتنا

وشلون اتغطى ومعي بطاقه فيها وجهي كاشف وشعر

البطاقه ما يطلع فيها الشعر ... تكوني متحجبه بس
وعادي ترا لو طلعتي بطاقه بس تستخدمينها في قسم نسائي
يعني بنوك فرع نسائي او دوائر حكوميه فيها فرع نسائي ان وجد
بس في اماكن فيها رجال ...اكيد لا

فهم انه انا مثل ماقال انفاس في البدايه..
وراح يستغلونها الصغار والمراهقات بذات بأمور يندمون عليها بعدين..

هذي المشكله دايم تستغل القرارات في الاشياء السلبيه
بس مو معناه اننا نعارض هذي القرارات لان فئه سخيفه من الناس راح تستغلها في اشياء مو كويسه

انا ضد هالقرار صراحه ..

اللي تشوفينه ^^ ... رغم ان القرار تم ونزلت الموافقه

ويسلموو اخوي على الموضوع..

حيااك خيتووو نورتي



تحياااااااااااااااااااااااتي