الرئيس التنفيذي لمايكروسوفت: "سندعم البلوراي"

[Light.Darkness]

سوني هي العمود الفقري في منظمة البلوراي
ولها الكلمة العليا في المنظمة

الي يقول غير هالكلام مع احترامي الشديد اما يقص على نفسه (او على غيره) او انه عنده نقص في المعلومات بخصوص الامور الداخلية في منظمة البلوراي
تدروا ليش مايركو فاوضت سوني بالتحديد ؟
لو مايكرو تقدر تفاوض اي طرف ثاني بتروح لسوني وهي منافستها المباشرة ؟
لو كان مايكرو تقدر تحط سوني على جنب و تاخذ الرخصة كان كلمت سوني اصلا ؟
ليش مايركو ما فاوضت منظمة البلوراي ككل وبدلا عنها قاعدة تفاوض سوني بالتحديد ؟
لو في اي طريقة ممكنة ممكن تخطر على بال اي شخص ممكن تمكن مايكرو انها تتجنب سوني و تحصل على البلوراي كان ما سوتها ؟


عموما

الناس فاهمة هالاخبار غلط
المسألة ومافيها هي كالتالي:

--مايكرو كلمت سوني على اساس دعم البلوراي في نظامها الويندوز (هني تجي مسألة رخص مايكرو للويندوز للابتوبات سوني في المقابل )

--بالطبع النفي لدعم مايكرو للبلوراي هو للـXbox360 (هني سوني ما بتوافق الـXboc360 يحصل على البلوراي)



وياشباب وسعوا صدوركم

[فوق المستحيل]

كأن في ناس ماتبي تعرف الحقيقه وانا كررت موضوع البلو راي اكثر من مره لدرجه اني افكر احطه بموضوع مستقل

الادله القاطعه لتحكم سوني بالبلو راي

هنا الدليل على ان اقراص البلو راي في امريكا حصريه للسوني

Among the movie studios, Blu-ray Disc is currently exclusively supported in the United States by Sony Pictures Entertainment and MGM (20% of MGM's stake is owned by Sony) as well as Disney, 20th Century Fox, New Line Cinema[34] and Lionsgate, representing over 70% of home video marketshare


وهنا الدليل ان سوني تعتبر من اساس او العامود الفقري للمنظمه

back-bone = عامود فقري او اساس

with Panasonic, Sony, Pioneer, and Philips as the back-bone of the foundation

هالكلام موجود بهذا الرابط

http://en.wikipedia.org/wiki/High_de...isc_format_war


استريحوا شوي ياجماعه واقروا وفكونا من الفتاوي الي ماتكون بمصادر

[Mr.Xbox]

اعتذر شباب .. تأكدت من البلوراي وطلعت ان سوني فعلاً هي لها الكلمه العليا في المنظمه .. مع اني قريت عن البلوراي
سابقاً وكان اللي فهمته انه الـ9 شركات اللي تعاونوا مع بعض بنفس المستوى يعني مافي وحده اعلى من الثانيه .. بس كنت
غلطان .

اتأسف مره اخرى على المعلومات الخاطئه ..

[فوق المستحيل]

كثر الله من امثالك اخوي مستر اكس بوكس

اما الشركات الثانيه فهي شركات فرعيه ..يعني مالها نصيب الاسد بالبلو راي.

[nash mvp3]

شركات مين و خرابيط ايه المالك للحقوق جامعة بيركلي في كاليفورنيا هي صاحبة الحقوق فيها وتم اختراع الصيغة عام 92 و لكن طلعت في النور في السنتين الأخيرة و قد تم دفع أكثر من ملياري دولار للجامعة و البروفيسور الذي فيها من قبل سوني و فيلبس و سامسونغ و ديل و hp و أبل ....تأكدوا من المواقع الأجبية

[Light.Darkness]

اعتذر شباب .. تأكدت من البلوراي وطلعت ان سوني فعلاً هي لها الكلمه العليا في المنظمه .. مع اني قريت عن البلوراي

سابقاً وكان اللي فهمته انه الـ9 شركات اللي تعاونوا مع بعض بنفس المستوى يعني مافي وحده اعلى من الثانيه .. بس كنت
غلطان .

اتأسف مره اخرى على المعلومات الخاطئه ..

كل الناس تغلط بس الرجوع عن الخطأ تبين معدن الناس

[كويتي 777]

شركات مين و خرابيط ايه المالك للحقوق جامعة بيركلي في كاليفورنيا هي صاحبة الحقوق فيها وتم اختراع الصيغة عام 92 و لكن طلعت في النور في السنتين الأخيرة و قد تم دفع أكثر من ملياري دولار للجامعة و البروفيسور الذي فيها من قبل سوني و فيلبس و سامسونغ و ديل و hp و أبل ....تأكدوا من المواقع الأجبية

وين المصدر ؟؟
اذا كانت مخترعه من سنة 92 ليش اخترعو الديفيدي والصيغ الاخرى