[ للنقاش ] سوال للجميع لماذا الاجانب ينسحبون لما تهزمهم في الاونلاين ..... وغيره

[SoLiDuM]

ياعمي مو جذي..اخيس شي في كول أوف دوتي..لماً تنهزم من اجنبية مليون مرة..من غير رحمة
صارتلي مرة وحدة وبعدها غسلت ايدي ادش أونلاين فيها..

عموماً هذا اسوء شي بالايف..لماً تطب بفريق ماهو متعاون..كل واحد هدفه أنه يذبح وبس..وين المتعة اذا الوضع جذي..ياحلات الـDisconnect بهالحاله..يكون على طبق من ذهب.

تعرف لعبة team fortress 2 ?

[DARKHADUKEN]

شي غريب فيهم يعني الحقارة متفننين فيها .. فلو انت لعبت ويا شخص بروإفلوشن فإن ياب عليك عليك هدف .. بتشوف وقف اللعب و رقعك ساعة من دون ما يدخل و غايته تنسحب من اللعبة و يتسجل له الفوز ..

والحمدلله بس سمعت ان الابديت الاخير حل هالمشكلة بحيث يطرد اللعبة او يمشي اللعب خلال فترة زمنيه معينه.

[delpiero89]

بشكل عام ( باتلفيلد 2 ) وور هاوك .. برو ايفوليوشن او اي كان

انا افضل العرب على سواهم ... تقنيا ( من ناحيه الـ Ping ) و اخلاقيا ايضا



وبالنسبة للمواقف يمكن تعرضت للموقف هذا بأكثر من جزء وعلى اكثر من جهاز في لعبة برو ايفوليوشن ( سيرفرات الراااااااااااااااااانكد على وجه الخصوص ) بمجرد ما ( أجنبي ) يسجل عليك هدف ... يوقف اللعب يدش على الخطة ... يجيب الناس و رئيس النادي كلهم يحطهم دفاع .... و هاتك يا تمويت لعب
طيب ليش داخل تلعب كرة قدم ؟


شكرا على موضوعك

[Dr.GaMes]

فشورايكم يا جماعة الخير مو تلعب مع خويك احسن من هالاجانب

اكيد بيكون في الاجانب الصالح والطالح

لكن نسبة كبيرة من اللي يخربون اللعب او ماعندة روح رياضية

يكون مراهق او بعدة صغير في العمر وتلاحظ بلاوي في كلامة

وفية منهم الواعي الفاهم يلعب للمتعة والوناسة

[kingx11]

ياعمي مو جذي..اخيس شي في كول أوف دوتي..لماً تنهزم من اجنبية مليون مرة..من غير رحمة
صارتلي مرة وحدة وبعدها غسلت ايدي ادش أونلاين فيها..

عموماً هذا اسوء شي بالايف..لماً تطب بفريق ماهو متعاون..كل واحد هدفه أنه يذبح وبس..وين المتعة اذا الوضع جذي..ياحلات الـDisconnect بهالحاله..يكون على طبق من ذهب.

هزلت يهزمونك بنات؟ ماهقيتها يا بلدوزر

[SUPER HUNTER]

ههههههههه قبل شوي خبلنا فيهم انا وربيعي في وار هاوك
انا مشغل المايك ومحطي ميحد وبروغة وعيضة والمهم الكل يسمع ونستعرض ونخمس بالموتر ونشله على تايرين

[مجروح بوظبي]

والله صدقك

قهـر من القلـب.......


يعني انا العب فيـفا

يوم افوز على حد اتم على اعصابي

اخافه ينسحب من القيم ونخسر انا وياه

مرات افوز عليهم قبل لاينتهي القيم بدقيقه يطلع من القيم افففففففف والله يقهررررررني

[snow qween]

انا عندي رأي ممكن انهم لما ينهزمون يقومون يكسرون اجهزتهم من القهر لانه واحد من اللاعبين و يكون عربي و يغلبهم و الله اعتقد انه هذا الشي يقهرهم و لهذا السبب يطرشون كلام مخل بالادب و ما يعرفون الاحترام.

[ROSWELL]

يامعود هذول مو نفسنا هذول اذا حسو فريقهم ضعيف يطلعون مو نفسنا تشتغل فينا و نقفل و لازم نهزمهم!

أنا و اخواني 2 داشين لعبة تيم دث ماتش و كان الرووم مافيه توازن يعني تقدر تبدل من فريق لي فريق و كان نهاية الروم 8

المهم

صرنا انا و اخواني لوحدنا و ضدنا 5! في خريطة Ecuadian

ما اطول عليكم السالفه

قلتلهم خلونا في القاعده لحد يطلع و سكرنا القاعده بالدبابات و السيارات و الطياراة و لغمناها! و نطرناهم يجونا

و فزنا عليهم فرق 40 (تقريبا النقاط كان 120-160)!!!!

و هذي كانت اقوى جوله لعبتها في الوارهوك.....صج قفل مخي حزتها لازم نكمل اللعب

[Fire Cat]

اعتقد انهم يعرفون معنى الكرامه انهم ينسحبون قبل ماتنتهي الجوله او المباره
لاكن ظلم انه مايحسبك لك الانتصار والناس مو سوى والكلام الي تقولون ماسخ
هذا عادي عندهم اساسا مايعرفون الحرام