اكبر عيب لUncharted: Drake's Fortune لم اتوقعه نهائيا

[rare games]

اخواني maxi و jsz


العيوب الثلاثه الاولى ذكرت انها بسيطه وما تهمني لكنها ازعجتني قليلا

انا اهم شي عندي وقهرني هو

ظهور الوحوش خرب القصه فوق تحت وده اللعبه لمنحنى اخر وخصوصا ظهورها في اواخر اللعبه بعد ان اقتنعت انها واقعيه جدا وممتعه بلا وحوش وخيال

[Austin 3:16]

اللعبة تسير على خطى الافلام التي من نفس النوعية ( مغامرات وكنوز واكتشافات ) .. فالاسلحة عبارة عن سلاحين مثل الواقع .. وكما ان عدد الطلقات الموجود فيها مطابق للواقع تماما .. بالنسبة للوحوش فوجودها طبيعي في مثل هذه الالعاب ( او الافلام ) نظرا لوجود مايسمى باللعنة .. لعنة الرجل الذهبي هنا ( الدورادو ) .. وتقريبا في اي لعبة لا يمكنني ان اعتمد على مساعد ثاني ..

على العموم انا ارى ان هناك عيبان للعبة .. قصرها .. وتكرار الاختباء والاطلاق من وراء الجدار ..

[فوق المستحيل]

القتال مكرر لدرجه الغثيان !

[O.Almazroo3y]

السلام عليكم روحمه الله وبركاته
انصدمت امس لما ختمت انترشالد وطلع فيها عيب لم اتوقعه نهائيا لكن سوف نبدا بانقادات بسيطه
1-ما تقدر تاخذ الا سلاحين فقط واحد فرد وتطوراته والثاني سلاح مفتوح مما يقلل من حريه اختيار الاسلحه واذا تبي تاخذ مثلا رشاش لازم تستغني عن ام بطنين والعكس كذلك
2-الاسلحه بسرعه تفول واكثر سلاح شفته كان110 طلقه
3- المساعد الثاني سولي ماله معنى في القتال وما يرمي ولا يسوي شي بالرمي

صراحة .. انك ما تقدر تشيل سلاحين معك ميزة مو عيب.شوف جراند.. يشيل معه اكثر من 5 اسلحة ما تخش العقل اصلا.من وين يطلع الأسلحة؟!والرصاص... كيف بتشيله معك؟ وانا اصلا ما استهلك رصاص كثير...

والوحوش... صراحة خلت اللعبة مو واقعي... لكن اعجبتني الحركة.. لأنها خلت اخواني الصغار يخافون ولا يلعبون خخخخخـ

[meshale]

الاسلحه مو مشكله عندي يعني انا لعبت افضل لعبه على الجيل الجديد باكمله الا و هي جيرز او ف وور او كان اشيل معاه اسلاحين من الوزن الثقيل مثل الرشاش او السنيبر مثلا او فرد او قنبله او هذا اقلل من خيارتك او علما بان اغلب اسلحة اللعبه مهمه او لها طعم خاص بس ما اعتبره عيب في gears هم نفس الشيء بالنسبه لuncharted

او بالنسبه للوحوش انا ما عندي مشكله بالوحوش ولا الخيال لأني انا افضل هذا النوع من الالعاب بس المشكله في تصميم او شكل الوحوش كان سيء او لو ضايفين طريقه جديده في ذبحهم كان افضل .... او ضايفين فيهم جم شغلها ازياده مثل طريقة هجومهم او شغله جذي كان راح يطلع شي حلو

[q8pro]

السلام عليكم

ما اشوف فيها عيوب
بل هي اجمل واروع لعبه الى الان على البلاي 3 كالعبة حصرية
بس الي صدمني الصراحه ظهور الوحوش من خلال خبرتي في الالعاب والي اعرفه انه اللعبه تحدد من بدايتها من هو عدوك اذا كانو وحووش او بشر
ماعمري شفت الانقلاب هذا

وشكرا

[Bill Kaulitz]

يعطيك العافيه أخوي Rare

على إنتقادك للعيوب الي في اللعبه وانا اوافقك الراي

ولاكن أنت لاتعرف او انا او الأعضاء مالذي يدور براس الشركه يمكن ترد عليك بجزئها الثاني

بصراحة انا شفت اللعبه واتمنى اني ألعبها بصراحة عن قريب بإذن الله

تحياتي لكـ
Bill

[meshale]

والله ما اعتقد انه الشركه راح اتخرب جزءها الاول تمهيدا لجزءها الثاني خصوصا ان اي جزء اول للعبه هو من يحدد اذا كان لها جزء ثاني او لأ او من ردة فعل الناس

او اتوقع انه الشيء الوحيد اللي اثر على الناس بشكل ايجابي هو الجرافيكس المذهل و السلبي ان مافي اونلاين او اللعبه مو صعب انك تحط فيها اونلاين او خصوصا ان اهيه لعبة shooting يعني ماهي اسيوف او شيء صعب انك اتحطله اونلاين ... كانت فرصة الشركه كبيره خصوصا ان في فترة نزول اللعبه كانت اهي اول لعبه من المنظور الثالث للps3 يعني لو حاطه اونلاين جان هذي اول لعبه اونلاين 3rd person shoter او خصوصا انه ملاك السوني في تلك الفتره كانو متعطشين لهذا النظام بس للاسف الشركه ما استغلت هذه الفرصه

[bounil99]

اسهل لعبة لعبتها في حياتي من ناحية الالغاز وكل شيء
وشيء الذي لم يعجبني هو ضهور وحوش متحولة هذا شيء الذي كرههته في لعبة
مشكل كبير هو صعوبة قتالهم اتمنى ان لا يضهروا في جزاء الثاني وايضا ان تكون الغاز شويا صعبة

[SS4ever]

يا جماعه اذا فهمتوا قصه اللعبه راح اتعرفون ليش سبب ظهور الوحوش انا الي عجبني باللعبه التصوير ولو اني ما عندي تلفزون بميزت HD:TV

بس صدقوني يا جماعه انا عندي SD وقعد أللعب اللعبه ابصراحه شي عجيب الشركه وصلت الى أخر ابداعاته بالتصميم

أما يا شباب فأنا مأيد لي رأيك تقريبا 30% بأنه الوحوش تظهر عند توصيلك للعبه بس لو تفهم القصه راح تعرف ليش تظهر الوحوش

أتمنى اني أفدكم في شي

[White Knight]

حرام عليكم حرقتولي القصة لسه وصلت نصف اللعبة
وحوش في النهاية ؟

[rare games]

^^^^^^^^^^^

اظن اني سويت الي علي وحطيت سبولير

[BIG BOSS]

السلام عليكم


اعتقد انه يا اخي العزيز rare games
كلامك صحيح
ما كنت اتوقع هذا يصير ........................

[your8]

دائما اللعبه القوية النقد عليها اساس نجاحها

بالعكس الوحوش باللعبه أعطى تغيير باللعبه وتنويع لان اذا كل اللعبه فقط بشر ونفس العدو يعطي انطباع الملل

ولاننسى مرحله الوحوش اللي اعطتنا أجواء من الرعب وكأننا نلعب لعبه سايلنت هيل ولكن المشكله فقط في طريقة ظهورة الغير متوقع يعني لو معطين علامة ظهورهم ببداية أول المراح لكان أفضل .

وأيضا اللعبه منوعه من كل الاشياء ( قيادة سيارة - جت سكي - سباحه - أجواء رعب - قصه - جرافيكس - اسلوب اللعب ) كل شيء ممتع

وبالنسبه للأسلحه فهي جدا واقعيه كيف تريد شخص يحمل أكثر من اربع او خمس اسلحه في وقت واحد في الواقع ؟؟؟

وتوقعاتي لجزء الثاني هذا إذا كان فيه جزء ثاني انه ماراح يكون قوته مثل الأول

ببسبب هو كثرة الوحوش أو التكرار للأول

ويعطيكم العافية

[rare games]

اخ 8your


اول شي تم الاعلان عن الجزء الثاني من اللعبه بعد اصدار انترشالد بقليل


اكرر لعاشر مره العيوب الاولى الثلاثه ما يهموني كلش وياليتني ما كتبت الانتقادات البسيطه بالموضوع

اهم شي ظهور الوحوش المحبط