خبر مفزع لمحبي الكوبي على البلاي شتيشن2

[جيم سنتر]

القطعه راح تتوفر لكن بعد فتره لان القطعه الحاليه ماهي مامونة الجانب يعني يمكن تشتغل بكره تلقاها خرباانه للعلم هذا كلام مجرب في محلات جيم سنتر بالكويت ... حبيت افيدكم انتظرو احسن من البلشه

[Ultima]

أرجو إدلاء رايك في هذا الموضوع
http://www.montada.com/showthread.php?s=&threadid=59107

[linux]

خبر عاجل


اتصلت اليوم علا محل طوكيو لي الالعاب فرع مجمع الرحاب

وقد ابلغني البائع ان هناك قطعه تشغل جميع انواع الكوبي ديفيدي او كوبي عادي او حتى افلاام ديفدي مباشره بدون دوخه وعوار راس

فقط حط العبه في الجهاز وتشتغل

لااكن الشي المدهش هو سعر القطعه

سعر القطعه 60 دينار


مع العلم ان البائع لا يريد الافصاح عن اسم القطعه

[ayna.com]

اخوي linux انطر على بداية السنه الجديده راح يطيح سعرها الى النصف وانا جايهم قبل اسبوع وقالي هذا

سعرها لأنه راح يطلبها من برى وقالي اذا السعر مو عاجبك انطر على بداية السنه الجديده وراح تلقاها ب 30

الى 35 دينار هذا على كلام وائل اللي يشتغل بالمحل بس المشكله سألته عن اسم القطعه وكان يتهرب من

الجواب على سؤالي وانا راح انطر لي بداية السنه اجديده واركبها انشاء الله.

[hattawi]

بالنسبه للعبه متل جير الكوبي مستحيل.لان اللعبه 4gig بالظبط يعني 6 سيديات عاديه بالظيط .و اللعبه كلها data و ما فيها موفيات تنحذف.عالعموم هذا المصدر...
http://www.scea.com/consumersupport/...sumeralert.asp

[supernova]

أخ hattawi
الكوبي اللي أقصده هو كوبي الدي في دي
يعني تجيب شريط أصلي دي في دي وتنسخه على شريط DVD-r
الشريط الدي في دي أر الفاضي ثمنه 25 ريال تقريبا ومساحته 4.7 جيجا
أما السي دي العادي ثمن الفاضي 2 ريال ومساحته 680 ميجا

فهمت الفرق الحين؟؟؟

أصلا الموضوع كله عن الدي في دي الكوبي وقطعته لأن الكوبي حق السي دي العادي نزل من زمان هو وقطعته

[Kubaj]

الله اكبر ...وش نبي بكوبي الdvd يعني اذا لعبه تستاهل ..نشريها

اصلي ..وا اوفر علي التعب

[M7MOOOD]

أخ النسر الأسود :

القطعة أسمها neo key و بس .. يعني ما أعرف اذا كانت رقم 1 او 2 او 3 او 4 ... و هي مصنوعة في تايوان .

و القطعه ما تشغل بروحه الألعاب ... فلازم أول شيء تحط دسك الغيم شارك الي معاه ... و بعدين تطلع دسك الجيم شارك و تحط دسك اللعبة .. بس للأسف تشغيلها شوي بطيء .. بس يالله مو مشكلة

و اذا تبي قطع مثل هالنوع فعندك مجمع الرحاب اللي في حولي .. فيه طابق كامل كله محلات ألعاب ( أكثر من 40 محل :واو: ) .. بس أنا أنصحك تشتري القطعه من محل جيم سنتر الرئيسي الموجود هناك ... فأغراضه كلها ممتازة و ماراح تتحسف لشراءك اياها .

أما القطعه فأنا أظن أنها تشغل ألعاب الكوبي بجميع الأنظمة .
___________________________________________________________

أخ عماد :

و الله صدقت لما قلت لنا أن اللعبة فاشلة و لا تحتوي على قصة ... فأنا من الأول كنت أظن أنك تبالغ في كلامك ... بس الحين تأكدت أنها لعبة فاشلة و مالها قصة ... و حسافه عليها حتى الكوبي :":

و مشكور على ردك ... لأني أرتحت الحين و عرفت أن و لا شي فايتني من اللعبة

___________________________________________________________

أخ hattawi :

أنا شايف اللعبة في الرحاب ( ميتل جير سوليد 2 ) كوبي و دسك واحد ... و للعلم ترها كاملة .

___________________________________________________________


و الظاهر أني راح أنتظر لى عيد الأضحى علشان أشتري قطعه تشغل ألعاب الكوبي بسرعة و بدون عوار راس و مشاكل ... .

[kitten]

supernova
السي دي الفاضي DVD ب 25 ريال و بعدين شنو اسوي فيه يعني اودي السي دي لراعي المحل و اهو ينسخلي اللعبة و لا لأ

شنو اهو سعر ال DVD اللعبة عندكم في السعودية ؟؟؟؟
و الكوبي ؟؟؟؟؟

MA7MOOOD
انا لما رحت الرحاب في محل اسمه الوكالة الاسيوية و اهو على شكل كابينة مو محل كامل اكيد اتعرفه لانه واضح
المهم في هذا المحل قال لي ان عنده تطويرة جديدة ما في احد في السوق عنده اياها
و ان اهي تشغل dvd الكوبي و الكوبي العادي بس لازم يكون عندك شريط اصلي عشان تشتغل ال DVD و سعر التطويرة 30 دينار

اشرايك بهاذي التطويرة و اروح اطورة عنده و لا لأ‍‍‍‍‍‍‍‍‍؟؟؟؟

و بكم القطعة اللي قلت عنها عند محل جيم سنتر؟؟؟

[النسر الأسود]

ألف شكر للأخ M7MOOOD
والله ما قصرت .
بس عندي كم استفسار وهم :
هل تنصحني أرسل جهازي للكويت أعدله (والدي بالكويت ) أم خلي والدي يحضر لي القطعة ويركبها هنا في سوريا بس على فكرة أنا سألت عندنا في سوريا قالوا لي لازم يكون في مخطط فهل يعطوني مخطط بالكويت أم لا .
وكم سعر هذه القطعة وألف شكر لك .
ملاحظة: هل هذه القطعة تأثر على السوني من ناحية كفاءته يعني هل تنزعه في المستقبل .

[النسر الأسود]

حصل خربطة كتير يا M7MOOOD
لا تآخذني .
بس المهم إنك قدمت كل المعولمات لي والله إنك تستاهل كل خير وشكرا .

[supernova]

خوباج: الكوبي بحوالي 50 ريال بس
بعدين اذا كنت أبشتري كل الألعاب اللي تستاهل راح أخسر كثير
شوف مثلا
ميتل جير2
سايلنت هيل2
ريزدنت ايفل كود
ايس كومبات4
فف10
دفل ماي كراي
سول ريفر2
ماكس بين
اونيموشا
وغيرها الكثير الكثير وهذي كلها دي في دي
أنا ماني مطخطخ زيك


kitten
أنا ذكرت سعر الفاضي للمعلومية فقط وما تقدر توديه محل عشان ينسخ لك لأنه كل لعبة أصلية عليها حماية يعني عشان تنسخ لازم تفك الحماية وهذا غير متوفر لدى المحلات فالمحلات تجيب الأشرطة جاهزة وحمايتها مفكوكة

[M7MOOOD]

أخ kitten :

أنا لا أنصحك بتطوير جهازك ...

بل الأفضل لك أن تشتري قطعه خارجية تركبها من الخارج أفضل للجهاز .

أما القطعه اللي في محل جيم سنتر مو متأكد منها ... فالأفضل لك أن تسأل المحل بنفسك و تستفسر عن الأسئلة اللي تجول في خاطرك .


_____________________

أخ النسر الأسود :

أنا أنصحك بأن تشتري القطعه الخارجية .. أفضل من تطوير الجهاز .. و أنصحك أن تشتري أحدث قطعة نزلت في السوق .. لأن الأحدث هو الأفضل و الأسهل من طريق الأستخدام .

أما اذا كانت القطعه تأثر على السوني مسقبلا ... فالله أعلم .. و لاكني لا أظن أنها ستأثر على السوني .

____________________


و أي أي أي أستفسار من أي عضو أنا حااااااضر

[Aerodynamic]

يا m7moood
أنا عندي سالينت هيل 2 أصلي
أظنك شاري الديمو عشان الديمو يبدأ من المشتشفى
و سلام

[M7MOOOD]

كتب العضو (Alucard_2k2)
يا m7moood
أنا عندي سالينت هيل 2 أصلي
أظنك شاري الديمو عشان الديمو يبدأ من المشتشفى
و سلام

:واو: هاه ... معقولة يكون اللي عندي ديمو :واو: :واو:

أنت عندك الأصلي .. و من وين يبدأ اللعب ... و شنو يصير أول شي ؟؟

بس هم عماد شاري سايلنت هيل 2 أصلي ... و هم بعد اللعبة تبدي من المستشفى ?:

يا نااااااس ... ياللي عنده سايلنت هيل 2 ... قولولي .. اللعبة من وين تبدأ ؟!؟؟!؟!؟؟!؟!!؟!؟!!!