[دعوه مفتوحه ] تجمع عام للمهتمين بتطوير الألعاب فى القاهرة

[||صقر||]

إن شاء الله ^^ ... بخصوص اللى هيلاقى صعوبة فى حضور التجمع .. فهو مفتوح ... احنا هنبدأ إعداد الساعة 10:30 الصبح ...و هنقعد تقريبا أربع ساعات ... تقدر تيجى فى أى وقت ..^^ ... زى ماقلت هو تجمع عام ومفتوح .. انت مش ملزم بأى حاجة ... بس بالتأكيد تعالى من الأول عشان تستفيد أكتر ^^ .. وان شاء الله التجمع هيتسجل من البداية للنهاية سواء نجح أو فشل ^^ ...... انا كل هدفى اننا نبدأ نفكر عمليا فى تكوين تجمعات واتمنى الفكره دى تنتشر فى الأقطار التانيه .... ربنا يسهل .... بكره الاتنين.... هتصل بالشباب اللى سجل النهارده ان شاء الله

[||صقر||]

خلاص .... حددنا المكان والزمان ^^ :
المكان : ساحة الأوبرا :دى صور لمكان التجمع بالقمر الصناعى للى مش عارف العنوان :
http://www.wikimapia.org/#lat=30.041...17&l=0&m=a&v=2

الزمان :
يوم الاثنين "اللى هو بكره" ... هنبدأ الساعه 10:30 وهنقعد أربع ساعات ...

النشاطات : أول ساعة : للتنظيم التجمع و التعارف و استعراض محتويات الاسطوانات
الساعة الثانية : موقفنا من "تطوير الألعاب" تصحيح المفهوم و تخصص المجالات وتحديد موقف كل واحد منها
الساعة التالته : استعراض لبعض المشاريع و مناقشة بعض التقنيات و الأساسيات الخاصة بالـ Game Development Cycle
الساعة الرابعة : مناقشة فكره Amdman فى إنشاء موقع دعم لمطورى الألعاب و كيفيه تمويله -وتسليم الاسطوانات و إكياس البست وسندوتشات الجمنه ^,^& "

دى صورتى عشان تعرفونى لما نتقابل :-

لو عندك أى حاجة عاوز تجيبها و شايف انها هتفيد هاتها ... اسطوانات أو شغل كويس عاوز تعرضه ..

[ayoubsoft]

بالتوفيق في الاجتماع ^^

[MEGA.K]

مرحبا يا أعضاء المنتدى

الرد:طيب على ما أظن انو الاجتماع خلص طيب وايش صار (ممكن تقرير أو صور أو تسجيل لاجتماع للاستفادة )
و ان شاء الله يكون مر على خير.

وشكرا
MEGA.K

[CalmKiller]

ا خبر ابيض و اللهي لو كنت اعرف ان التجمع النهارده كنت جيت بس و الله ماكنتش اعرف
انا لسه داخل المنتدى الساعة خمسة
نحس والله

انا كنت حاسس ان مفيش غيري مصمم العاب في القاهرة بس دلوقتي اتشجعت شوية
معلش لو تعرفو تحددو مكان تاني للاجتماع
و في يوم تاني ان شاء الله
يعني مثلا يكون في المعادي
او عند المودرن اكاديمي "في حتة حديقة هناك انما ايه"
انا زعلان بس هبعتلك رقم البيت عالخاص