خطييير جدا!!! (إنه أفضل جهاز ألعاب في العالم)

[yousif]

يا شباب تبون الصراحة......

انا بتكلم عن الكيوب.......انا اقول انه جهاز فاشل......بالنسبة للوقت اللي نزل فيه <=== ركزوا عليها

انتوا شوفوا الجهاز نزل مع الاكس بوكس.......ونزل بعد البلاي ستيشن2 بسنة ونصف.

وبالنهاية.....يكون الفرق بينه وبين البلاي ستيشن2 .....شيء قليل....مثل السرعة والتكشر وغيره.

والاكس بوكس معروف انه محطم الكيوب بالمواصفات بفرق كبير .

يعني الاكس بوكس عيبه الالعاب..(بس تو الناس لسه جديد)

اما الكيوب فهذي نقطه من صالحه...فالعابه حلوه و المدعمين له شركات قويه.

وانا توني شاري الكيوب.......بس انا اعتقد ان هذا اخر جهاز من ننتندو.....وبعدي بتطيح هالشركة زي سيجا (هذا من اعتقادي)

وانت باللي تتطنز على الاكس بوكس.... انت اصبر....وتشوف ايش راح يسوي.......لسه توه نازل وتشوف بعدين.... ها ها

[king_zell2001]

ليش أنتظر يا أخوي ............... الموضوع انحسم .............. أنا أصلا يعني كتبت مواضيع كثيرة عن هذه القضية وأثبت تفوق الننتيندو بالألعاب والمبيعات بالأرقام............. ولكن اكتشفت إني قاعد أتناقش مع ناس يحبون الإكس بوكس ........... نسيت إنهم بلا عقل!!!! فكانت مناقشاتي بلا جدوة!

[yousif]

ههاي جاك الاخ .....مسوي انه رد مسكت.. مسوي روحه فاهم....اي مبيعات اللي تتكلم عنها........

لسه توهم نازلين من شهر و شوي....... والكيوب....ما اثبت ولا شيء.....ان شاء الله تتكلم عن بيكيمن....وغيره....لسه ما تقدر تحدد....

اما عن

ولكن اكتشفت إني قاعد أتناقش مع ناس يحبون الإكس بوكس ........... نسيت إنهم بلا عقل!!!! فكانت مناقشاتي بلا جدوة

هه .....اول شيء انا ما احب الاكس بوكس....لكن المواصفات هي اللي تاكد قوة الاكس بوكس.........يعني جهاز نازل سنه 2001 شهر 11 .... وبهذه المواصفات.... اقول هذا اخر جهاز....والننتندو بيطيح....وبيصير شركة برمجه فقط......هه

واذا انت فرحان مسوي لك كم تصويت في المنتدى.... ومفوز الننتندو....في منتدى فهذا ما يثبت شيء .....

اما عن بلا عقل.......يعني يا انت المقصود او غيرك

[سلطان الكيوب]

تبون الصراحه لازم الإكس بوكس يخفف وزنه لأنه دب وأنا دائما آلقبه وآدلعه بكلمة (دبدوبي) ياخي آحس من شكلة أنه دلخ وآلعابه كلها مدلخه وخاصه الصرصور والله شكله رسمي . يهبل يحنن أنيق وكل الكلمات آوصفها له. وبالنسبة لأخوي جرانديا إذا كانت شركة ننتندو كافره فشركة مايكرسوفت ياااااااهوديه تعرف كلمة ياهوديه تراهم مايواطنونك وخاصه حنا العرب. ولا تبينا ندعمهم بعد والله يخسون. آدعم شركة كافره ولا أدعم شركة ياهودية. وإذا كنتم تبون تشوفون الآناقه ناظرو الصوره آللي بتكحل عيونكم.



تحياتي لكم عشاق الننتندو.....

[Tamaki_q8]

كتب العضو (سلطان الكيوب)
تبون الصراحه لازم الإكس بوكس يخفف وزنه لأنه دب وأنا دائما آلقبه وآدلعه بكلمة (دبدوبي) ياخي آحس من شكلة أنه دلخ وآلعابه كلها مدلخه وخاصه الصرصور والله شكله رسمي . يهبل يحنن أنيق وكل الكلمات آوصفها له. وبالنسبة لأخوي جرانديا إذا كانت شركة ننتندو كافره فشركة مايكرسوفت ياااااااهوديه تعرف كلمة ياهوديه تراهم مايواطنونك وخاصه حنا العرب. ولا تبينا ندعمهم بعد والله يخسون. آدعم شركة كافره ولا أدعم شركة ياهودية. وإذا كنتم تبون تشوفون الآناقه ناظرو الصوره آللي بتكحل عيونكم.



تحياتي لكم عشاق الننتندو.....

الحين شركة مايكرو سوفت يهودية هههههههههههه

عيل شركة ننتندو شنو يطلع مسلمة هههههههههههه :غضب:

[king_zell2001]

قال الأخ : yousif

ههاي جاك الاخ .....مسوي انه رد مسكت.. مسوي روحه فاهم

إذا أنا كنت مسوي نفسي فاهم يعني إنت تقول أنا مش فاهم!!
طيب إذا كنت أنا مش فاهم أثبت ، وريني إنك فاهم وسويلي رد مسكت وأثبت إن واحد من النقاط الي ذكرتها في موضوعي الأصلي غلط! ، وهذه هي النقاط كتبتها لك بطريقة يستوعبها عقلك:

- كثير من الألعاب المقرر صدورها على الإكس بوكس هي ألعاب كانت قد صدرت في السابق على البلاي ستيشن2 ، مثل : Silent Hill ، MGS2 ، GTA3 ، Starwars Starfighter .

- كثير من الألعاب التي ستصدر على الإكس بوكس هي ألعاب صدرت في السابق على الPC مثل: Myst III: Exile و Max Payne .

- الإكس بوكس تصدر عليه نسخ قديمة من ألعاب أجزائها الجديدة تصدر على الأجهزة الأخرى مثل : Tony Hawks Pro Skater3 تصدر على البلاي ستيشن2 و الجيم كيوب بينما Tony Hawks Pro Skater2x تصدر على الإكس بوكس ، وأيضا Genma Onimusha تصدر على الإكس بوكس بينما سيصد على البلاي ستيشن2 Onimusha .

- الإكس بوكس بطله صرصور .

- تصميم الإكس بوكس أسوأ تصميم بين جميع الأجهزة ويشبه الPC وغير مناسب لجهاز ألعاب فيديو.

قال الأخ : yousif

اي مبيعات اللي تتكلم عنها........

لسه توهم نازلين من شهر و شوي....... والكيوب....ما اثبت ولا شيء.....

أخوي أنا مستعد أجيب لك خبر من موقع gamespot.com يقولون فيه إن تقرير مبيعات الجيم كيوب لأول إسبوع وصلت الى أكثر من 500 ألف جهاز ، وبهذا يكون الجيم كيوب حقق مبيعات في أسبوعه الأول لم يحقق الإكس بوكس نصفها في إسبوعه الأول ، وبهذا أيضا يكون الجيم كيوب هو أسرع جهازا مبيعا في تاريخ ألعاب الفيديو!!!

من ناحية الألعاب حنا كلنا شفنا لعبة لويجي منشن كانت أكثر مبيعا من لعبة هالو ، وأيضا بعد شهرين من نزول الجهازين لم نشاهد ألعاب إكس بوكس جديدة تصبح من أحسن عشرة ألعاب مبيعا في أمريكا ، ولكن الجيم كيوب دخل بلعبتين الأولى بكمن وبعدها بشهر سوبر سماش بروس ميلي ..............

قال الأخ : yousif

لكن المواصفات هي اللي تاكد قوة الاكس بوكس.........

أبدا ما كانت المواصفات هي تؤكد تفوق جهاز ، والي يعتقد هذا فإن ما عنده سالفة ، وهذه سالفة المواصفات هي حجة كل واحد يحب الإكس بوكس لأن ما عندهم شي ثاني يتكلمون عنه ، ودليل على كلامي إن الننتيندو 64 كان أقوى من البلاي ستيشن1 صحيح إن الجهاز كان رائع ونجح وقدم لنا ألعاب لن ننساها لكن ما قدر ينزل البلاي ستيشن1 عن المقدمة ، وهنا نفس الكلام ينطبق على الإكس بوكس فإن المواصفات غير كافية .


قال الأخ : yousif

.... اقول هذا اخر جهاز....والننتندو بيطيح....وبيصير شركة برمجه فقط......هه

وطبعا هذا الكلام الي انت قلته هو امنية كل إنسان حاقد على الجيم كيوب ، وحامض عليك إنت وياه إنها تتحقق، وأنا صراحة يا أخوي ما أقول هذا الكلام من باب الإستهزاء لكن لا أرى حتى الآن سبب يدل على احتمال حصول هذا الشي............

قال الأخ : yousif

واذا انت فرحان مسوي لك كم تصويت في المنتدى.... ومفوز الننتندو....

كيف تقول إني مسوي تصويت وفوزت الننتيندو فيه ، إنت تتكلم من فراغ أصلا ، واذا كان عندك سالفة جيب وصلة للموضوع الي أنا مسوي فيه تصويت!!


في النهاية لا يسعني إلا أن أقول أننا نحن في منتدى الننتيندو فإننا جميعا أعضاء نتميز بالمحبة وطيبة القلب والشفقة ، ونرحب بجميع المشردين من منتدى الإكس بوكس الذين يأتون إلى هنا لأنهم ما لقوا شي يكتبون عنه ولا في ألعاب يحطون صورها ولا في مواضيع يتناقشون فيها........... نحن نرحب بهم جميعا!! :":

[yousif]

اوف مسكين....اكيد تعبت وانت تكتب هالرد....... عالفاضي.

انا اولا ما احقد.... على الكيوب.....لاني شاري واحد اصلا...فليه احقد.....وشف عندي موضوع..

وانا برد عليك في بعض النقاط.....لأن الصراحة..ما لي نفس ارجع لردك ولا بضيع....

تقدر تنسب الشخصية ...الى الجهاز عندما يوضع صورته على الغلاف...مثل الننتندو ...وسيجا....اما غير ذلك فما ينتسب اليه

اما من ناحيه المبيعات....ياخي...اكيد الننتندو بيتفوق لانها شركة قديمة (والوحيدة اللتي بقت)...

والاكس بوكس...توه جديد في هذا المجال......فاكيد لازم تتوقع انه راح يتعرقل في المبيعات......ولانه جديد يبغا له صبر.

وهل تتوقع ان الاكس بوكس راح يظل يصدر الالعاب القديمة؟؟؟ اكيد لأ ....وانت قاعد تذكر العاب ....وتخلي الالعاب الجديدة اللي راح تنزل عليه...
لسه ما شفت شيء.

اما عن

ودليل على كلامي إن الننتيندو 64 كان أقوى من البلاي ستيشن1 صحيح إن الجهاز كان رائع ونجح وقدم لنا ألعاب لن ننساها لكن ما قدر ينزل البلاي ستيشن1 عن المقدمة ، وهنا نفس الكلام ينطبق على الإكس بوكس فإن المواصفات غير كافية

الصراحة هذي معاك حق...البلاي ستيشن كان محطم ال 64

وانا ما احقد على اي جهاز.....انا اقول اللي في نفسي.....يعني انا شريت الكيوب....ومشتري من قبل الps2.....والاكس بوكس (بعد كم شهر) ...

[COLLEGEGUY]

الأخ جرانديا : إذا كنت تحسب اللعبة إللي ذكرتها من إنتاج مابكروسوفت هي افضل لعبة على وجه الأرض , أنا أقول و لو كانت لكن في ألعاب كثيرة تنافسها بقوه , و أعتقد إن أحسن لعبة هاليومين هي : ميتال جير سوليد 2 و سوبر سماش بروذرز 2 ميلي و كاسلفانيا سيمفوني أوف ذا نايت و كاسلفينيا سيركيل أوف ذا مون و زيلدا بكل أجزائها ووووووووووووو
فلو سمحت إتأكد من الألعاب في أفضليتها لأني بألعب كمبيوتر من عام 1982م من أيام أتاري و الأشياء اللي تسمونها " الجيل القديم "
بالمختصر أنا ما فرضت رأيي عليك >>>>>>

[king_zell2001]

يا أخ yousif أكيد ما تقدر ترجع للموضوع الي أنا كتبته لأنك ما تقدر ترد على النقاط الي أنا كاتبها ....... وإنت اعترفت بنفسك وقلت إنه شي طبيعي إن الجيم كيوب تكون مبيعاته أفضل لانه من شركة عريقة وهي ننتيندو ..........................

وأما عن الألعاب الي أنا ذكرتها هي فعلا ليست جميع ألعاب الإكس بوكس وفي غيرها ، لكن هذه التي ذكرتها تمثل جزء كبير من ألعابه ، ولعبة الصرصور حتى لو مل تبي تعترف فيها فهي تبقى من ألعاب إكس بوكس الأساسية.

وطبعا انت ما قدرت ترد وتقول ليش الجيم كيوب بيخسر ويتحطم ويصير مثل سيجا ويقوم ببرمجة الألعاب فقط............ لأنك ما تدري ايش تقول.

كل الي قلته إن ننتيندو هي شركة عريقة ومتوقع تفوقها في البداية ، وإن مايكروسوفت يبغالها صبر!

أنا فعلا ضيعت وقتي في كتابة هذه الردود لأنك اعترفت في الأخير إن الننتيندو هي الأفضل ، أنا ودي أعرف ليش من الأساس خاش عرض وقاعد تتفلسف!

ترى أنا أمزح معاك بس أخوي yousif ، لا تفهمني غلط ، لكن إسلوبي مثل The Rock ..... معليش أنا متأثر بالWWF

[yousif]

المشكلة مب من عندي.... من عندك.....انا ما قلت اكره الكيوب.....ولكن...تكلمت عنه... بكلام انت ما عجبك....فقمت انت كتبت رد كاني متعصب لجهاز معين...

انا احب كل الاجهزة....وعلشان كذا انا قلت لك ان ردك على الفاضي..