صندوق الاقتراحات , الشكاوي و المخالفات

[Tyki Mikk]

^
أقول...بسك ترقيع....أنت اللي قلت انه حق طلبات مو أنا....
صح منتدى الmultimedia حق روابط وطرق تحميل بس مشكلته ميت<<<<وجوده مثل عدمه...
بس خلاص علشانك راح أسمح ببقاء هالقسم...

[Al-RaQmi]

هلا ديو ..
هلا شباب .. ^,^ ( مزاجة رايق لساته صاحي من النوم ^0^ )
===
حتى يتنشط المنتدى وقسم الانمي لازم تسوي طريقة ترجع الاعضاء anime fun وياااااااااااااااااكثرهم بالمنتدى لكن هل شارك بقسم الانمي سواءا برّد او موضوع ؟!؟! اغلبهم للاسف لا .. بسبب عدم وجود محفزات عند كتابة اي موضوع ومن هذي المحفزات الردود .. فيا جماعه الردود الردود فكلمة شكرا ماهي شي متعب وماهو تعب تكتب رد سطرين ثلاثة تعليقك على الموضوع او مداخلة .. مو شرط ان الانمي يعجبك وقد تابعته من قبل .. فاعتقادي هذا اكبر سبب لتنشيط القسم

فكرة فتح موضوع للتعارف شي جميل تقرب الاعضاء من بعضهم ونشوف وجوه جديدة بالمنتدى
وايضا فكرة وضع لقب اسفل العضوية مثل ( قروب ^%$ لترجمة الانمي) - افضل موضوع بنقاش الانمي - خبير انمي - مصمم قسم الانمي ........... الخ لها دورها في تنشيط الاعضاء وتشهير لاسمة في الاقسام الثانية
ومتى ماحصل من العضو تقاعس يسحب اللقب ويعطى لشخص اخر
==
طريقة تقسيم المنتدى لها دور .. واكبر دليل قسم البلاي ستيشن لما حصل فيه تعديل في التقسيم سبحان الله قلب القسم 180 درجة صار ميت للاخر ... الين رجعوه للتقسيم شبية بالسابق والى الحين القسم فيه ضعف والسبب التقسيم
اقترح اعادة تقسيم المنتدى
ويكون بالشكل هذا :

قسم الأنمي (بليتش - ناروتو - ون بيس)
يكون خاص بهذي الثلاث انميات 90 % من القسم متجه لها وواجهة القسم كلها عن هذي الثلاثية .. ففتح قسم خاص لهم يجمل الواجهه ويريح عشاق الثلاثية بدخول قسمهم الخاص ويكون فيها كل مايتعلق بالثلاثية اخبار-حلقات جديده-مانجا ...... الخ

قسم الملتيميديا
خاص بروابط التحميل المباشرة-التورنت وخاص بقروبات الترجمة وانجازاتهم الجديدة

قسم الانمي العام
ويندرج تحته كل مايتعلق بالانمى نقاش-اخبار-تقرير..... الخ باستثناء الثلاثية لان لها قسمها الخاص

قسم المانجا
وفيه كل مايتعلق بالمانجا

قسم الطلبات والاستفسارات
وخاص باي تساؤل .. المهم انا الواحد يخسر من وقته كل اسبوع 10 دقائق يشيك على القسم ويساعد اي احد محتاج بكذا تحبب العضو بالقسم وتشجه من يدري ممكن يكون احد افراد المنتدى المميزين والسبب اسلوب ردك

==
المهم نشوف شي واقعي كثرت مواضيع الطلبات وماشفنا شي .. معذور ديو هذا الشهر لظروفك الخاصة لكن الشهور الجاية ننتظر منك الجديد ^^ مأملين فيك الخير وانت قدها ان شاء الله
(اتمنا تعيين مراقب زيادة يكون معاون لك ارشح طنط بحكم خبرته بالمنتدى ونشاطة بالقسم )

[Dio-Sama]

السلام عليكم جميعا, شو الاخبار^_^

فانتوم

على طاري موضوع الصور, ما جفتني قلت بصيغ الموضوع^_^, ادري انه موجود و ميت حاليا. بس بعيد صياغته عشان يكون fun و ممتع.

من بدايتها تحبيط!! بعدين, ليش محاولة رخيصة لتقليد الأعضاء القدامى.
خلاص, هم راحوا. و نحن جيل يديد. يعني مستحيل اتجوف شي مثلهم, لانهم غير و نحن غير!! هم و جيل و نحن جيل!!

المهم انت و ايتاجي سكرتوا الموضوع, بس حبيت اقولك هالشي.^_^.


عبدالعزيز

انا ما ادري شو عقدتكم مع المسابقات؟ و الفعاليات!!
ليش ينحدر يعني؟ على حسب نوع المسابقة و الفعالية. ما اعتقد انه شي سبب مقنع يمنعنا من هالشي. بعدين, الultimate goal انه نقعد "انفركن" رسوم. يعني المسابقات و الفاليات نوع من الترفيه و المرح. الناس تختلف. و مثل ما قلت, الجيل السابق غير. as long as peaple are enjoying خلاص!! + المسابقات تولد ألفة بين الأعضاء. فممكن الواحد يظحك, يبتسم, لمجرد رؤية هالاشياء اللي ترجع الروح شوي. الخلاصة, كله يعتمد على نوع المسابقة!!

Tyki mikk
الافظل انها تظل موجودة, في حال عاد المنتدى!!
و صح, ثااانكس على وصلة anime-eden^_^

al-raqmi

هلا ديو ..
هلا شباب .. ^,^ ( مزاجة رايق لساته صاحي من النوم ^0^ )

اهلين^_^,
و ان شاء دوم مزاجك رايق^_^

ويكون بالشكل هذا :

قسم الأنمي (بليتش - ناروتو - ون بيس)

قسم الملتيميديا

قسم الانمي العام

قسم المانجا

قسم الطلبات والاستفسارات

حلوة التقسيمة!! بس كنت أفكر اسوي التقسيمة حسب النوع.

اكشن , دموية رعب (قسم) + شوجو, مدارس, كوميدي (قسم), خيال علمي, علم نفس, ميكا (قسم), خيال, مغامرات, سحر (قسم).

المهم نشوف شي واقعي كثرت مواضيع الطلبات وماشفنا شي .. معذور ديو هذا الشهر لظروفك الخاصة لكن الشهور الجاية ننتظر منك الجديد ^^ مأملين فيك الخير وانت قدها ان شاء الله

انزين ليش ما واحد فيكم moved his aXX و جاوب على الاستفسارات!!^_^.

بجوف أحمد شو اللي نقدر انسويه و برجع لكم مرة ثانية^_^.

[Al-RaQmi]

حلوة التقسيمة!! بس كنت أفكر اسوي التقسيمة حسب النوع.

اكشن , دموية رعب (قسم) + شوجو, مدارس, كوميدي (قسم), خيال علمي, علم نفس, ميكا (قسم), خيال, مغامرات, سحر (قسم).

هي حلوة التقسيمة لكن تقدر تسمها هذي الخطة B .. بعد ماترجع الاعضاء وترجع المنتدى لنشاطة وتزداد المواضيع تسوي هذي التقسيمة .. لان وضعها في الوقت الحالي راح تزيد الاقسام وقسم ينشط وقس ماينشط ..
هذا الي حبيت اقوله

انزين ليش ما واحد فيكم moved his aXX و جاوب على الاستفسارات!!^_^.

احب حرف S خصوصا لما يتكرر مرتين مادري ليش P:

[TNT-BOY]

حلوة التقسيمة!! بس كنت أفكر اسوي التقسيمة حسب النوع.

اكشن , دموية رعب (قسم) + شوجو, مدارس, كوميدي (قسم), خيال علمي, علم نفس, ميكا (قسم), خيال, مغامرات, سحر (قسم).

ماتحس في تشتيت واجد ؟

قسم المانجا يبي له احياء...عندي فكرة لموضوع ترفيهي وفي نفس الوقت فيه فايدة بس يبي لها شوية شغل وتحريك مخ...بس مخي متنح هل يومين ومو طالع معاي بنتيجة :\

[TNT-BOY]

حلوة التقسيمة!! بس كنت أفكر اسوي التقسيمة حسب النوع.

اكشن , دموية رعب (قسم) + شوجو, مدارس, كوميدي (قسم), خيال علمي, علم نفس, ميكا (قسم), خيال, مغامرات, سحر (قسم).

ماتحس في تشتيت واجد ؟

قسم المانجا يبي له احياء...عندي فكرة لموضوع ترفيهي وفي نفس الوقت فيه فايدة بس يبي لها شوية شغل وتحريك مخ...بس مخي متنح هل يومين ومو طالع معاي بنتيجة :\

[abdulaziz1]

Dio-Sama ..

انا ما ادري شو عقدتكم مع المسابقات؟ و الفعاليات!!
ليش ينحدر يعني؟ على حسب نوع المسابقة و الفعالية. ما اعتقد انه شي سبب مقنع يمنعنا من هالشي. بعدين, الultimate goal انه نقعد "انفركن" رسوم. يعني المسابقات و الفاليات نوع من الترفيه و المرح. الناس تختلف. و مثل ما قلت, الجيل السابق غير. as long as peaple are enjoying خلاص!! + المسابقات تولد ألفة بين الأعضاء. فممكن الواحد يظحك, يبتسم, لمجرد رؤية هالاشياء اللي ترجع الروح شوي. الخلاصة, كله يعتمد على نوع المسابقة!!

العقدة موجودة ..

لكن لو تركز وتتمعن في ردّي السابق .. إني مارفضت المسابقة !!

رفضت إن يكون إعتمادكم عليها فقط .. عشان لا تنصدمون بالنتيجة بس !

وفي النفس الوقت .. ما ذكرت إنها بتفشل .. وفي نفس الوقت ما قلت إنها بتنجح ..

ما "أعتقد" إن مجرد مسابقة .. بـ تنعش القسم لـ درجة إنها تخليه ممتاز !

هذا مجرد إعتقاد شخصي ..

وعشان ما أنفهم غلط مرة ثانية .. أبيك تقرأ الرد مرتين أو ثلاث .. عشان لا ترميني بالباطل ..

بالنسبة للتقسيم .. ما أظن إنه ينفع الحين .. ما أدري وش بتفيد كثرة الأقسام ؟

القسم الحين بالقوة قاعد يتحرك ؟!

يازين صفحة منتدى الأنمي الرئيسية .. يا إني كنت أعاني يوم كانت مختفية قبل فترة ..

[Dio-Sama]

السلام عليكم

الرقمي و تي ان تي

مثل ما قلتوا, التقسيمة بنفكر انسويها لو جفنا نشاط أكثر.

عبدالعزيز^_^

وظحت فكرتك. بس اللي يقرا ردك يقول شو هالتشاؤم.

و حاظرين, بقرا مرة و مرتين و ثلاثة قبل ما احط رد^_^

[Tyki Mikk]

Dio-sama أوافقك و بقوة بكل اقتراحتك ماعدا سالفة التقسيم...المنتدى محتاج لم شمل ومو تشتيت زيادة...يعني المفروض تدمجون كم من قسم مع بعض علشان تزيد نسبة مشاهدة الأعضاء للمواضيع وتزيد فرصة الرد والمشاركة....تصدق توني انتبه انه فيه مجلة انمي أنت مسويها؟!

سلام~

[العنيد12]

مدري اذا فكرتي بتساعد او لا لكن اهم شيء احس اني قدمت شيء

مثل يوم تكون بمبنى حكومي او شركة وتلاقي صندوق الاقتراحات وعنده ورقة وقلم
تحاول تكتب اي شيء حتى لو كان اضافة سلة مهملات في احدى الممرات

الاقتراح الاول

الاقتراح يبدأ من موضوع التعارف , يتم تحديد مجموعة اعضاء مختلفين شاركوا في
موضوع التعارف كل مجموعه تتكون من خمس اعضاء او اكثر او اقل ..

كل مجموعه اسبوعياً يكتبون موضوع يكون قابل للنقاش , يعني لو كان عندنا 4 مجموعات
بيصير عندنا اربع مواضيع نقاشيه اسبوعياً اتوقع تساهم في زيادة نسبة المشاركة

بإمكانكم استخدام فكرة المجموعات بطرق اخرى افضل من هذي الطريقه ..

الاقتراح الثاني

موضوع آخر الاصدارات يكون مثبت ومفتوح ,

نزلت حلقة انمي جديده يتم وضع الوصله بالموضوع , نزل شابتر , فيلم ...
منها تسهلون على الاعضاء البحث عن الوصلات في كل مرة ..

مع اني اشك اني اقتراحات غريبه ويمكن مكرره ويمكن عملتم بها من قبل لكن ماعلي منكم
راجعوا التشبيه بالاعلى

[Dio-Sama]

السلام عليكم^_^

العنيد, شكرا على الاقتراحات و سوينا معظمها^_^
الأول, فتحنا موضوع التعارف.
و فتحنا موضوع المشاهدة الجماعية! لتنزيل كذا موضوع و كذا جروب بيتابعون شي^_^
بخصوص المجموعات, لازم الناس تتحرك^_^. ما اقدر اسوي كل شي بروحي(تراني بني ادم بعد مش مكينه!!)

بخصوص موضوع اخر الاصدارات, اعتقد شي موضوعين حاليا, واحد للاخ احمد كيبي و الثاني لMSF. بامكان الناس و ضع كل شي اهناك^_^.

[خت فت]

السلام عليكم
اقتراحي بسيط و هو عمل مسابقة تكون مثلا شهرية مرتبطة بالانيمي
يكون المراقبين للقسم لجنة تحكيم وفي كل شهر يختار المراقبين او اللجنة مجموعة من الانيميات مثلا 6 لتكون عرضة للنقاش و كتابة التقرير و الاخبار عنها و المواضيع المميزة و في اخر الشهر تعلن اللجنة عن صاحب افضل موضوع مميز و صاحب اكثر المواضيع عن ذاك الانيمي و تكون الاخبار عادة عن كل شئ يحصل عليه العضو من مواضيع مكتوبة و حتي وصلات تحميل لذاك الانيمي و المانجا ان وجدت و صور
و هناك شئ اخر لماذا لا تشمل تصاميم اغلفة انيميات ديفيدي فاغلبنا يقوم بتنزيل الانيمي من النت و يرغب في الاحتفاظ به و هناك صعوبة قد تكون عند الاعضاء في ايجاد بعض الاغلفة فتكون علي هيئة مسابقة تصاميم فقد لاحظت ان اغلب الاعضاء ماهرين في تصميم الشعارات فلماذا لا يصمموا اغلفة ديفيدي للانيميات و صاحب افضل تصميم ينال التثبيت عن تصميمه مع وسام ولابد ان يكون التصميم مصحوب بنبذة عن ذاك الانيمي مهما كانت صغيرة
و في الاخر هذا اقتراحي ارجو ان اكون قد وفقت في شرحه

[Dio-Sama]

خت فت
و عليكم السلام و رحمة الله و بركاته^_^
شكرا على الفكرة!!! بنسق أنا و أحمد ان شاء الله!!

[Fora]

السلام عليكم

ما شاء الله عليك أخوي ديو ..... بمجرد انهم خلوك مراقب وانت شغال تنزيل مواضيع
طبعا هذا شيء كويس للمنتدى وبنفس الوقت ممل لدرجة كبيرة فتؤثر بشكل سلبي على المنتدى فليه كل هالحماس ؟؟
بمعنى ثاني لو طرحت موضوع جديد وفكرته جميله للاسف انك راح تقتله اذا فتحت مواضيع غيره و ما راح تعطيه حقه بالردود والنقاش عنه وماراح تعطيه حقه من ناحية أن الأعضاء يهتموا فيه ويتعودون على الفكرة الجديدةويجربونها.

بمعنى آخر حتى لو كانت مجرد عدة أفكار تحت التجربة فكثرتها مملة يعني شخصيا انا مقدر هالحماس بس يا ريت تهدي شوي وتخلي الفكر الجديدة للأيام الجاية (طبعا مو بكرة ) وايضا سؤال مهم!! وين هالحماس قبل الرقابة ؟؟ والسؤال الأهم الى متى راح يظل هالحماس ؟؟ اتساءل صراحة !!

بمعنى اخير
من حقك كمراقب جديد تحدث تجديد قدر الإمكان لكن هل ترى من العدل أن تقوم بطرح تسع مواضيع أو أكثر لكي تغير القسم في غضون عدة أيام ؟؟ شخصيا أشعر بالممل صراحة ومجرد وجود اسمك في الموضوع يجعلني اتجاهل مباشرة فممكن تفسر حالتي النفسية لما اشوف اسمك ؟؟

ياخي ببساطة ... الله خلق السماوات والأرض في ستة ايام لحكمة واتمنى ان تكون عندك فكرة عن هالحكمة ؟ فليش الاستعجال ؟

في الاخير هذا مجرد اقتراح قد لا يخلو من الخطىء والمعذرة على تطاولي في الرد .

مع السلامة

[Dio-Sama]

السلام عليكم^_^

أخ Fora

وين هالحماس قبل الرقابة ؟؟ والسؤال الأهم الى متى راح يظل هالحماس ؟؟ اتساءل صراحة !!

الحماس موجود^_^, بس كنت مسافر. و حتى قبل الرقابة كنت فعلا بادي بموضوع المجلة^_^, و الرقابة صارت بيومين!! اشرايك اتصير مراقب, اوكيه, ثاني يوم فالليل صرت!!.

بمعنى اخير
من حقك كمراقب جديد تحدث تجديد قدر الإمكان لكن هل ترى من العدل أن تقوم بطرح تسع مواضيع أو أكثر لكي تغير القسم في غضون عدة أيام ؟؟

تسع؟ موضوع الاقتراحات كان موجود, بس كنت لازم أصيغه عشان الناس أهملت الموضوع القديم.
موضوع المشاهدة الجماعية + رحتي + التوب 100 + تعارف الأعضاء, أيضا من زمان كان لازم ينفتحون. بس ما ادري ليش محد فكر فيهم مع أنها أشياء أساسية جدا, أو بمعنى آخر هي الأساس اللي المفروظ نبني عليه.

ياخي ببساطة ... الله خلق السماوات والأرض في ستة ايام لحكمة واتمنى ان تكون عندك فكرة عن هالحكمة ؟ فليش الاستعجال ؟

و نعم بالله^_^. و أنا ما سويت شي يذكر صراحة, على فكرة الأشياء اللي مخزننها أكثر^_^. بكون واقعي معاك أخوي. كل سنة تقريبا ينزل ما لا يقل عن 50 أنيمي يستحق المشاهدة, و انا أتكلم اهنيه عن ناس "شرهة" و متابعة للأنيمي بشراهة مثلي^_^. بس بالذمة كم موضوع ينفتح؟ واحد, اثنين!! بالسنة كلها. و خاصة مؤخرا. حتى مواضيع ناروتو و بليتج و وون بيس ماتت تقريبا.

الناس ما اقولك ما اتطالع, بس تحتاج شي يدفعها للمشاركة. ياما انتظرنا, و حصل شي؟ لأ.
كلنا كنا متأملين أنه الأعضاء القدامى يرجعون,بس الحقيقة انه الأعضاء الحاليين الجدد هم اللي لازم يبنون المنتدى من أول و يديد. يعني أنت ارجع لأول صفحات منتدى الانيمي, كلام فاظي. مع الوقت صار تطور. و على فكرة, حتى المواضيع الأسطورية ما عليها ذاك الإقبال.

شخصيا أشعر بالممل صراحة ومجرد وجود اسمك في الموضوع يجعلني اتجاهل مباشرة فممكن تفسر حالتي النفسية لما اشوف اسمك ؟؟

ما ادري شو لازم أقول^_^, تقدر اتقول عشان احسسهم شوي بالذنب و أخليهم يشتغلون شوي. بس ملل, كلام غريب الصراحة^^"و فسر لي انت ليش!؟ يمكن أقدر أحسن اشوي من اسلوبي أو طريقة طرح الموضوع!!

في الاخير هذا مجرد اقتراح قد لا يخلو من الخطىء والمعذرة على تطاولي في الرد .

مع السلامة

شكرا على الاقتراح^_^. و أي تطاول, على العكس لو ما كنا صريحين بعمرنا ما بنطور!!
بس الله يخليك خبرني شو سبب شعورك بالملل.

و شكرا على المرور, انجوفكم على خير, مع السلامة^_^.