>>الموضوع الرسمي >>للأحتراف في ps3 pes2009...

[الأفعى الصلبة]

و ثاني الخير ااذا ضغط على L2 و شفت السهم( المثلث) الي فوق راسك انطفى
تصير تحركات لاعبك اوتوماتيك ... (طبعا اذا كانت الكرة عند فريقك او عند الخصم )

والي عنده اخبار يفيدنا و شكرا

هذا الحركة راح تفيدك انك ما تقع بالتسلل اذا كنت مهاجم. و بعد اذا كنت في وضع تسلل في علامة تتطلع فوق اللاعب

[سهران1000]

شباب انا في الموسم الثالث ولعبت مع المنتخب السعودي واخذت احسن لاعب كلها 25 مرة وحاليا العب مع باليرمو واخذت الهداف مع فريق جنوى واخذت الميدالية الذهبية مع جنوى في بطولة d1 والله حماااااااااااااااااس اللعب

[Valgon X]

السلام عليكم ورحمه الله وبركاته

أولا مشكووووور اخوي برهوووم على الموضوع

وأنا صراحة اني كنت كارة الكورة واللي جابة

بس يوم لعبت فيها أستمتعت مرررره

انا سويت لاعب بعد شوي تعرفون اسمه

انا أول شي أبدعت مع اني لاعب مبتدأ ما كنت اعرف للكورة

المهم سويت لاعب وبديت مع فريق غير معروووووف

ولعبت ممتاز ولله الحمد في المبارة وجاني أكثر من عرض <<<<جاني ثلاثة بس ....

وكلهن في الدوري الأيطالي <<<<والله مدري وشو بس ولد خالتي علمني

انتقلت لم فريق يمكن اسمه جنوا بس للحين ما لعبت مباراة بس يحطوني بالتدريب

صراحة ظلم عشاني صلحت هدف وجبت هدف بالصعوووبة

بس مع ذالك خلاني في التدريب وانا لعبت مباراتين تدريب أو ثلاثة مدري ناسي

أسم الاعب : faisl

الجنسية : سعودي

رقم الاعب في فريق جنوا : 22 <<<عشان مهاراتي حطوني كــاكــا

أسم الاعب في التي شرت : faisl

العمر:17<<<توني شباب صح

وتوني بادي الموسم وما لعبت غير مباراتين وفي التدريب

وطموحي في عالم الكرة أني ألعب مع فريق مانشستر يوناتيد أو تشلسي أو برشلونة<<ما بقيت فريق

يلا سلام لي عودة بأذن الله

[Valgon X]

يلا كل واحد يقول لنا وشي مواصفات لاعبه ويحط له صورة أذا قدر أنا أنشاء الله بحط له صورة بنهاية الأسبوع الجاي

C.ya

[uae_singer]

تنقلت بين عدد من الاندية الفرنسية مثل باريس سان جيرمان وتولوس ومرسيليا والان في نادي

بوردو

العب في مركز صانع الالعاب والحمدلله اصبحت اساسيا في الفريق واحيانا استبدل في نهاية المباراة نظرا لضعف اللياقة نوعا ما ولكن تمكنت من احراز عدد وصناعة عدد من الاهداف

حصلت على جائزة افضل لاعب في المباراة 12 مرة على مدار الاندية التي شاركت معها

لعبت المباراة النهائية لدوري ابطال اوروبا كأساسي مع فريق مرسيليا ضد تشيلسي ولكن خسرنا النهائي في الوقت القاتل

وهذه هي نبذة عن مشاركتي

[uae_singer]

نصيحة مهمة لكي تكون اساسي بالفريق فذلك يعتمد على:

الالتزام بالمركز والادوار التي يطلبها منك المدرب

الانتباه للتكتيك المطلوب من قبل المدرب (ستظهر على شكل دوائر زرقاء بداخلها ارقام) فهو يتغير اثناء سير المباراة

قد يكون هناك تعديل في الخطة اثناء سير المباراة فعليك الانتباه

اذا كنت لاعب وسط فيجب عليك ان تتميز في دقة التمركز في الوسط وعملية الربط بين الدفاع والهجوم دقة التمرير وفتح المساحات والحركة من دون كرة وقطع الكرات فهذه عوامل تعمل على زيادة مواصفاتك وتؤهلك للعب اساسي في الفريق

اذا كنت لاعب مهاجم فعليك ان تعي جيدا ان مسؤوليتك تسجيل الاهداف واستغلال الفرص وكيفية الهروب من الرقابة والتمركز الصحيح واجتناب مصيدة التسلل بالاضافة الى المهارات الفردية في الاحتفاظ بالكرة والمراوغة

وشكرا

[Valgon X]

مشكوووور أخوي عى الأفادة^_^

[bu_7mood]

الصراحة الطور جميل جدا هذا لعب ومستانسين
صج الاحتراف شي

بديت مع كيفو موسم ونص والحين مع تورينو من موسم ونص خذنا الكاس مرة و الحين البطولات ما زالت في الملعب
جتني عروض من عدة اندية ابرزها الانتر و اجاكس بس تميت في تورينو عشان نضمن انا نلعب اساسين
ونتطور اكثر بعدين الاندية الكبيرة و الشهرة




بس عندي نصيحة لكم شباب عشان تطوركم يكون سريع
تدربو تدريب اللياقة علشان تقدرون تلعبون و ما يجيكم ارهاق بعدها طوروا باقي المهارات

[bu_7mood]

انا الحين العب فيه والله ماني قادر العب اساسي ماادري ايش المشكله

تبي تلعب اساسي اول شرط فكر في الفريق بعدين فكر بالتالق
صلح اهداف تحرك مكان ماتكون الكرة مولازم تراوغ مرر كور سهلة تكون على طاقات لاعبك
حاول تقطع الكور في بعض الاحيان رز ويهك في الكورنرات اللي لك و اللي عليك
وفي وايد اشياء بعد شد حيلك و عقبال النجومية

[Hesse]

والله شئ حلو
توني ادري عن هاذا الطور
وان شاء الله اطور لاعبي واخليه احد النجوم

[dewdew]

سؤال قبل لا يضيع جهدي سدى انا لعبت في اللاعب المحترف بس قفلت معي حطيت اقوى شي بس صعب جدا حتى المتوسط ما تقدر تسوي شي اللاعب ضعيف جدا، بس سؤال هو اقدر اخلي اللعب سهل واذا صار اللاعب قوي احط اللعب قوي وهل زيادة طاقات اللاعب تختلف في السهل والمتوسط والصعب.

[you kill me]

تدربو تدريب اللياقة علشان تقدرون تلعبون و ما يجيكم ارهاق بعدها طوروا باقي المهارات

اخوي بغيت اسألك
كيف تدرب تدريب اللياقة؟

[الأفعى الصلبة]

في خيار تقدر من خلاله تختار اي مهارة تتطور اسرع مثلا السرعة البور الخ...

بالنسبة للمستوى المناسب انك تلعب فيه البيجنر ما يصلح لان سهل حيل يعني بالمباراة عادي تجيب 5 اهداف وتعدي من اول الملعب
والمستوى الصعب انا زهقت منه من ضعف اللاعب مو قادر اسوي شي فصار ملل بعد ...

[faroosy]

والله موضوعك خلاني اغير من الماستر ليغ لللجند و الطور فللله

[mleeQ]

مشكور أخوي على الموضوع .... بس أنا عندي مشكلة من ناحية الصورة كل ما أحط صورتي يطلع لي أنه صورتك غلط .... لو سمحت لو تعطيني شنو صيغة الصورة الي نحطها ؟