آآآآآآآآآآآه ياحليلك ياخوباج ذكرتني باللي مضى![]()
اخبر اني سقطت اول مره قبل 11 سنه وانا في ثالث متوسط. سقطت فيها ب4 مواد . وشف عاد انواع المآسي اللي صارت في بيتنا. لاني الوحيد اللي سقط وقتها. اخبر وقتها ماقدر اكل ولاانام زين ,انواع الكوابيس تجيني.
وسبحان الله بعدها صار السقوط عاده مستديمه معي.
بس الطامه الكبرى في اول ثانوي يوم سقطت في 10 مواد , وشف انواع البراكين اللي صارت في بيتنا.
اخبر وقتها اني ماكنت زعلان.....?: بالعكس والله العظيم اني كنت مبسوط.لااحد يسألني ليش مبسوط لاني الى الحين ماادري?:
ثم بعدها دخلت ثاني ثانوي شرعي , وسقطت في 6 مواد بس عديتها في الدور الثاني.. واتذكر وكيل ثانويتنا ايام الاختبارات النهائيه لثالث ثانوي .. جاني وسألني:
الوكيل: هاااااااه بشر عساك بتنجح هاالسنه
انا: والله ماادري..... الله يوفق ان شاء الله.
الوكيل : عاد هاالسنه انجح وفكنا... ماصارت عاد.. 4سنين وانت في حلوقنا .اغلب المدرسبن راحو وجو ناس بدالهم وانت توك فيه.
انا: وش دعوى.... طفشتوا مني؟
الوكيل: ايه والله طفشنا.. انجح عاد وفكنا ..لااشوفك هنا السنه الجايه.
انا الحين الحمدلله متخرج من الجامعه الترم اللي فات . وافتكيت من شي اسمه دراسه, بس كل مااتذكر هاذيك الايام والله استانس.......... الله يكفيكم شر السقوط ان شاءالله ..
تحياتي....................