حبيت أستشيركم

[أبو نائل]

السلام عليكم
ياهلا ومرحبا بك

يشرفني تواجدك أتمنى أن الموضوع ما يتفاقم

أنا أبغي رد لأسألتي لا اقل ولا أكثر

ومنو قال ان كل اللي يلعبون فديو جيمز يلعبون طول الوقت, هذولي اقليه, و منهم صديقك, فاذا كان مدمن جيم مثل ماتقول و تبيه يخفف شوي, كثر طلعاتك معاه كل يوم

أنا ما قلت أن كل اللي يلعبون الجيم يلعبون طول الوقت بس أنا تعليقي على اللي أدمنوا

أنا أحاول أني أجيب له أي شئ يغير فيه حاله حتى أني قلت له تعال سجل معي في تحفيظ القرآن
قال لي بالحرف الواحد لو بغية أحفظ أحفظ في بيتي أحسن لي وهو ما أدري إذا كان يفتح القرآن وله لا لأن كل كلامه عنت البلاي ستيشن

على الاقل قاعد بالبيت و يقضي وقته في شيء لايضر فيه غيره و ممكن يستفيد منه بأكثر من طريقه, اافضل من الهيات بالشوارع بدون هدف مثل كثير من شباب اليوم و اللي همهم ازعاج العوائل و التحرش بالبنات

لا يا الغالي أتمنى انك تفهم ترى برا البيت فيه محاضرات ودروس ودورات و أشئاء كثيرة من مجالسة أهل الخير
لكن الهيات زي ما قلت أنا أعارضها أصلا

أشكرك على حسن ردك وطيب تعاملك مع الموضوع

[Lonely Hunter]

حسب اللي فهمته منك ان صديقك ليس بالانسان المتدين كثيرا , و هذا شي طبيعي مع ناس كثيرين, و هو ليس بالغلط ايضا اذا كان مواضب على صلاته و صيامه و اركان الاسلام الاساسيه, فنصيحتي اذا كنت تحاول ان يغير من روتينه و يقلل من ادمانه على البليستيشن او النت , مافي احسن من الديوانيه و اماكن تجمع الاصدقاء

يعني حاول تبتعد عن انك تقترح عليه تروحون محاضرات و ندوات دينيه لان ياتي بنتيجه عكسيه

[Xe'Ngura]

لعب الجيمس فقط مجرد تسلية او هواية ليعض الوقط فقط
!
اما بالنسبة لصاحبك فيبدو ان حياته كلها عن الجيمس وليس مجرد تسلية عنده لذلك انصحك توديه مثلاً للعب كرة القدم والخروج مع الاصحاب سيبدأ
تدريجياً بالتقليل من لعب البلاي ستيشن ...,

[hell-bottom]

هذا منتدى ألعاب مو علاج نفسي لصديقك أو لك.

أغلب الأعضاء في المنتدى أغلب وقتهم games وانت جاي تشتكيلهم؟ يعني صراحتا ما أدري وش تبي.

بعدين واذا صار الواحد أغلب وقته لعب؟ افرض صديقك توظف في شركة ألعاب (وكالات الشركات عندنا أو محلات الألعاب أو مجلات ألعاب) بتقوله لا تلعب الا بالمعقول وهي شغلته؟
اذا قلت هذا الكلام معناه انك انسان رجعي مثل اللي يقول لبناته لا تدرسون.
اذا ما قلت له شي معناه ان وجهة نظرك الأساسيه غلط x غلط واعترفت ان الألعاب تعدت كونها هوايه الخ الخ.

تطوروا يا بشر مو أي شي ما تجهلونه = مضيعه للوقت و ماله فايده , مثل العجزان اللي يحسب الانترنت = اباحيه x اباحيه او اشياء مثل كذا الخ.

سلام

[hell-bottom]

بعدين تقول مقناص ومدري ايش. حرام قتل الحيوانات البريئه السوبرماركتس مليانه لحوم و دجاج.

[The Last Lombax]

حرام قتل الحيوانات البريئه السوبرماركتس مليانه لحوم و دجاج.

حرام قتلها إذا كان صيدها بس للصيد أما إذا كان للأكل فجائز ( حشا المنتدى قلب منتدى إسلامي مو للألعاب )

[NukeFreak]

شباب ما يحتاج تهجم على الرجال :/ .. ما اتذكر في وحده من ردوده انه تهجم على شخص
مش معقوله رجل كاتب في عنوان موضوعه * حبيت استشيركم * تردوا عليه زي كذا @_@
وشباب بطلوا مقارنات غريبه , لأنها من جد جالسه تظهركم بمظهر سئ

أنا أشوف ما لها داعي أنك تدفع مبالغ وقدرها عشان جيم جديد نزل وتنسى انك ما تجاوزت حفظ المعوذات الثلاث

اخوي جلوي ايش دخل هذا في موضوعنا ؟ انت الأن تناقشنا في فائدة الجيمز, ولا ميزانية شرائنا للجيمز ؟
انت كشخص مثلاً شريت جيب حتى تروح * المقناص * .. محد ماسكك, هذي هوايتك وفلوسك
هذا شي راجعلك, لأني بصراحه ما اشوف اي فايده بخصوص المقناص الا التفنن بقتل الحيوانات
.... ادري انك اول ما شفت الجمله هذي افتعلت وقلت " من جده ذا ؟ المقناص ما فيه شي ؟ فيه كذا و كذا و كذا "
لكني اسحب جملتي اللي فوق, لأني مش في مجال هوايتك, يجب عليك انك تقدر شعور الأخرين قبل ما تقول انه هوايتهم مضيعة وقت, مثل ما انت افتعلت لما قالولك المقناص مضيعة وقت @_@

لا الجيمز سبب جديد لدخول الممنوعات اللي تشوه سمعة دينا وبصراحه ما شفت فيها أي شئ يعلي راية الأسلام

دقيقه اخي, انت ملم بالجيمز, ولا جالس تتكلم من رؤيتك للأشرطه في محل بأحدى الشوارع ؟
فيه اكثر من لعبه خرجت من مبرمج عربي, وحالياً فيه خطوات لفتح قسم تطوير العاب في ابوظبي
مش بالشرط المحل في الشارع الفلاني عنده كل الأشرطه :/ .. ردك هذا اقنعني تماماً انك مش ملم ابداً في الجيمز
زي انا مش ملم ابداً في المقناص .. كل واحد وهوايته, ما يجي تتكلم عن الشخص الثاني و ترمي بهوايته بعرض الحائط @_@

[أبو نائل]

يعطيكم العافية شباب على نصائحكم القيمة والله كلكم فوق رأسي

لا أحد يزعج نفسه لأن الدعوة ما تسوى اني أحولها جدال

لكن المسألة أني حبيت" أستشير" يا هيل وغيره كلامك على رأسي لكن خلوا عندكم ذوق شوي في محور الموضوع

الموضوع واضح ما يحتاج تفسير وشرح

أنا كل قصدي أنه الواحد ما يعرف القرآن أبدا ليه طيب كلام الله هذا ترضى أن الله يهجرك ويترك بدون نعمة؟؟؟


طيب ليه التقصير الجيم أنا إلعب مع الشباب و أشجع اللي عندهم مشاريع مثل هذي اللي فيه أبتكارات جميله أنا مو ""همجي ""

يا أخ هيل لا تحرم شي بكيفك وبعدين في جملتك تراك تناقض نفسك

كيف تقول حرام قتل الحيونات البريئه و بعدين تقول تلقونها في السوبر ماركتس

ثاني شئ أنا عرفت الفائدة والحمد لله من الأخوة جزاهم الله خير الجزاء أنا ما قلت ""ما فيه فائدة ""

شكرا للجميع والله أني أستفدت الكثير منكم

نورتوا و ما قصرتوا

محبكم ابو نائل

[أبو نائل]

أشكرك أخ نايك على ردك اللي يعطيني فائدة كثيرة

أخوك ابو نائل

[obie trice]

يعني الحين .. انت تحكم على شخص واحد .. و عممتها على الكل ..
الله يهديك ..

----------

يعني الحين .. اذا شفنا فلان من الناس يعمل فواحش .. .. انقول .. كل الناس من المنطقة الفلانية .. كذا و كذا ..
-----------

القيمز .. هواية ..
تاخذ من وقتي أنا شخصياً .. ممكن ساعتين .. يومياً .. في فترات معينة ..
وين الضرر في هذه الحالة ؟

كان المفروض تحدد العينة أو الفئة الي تقصدها .. .. ..

أتمنى أنك فهمت قصدي ..
و انا أدري أنك تبي مصلحة الناس هذا من طيب أصلك ..
و جزاك الله ألف خير ..

[أبو نائل]

أشكرك أوبي على كلامك يعطيك العافيه

أخوك أبو نائل

[Dr. Prince]

حبيبي انا أعتبر نفسي مدمن ألعاب لحد يوم 21\7 حيث أني تركت الألعاب لأنها خلتني غافل عن الكثير من الأمور التي لاأحب أن أذكرها لكنني لاأنكر الفائدة الي حصلتها من وراء الألعاب(أثبات الشيء لا ينفي ماعداه) من اطلاع على ثقافات وأساطير كما في لعبة God of War بالأضافة الى التضحية والأصرار لتحقيق الهدف كما في لعبة
Prince of Persia و أخيرا ما تعرضه من التفكير وما تكسبه من قوة في اللغة كما في لعبة Silent Hill هذا لا ينافي السلبيات التي تعرضها الألعاب من اضاعة للوقت وما شاكلها لكن كل الذي سبق يرجع للشخص فما زاد عن حده انقلب ضده.............!!!!

(من الجميل رؤيتك لأمور لا يستطيع الأخرون رؤيتها)

[أبو نائل]

أخوي يا دكتور يعطيك إلف عافية على هذي الأفادة الطيبة وحظورك همني كثير لما عطاني من معلومات جديدة عن البلاي ستيشن

شكرا لكل من ساهم في هذا الموضوع

أخوكم ومحبكم أبو نائل