تعبت من الظلم واجحافه

[Kyroa]

و عليكم السلام

انا اللي قريته من الموقع اللي حاطه العضو عبدالله

إنه بوهجاج كان وياهم من شهرين و كان هاادي و ساكت ..

يعني مادري كيف سوى لوت .. أكييد فيه سبب قوي يخليه يسوي لوت على شي مو له

و الحين قائد Rage ls يحاول بكل طريقة يشوه سمعة بو حجاج

الله يعينكم ويا ها اللنك شيل ..

القائد يطلع ريلك و ياخذ أحسن الأغراض على حساب الأعضاء

و يبدي الإيطاليين على الإعضاء الثانيين

و هو لا يحب المسلمين .. مادري منو يبغي محبته

بس خل يعدل بين الأعضاء و مب يطلعله ريلك على حساب الأعضاء

المهم بالتوفيق إن شاء الله ويا اللنك شيل

[Zatar]

منت اول ولا اخر نينجا لوت
ياامصاارت وياا عرب واجانب
بس اذكر كنت بلينك شيل قديم لي
وكان ويانه اجنبي بالداينميس ماكنت موجود بهالداينميس
بس يسولفون عنها
صارت مشكله ويا هالاجنبي ويا اليدر
فصل الاجنبي من البارتي ورااح بعيد واي شي يطيح لوت
واليدر اعناد بهالاجنبي
قال كل شي فرري لوت يا احنى يا اهو
حتى نادو الجيمم ام قال هذي غلطتكم ادخلون واحد مو واثقين فيه
واحنى ناس نفهم
هالحركات مو بس قاصره على العرب
والله سامع ظلم من العرب واكثر شي يظبطون الطليان
بس مادام تشوف جذي شالي مقعدينكم وياهم؟
يعني تحبون تصعدون غيركم على ظهوركم
للاسف ماكو لينك شيل عربي الحين براجناروك
واصلا يا حلاة الينك شيل اذا كنتو قروب والكل قللبه على الثاني
بو حجاااج روح والقلب داعيييلك
اهم ماعليك انك طيبت هالخاطر بس : )

[abdullahmurano]

مرحبا يا شباب ..
انا حاب اوظحلكم كل شي من طأطأ لي السلام عليكم ..
اول شي اسمي بو هجاج مو بو حجاج P: lool
ثاني شي : Evihime انا اعرف من زمان و انا عرفت الزين من الشين بعدين انا ماسجلت ابـ Zan لحد الحين
بعدين سالفة اني انا خربت صورت العرب عند rage ... اهم اصلن مستغلين العرب لأن العرب هناك هم الي شغالين و يكدون كد و القوانين تمشي على العرب فقط !!!
يعني اقدر اقوول انه العرب ابـ rageLS دابة مكدا طبعا كل الاحترام والتقدري حق الاخوان؟؟؟
وبعدين الأيتم انا ماراح امووت لو ماخذيتا بس على الاقل طفيت النار الي بجبدي وانا خربت الدينامس وانا بصراحه ماراح اسكت عليهم وهم يسبون فينا و على دينا
انا فاهم شنو تقصدون يا اخت يونا و هارو لكن لازم اسوي شي ..
وعلى سالفة اني قاعد ارف ظغط Evi اني ماخذ الايتم من حقي لأنه لو احد مكاني وشاف السب الي جاني منه ما انلام و انا مارديت بسب او غلطة عليه .. اوكي في ناس تقول انه ماينلام عشان انا اخذت الـ AF عليه
وعلى فكره شوفوا Deemos الحين يمشي و يسولف حق الناس يقول انا ماسبيت العرب و انا احبهم و احب المسلمين .... شلووون واحد يحب المسلميين و هو ملحد ماعنده دين ؟؟ والله يا جماعة الخير اني مو قاعد األف كلام هذا لأنه Deemos كان قاعد يكلم رفيجي ويقوله هلكلام ؟
من بعد ما واحد كلم بالbluegarter انجن الحبيب و قاعد يمشي يسولف حق العرب ويقولهم انا احبكم انا احبكم ؟؟
لا حول ولا قوة الى بالله اذا انتوا شايفني حدي غلطان اوكي لو احد بدالي و شاف الظلم والاهانه بالنكشل شنو بيسوي ؟ اذا الحل /breaklinkshell - black list ... ؟ ما اظن انه هالحل بيشفي غليلي

بوهجاج انت عزيز وغالي علي
قال صلى الله عليه وسلم (وايم الله ، لو أن فاطمة بنت محمد سرقت لقطع محمد يدها )

السرقة تظل سرقة في نظري الشخصي انا ما اتهمك انك سارق ولا اقول انك سارق
الله يهديك ويصلحك

[Yuna]

بو حجاااج روح والقلب داعيييلك

يروح وين زااان ؟ More Enemies No Thanks !

انا اللي اعرفه ان زان دايما متفوق على اللينكشيلات الثانية دايما يصيد في الكامبات
لكن ما اعرف انهم راعين خربطة زي ماتقولين يا اخت هارو ويا اخت يونا

زانتسوكين ما كان متوفق لأنه اصلاً ما كان هناك منافس لهم

They get everything..

يعني 90% They get HNMs

بس الحين هالبرنامج الي مادري جم 2500 $ سعره شالفايدة على جيم ؟

صج الذكاء الخارق بالي اشتراه >.>;; ياليت يشوف ردي تفضل /clap

حشى 2500 $ فيني اشتري احلى فستان لهارو لول

بس الحين الشركة اخيراً شافت حل والبرنامج خلاص انتهى لأنه الموقع الخاص فيه معطل ..

اضن انه صاحب البرنامج لقى مصايب من وراه لأنه اكيد سكوير مارح تتركهم للأبد ^^

وطبعاً زانتسوكين الحين ماراح يكونون مثل أول ..

I'll keep report those who bot everytime

[heonekel]

اخواني كيورا وزاتار و عبدالله و يونا وكل اعظاء المنتدى كلامك علي عيني وراسي
كل واحد فينا لابد انه له طريقة برد الدين سواء خير كان او شر انا عن نفسي مالقيت الى هالحل لشخص و الوقت و اللنكشل والليدر المناسب عشان اقهرهم , يعني في ناس قالولي ليش ماسويت Call for help or MPK them ؟ بس بصراحه انا اشوف انى الي سويته (صحيح انه غلط) هي الشغله الي ترحيني للأخر و تفظخ مرارتهم و انا والله اني اقدر اخرب علـيهم الداينمس الجاي بأي طريقة بس ما ابي ازيد الطين بله واذا الموضوع راجع على انه سمعتي بتكون تحت التراب انا والله ماتفرق معاي يعني مثلا في يوم من الايام احد بيطق باب بيتنا بيقول انت بوهجاج الي بقت و خرب ابـ FFxi ؟ لا طبعا ولا انه معناتها لما ادش اللعبه اهين فلان و ابوق فلان و اتمصخر و ازيطها على حساب غيري لا طبعا كل واحد له احترامه و تقديرا و العكس صحيح لكن لعل وعسى يتعلم Deemos من الخبال و الهبال والنصب والاحتيال الي قاعد يصير بـ LS وبصراحه يا اخواني انا مو مستعد اكد و اشد حيلي عشان غيري يترس بطنه و مخباته& items Gil على حساب تعبي او علا غيري.
وعشان اوظحلكم الموضوع اكثر والله اني ماكنت راح اسكت حتى لو واحد ثاني من الشباب انظلم لأنه والله و بالأمانه اني اعد كل واحد عربي باللنكشل معاي مثلي مثله والي يضره ويهينه يضرني ويهني والي صار صار لا حول ولا قوة الى بالله ..
ومعلش سامحوني يمكن انفعلت شوي و طلعت بره الموضوع بس ماعليه تحملوني شوي
وشاكرلكم

[QaHir]

شهالدراما!! الحمدلله والشكر ..

بشكل عام محد يصلح الخطاء بخطاء, فيه طرق وايد نقدر ندافع عنها عن الاسلام.. مو كل واحد يسبنا نقوم نفجر روحنا فيه! هذا ارهاب

كنت اتكلم مع الليدر عنك بوهجاج cabelas كان يقول الي انت سويته ممكن تكون ردة فعل بس انت غلطان وايد.. يعني الحين معما فعلت وقدمت على لنك شيل محترم راح يرفضونك على الي انت سويته! وعلى قولته لو تبي تبوق شي جان بقت شي يسوى مو شي تقدر تحصله بسهولة!!

[meshari260]

بوهجاج هههههههههههههههه

الله يرجججك حركه متعوب عليها ههههههههههههه صراحه ابدعت وربي جد وربي وسعت صدري
وجلست اضحك ضحككككك انا وريفن وكليف ولا يوم شيكنا عليك كاتب الله اكبر جلسنا نذب عليك معليش اخوي هههههههههه ( وين داخل حرب على قوله كليف ههههههههههه ) بس حلوه حركتك صراحه ولا اللي ضحكنا اكثر رحت تسوي فارم على Alky فرحان بالهاند ههههههههههههههههه


عادي بوهجاج اهم شي بردت قلبك ولا تشيل هم ^^

Tamem :*

[meshari260]

اخوي صاحب الموضوع صدقني وكل العرب اللي مع Rage ويعرف كلامي كليف
اللي يصير في Rage شي طبيعي وعادي ف لذلك ماالومكم لو تكلمتوا وتهاوشتوا مع الليادر

لان هذا اللي يصير ناتج طبيعي للي حصل بالماضي للساكات .. ومن منكم عاشر وجلس مع شكوبوكو فهم الزبده واللي يحصل الحين .. ديموس كان اكثر شخص مدلع بشكوبوكو ولكن حرموه من هذا البوديين لانه فيه ناس احق منه ووقتها زعل

وحتى Deemos و Wycor انطردوا من اللينك شل فتره ورجعهم جوردي .. فالحين يطلعون ما انحرموا منه بالماضي على حسابكم فاللي يتكلم ما ينلام لكم الحق تتكلموا وتطالبون بحقوقكم لكن واحط تحتها خطين مو بالطريقه اللي جالسين نشوفها .. فيه اشخاص تكلموا وياليتهم ساكتين اصرف
تكلموا بشكل ودي تقدر تكسب نقطه احسن من تخسر 3 نقاط ... والرصاصه اللي ماتصيب تدوش
لكن بالاسلوب السمح وهذي نصيحه ماتتكرر من اخ يحب لكم النصيحه

[Zatar]

مشاري فيك انفصام بالشخصيه؟

[meshari260]

o.o;; ليش وش قلت غلط يامبيريك هههخخخ

[.dark man.]

مسئله انه يتكلم عن رب العالمين واسكت لهم , والليدر يسكت فهنا اقدر العن خامس خامسهم

احترموا ديني مثل ماحترم دينكم اللي فيه خير يتكلم عن ديني , دخلت في بارتي وكان واحد منهم يهودي وكنت تكلم وقلت له من السعوديه الوضع طبيعي ولافيه اي شيء , انا اعتبرها لعبه لكن توصل انك تتكلم على ديني هنا اقدر اوقفك انت واشكالك عند حدك

اتذكر واحد من الشباب غلط عليه لاعب وتكلم على دينه كلم جيم ماستر وقفه 3 اسابيع

==================================================================
-عبدالله : اسمح لي المفروض من زمان شايتهم بالجزمه الله يكرمكم جميعا
مسئله انهم يصفرون كل اللي عملته , فهذا الظلم بعينه والنصب اطلع منهم وريح راسك والا

============================================
احلى شيء اللي كاتبه هذا العضو الانجليزي
Any LS with a bank is retarded ^^ نفس التفكير
ههههههههههههههه

[Yuna]

احترموا ديني مثل ماحترم دينكم اللي فيه خير يتكلم عن ديني
اتذكر واحد من الشباب غلط عليه لاعب وتكلم على دينه كلم جيم ماستر وقفه 3 اسابيع

احلى شيء اللي كاتبه هذا العضو الانجليزي
Any LS with a bank is retarded ^^ نفس التفكير
ههههههههههههههه

واو أول مرة اشوفك تتكلم جي ماعليه اخوي بس شوي انت رديت وانت معصب وشوف شلون النتيجة كلامك كله سلبي وماقد شفناك جذي ليش ؟؟

بسهوله انك وقت ماتعصب راح تسوي غلط بسبب مشاعرك وهذا الي حصل للأخ هني ..

هذول الي يغلطون على الدين فئة بسيطه ومتطرفه مثل ماقالوا لكم انه هناك ارهابيين متطرفين اكو بعد ناس ملحدين متطرفين مثل هذول

اليوم صار شىء عجيب ومناسب اني اذكره هني بالموضوع ..

اسمع قصتي اليوم ..

رحت للعيادة وشفت ناس تصارخ وازدحام كبير قلت شسالفه ؟

شوي واقرب اكثر كان موجود شخص يتكلم عن الدين ولابس شىء مكتوب " Fear God "

وجالس يعمل فوضى وخرابيط عن المسيح ومادري شنو

وبالأخير أعطاني كتاب اخضر وطلع كتاب اصلاً يهودي

النقطة المهمه بالموضوع اني حصلت على هالكتاب من حوالي سنة او اكثر اذكر كانت بنت لكن تعاملها كان افضل مجرد انها قالت لي ? Do you believe in God

قلت لها yes أعطتني هالكتاب وانتهت بس شوف هذا المتطرف صج انه يسلم نفس الكتاب لكن انه جالس يتوعد الناس ويصارخ الناس كلها كانت ضد اسلوبه

اتمنى وصلت الفكرة

مرة ثانيه اقول مالهم حق طبعاً واكيد فيك انك تكلم جيم ماستر بخصوص هالشىء

لكن فيك انك تمنع هالشىء وتعترض لكن مثل ما قال اخوي قاهر مب بالعصبية والسب والسرقة

انت تدافع عن الدين عيل خلاص اتبع الي يقوله لك الدين

يعني باختصار لو حبيت ترد القبيح بالقبيح هذا شىء شخصي يعود لك والأخ قال انه عمل غلط

ماضن المفروض انك ترد بالأساس وتشجع هالشىء والسموحه

[Hawu]

صدقك سلادين حسيت الريال فيه انفصام فالشخصيه!

وصح كلامج يوني

[meshari260]

طيب Hawu مشكوره على احساسك نورتي الموضوع بردك اللي كله صح كلامك يا فلان صح كلامك يا فلان .. يعني ماادري الخشات العرض وش فايدتها ..!! تحريش والا زائر جديد بالمنتدى نعطيه دفعه معنويه يعني او اصف 5 صفحات كلهم ربعي يقولون صح كلامك مشاري. سؤالي لسلادين وياليته يرجع للموضوع ويجاوب وش الغلط اللي انت حضرتك تشوفه عشان اوضح وبحكم اني داخل اللينك شل وشفت المشكله على الهواء مباشره هذا من ناحيه


من ناحيه ثانيه بوهجاج مااعرفه ولا بيني وبينه اي احتكاك لان بعضهم زعل وكلمني بالخاص ليش اضحك فقلت الحركه اللي سوااها تضحك وبصراحه الرجال ماعرفه .. فلما شفت اللي حصل جلسنا انا والشباب نضحك على اللي سواه وبالفعل وربي وسع صدري على الاخر رغم انها حركه موش ولابد يعني وتجاوزت الخطوط الحمراء بس لو رجعنا للنظام الاصلي للعبه مافيه شي يمنع بوهجاج من اللي سواه .. وحتى GM, مايمنعه لانه الليدر اعطاه البيرل معناه موافق على ذات الشخص يكون كفوء معه باللينك شل .. وحتى لو صار العكس مايفيده GM وهذا فعلا حصل وال GM قال نفس الكلام لليدر ..
واما الهوشه الطويله العريضه اللي رحت تغديت وتعيشت وهي يالله خصلت ماكان مفروض تكون بهذي الطريقه لان النتيجه انطرد واحد عربي ثاني من اللينك بسبب الدراما والمفروض وهذا انا قلته لنفس هذا الشخص مفروض تناقش عن النظام اللي مسوينه اذا فيه اخطاء او مهضوم حق احد ورغم اني شايف ان نظام Rage يعتمد على جمع الجيل اكثر من انه يلتفت للاشخاص العاديين لكن تمنيت ان الهوشه اليوم كانت على هذي النقطه وعن الريلكات للساكات الجديده مثل ماقال صاحب الموضوع لكن ولا احد تكلم فيها وكانكم موافقين وبالنهايه تقولون ظلم واجحاف !!. ليش ماتناقشون مع ديموس وتوقفون هذا اللي يصير باسلوب مو بدراما وخطف هههههه يعني والله هذي نصحيه لاني اعرف ديموس زين زين .. واخر شي يفكر فيه وش راح تلبس انت يالعضو وش راح تاخذ .. ديموس تفكيره الحين بالريلك الجديد اللي يخطط له من زمان وبعدين مسئله اخذ 2 بودي بيوم واحد ومطلع سبيد بيلت والهاند +1 والجاي اكثر !!!

صراحه لما دخلت قبل يومين اللينك شل داخل مجرد سواليف وشات انصدمت قلت غريبه هذا اللينك شل ماشي كذا على البركه !!. الزرف عيني عينك ويوم شفت بوهجاج سرق الهاند عرفت ان الموضوع ماراح يوقف على كذا .. وهذا الموضوع اكبر دليل واسم الموضوع يكفي ويوفي

الشباب اللي في Rage هدوء اعصابكم وكل شي بتاخذونه بالهدوء والصبر بس تكلموا مع ديموس وفهموه انك مركز على الجيل اكثر من اننا ناخذ ايتمات وانت مسوي لوت على اشياء مهمه وممكن تفقد اعضاء وغير كذا اللينك شل بنك ماندري عنه وعشان مانخسرك وتخسرنا افعل لنا كيت وكيت وكيت او صدقوني ماراح تاخذون شي الا بطلعه الروح ويمكن تطلع الروح وانتم مااخذتوا لانه يبي يخلص من حقين الريلكات قبل اي شي ... يعني انتظر يا ... لين يجي الربيع

[QaHir]

صح لسانج يوني!

نقطة بس ماتطرقت اقولها .. الشي الي سواه بوهجاج شي شخصي وما ضر اللنك شيل ابد.. اهو كان يبي الايتم قام خذاه ومشى يعني اهم غلطوا على الدين وغلطوا عليه وهو رد عليهم برد غبي..

السؤال اذا انت صج فيك غيرة على الاسلام وقاعد تقول تعتبت منهم ومن كلامهم الجارح ليش ضليت كل هالمدة معاهم؟ علشان ايتم تحصلة؟ يعني كنت قاعد تشوفهم يسبون في الاسلام وانت قاعد تجاريهم علشان تحصل الايتمات؟ وبعد ماحصلت الي تبيه تقول اهم غلطوا واهم سبوا والخ؟

ادري ان يمكن كلامي جارح بس هذا الواقع!

اي على الليدر مالنا Paimeii روعة هالليدر صراحة!! يوم واحد من اللينك شيل غلط بالSAY على العرب قام واعتذر منا وايد وقال مهما كان كرهه حق Zan او اي لينك شيل ثاني المفروض يحط باعتباره انتوا ربعنا ومايغلط على العرب وعاقبه وانسجن والكل باللينك شيل كان متفق على سجنه حتى هو يوم رجع مرة ثانية قدم اعتذاره!! طب ليش ؟ لاننا موصلين له صورة عن العروبة والدين وما مر يوم غلطنا عليهم ولافوق هذا هم شايفيين اخلاقنا .. لا حتى بالعيد باركوا لنا .. انا قلت لك من قبل ليش ماقبلوك cabelas مو علشانك عربي ولا مسلم .. لانك حرامي ومو اهل للثقة شوف كيف صارت الناس تنظر لك..

والسموحة..