- ثانيا كتنظيم للبطوله الصراحه ما عليها كلام... المنظمين بدعو في كل شي ما غير شي واحد ( المصداقيه) و بوضح هذا كله في الرد ان شا لله... و المادح و الذام عندي سواء...
شكراً عزيزي، و بالنسبة للمصداقية .. فلا تقلت اتقبل اختلاف الآراء ^_^
ملاحظه: خذو كلامي على انه كلام اخوي و ماحد ياخذ فخاطره و اللي يعرفني عدل بيفهم اني ما آخذها سالفه على لعبه...
بالتأكيد عزيزي
.. نقاش بسيط لا اكثر ^_^
و كم واحد في البطوله ما اعرفهم و انا حتى يوم شيكت على تثبيت اللعبه على السوني لقيت ان اللعبه مب مثبته( يعني مب مسوين انستول للعبه في السوني) و اللي يشهد على هذي رودوث...
عزيزي تان .. شو تقصد بالتثبيت ؟ و شو تأثيره على اللعب ؟! .. ممكن توضيح لو سمحت
- عن ماستر شايون قبل لا تقول شي فكر قبلها...
اخوي تان لا تقلق فلست من النوع الي يتكلم عبث
او يتحجج و يتهرب .. كلامي واضح ..
عند اذنك يناقز و يصفق و انت تلعب ويا واحد( طبعا هالشي ما صار وياي صار ويا غيري و المفروض ما تسمحون به الشي مب بس كلام فموقعكم)...
ما احيد فيه اي شخص اشتكى من الجمهور .. و المسافة بين اللاعب و الجمهور كافية .. و لو كان فيه شخص قريب لدرجة انه ازعج اللاعب بإمكان اللاعب التكلم و نحن كلجنة تنظيم ما بنسمح لهالشيء .. لكني ما شفت اي شيء و ما شفت اي استياء من الجمهور ، فلا ادري من وين يبت الكلام هذا ؟
و الشي الثاني شي كم لاعب اعرفهم بالاسم و شي واحد منهم لعب اول شي بـ كين عقب غير لـ سيث ابا اعرف وين كانت لجنة رقابة الاغذيه فهذيك اللحظه يوم تقول تنظيم و تنظيم...
عزيزي، اولاً انا ما اتوقع حدوث مثل هالامر .. ترا فيه مباريات ودية كانت بنفس المنطقة يمكن على بالك انها مباريات رسمية .. و لـو حصل هالشيء .. العدد كبير و نحن وضعنا القوانين .. مهما كان التنظيم قوي .. يمكن المنظمين يغفلون عن هالامور البسيطة و الشخص و ضميره في حال مخالفة القوانين .. قيسها مع قوانين التهور و السرعة .. الشرطة وضعت القوانين لكن ليس لديها اعين بكل مكان فدائماً هنالك من يخالف القوانين ..
نحن مثلهم تماماً .. لا يمكن لمجموعة من المنظمين متابعة كل ثانية من هذه البطولة .. و انا استغرب كيف لشخص مثلك لاحظ مثل هالامور و عدم ابلاغنا ؟ و كأنك تريد ان تبين ان التنظيم فاشل يا عزيزي ^_^"
يوم تقول اني قلت في التلفزيون لاق و ابا اغير من كين و ابا اختار ريو و عقب قلت ضحكني تان يوم قال جيه شي لاق بكين و ماشي لاق بريو... يمكن تعرف شوه اقصد بس تبا تنجح بطولتك على حسابي مادري و الله... يوم بغير من كين لريو عسب انه كين يحتاج انك تلعب فيه بالكومبو و لا ما بياخذ داميج و فتلفزيونات البطوله ما تروم اتركب الكومبو اللي حافظنه دوم... لكن يوم العب بريو ماله داعي العب كومبو امبونه ياخذ داميج بدون كومبو فهذا قصدي... يوم
عزيزي تان .. اسمح لي ، لست اول من يلعب بالكومبوز .. هنالك الكثير و صدقني اننا اختبرنا الشاشة حتى بعد انتهاء الدوري .. جربنا عدد من الكومبوات و ما لاحظنا اي مشكلة ابداً .. لو كانت هنالك مشكلة بالشاشة فهي الالوان او الجودة .. اما كأداء للاعبين و الكومبوات فأعذرني .. لا يوجد اي شيء من هذا القبيل .. و ارجوا ان تثبت لي دليل واحد ان وجد على ان الشاشة تعيق اللعب بشخصية كين يا عزيزي ؟ مع احترامي لك عزيزي تان لكن ارجوك تكلم بمنطقية ^_^"
و بطولتنا هذه لا اريد ان انجحها على حساب شخص اخوي الغالي ، و حتى لو لم تنجح او فشلت يكفي انها محاولة و قمنا بكل وسعنا لإنجاحها .. و الحمدالله ارضينا الكثير و انا ان رأيت شخص واحد يستمتع باللعب بهذه البطولة فأنا " أنجزت" و الحمدالله تعالى
مادري شوه تباني اقولك بعد يمكن الحين تبا تنقز و تقول تان يكره شباب البطوله عسب جيه كان معصب...
عزيزي تان .. اراك تناقض نفسك ؟ تتحدث عن رمي الكلام و ها انت تفعل المثل
؟ ما بالك يا عزيزي .. شو ياب سالفة الكره اخوي ؟ مجرد العاب و لن تفرق بيننا كإخوة ابداً
(و لو انه كان جو البطوله اللي طافت متواضع بس احيي حمد و جمال و فهد على البطوله اللي طافت و اذا في بطوله كانت تستاهل فكانت بطولتهم في عيمان و لو ان المحل كان صغير الا انه كان التنظيم و لا اروع حتى من ناحية التشجيع و التصوير انا اشهد انهم منظمين لا يعلى عليهم)
ما شاء الله عليهم ^_^ سمعت الكثير عن بطولتهم و بالفعل كانت بطولة ناجحة اوصل شكري لهم من خلال هذا الموضوع
يوم قلت اني قلت انزعجت من التشجيع... اولا اذا تبا ترمي كلام و خلاص خذ راحتك لكن اذا تبا الصح انا ما قلت انه الجمهور ازعجني كل اللي قلته ان التلفزيونات مب شي و ان التنظيم مب شي...
استندت بكلامي على رد الاخ الوكارد الي قال فيها انك ما خذت راحتك بسبب الجمهور و الجمهور سبب لك ازعاج و هذا خطأ مني فلازم اخذ الكلام منك شخصياً ^_^" فأعتذر على هذا .. و سعيد لأنك ما انزعجت من الجمهور ^^
و على سالفة ان ماحد اشتكى من التلفزيون و الكل لعبو ... بالعقل تتوقع انهم ما بيلعبون اكيد بيلعبون حتى لو التلفزيون كان مب LCD اللي ياي من بوظبي و العين و الشماليه و تباهم يسيرون بدون ما يلعبون و الشي الثاني الظروف جبرتهم...
عزيزي تان ، بأي حق تحكم ؟ او تعرف ما بصدر اللاعبين ؟! يا رجل! شخصياً كثيرين قالوا " ما عليك من الكلام على الشاشات انه لاق .. نحن لعبنا و ما حسينا بأي شيء " أأكد لك ان هذا الكلام سمعته من اكثر من 6 لاعبين محترفين .. .. تعرف انني مب من النوع الديكتاتوري و حاولت اخذ اراء اغلب اللعيبة و ما فيه اي مشكلة ان الشخص يخبرني عن مشاكل بالشاشة او شيء ..
و بالنسبة لسلبيات البطولة فقد كانت كثيرة و من اهمها :
1- البطولة المفروض تقام بيوم اجازة كيوم الجمعة او السبت
2- عدد الحكام قليل
3- الاكل ما كان متوفر بداخل القاعة انما خارجها
4- مشكلة السحب
هذه بعض الانتقادات البناءة التي استفدت منها و بلا شك سأعمل على إصلاحها في المرات القادمة
تضغط فص و مرات ما يطلع الحركه فهني المشكله ( كأنك اتقول يلا الغي فص الكروس والسيركل و العب و مشي حالك) فأكيد بشتكي و غيري بيشتكي! و اذا انت ما لاحظت هالشي فهذا لأنك ما تلعب ستريت فايتر وايد و ما لاحظت هالشي اللي لاحظو هم اللي يلعبونها من زمان و اللي لهم باع طويل فه اللعبه!
اخوي تان .. كنت متوقع ان اسمع هذا الكلام كثيرين من اللاعبين .. ولربما سمعته اكثر من الذين خسروا مع احترامي لهم .. لكن يا عزيزي لو تراجع موقعنا الإلكتروني و المنشورات .. ذكرنا انه من الافضل ان يحضر كل شخص يد التحكم الخاص به .. و هذا ما قام به الكثيرون لتجنب هذه المشاكل .. و نحن كمنظمين ليس لدينا اي مانع من تجربة اداة التحكم قبل اللعب فيها.. فبكل صراحة هذه مسؤولية اللاعب و عليه ان يأخذ احتياطاته سواء بتجربة اداة التحكم او بإحضار اداة التحكم الخاصة به
شكراً لك عزيزي تان على الملاحظات و نورت الموضوع
و اتمنى انك تاخذ الموضوع بعفوية و ما في اي داعي للحساسية
كلنا هدفنا تجمع راقي للإستمتاع و ابراز الافضل .. و هذا ما وصلنا له و الحمدالله
سواء كانت البطولة ناجحة ام فاشلة .. هنالك من قضى وقت ممتع بذاك اليوم و الحمدالله
في امان الله
المشاركة الأصلية كتبت بواسطة Alucard.4.ever
