انسحاب منتج RE5 واستديو IW يسبح عكس التيار!

[سكوال الصنديد]

اما الافضل فهي 3 ( ايام جيل ) الله يرحمها

إيه والله وما راح تصدق لو أخبرتك بإني إشتقت للنمسيس والزومبي ؟؟؟؟

[legendforever]

ثانكس MR TOMMY على الاخبار

رزنت ايفل 4 برأيي افضل جزء عملته كابكوم وهو اكثر جزء يخوف
المهم
كابكوم رايحة فيها من يوم طلع شينجي ميكامي وكاميا اقوى المخرجين ومعظم العابهم الاكشن ادفنتشر تعبانة
شوفوا لوست بلانت 2 اللي انتجها منتج الخامس 5.5 من IGN خخخ والقادم مذهل اكثر
اللعبة الوحيدة اللي اتوقعها انها تحافظ على مستواها DMC لان المخرج اتسونو موجود

وانشاء انفنتي ورد يحافظ على مستواه

[g4mer]

الحمد لله ما بغينا نفتك من ذا العله أوف ما خلا شي ولا خلاه أكشن في ريزدنت ايفل روحه بلا رده أن شاء الله

و أن شاء الله يحطون واحد فان للسلسلة لأنه بيكون أدرى بالسلسلة من غيره

[legendforever]

^^^^^
BY THE WAY

الشخص اللي تتكلم عنه "شينجي ميكامي" هو مؤسس رزدنت ايفل سيريس وازيدك هو المنتج بعد وكان معاه كاميا
يعني لو ما هو موجود كان ما طلعت لعبة اسمها رزدنت ايفل من الاساس

الاجزاء كلها حلوة وكل جزء له طابع خاص بس الرابع IS THE BEST والدليل متوسط تقاييمه الكلية 96 في المية كأعلى جزء من السلسلة ومن اعلى الالعاب في GAME RANKING

[سكوال الصنديد]

الأجزاء القديمة والعتيقة لرزدينت إيفل هي الأفضل ... فلقد إعتدنا على فكرة الصندوق

وتعبئة الذخيرة من القائمة الرئسية هذا غير أساليب العلاج المبتكرة ولا ننسى الزومبي

الذي يعتبر نكهة رزدينت إيفل في جميع الأجزاء ؟؟؟ وإذا إرادت كابكوم

إستعدت جمهورها فعليها إعادة مكيماى ؟؟؟ وهذا طبعاً مستحيل ؟؟؟؟ لكنه الحل الوحيد

حتى لا تصل اللعبة للحضيض

[Mr.Tommy]

اخوي legendforever بس بغيت اقولك ان سبب هالتقاييم العالية للجزء الرابع يعود لكون هالجزء استخدم طريقة الكاميرا اللي تكون خلف البطل, واللي لاحظناها انترشت بعدها بالعاب وايد مثل ريزيدنت ايفل5 وديد سبيس وجيرز وغيرهم
كنت اتمنى اجواء الاجزاء القديمة والغازها وستايلها مدمجة مع تقنيات الاجزاء الحديثة
لكن كابكوم فشلت بتحيويل اللعبة الى genre اخر وهو اكشن ادفينتشر

[legendforever]

اخوي legendforever بس بغيت اقولك ان سبب هالتقاييم العالية للجزء الرابع يعود لكون هالجزء استخدم طريقة الكاميرا اللي تكون خلف البطل, واللي لاحظناها انترشت بعدها بالعاب وايد مثل ريزيدنت ايفل5 وديد سبيس وجيرز وغيرهم
كنت اتمنى اجواء الاجزاء القديمة والغازها وستايلها مدمجة مع تقنيات الاجزاء الحديثة
لكن كابكوم فشلت بتحيويل اللعبة الى genre اخر وهو اكشن ادفينتشر

طريقة الكامرة هو ليس السبب الوحيد تقدر تدخل جيم سبوت وغيره وتقري الرفيوس انا لعبت اجزاء رزدنت ايفل و فيه اسباب كثيرة ادت الى هذ التقاييم
الجزء الرابع هو اكثر واحد يخوف وليسوا زومبي مبرمجين
منذ البداية لحد النهاية ما حسيت بالملل ابدا اثارة وتشويق للنهاية عكس الاجزاء الثانية كنت احس مرات بالملل
الاسلحة فيها احساس ما طبيعي 10\10 عكس الخامس والاجزاء الثانية هممم الثاني كانت الاسلحة زينة
البطل كشخصية افضل شخصية في تاريخ رزدنت ايفل
القصة اعتبرها قصة فلم اكشن ما تحس بالملل

بالنسبة للتغيير انا عجبني بالرابع لأني مليت من الاستايل الموجود من الجزء الاول فكان لا بد من التغيير.

[Mr.Tommy]

^^^^^^^^^^^^^
من الواضح انك فهمتني غلط انا ما انتقدت الجزء الرابع ولا قارنته بالاجزاء السابقة, لكن كل اللي قلته انه اخذ هالتقييم بسبب الكاميرا الثورية, حاله حال فاينل فانتسي7 اللي كانت اول لعبة اربيجي 3دي

عموما الجزء الرابع يختلف بدرجة كبيرة عن الاجزاء السابقة, لكنك اخطأت بأنك ما استندت الى حقائق بل انك استمريت بالتعبير عن رأيك كما لو انه دليل قاطع, انا احب الجزء الرابع وبالفعل هالجزء لا يمل ابدا واللعب فيه عجيب

لكني اخالفك بالقصة والخوف والستايل, انا مو متيقن لكن يبدولي انك لست من النوع اللي يحب الالغاز, والا كان اعجبتك الاجزاء الاولى, الجزء الرابع ما يعيبه بشدة هو ان الالغاز غير محبوكة كما كانت سابقا. اما بخصوص القصة بصراحة مو عارف من اي ناحية الجزء الرابع احلى من باقي الاجزاء, لو ممكن توضحلي وجهة نظرك اكثر اكون شاكرلك ^^

اذا تبي وجهة نظري انا اشوف ان الجزء الرابع والخامس اجزاء ممتازة وحلوة لكن ما يعيبها انها تحمل اسم كبير مثل ريزيدنت ايفل بينما هي العاب اكشن ولا تمت صلة بالـservival horror, لكن هذا ما يمنع اني العبها واستمتع فيها بل اني يبت 100% بالجزء الخامس لانه كلعبة اكشن كان ممتاز, بس المقارنة بين سستم الاجزاء الاولى والاخيرة غير عادل لانه التغيير بينهم ما كان بسيط, حتى الصندوق وطريقة التخزين والزعماء مثل التايرنت والنمسيس اختفوا, فطبيعي تشوف ردة فعل "سلبية" من عشان ريزيدنت ايفل القدامى, خصوصا اللي عاشوا ايامها والعبوها بسنينها

والاختلاف بالرأي لا يفسد بالود قضية

[legendforever]

^^

انا نسيت اقول ان هذا رأيي الشخصي XD

بالنسبة لكلامك صحيح هو الكامرة وطريقة اللعب الجديدة هي اخذت الجانب الاكبر بس ايضا يرجع الى الاسباب الاخرى اللي ذكرتها ايضا
انزين ليش ما اخذ الجزء الاول تقييم عالي ؟ هو اول جزء ينزل بتلك الطريقة على ما اعتقد

انا يمكن وجهة نظري تختلف لسبب واحد لاني في البداية لعبت الرابع وبعدين رجعت الى الجزء الاول واللي بعده بالترتيب الى الخامس يمكن لهذا السبب ما حبيت الالغاز وايد كله دور مفتاح هممم وايضا ما خفت الزومبيس ابدا
واقولك ولا جزء من سايلنت هيل لعبت لانه الغازه متشابه بس يمكن اغير رأيي لانه تخوف
انا احب الالغاز بس مو هذي النوعية احب نوعية جاد اوف ور فيه تفكير مو طبيعي وايضا الغاز متل جير ولكن ايضا انا لعبت متل جير 3 في البداية وبعدين رجعت بالترتيب الى الاول بس الاول عندي اقوى لانه كان اكثر اثارة على الرغم انه PS1 في النهاية كل واحد ورايه
انا ما انتقد اجزاء رزدنت ايفل بالعكس كانوا ممتازين وعندي الثاني يأتي بعد الرابع


هو صحيح كلامك عيب الرابع انه ما فيه الغاز تقدر تقول هو اللي نزله الى 96 في المية والا كانت بيرفكت

بالنسبة للقصص كله الاجزاء قصصهم فيها غموض وايد وتطورات الاحداث ليست كثيرة تشعر بالملل مرات
الرابع قصته كلعبة اكشن هو انقاذ شخص ولاكن تمر القصة بمراحل واحداث ليست متوقعة من البداية الى النهاية يعني احسها قصه كاملة وما فيها غموض وكله اثارة بدون اي ملل يذكر

بضيف نقطة: هم قرروا انهم يغيروا النظام اعتقد لانهم شافوا العاب الشوتر في هذا الوقت تمشي لان اللاعبين القدامى على بالهم انهم بيختفوا مع الوقت وعشاق جدد سوف يلعبوا السلسلة وربما شافوا ان الالعاب الامريكية الشوتر هي المسيطرة في هذ الجيل فقالوا نركب الموج معهم فتعرف في النهاية مسألة فلوس



في النهاية هذا كله مجرد رأي شخصي لا اكثر

[واوا أكس]

سبب ضياع سلسلة رزدنت ايفل

هو انه االلعبه ماعادت تتحمل كل هالمد والتمطيط بالقصه وصدور كل هالاجزاء الي كل مره تناقض بنفسها اكثر !! !

يعني لا شينجي كان السبب بنجاحها ولا الاكشن الي ضر اللعبـه
لان من الكود فيرونكا والناس ملت , لاتنسون انه اسلووب اللعبـه الي اليوم عليه كان من ورا تذمر الناس من الاسلوب القديم والي اللحين فجأه صار الكل يعلقه عذر تراجع اللعبه

و شينجي هو الي غير اسلووب اللعبه شلون صار بطل فجأه بالنسبه لكم ؟؟

احسن قرار يوقفون اللعبه لـ هنا , ويبدون باسامي جديده مثل ماصار ع داينو كرايسس وانوموشا

[واوا أكس]

RE4 اشوفه أغبى جزء :s

اول شي تلعب في قـريه ( ok اوربا للحين فيها مناطق شبيها نوعا ما ) بس بعدين تروح قلـعه الاعداء يهاجمونك ب منجانيق واسلحه بدائيه قديمه وفجأه تروح جزيره فيها اسلحه مو موجوده بالصج ؟؟؟

لووول باي مرحلـة زمـنيه قاعدين نلعب احنا بالضبط ؟؟؟

خرااابيط خراابيط حتى المكـان الي بالقالعه الي كله نار !!! في اغبى من جذي ؟؟

الخامس احلـــــــــــــى بـواااااايد كلـعبة اكشن

[EL Madridsta]

و شينجي هو الي غير اسلووب اللعبه شلون صار بطل فجأه بالنسبه لكم ؟؟

بس اعتقد 4 كانت افضل من 5 وكان فيها عنصر الرعب مع انه مو نفس الاجزاء السابقه بس بعد كان ممتاز

اول شي تلعب في قـريه ( ok اوربا للحين فيها مناطق شبيها نوعا ما ) بس بعدين تروح قلـعه الاعداء يهاجمونك ب منجانيق واسلحه بدائيه قديمه وفجأه تروح جزيره فيها اسلحه مو موجوده بالصج ؟؟؟

يا اخي هذي قريه مهجوره وقديمه من جدي هم عايشين بهالاسلوب ونفس الشي في القلعه اما الي في الجزيره فهم يستخدمون اسلحه متطوره بس بعد لو تلاحظ الابنيه والاماكن الي في الجزيره تحسها قديمه ( عدا المختبر طبعا )

[واوا أكس]

^
^
4 مو ارعب ولا افضل بس انت تشوفها مميزه لانها كانت البدايه بالاسلوب الجديد ,,

اما بخصوص الجزيره, طبيعي المباني ما بتكون حديثه لانه الاهتمام الاكبر بالمختبرات مثل المناطق العسكريه الي بكل العالم

تلقى شكلها قديم لانه مافي اهتمام بس وجود المختبر بكل االاجهزه والكمبيوترات والاسلحه المتطوره الي فيه يناقض القلعه والجو الي عايشينه لوول

المهم لو تبي جزء مرعب جرب ال Remake الي نزل على الجيم كيوب

احلى واقوى وارعب لـعبه بالتااااااااريخ وماعتقد راح نشوف لعبه فيها نص الابداع الي كان فيه

للحين عندي اياها عالجيم كيوب

[BO SHAKER]

اذكر اول مرة لعبت ريزدنت ايفل 1 . كان جزء مرعب وجو العبة مخيف وبعدين الاجزاء الي انزلت وراه. ماكنت احس بالخوف وايد منهم مثل الاول لاني تعودت وصار شي عادي بس اندماج مع احداث العبة.
فااتوقع الي بدء مع زيزيدنت ايفل من الجزء الرابع يمكن يحس بالخوف من الجزء الرابع لأنة اول مرة يجرب لعبة من هالنوع.
والزومبي بالاجزاء القديمة اذا كنت تمر يمه كان يهجم على طول اما الحين الوحش بالاجزاء 4و5 حدا غبي يوقف ويطالعك ههههههه مادري شنو ناطر.
انا ما اقول ان الجزئين الرابع والخامس بايخين بس لو امخلينهم اجزاء فرعية ومسمينهم ريزيدنت اكشن كان افضل على الاقل كانو يحافضون على جو العبة.
انا ابنظري ان العاب الرعب المخيفة الحين سايلنت هيل و فاتل فريم.

[سكوال الصنديد]

صراحة أفضل الأجزاء هي الأجزاء الثلاث الأولى

1- رزدينت إيفل الأول

2- رزدينت إيفل الثاني

3- رزدينت إيفل نمسس

هذة الأجزاء الثلاثة أشرف عليها شنجي وجميها تشعرك بالخوف فالأول في بداية ظهوره كان

صعب وصعوبته في قلة الأسلحة بشخصية كريس وسهولة اللعب بجيل

الثاني دخلنا لمدينة ركوان وخفنا من ما فيها وما تحتويه من مصائب ومشاكل

الثالث : رحلة جيل من أجل الهرب والخوف من مواجهة النمسيس

والرابع رائع أيضا لكنه كان مختلف تماماً عن الأجزاء السابقة فلم يعد هناك صناديق ويجب

التتخلص من بعض المواد وتطوير الأسلحة ليس بعمل الشخصية نفسها بل عن طريق

شخص متنقل ( البائع ) ويمكنك أيضا أن تقتله وهذا يزيد اللعبة صعوبة كما أنه في اليابان

أصاب الملل اليابانين من فكرة الزومبي ( شبعوا منه ) وظهرت فكرة البلاجا وما فيها من

أشياء عجيبة وغير طبيعية

ونصيحة مني لك محبي رزدينت إيفل

تبغون الخوف أرجعوا للأجزاء القديمة ؟؟؟ ففيها متعة وذكريات لا تنسى