نقاش: شراء الأصلي وقائمة التحسف...

[devil cober]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
هممم لاتوجد أنا سعيد بألعابي لأني أشتري أي لعبة الا عن قناعة تامة وارضاء لذوقي رغم أن معظم ألعابي لاألعبها بسبب ضيق الوقت
2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
لايوجد
3- ماهي المواقع التي تعتمد على جودة مراجعاتها بالألعاب وتثق في تقاييمهم؟
Ign بس مو دايما !!!
4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
أشوف عروض الفيديو اذا عجبتني أشوف تقاييمها
5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
GTA-RDR-COD أغلب الألعاب الأمريكية أكرهها خصوصا اذا كان أسلوبها مكرر في كل جزء
6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
لا طبعا ذوق خاص
7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
GOW 3 دفعت فيها 380 ريال بس تستاهل لولا انها قصيرة

[سكوال الصنديد]

أسئلة نقاشية عشوائيه :

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

أفرو ذا ساموراي ؟؟؟ توقعتها حلوة زي المسلسل أبو 5 حلقات لكن طلعت فشوش

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

بغيت أكسرها لكنها لا زالت معي ما أعرف أحد رضي يأخذها ولو بالمجان

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

ما عندي مواقع أنا أعتمد على كلام أصحابي


4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

أستعين برأي من لديه اللعبة

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

أفرو ذا ساموراي

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

لي ذوق خاص ما أخذ إلا بعد تفكير طويل خصوصاً وأنه ألعاب هذا الجيل غالية وتحديداً

البلاي ستيشن 3


7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

GOW 3- رزدينت إيفل الخامس بمبلغ خمسمائة ريال لي اللعبة الواحدة ؟؟؟ GOW 3

ما ندمت عليها لكن رزدينت إيفل قعدت أبكي بسبب شرائها اللعبة طلعت أكشن فقط

[DREAMCATCHER]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
هيز...
و ديمون سولز لانها صعبه جدا وكلهم شريتهم بعد معرفتي بعيوبهم !

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
محتفظ فيها ، أنا عندي قاعده الحصريات ما ابيعهم ماعدا طبعا اللعبه الي تعرفونها...

3- ماهي المواقع التي تعتمد على جودة مراجعاتها بالألعاب وتثق في تقاييمهم؟
أشوف التقييم لاخذ الفكره لكن ما اعتمد عليه في القرار النهائي

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
أشوف مقاطع لها في الانترنت واقرأ بعض المقالات هنا وهناك.

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
COD & GTAIV

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
أتأثر بالهايب اذا كانت اللعبه حصريه لاني أكون متابع لها من الاساس.

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
ولا لعبه ، اذا كانت أعلى من السعر الاصلي وكنت مستعجل عليها: أطلبها من الانترنت

[Arashi]

موضوع يذكرني بآلامي وتاريخي الاسود مع احد الالعاب الاصليه


1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

فاينل فانتسي 12
القصه دمها ثقيل..الاصوات مخرخشه وتمثيل زباله..الاجواء كئيبه ومصديه لدرجه ان بيني وبين الزعيم خظوتين بس مب قادره استحمل اكلها

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

عندي....collection لا اكثر

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

منتدى المنتدى ثم ign

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

لا أجوف شوية مقاطع عاليوتيوب واتوكل على الله

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

ميتال جير 4

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

لي ذوقي الخاص >>> عادة تكره اللي يحبونه الناس

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

الحمدلله ولا لعبه



وشكرا على طرح هذا الموضوع المسلي

[king zms]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

نينجا جايدن سيجما ما هي من النوع اللي يعجبني

اساسين كريد الأول ما هضمت اللعبة نهائياً

- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

ما زلت محتفظ فيهم ما أبيع ألعابي إلا اذا اضطريت

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

ولا موقع أنا اعتمد على الفديو رفيو ممكن تعجبني بس ما تعجب غيري
4

- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

لا اصلاً نادراً اعتمد على الديمو

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

أنشتارد 2 وكول أوف دوتي و ريد ديد
6

- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

لا لي ذوقي الخاص
7

- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

ولا لعبة


شكراً فراس على الموضوع

[american.u.s.a]

k1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن ! 1
-gta iv السبب : لعبة مملة بمعنى الكلمة مهمات تجيب الملل .
2 وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
مااْبيع العابي .
3- ماهي المواقع التي تعتمد على جودة مراجعاتها بالألعاب وتثق في تقاييمهم؟
انا اثق فيهم ثق عميا.
3- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
انا مانزل ديمو للعبة باشتريها ممكن احمل لعبة ما باشتريها .
5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
mgs 4-1 لاكن الان ان متحسف اني ماشريتها لاكن في شي يمنعني اني اشتريها
2-cod ما اطيقها
3-killzone
3- infamous
4-halo
- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
لا ذوقي باللاعاب اهم
- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
مافي
مشكور فارس

[The Snipers]

قكرة الموضوع حلوه ^^

- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !

dragon age
نظامها يشبه نظام العاب الـPC و ما عجبتني لا القصة و لا الشخصيات

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

لعبت فيها ثلاث ساعات عشان ما اندم بعدين و اقول اني تسرعت بس اللعبة ما خشت بالي ابداً ><
بعتها بسعر مخزي جداً اليوم التالي مع اني ما لعبت فيها اكثر من ثلاث ساعات =(

3- ماهي المواقع التي تعتمد على جودة مراجعاتها بالألعاب وتثق في تقاييمهم؟

ما اعتمد على المواقع لأن ممكن ذوقي يختلف عن ذوق المراجع
عشان كذا اعتدمد على رائي الشخصي مع مشاهدة بعض العروض على اليوتيوب

هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

بصراحة ما قد شفت ديمو يحمس الواحد انه ياخذ اللعبة -_-
ما عدا لوست بلانت 2 كان ديمو الـco-op حماسي جداً بس الديمو الأخير خلاني انسى االلعبة =(
يعني ما اعتمد على الديمو ابداً في اختيار نوع ألعابي

ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

كثير -_-
MGS , GTA , COD , RDR و غيرها الكثير بس هذا ابرزهم

هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

تأثرت بالهايب إلي كان على داجن ايج خصوصاً ان اعلبيت المواقع اعطوها تقاييم عالية مما اعطاني دافع لشراء اللعبة

كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

والله اتذكر اول لعبة شريتها على PS3 إلي هي رزدنت ايفل 5 شريتها 340 ريال ( اعتقد ان راعي المحل لعب علي -_- ) عاد كأن اللعبة تستاهل

[General BiG Boss]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
ريسستنس1
انشارتد1 ماحب البلاتفورم موراكب عاللعبه -_-
فار كراي2
برنس اوف برسيا

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
حللت بعضهم وبعتهم مايشرفـون درج العابي

3- ماهي المواقع التي تعتمد على جودة مراجعاتها بالألعاب وتثق في تقاييمهم؟
جيم سبوت و IGN
بس موذاك الأهميه تهمني التقاييم
حتى لو لعبه عجبتني وتقاييمها زفت اشتريها

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
لا مو شرط
اقيم اللعبه من نظرتي لها من صور فيديو اخبار يكفي ..
مثل بروتوتايب و اسيسن كريد

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
UNCHARTED 2

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
ذوقي الخاص طبعا
ممكن لعبه تعجبني وماتعجبك

س: أحد يحب جيتار هيرو ؟
...
طبعا محد يحبها

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
لعبه وحده بس شريتها غاليه
اهي GTAIV إبـ25 دينار أول يوم نزولها بالكويت = تستاهل اللعبه

thank you eatsego

[Extreme Blue]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
Dragonball Raginb Blast .. ماتغير شي في اسلوب اللعب .. والحركات نقصوهم .. والشخصيات ناقصة.

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟

حاطها سبيل حق اي احد له خاطر اعطيه يلعب فيها لين مايشبع


3- ماهي المواقع التي تعتمد على جودة مراجعاتها بالألعاب وتثق في تقاييمهم؟

IGN و المنتدى العزيز و Youtube

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟

مو اي لعبة ايي واشتريها .. لازم اجوف عنها كلشي .. خاصة اذا مالها ديمو .. اجوف واحد من الشباب عنده اللعبة اجربها واعاينها وعقب اقرر اذا اشتري او لا

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!

GTA و COD و FIFA

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟

لا طبعا .. آخذ اللعبة وىنه متاكد انها بتعجبني وماتهمني شعبية اللعبة ..

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟

لعبة وحدة بس GOWIII .. لاني كنت حدي مستعيل ... اما الباقي عادي على راحة وعلى سعة آخذهم

ويسلموو على الموضوع .. تحيااتي

[Al-RaQmi]

من جد فارس .. الصورة متعوب عليها ^^
1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
اول شريطين اشتريهم .. havely sowrd لا قصة ولالعب + folklore اللعبة خلقة تعبانه

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
ريال واحد فيها حرام .. بعتها

3- ماهي المواقع التي تعتمد على جودة مراجعاتها بالألعاب وتثق في تقاييمهم؟
gamespot تقييمه "دائما" بمحلها ..

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
اعتمد على youtube اكثر من الديمو

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
MGS-infamous-heavy rain

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
لاع ..

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
بالنسبة لنا الاسعار دائما معقولة واقل من 200 .. اذكر اعلى سعر شهدته كان للعبة GTAIV بسعر 470 وفيه ناس تشتريها ^^"

شكريا على الموضوع

[NiN RevO]

إقتباس:
س: أحد يحب جيتار هيرو ؟

[General BiG Boss]

^^ شالفايده إذا مو متواجدين بجهاز واحد :P انا بلي وانت اكس

[Tockuchi]

1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
دقيقة خل أشيك بالدرج .... همممم هذولي ^^" :-
1- Battlefield Bad Company طبعا الجزء الأول , لعبت مرحلتين مليت ماكو شيء جديد ماكو متعة طبعا مستعملة.
2-NBA 09 The Inside يع مستعملة
3-HellBoy The Science Of Evil لحد يسألني ليش شريتها جديدة! و ليست مستعملة
4- Strangehold يعXيع مستعملة
5- TimeShift أغبى الألعاب الي لعبتها مستعملة
6-Untold Legend ما أدري شنو وقتها إلي محمسني أخذها مستعملة
7- Mortal Kombat Vs DC Universe كان وقتها مافي ألعاب فايتينج و مافي غيرها و طلعت مو زينة , جديدة
8- Assasin's Creed 2 بسبة الهايب إلي عليها و سالفة قلت شكلها بتطلع إبداع بس طلعت زفت اب زفت , جديدة
9- Final Fantasy XIII كان المفروض يكون أول جزء فاينل حقيقي ألعبه وطلعت كأنها متبرية من سلسلة فاينل , جديدة
10- Resistance الأول مع إني نهيته لكن أحس غصب لعبته لأني لعبته مع أخوي و ماكانت عاجبتني , يمكن لأني لعبتها متأخر و بعد كيلزون2 فأكيد أحس أب فرق كبير ^^" , مستعملة
11- Dragon Age حالها حال أساسينز كرييد هايب و سالفة و بالأخير ساعتين لعبتها و بعدها اب يوم بعتها , جديدة
2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
بس دراجون أيج بعتها و الباقي موجودين , و ماني أقدر أستحملهم تبيني أحللهم -_-"
3- ماهي المواقع التي تعتمد على جودة مراجعاتها بالألعاب وتثق في تقاييمهم؟
ما أعتمد على المواقع , رأيي هو الأهم , و أشوف صور و فيديوات و تريلرات و... إلخ , يعني في أحد شرى Last Rebellion و عجبته كثري , ما أعتقد في العالم كله ألقى واحد شعوره بلعب اللعبة مثلي
4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
غالبا ما ألعب الديموات كثير , بس الاخوان ما يقصرون هني و كذلك اليوتيوب ما يقصرون في فيديوات الجيمبلاي
5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
GTA IV , MGS4 هذيل إلي أذكرهم
6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
مرتين فقط , دراجون إيج و أساسينز كرييد و إثنينهم ماهم ذاك الزود + بعد توبة ماراح أشتري أربيجي غربي بسبة دراجون إيج
7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
Nothing , يمكن أغلى لعبة 20 ونادر تحصل هالحالة , العادة 18 و تحت

تشكرات على الموضوع الحلو و الأسئلة الحلوة

[The Last Lombax]

سلام عليكم



موضوعنا اليوم واضح من عنوانه.. الألعاب الي انصدمت من مستواها او بمعنى ما عجبتك بالرغم الهايب العالي عليها او قوة تقاييمها او النصائح الي حصلتها من كذا صديق والي ما استفدت منها الا خسارة بيزاتك مع التحسف وكان السبب في ذلك ببساطة ذوقك الشخصي ورأيك الي كسر القاعده وطلعت اسثنائي
في هالجيل صرنا نعتمد عالأصلي فندقق كثير على الألعاب ونقرأ عنها قبل ما تقط الكاش

أسئلة نقاشية عشوائيه :
1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
Sonic The Hedgehog : رغم أني فان لسونيك لكن ما قدرت أكملها بتاتاً -__- السبب اللودينج الممل + الفريم ريت السيء
FF XIII : أول ما أخذتها كنت متحمس لكن الحماس صار صفر بدون سبب بعد كم يوم وقبل أسبوع رجعت ألعبها بحماس ^^ Valkyria Chronicles : سبب شرائي لها كان الأنمي + الديمو عجبني + حصلتها بالعافية لكن لمن وصلت للشابتر الرابع وقفت تماماً وشكلي راح أرجع لها زي فاينل فانتسي

2- وشنو سويت فيها.. بعتها من يديد , حللتها باللعب ثم اعطيتها صديق؟ , مازلت محافظ عليها ؟
إلى الآن محتفظ فيهم و لافيه نية بتاتاً إني أبيعهم

3- ماهي المواقع التي تعتمد على جودة مراجعاتها بالألعاب وتثق في تقاييمهم؟
من بعد ما أخذت Sonic Unleashed رغم تقاييمها السيئة صرت ما أعترف بالتقاييم

4- هنالك بعض الألعاب لا ينزل لها ديمو.. فهل هالشي يصعب عليك امر شراءها ام تستعين برأي من لديه اللعبة؟
أعطيها أحلى X

5- ماهي اللعبة الي كان عليها هايب عالي جداوإقبال قوي على اللعبة.. لكن ما همتك !!
ألعاب كثيرة جداً أهمها : MGS , GTA , GOW , COD

6- هل انت من الذين يتأثرون بالهايب..شراها واحد شراها الثاني.. "يلا فووقه فووقه" ولا لك ذوق خاص مهما كانت الشعبية عليه كمثال كود و gta و rdr ؟
ما أتأثر بالهايب كثير إلا للعبة متحمس لها أصلا ما عدى لعبة وحدة تأثرت بالهايب حقها من أحد المنتديات وأخذتها وطلعت عند حسن الظن هي SSF IV

7- كم لعبة دفعت فوق مبلغها الأصلي الثابت عندنا للحصول عليها اول الناس ( اقصد دبل النصب ) 23+ ؟
Valkyria Chronicles يمكن لأني ما حصلتها إلا عند محل واحد ؟؟

وبس

الصورة اللي حاطها أليمة xD
لو أنك أخذت نسخة PS3 أحسن لك مليون مرة كثير مرات أحصل عرب في الأونلاين

[Arashi]

من جد فارس .. الصورة متعوب عليها ^^
1- ماهي الألعاب الي تحسفت انك شريتها؟ + اذكر سبب عدم اعجابك للعبة... إن إمكن !
اول شريطين اشتريهم .. havely sword لا قصة ولالعب + folklore اللعبة خلقة تعبانه

اوبس...ضاع مستقبل ديفل ماي كراي