هل تؤيد افتتاح قسم للبيع والشراء خاص للفيديو جيمز ؟

[NiN RevO]

وعليكم السلام ورحمة الله وبركاته ,, هلا كاسح ^_^

انا كنت بفتح معاك موضوع قريب من هذا الموضوع من شهرين تقريبا ً لكن كنت متردد

لكن بما انك انت الي بادرت راح اقول لك الفكره الي ببالي ..

ما يكون قسم ولا شيء هو بس موضوع واحد وما يكون بيع وشراء يكون للمبادله

الفكره هي اني ابي لعبه وانت تبي ثانيه وكل واحد فينا خلص لعبته نقوم نتبادلها يد بيد او بالبريد

وبكذا كل واحد تصير اللعبه ملكه يعني هو بيع وشراء لكن بدون فلوس وبما ان الالعاب الاصليه

تنباع بنفس السعر فـ ان شاء الله محد بيكون زعلان ..

[american.u.s.a]

انا موافق على الفكرة لاكن افضل انه يتم الغاء كل الاقسام الفرعية مثل ميتل جير الخ....
لان في اعضاء نتمنى وجودهم في القسم واذا كان في موضع مهم يتم نقله

[Falling Angel]

الشروط الي خطرت على بالي .. بساعدكم في القوانين
1- يذكر العضو ان مثلاً من السعودية و ساكن في جدة
2- يقول اذا يقدر يوصل او لا
3- عدم مدح اللعبة ( نفس المثال الي ذكرته فوق )
4- في العنوان يذكر اسم اللعبة الي يبي يبيعه و هو من وساكن وين

هذا اللي خطر في بالي أمس..
لكن في إضافة بسيط وهي:
1- وضع صور للشريط واللعبة والمقصود فيها محتوياتها
يعني الجايد .. اللعبة هل هي نظيفة أو مخدشة ..
لأن بعض الجيمر ما يحافظ على البلو راي
وإذا أمكن تصوير فيديواَ
2- ذكر التفاصيل بالكامل
من ناحية مكان السكن .. طريقة التواصل .. السعر المعروض
كذا أظن حفظنا حقوق المشتري
لكن حقوق البائع .. ما أظن يد بيد يمكن تطبيقها على كل الأعضاء
لأن أول شيء هذا منتدى خليجي ومعروف عربيا ثانيا
فـ صعب أني أسلم شخص لعبة بالأمارات أو الكويت
وهذا ليس من باب التعقيد .. ولكن الواقعية
لكن ممكن نتغاضى عن هذه المشكلة ونقول
أن الشخص اللي يعرض اللعبة أو شيء يتعلق بـ PS3
يذكر أن يبغى مشتري كويتي لأنه من الكويت
أو قطري لأنه من قطر .. إلخ

لكن فكرة ريفو .. ممتازة جدا
وهي قسم مبادلة"
وخصوصا أنه العامل المادي يختفي من المسألة " لأنه هو اساس المشكلة"
فـ ممكن تتطبق .. لكن نحتاج شروط جديدة
راح أفكر فيها .. لما ابغى أنام " ذهني يكون صافي جدا للتفكير :|"

[Nez 17]

مؤيد للفكرة و بعد لو فيه بنفس الموضوع تبادل يكون احسن عشان مايكون النصب المحلات فيها نصب عندنا مو طبيعي تجي تبي تشتري الشريط المستحمل يوصل حتا 12 دينار و اذا تبي تبيعة ياخذونه منك بـ 7 او 8 حدهم ولا يقولك بدل عشان النصب يجيك 100% .. يعني يكون بين الاعضاء اضافة على الموضوع [ . التبادل يكون موجود . ] يعني انا عندي لعبة و حاب ابدل فيها اقول عندي لعبة مثلاة God oF War III منو حاب يبادل فيها ويجي العضو الثاني يقول مثلان انا عندي FF XIII تبادل اتفق الطرفين خلاص بس تم التبادل

[UAExHEALER]

وعليكم السلام ورحمة الله وبركاته ,, هلا كاسح ^_^

انا كنت بفتح معاك موضوع قريب من هذا الموضوع من شهرين تقريبا ً لكن كنت متردد

لكن بما انك انت الي بادرت راح اقول لك الفكره الي ببالي ..

ما يكون قسم ولا شيء هو بس موضوع واحد وما يكون بيع وشراء يكون للمبادله

الفكره هي اني ابي لعبه وانت تبي ثانيه وكل واحد فينا خلص لعبته نقوم نتبادلها يد بيد او بالبريد

وبكذا كل واحد تصير اللعبه ملكه يعني هو بيع وشراء لكن بدون فلوس وبما ان الالعاب الاصليه

تنباع بنفس السعر فـ ان شاء الله محد بيكون زعلان ..

انا موافق معااك بالراي هذا

يكوون موضوع وتكوون عملية مباادله للعبتيين

وانا عن نفسي من اشد المعجبيين للفكره

واتمنى طرح الفكره كموضوع في هذا القسم

[snake.ae]

السلام عليكم

الخيار عائد للإداره

أنا أرفض
1 ما في ثقه و مصداقيه
2 أي مشكله نصب تصير بتكون نقطه سودا للمنتدى و اعتقد حصل في قسم WOW
في موقع بيع مشهور يقدم خدمته في السعوديه و الإمارات و بعض الدول العربيه
يدعم البيع الأمن تعرض السلعه فيه
ولما واحد يشتريها بتمر عليك شركه أرامكس و بتأخذ البضاعه
و بعد ما يستلمها الشخص و يتأكد من صحتها يسلمهم المبلغ
و خلال يومين أن شاء الله يوصلك حقك

[Al-RaQmi]

مؤيد .. وانا ليش مشارك بموقع البوابة الرقمية !! ^^"

اقترح يكون بالاول موضوع مثبت بكل قسم
اذا فيه حركه ونشاط يصير قسم مستقل وكامل

[Tockuchi]

السلام عليكم

الخيار عائد للإداره

أنا أرفض
1 ما في ثقه و مصداقيه
2 أي مشكله نصب تصير بتكون نقطه سودا للمنتدى و اعتقد حصل في قسم WOW
في موقع بيع مشهور يقدم خدمته في السعوديه و الإمارات و بعض الدول العربيه
يدعم البيع الأمن تعرض السلعه فيه
ولما واحد يشتريها بتمر عليك شركه أرامكس و بتأخذ البضاعه
و بعد ما يستلمها الشخص و يتأكد من صحتها يسلمهم المبلغ
و خلال يومين أن شاء الله يوصلك حقك

شنو هو الموقع؟

[KasiH]

مؤيد .. وانا ليش مشارك بموقع البوابة الرقمية !! ^^"

اقترح يكون بالاول موضوع مثبت بكل قسم
اذا فيه حركه ونشاط يصير قسم مستقل وكامل

نص الاعضاء اللي عايشين في السعودية هنا تلاقيهم موجودين في البوابة والرايفال سول ويبيعوا ويشتروا
وانا كم مرة كفشتهم هناك وهم كفشوني xD

[Al-RaQmi]

^^^
مثل ماكفشتني P:

[snake.ae]

شنو هو الموقع؟

Souq.com


في شيء مهم لازم معرفه بعض القوانين حسب الدوله اللي يتبعلها البائع و المشتري
لأن إشعار إخلاء المسؤليه لا يصح بنص قانون الإمارات

الموضوع يمكن يتحول لصدعة رأس للإداره

[Modi]

نص الاعضاء اللي عايشين في السعودية هنا تلاقيهم موجودين في البوابة والرايفال سول ويبيعوا ويشتروا
وانا كم مرة كفشتهم هناك وهم كفشوني xD

انا كفشتك هناك لول .. اذكر حتى رديت عليك بالموضوع XD