اليوم الثلاثاء 2-11-2010
الساعه 1:03
ما اقدر اوقف من سماع هذا اللحن
http://www.youtube.com/watch?v=44I2V...eature=related
@@ أحس بانه احاسيسي بتتقطع
عضو مميز
اليوم الثلاثاء 2-11-2010
الساعه 1:03
ما اقدر اوقف من سماع هذا اللحن
http://www.youtube.com/watch?v=44I2V...eature=related
@@ أحس بانه احاسيسي بتتقطع
مراقب في منتديات الأنمي
monday
11-24
الساعه 8
كنت في إستعداد تام لمراجعة و مذاكرة مادة الأحياء
لكن تفاجأت أني نسيت الدفتر و الكتاب في المدرسه تباً لي ``
G_G أن شاء الله ما أحد يآخذهم ,’
الساعه 8:30 : ؟؟
رحت أشتري عشاء للأهل و أخذت أختي الصغيره
كانت بتسبب لي 3 حوادث
فعاهدت نفسي أني مستحيل آخذها مجدداً
الساعه 10:44
كنت طفشان
فما في حل إلا الكمبيوتر لقتل الملل
دخلت المنتدى بدون تسجيل دخول &X وفتحت رسائل الأيميل بدون قراءه XD
إضطريت أتابع أنمي كنت محتار بين الحلقه الأولى من روميو و جوليت لكن ستار درايفر كان الأهم و الموجود
لما عدت الحلقه الدقيقه 6 سمعت صوت بكاء طفله مزعجه
و صوت أمي تقول " الله لا يهينك روح جيب لأختك حليب فراوله وزادي زبادي قبل ما تنام " ســــحــــقـاً
قلت " لا لا لا البنت ألحين تعشت كيف ! خطر على صحتها "
لكن بلا جدوى نفذت المهمه وكملت الحلقه بعد المشوار الغبي
مراقبة عامة على الفئات العامة•.¸.•龍Dragon of Heaven龍•.¸.•
الموسيقى حلوه جيمر
اصلا احسن OST في سايلينت هيل هو للجزء الثاني @@
الاثنين 1 نوفمبر 2010
الساعه 11 مساءا
كنت رايحه اسوي كيكة الشوكولاته لكن ابوي اعترض
لأنه زهق من هالكيكه...هاذي ثالث مره
قلت له شاسوي في عيالك ما يبون الا الشوكولاته
قال "لا غيري هالمره"
قلت خلاص بسوي لك بالربتقال ^^
سويت الكيكه ورحت اساعد امي في قص اوراق مسابقة زهرة الخليج
ونسيت الكيكه في الفرن ربع ساعه زياده
يالهوي!
رحت ركيييييييض اجوفها وقلت خلاص احترقت
أتفاجأ انها بخير وبالعكس مستويه ولونها فاتح ولا جزء منها محترق
ولكن
طلعت عويه مثل برج بيزا المائل <_<
2 نوفمبر 2010
الساعه 12 ونص صباحا
لونت صورة Mr.X عشان استخدمها رمزيه اخرع فيها اعضاء المنتدى
وخليت عيونه تولع
لكني أتفاجأ ان الصور المتحركه ممنوعه
احباط <_<
°•»Łίցнт×Đαгĸηєѕs«•°
الموضوع رائع, شكرا اراشي, عجبني,
يحكي مغامرات الاعضاء في هذا اليوم,
خصوصا كين و اراشي و زاكو,
وانا اقرا و اسلوبكم احس اني اتابع حلقات,
مذكراتي...:
الثلاثاء صباحا, الجو nice وقلت لنفسي جو مو للدوام,
الان.. انتظر زيارة بعض الاقارب,
سُبْحَانَ اللَّهِ وَبِحَمْدِهِ عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ
..
..
عضو جديد
يعطيك العافية اراشي على الموضوع
المشكلة يومياتي كلها اختبارات وهم وقلق !!
المهم الاثنين :
الساعة 9 م
ضبطت الجوال على الساعة 11 (عشان ابدا اذاكر احصاء عندي امتحان ميد) لما دق المنبه طفيته ونمت عاد ما صحيت الا الساعة2 الفجر
الخبر الحلو اني ما فتحت المادة خير شر , اصلا توني شاريه الكتاب لكن الوضع عادي عندي ما خفت ولا ارتبكت قلت في نفسي ربي مو كاتب لي اصحى بدري واذاكر قدر الله و ما شاء فعل <<قنوعه بسم الله علي
رحت اصلح لي كوفي وخذيت معه كم هائل من الشكولاته عشان يزيد التركيز وقعدت اذاكر لين رحت للجامعة...
الساعه 7:30 ص
وصلت الجامعة راجعت شوي مع صديقاتي
الساعة 8:10 ص
محاظرة digital design حل تمارين
الاستاذة طايحه في حركة جديدة انه واحد من اسئلة التمارين يصير عليه اختبار في نفس المحاظرة ويكون بدال homework
بعد ما جمعت الاوراق وشافت الحلول نادت مين ميستي وينها ؟؟ انا قلت بس اكيد اني حايسه الدنيا طبعا كان وجهي ميت اصفر والعيون حمراء من السهر وحالتي حالة يعني وجهي حده يجيب المرض
لكني رديت وبكل ثقة هنا ,, قالت لي تحلين السؤال على السبورة !!!! كان ودي اقول لا,, ليه انتي شايفه من وجهي ان عندي حل ؟؟؟؟ لكن صرت عاقله وطلعت احل مع اني كنت طايخه حيل لدرجة حسيت ان الاستاذة تحسفت انها طلعتني !!
بس الحمدلله عدت على خير .
الساعه 10: الامتحان
بعد ما سلموا الورق حسيت بجوع فظيع ما قدرت اركز قاعده افكر اذا طلعت وش باكل لأن فاتحين كافتيريا جديدة بعرف وش عندهم << انتي حلي بالاول بعدين يصير خير
المشكلة قبل الامتحان ما كنت جوعانه يعني بالله هذا وقته !!!
المهم حليت و انا ماني بوعيي ولا ادري وش كتبت,, بعد ماخلصت حل بالرصاص قفل مخي فجأة !!! خلاص انهى المهمة
الساعه 11ص
سلمت الورقة أول وحده ابي افتك وقعدت انتظر صديقاتي يخلصوا ما شاء الله عليهم يحللون الوقت كله
مع الانتظار جلست اسمع اغنية تمثل حالتي المحششه
اغنية محمد عبده "ومن العايدين" احب اسمعها وقت الامتحانات ,, واذا وحده سألتني كيف الامتحان ما يحتاج ارد عليها بس اسمعها الاغنية وهي تفهمها
الساعه 1:45 م
رجعت البيت وتغديت مع اهلي لي اسبوع ما جلست معهم و انشغلت بالاكل تقول جايه من مجاعه وحطيت حرتي كلها في الاكل بعدها انخمدت ونمت
عضو مميز
اليوم الثلاثاء الساعه 9:30 مساء
شفت أخوي الي في الثنويه العامه يعبي أستمارة للبعثة مع أخوي العود
بيسافر T_T بكون وحيد في البيت ..كأنها ناقصه
مراقبة عامة على الفئات العامة•.¸.•龍Dragon of Heaven龍•.¸.•
الثلثاء 2\11\2010
الساعه 10 الصبح
قمت من النوم مستغربه
حلمت ان عندي اخو جديد اسمه يوسف
كان جميل وكيوت وكل ما يجوفني او يجوف اي حد يضحك لك
عمره تقريبا 10 شهور -سنه ونص
تقول امي ان معناه زين @@
يارب ^^
بس مابي اخو يديد بيني وبينه 25 سنه <_<
الساعه 1ونص الظهر
ما عندي شي اسويه
قعدت شوي عالمنتدى
يامي وامي يرجعون من السوق
يامي في يدها كيس
اخيرا
لقت جوتي بعد بحث طال شهر كامل
ومفاجأه
جابت معاها شوسي
يم يم يم
الساعه 6 ونص مساءا
اخيرا يامي بدت تكتب تشابتر 4 من مدرسة امبريللا
طلعت عيني كل يوم نايمه ماتسوي شي
الاربعاء 3\11\2010
الساعه 12:08
حاولت أطلع صور من جوال يامي نفس ما وصتني قبل ما تنام
لكنها مخليه جوالها من غير واير
شاسوي فيه؟ آكله؟ O.o
عضو متواصل النشاط
الساعة وحدة الظهر
توني طالع من محاضرة مو مداوم فيها من اسبوعين
والدكتورة اطلبت مني أوراق البحث قلتلها ما كتبت ولا كلمة لاني قعد اقرا مصادري ( تسليم البحث يوم الاثنين القادم )
والا تصدمني تقولي انت ناقص 5 درجات لانك مو مسوي بريزنتيشن.... بس انا سويت بريزنتيشن ومن أول الناس بعد!
احاول اذكرها واقنعها مو راضية والا طالبة يعطيها العافية كلمت الدكتورة وقالتلها اني مسويه عن الـFear والفوبيا والحمدالله اقتنهت
وردتلي حقي @@.
الجو عجيب اليوم...انشالله يستمر بهالجمال بالويكند بالشاليه... أبي اخلص كتابة البحث وأرد اكتب موضوع سايلنت4
مراقبة عامة على الفئات العامة•.¸.•龍Dragon of Heaven龍•.¸.•
الاربعاء 3\11\2010
الساعه 1:30
حليت استبيان يضحك لlonely hunter
هو مكمل لموضوع شايب وعيوز المنتدى
انصح الكل يجربه
رحت أجوف مجموعة سايلينت عشان اتأكد اذا مستر تومي رد على سؤال مهم يتعلق بالترجمه
لكن مارد
متى يرد؟ ابي اكمل الترجمه
عضو متواصل النشاط
3-11-2010
الساعة: 3:33 م
توني راد البيت ولاحظت سؤال أراشي بالمجموعة ورديت عليه
الظاهر اليوم يوم المواقف الغريبة بيني وبين الدكاترة
المحاضرة الثانية داومتها بعد ما كنت غايب عنها لاكثر من اسبوع
الدكتور كان طالب منهم واجب ولما بدء يسأل لاحظ محد حاله الا اثنين
فقعد ينتقدهم ووقف يمي يتكلم عن الطلبة الشطار واللي ما يطوفون شي >>> ليلحين مو منتبه ان صارلي اسبوع مو مداوم
وسألني شنو الحل ( حتى ما سأل حليته والا لا من كثر الثقة هههه )
وقلتله انا غايب صارلي اسبوع بس اذا تبيني اعطيك الحل عطني السؤال
وقعد سطالعني مستغرب يقول انت غايب؟ مستحيل
ورد يطالع كشف الغياب ولاحظ اني مو مداوم وكان مستغرب
يقول انت دايما تشارك وحاضر شلون غبت وما انتبهتلك >> ما يدري عن تحليل سايلنت هيل4 والبحث اللي قاعد اشتغل عليهم
يووعااااان
عضو جديد
الساعه 14:30
بدا الويك اند
yasssssssssssssssssssssssss
Ďŗấġ๑и Ỡ₣ Ềąŕŧђ
الثالث من نوفمبر عام 2010م
الساعه 7:30 صباحا
سويت لي خوش فطور .. قطعت جبن مربعات
وقصصت طماط ورشيت شوية فلفل اسود وشوية زيت زيتون
وخلطهم وكلته مع خبر لبناني يم يم يم
الساعه 8:15 صباحا
حست في المنتدى شوي وحليت
استبيان lonely واايد عجيب انصح الكل يحله
الساعه 9:30 صباحا << اظن
شغلت لعبة nier ولعبت لعببببببببببب
لين الساعه 2:30 ظهرا طلعت عيني
الساعه 4:15
قاعده اكتب هذا الرد XD
وسلامتكم
Mr.Tommy
احس بهدلت نفسك في الجامعه عشان سايلنت هيل >_>
جيمر ...الله يوفقه ان شاء الله ...شفت أخوي الي في الثنويه العامه يعبي أستمارة للبعثة مع أخوي العود
بيسافر T_T بكون وحيد في البيت ..كأنها ناقصه
مراقبة عامة على الفئات العامة•.¸.•龍Dragon of Heaven龍•.¸.•
الاربعاء 3\11\2010
الساعه 2:00
ترجع اختي الصغيره من الجامعه والا تقول لي ان الدكتور اللي اذبحه في قصصي وما يموت في القصص،
مات صج @@
كنت ارسم له اخر قصه بس بضطر اوقف ولو ان اسمه مب مذكور ومحد يعرف منو هالدكتور
لكن لا مب مكمله
الله يرحمه
مراقب في منتديات الأنمي
بجد ! أو حلم حلمتيه !!!ترجع اختي الصغيره من الجامعه والا تقول لي ان الدكتور اللي اذبحه في قصصي وما يموت في القصص،
مات صج @@
الله يغفرله و يسامحه و يرحمه برحمته الواسعه .
الدنيا غريبه قاعده تبلع في الآوادم
...............
الأربعاء
26 \ 11
الساعه 12:33
أكتشفت شيء غريب في المدرسه
شيء كان في نظري حلو لكن أتضح لي في الأخير أنه مجرد حذاء ’ زباله
الساعه 6:11
قابلت أنسان كنت أعرفه زمـــــان
ما شاء الله تغير جداً للأفضل ,’ حركاته و كلامه رجعلي ذكريات كانت متلاشيه بالنسبه لي
لكن لما قلت له : لازم أشوفك مره ثانيه في أقرب وقت و لا تنساني
قال لي : أنا مسافر بعد بكره ولازم أسلم عليك قبل السفر
ما قدرت أقول غير : الله يوفقك و الزياره الثانيه بتكون مني
أتساءل متى بتنعاد ! وهل سأفعل``
مراقبة عامة على الفئات العامة•.¸.•龍Dragon of Heaven龍•.¸.•
لا صج مات..إما امس او اليوم @@بجد ! أو حلم حلمتيه !!!
الاربعاء 3\11\2010
الساعه 5:13
رحت غرفة الضيوف ابي اصلي المغرب
اجوف خنفوسه واقفه في المكان اللي ابي اصلي فيه ومجابله الجبله
قعدت أغربلها واسوي لها حركات اجوف تتحرك ولا لا
ماتحركت..الظاهر ميته
ركضت انادي يامي واخوي ارويهم الخنفوسه
وهم خايفين يقربون قلت لهم انها ميته
ولما نوصل مكانها الا مب موجوده
طلعت حيه بس كانت تستعبط علي
هم تراجعوا وانا رجعت
بس قررت ادورها
دورت ودروت لين قليتها منخشه ورى الزباله
طلبت قطعة جريده وهي لما سمعت صوتي قامت تركض
مسكينه بس مايصير اخليها في الغرفه
لحقتها بالجريده لين خليتها تركبها ويامي فتحت لي الدريشه وقطيتها في الحوش
الغريب ان الخنافس ما تقدر تتسلق الطوف
شلون دخلت الغرفه؟
ضوابط المشاركة
