عضو مميز
ياجماعة التحكم سهل ومو صعب انا بالمرحلة الثالثة ماكو شي صعب
الشي الصعب الي اهو الاوامر حق الجنود الي وياك للحين مو عارفلها عدل
بس اللعبة صخر وايد حلوة
تسوي كستم للاسلحة الي عندك وقنابل انواع لها والاسلحة متنوعة وانت تفتحها بنفسك
ممتعة اللعبة وانصح الكل يشتريها
وفيها مراحل stealth
must buy for army fighters fan
انطباعك حماسي
بروح اشتريها اليوم
عضو نشيط
احس انها تشبه الملتي بلاير حق انشارتد 2، وش راي اللي جربوها؟
عضو مثالي
عضو مميز
الشارب شوتر ينباع بالرحاب عالعشرينات صح؟
غالي حيل >.<
عضو مميز في منتديات البلاي ستيشن
عضو مميز
حده @_@الشارب شوتر ينباع بالرحاب عالعشرينات صح؟
غالي حيل >.<
رايح اشتري اللعبه امس
اللي بالسرداب مايمدحونها
من جذي ترددت في شرائها
شباب تكفون نبي انطباعات اكثر
وشنو المشكله بالتحكم بالضبط ؟
هل صعب بيدة الكنترول العاديه؟
عضو مميز في منتديات البلاي ستيشن
اليوم خلصت سوكوم 4
أخذت مني تقريبا 10 ساعات..
اللعبة تقريبا ممتازة وتستحق التجربة عكس الجزء اللي قبل..
وهذا انطباعي عن طور القصة:
القصة:
القصة جيدة جدا .. وفيها مثل مايقولوا حبكة..
وفيها مشاهد حماسية جدا و مفرحة و محزنة والأفضل من كذا
عندك الخيار في أتخاذ قرار حتى تشوف واحدة من النهايتين..
لكن سرد القصة ما عجبني..
مشهد .. تلعب .. مشهد .. تخلص مهمة .. وبعدها تخطيط للمهمة اللي بعدها..
أسلوب فاتر جدا.. يعني لو كنت القصة مثل كذا:
مشهد... تلعب.. مشهد ... تخلص المهمة +
التخطيط للمهمة اللي بعدها يكون على شكل مشهد بتطلع ممتازة
واللي أحزني أكثر .. أن القصة ركزت على شخصيات
وبنفس الوقت أهملت شخصيات ثانية ..
في شخصيات بفرقتي ما أعرفهم ولا أعرف ماضيهم وكيف يعرفوا كولن..
ودورهم محدود على اتباع الأوامر
عكس الشخصيات الثانية اللي بينهم وبين كولن احتكاك وعلاقة
يعني بشكل عام قصة اللعبة جيدة جدا ..
لكن اهمالها لبعض الشخصيات قلل من قيمتها حتى تكون ممتازة..
الجيم بلاي:
ممتع ما حسيت بصعوبة بالتحكم
وخصوصا أني تعودت عليه من أيام البيتا..
وأسلوب التكتيك ممتاز وسهل جدا عكس لعبة فلاش بوينت المعقدة
وحتى أفراد الفرقة فيهم ذكاء ما تحتاج أنك تراعيهم وتهتم فيهم كل ثانية
يعني لو مثلا واحد من الفريق مصاب فورا فرد من الفريق بيعالجه
ولو قلت له لا تعالج ما بيعالج..
أحيانا تصادفك مهمات أعداد الأعداء كثيرة
يعني بالـ 15 أو 20 عدو .. فـ تغلط بالتكتيك و تروح فيها xD
أنا لعبت اللعبة على النورمال وتفاجأت بذكاء الأعداء العالي..
كنت مفكر أنهم أغبياء وأقدر أضحك عليهم xD
لكن ياما أكلت قتل و موت
تنوع الأسلحة في سوكوم 4 نقطة يشكروا عليها المطورين ..
يعني أنا خلصت اللعبة وباقي لي 8 أسلحة ما أكتشفتها إلى الأن
وهذا نادرا نشوفه بألعاب شوتر.. لانه عادة ألعاب الشوتر تجرب أغلب الأسلحة ..
وقليل تشوف سلاح جديد في كل مهمة..
لكن في سوكوم .. في أسلحة تلقها في بعض المهمات
وفي أسلحة تحصل عليها بعد أنهاء المهمات
والأسلحة اللي تحصل عليها تظل معك للأبد
ولك الحرية التامة في الأختيار..
وعجبني أكثر من كذا .. تنوع في المهمات..
يعني مهمات تجسسية .. وفي مهمات حربية ..
مهمات تحتاج أنك تحمي أشخاص..
في كل مهمة تواجه شيء جديد..
يعني في مهمات تجسسية ..
ولو قتلت عدو راح جثته تظل موجودة
ولو شافها حارس ثاني راح يبلغ وتصير لك مشاكل
هالتنوع يكسر الملل و روتين اللعبة..
طبعا تقدر تلعب أي مهمة تبغاها بعد ما تخلص اللعبة
يعني ما يحتاج تعيد اللعبة من أول وتجمع الأسلحة
لأنها تظل معك !
بشكل عام الجيم بلاي بسيط و ممتاز
الرسوم:
رسوم البيئة جميلة ومريحة للعين..
وخصوصا أن القصة في منطقة غابات
وكذلك اللعبة تتبع أسلوب مسلسل 24
يعني الأحداث بالتفاصيل لمدة 6 أيام
يعني بتشوف مهمات في وقت الظهيرة
ومهمات وقت الفجر .. وثانية في المساء
وكمان وقت غروب الشمس..
وكذلك التفاصيل جميلة جدا
أتذكر في أحد المهمات كنت متخبي وراء جدار
ولاحظت نقوش على الجدار.. يعني محفورة بدقة
فـ من بعد هذه المهمة صرت أركز على البيئة..
لكن العكس في الشخصيات..
تفاصيل الشخصيات ما عجبتني..
أوكي تصميم الملابس جميلة .. ما انكر هذا الشيء
لكن تفاصيل الوجة مو كل هذا ..
يعني حسيت أن المطورين ما أخذوا وقتهم في عملية البوليشنج..
الرسوم جميلة لكن مو wow
الأصوات والمؤثرات:
أول شيء التمثيل والأصوات
حركة وجوه الشخصيات حسيت أنها جامده نوعا ما..
لكن حركة الشفايف مطابقة للتمثيل الصوتي..
يعني ما شفت أي مشهد الشخصية ساكته ويطلع منها صوت xD
لا مشتغلين شغل عدل.. لكن كمان لاتفكروا أنها L.A Noire
xD
أول ماجربتها حسيت أن أصوات الأسلحة مزعجة جدا..
لكن مع الوقت .. تعودت عليه..
ولما ركزت على أصوات الأسلحة لاحظت أنها مختلفة ,, وتحس أنها واقعية..
ولما يصير قتال.. شوف كيف الجو
تحس أنك بحرب.. وخصوصا المهمات اللي فيها طيارات وصواريخ
راح تسمع أصوات الهيلوكبترات يعني تدخل أجواء الحروب بالغصب xD
لما تطلق على رأس عدو تحس أن جمجته تكسرت
الصوت تقريبا يشابه كوب بلاستيك كسرته بقدمك xD
وكمان لاحظت أن صوت العشب لما تمشي عليه
كأنك فعلا في منطقة عشبية
ولما تمشي على أغصان الشجر الصغيرة راح تسمعها تتكسر
it's so real
المؤثرات مثل بقع الدم راح تشوفه على الأرض..
وجثث الاعداء ما تختفي تظل موجودة وكمان أسلحتهم..
كمان طلق الأسلحة راح تشوفه ..
ولما تطلق على الأرض راح تشوف التراب يتحرك ويترك أثر..
كمان السيارات قبل ما تنفجر
راح تشوف دخان أسود ولما تنفجر النيران راح تظل موجودة
وأثار انفجار القنابل راح يظل على الأرض.. يعني بقعة سوداء..
فقط هذا اللي قدرت الاحظه..
التقييم النهائي
8 من 10
وأقدر أقول أن Zipper interactive قدرت تنقذ سلسلة سوكوم من الفشل.
و أقول لكم جربوها لو مو جديدة , مستعملة ما راح تخسروا شيء
لعبة ممتعة و تروفيات سهلة تجميعها..
وتستحق أنكم تعيش أجواءها التكتيكية
ما عدا عشاق الـ FPS
نصيحتي لكم .. جربوها قبل ما تشتروها
يعني عند أصحابكم في المحلات ..
لأن 2 من أصحابي .. عشاق FPS للنخاع ..
أول ما جربوها قالوا فاشلة وع وإلخ ..
وأنا عارف ليش قالوا كذا .. لأنهم متعودين على FPS أكثر من TPS
وأسف على الإطالة
^_____^
بلعب على أصعب شيء بكرا
عضو مميز في منتديات البلاي ستيشن
نسيت شغلة ..
أول ما يرجع الـ PSN بجرب الـ Coop ..
ووبكتب أنطباعي عنه ..
ولاحظت في شيء في طور الكواب..
وهو انك تقدر تصمم مهمات وتنشرها على الأونلاين
فـ ما قدرت أعمل هالشغلة لأن الـ PSN متعطل ><
سلام .. بروح أذاكر عندي اختبار بكره المساء
عضو كمال أجسام خبير
^^^^
ماشالله انطباااع حلو ووافي
انا اشتريتها قبل اسبوع وجربتها بس وطفيتها
اللعبة ممتازة وانصح فيها بس للاسف ماعندي وقت العب شي هالايام
التقييم يستاهل ٨ واكثر
عضو مميز
مشكور انجل انطباعك محمس
مره ومرتين وثلاث
عضو مميز في منتديات البلاي ستيشن
حصلت على بلاتينيوم اللعبة
Yay me
وهذا أنطباعي عن الكواب والملتي..
بالنسبة للـ co-op
فيه 6 خرائط واسعة و كبيرة جدا..
ومثل ما ذكرت في بداية الموضوع في نوعين من الأطوار الموجودة
وتقدر تعدل على الصعوبة وكمية الأعداء..
طبعا تقدر تلعبه لحالك مع الـ bots وتعطيهم أوامر
أو تلعب في الأونلاين مع 4 لاعبين + أنت تصيروا خمسة
أنا الصراحة حبيت الطور كثير ..
حماسي مو ممل .. وبيطلع الحماس لما تكون مع أصحابك
أمس لعبت مع أجانب .. على أصعب شيء
يمكن عدنا المهمة 5 مرات أو أكثر مو متذكر كم
على ما فزنا فيها..
وقبل ما تبدأ الـ coop تقدر تضيفك أكثر من خريطة "لعبة"..
وتلعبهم من دون ما ترجع للقائمة الرئيسية
يعني مثلا أبغى ألعب 7 ماتشات
أضيف 7 خرائط + نوع المهمة + وصعوبتها + كمية الأعداء
وأبدء في اللعب =)
ما حسيت ابدأ في اللاق ولا صادفتني مشكلة في الإتصال..
بالنسبة لطور تعدد اللاعبين
لعبت أكثر من ماتش وجربت أنواع اللعبة الموجودة
واللعبة حماسية 32 لاعب في خريطة واحدة
16vs16 ولا صادفني لاق ..
أتذكر الجزء السابق اللي من slant 6 كان يطردني من اللعبة إذا في لاق
لكن هذا ما حسيت أنه في مشكلة..
لعبت أول ماتش ولول مفكريني نووب
لكن لما انتهى الماتش طلعت قاتل كثير ههههه xD
جربت أكثر من خريطة لكن مو كلهم وتصميمهم جدا ممتاز للخرائط..
يعني مو معقد و تضيع لا بسرعة تعرف الأماكن و تحفظها
كمان في طور تختاره ..
وفكرته هي تلعب كل الألعاب من دون ما تطلع وتغير نوع اللعبة من القائمة الرئيسية
ما جربت الأطوار الكلاسيكية.. بحاول بكره أجربها
تقييم اللعبة ككل 9 من 10
واللعبة تستاهل التجربة..
في أحد يلعب أونلاين..
عضو مميز
^
حمستني أفتحها من الكيس .. أخوي شراها لي و لا لعبتها لحد الحين >.>
شكلي بلعبها الحين لأن ما عندي لعبة ثانية
ما أذكر شنو الأيد مالك .. أتوقع إنت موجود بالقائمة .. إذا لأ .. الأيدي مال MrealZ
عضو جديد
شباب انا عندي مشكلة مع الديمو المالتي بلاير
ما قاعد يشتغل عندي ...
اشتغلي مرة وحدة وبعدين خلاص ما عاد له
تكفون يا شباب ساعدوني
عضو مميز في منتديات البلاي ستيشن
^^
البيتا لفترة محدودة وينتهي..
إضافة PRo Assult متوفرة في الستور
المصدر
ضوابط المشاركة
المشاركة الأصلية كتبت بواسطة dely10
