شاركنا برأيك عن قسم اللالعاب

[محمد 07]

تم التصويت مشكور على الاستفتاء

[Arashi]

لونلي لو سمحت في بالي كم نقطه ودي اضيفهم في الموضوع لو سمحت ^_^

سؤال لكل الاعضاء:

شنو تبون من الاداره بالضبط؟

شنو الطلبات اللي بغيتوها وما تنفذت وعدم تنفيذها كان سبب في الخمول الحاصل في الالعاب؟



ثانيا: شنو هي أسباب الخمول (اي سبب لا يتعلق بالاداره)؟

من وجهة نظري (وهذه الامور طبعا لا تنطبق كلها عالجميع) :

1-الالعاب اللي نازله الحين مالها عدد كبير من المعجبين نفس ألعاب زمان...فما تحصل لعبه توصل عدد صفحات المشاركات فيها الى اكثر من 5 ولو طافت الخمسه بعد هم كم من عضو يسالفون لحالهم (في مواضيع كبيره طبعا مثل COD لكن اغلب المواضيع الثانيه نقاشها محدود)

2-ألاحظ ان في اعضاء يتبّعون نظام "اللزقه" في المنتدى...اعني باللزقه ان في اعضاء يبون عضو معين يكون متواجد في المنتدى على طول ولو تغيب فتره او ترك المنتدى يحصل لهم احباط ومايشاركون بدونه..ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره

3-دايما فاتحين مواضيع اخبار اخبار اخبار مانجوف مواضيع رسميه كثيره ولا نقاشات ولا مواضيع ترفيهيه تغير علينا جو...انا ما اقصد طبعا ان نبي مواضيع كبيره لكن نتمنى نجوف مواضيع تحسسك انك قاعد في مجلس ويا ربعك مب في مؤتمر صحفي

[Fantasy Legend]

ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره

الصراحه هذي النقطه ممتازه
وهيا منتشره بكثره للأسف ,,

[Tyki Mikk]

لونلي انت تشتغل مندوب لـ TG و تعمل اعلانات لهم هنا او أيش ؟

أنا مع التطوير للأفضل ان شاء الله بس نبي احد يسمع رأينا و ينفذها و هذا الشخص للأسف غيابه كثير لحد ما متنا روحيا

امحق دعاية, صح مستوى النقاش هناك أفضل بمراحل من هنا بس ذاك المنتدى تقليد رخيص لنيوجاف, جد أغلب الأوقات بتشوف مواضيع جاف منقولة عندهم حتى مع الردود "بس طبعاً" تكون معربة ....
مع إنه مستوى النقاش هنا رايح فيها - للاسف - بس مع ذلك أنا أفضل هالمنتدى, لان ببساطة له هوية .

[NiN RevO]

من حذف ودمج مواضيع وبنرات وجوائز..الخ

هذه كلها بس 10% -__-

دايما فاتحين مواضيع اخبار اخبار اخبار مانجوف مواضيع رسميه كثيره ولا نقاشات ولا مواضيع ترفيهيه تغير علينا جو

اكيد لأن الاخبار تجي كل يوم اما الالعاب ما تنزل كل يوم + احط كل طاقتي ووقتي بالمواضيع الرسميه وموعاجبج -__-

[Arashi]

هذه كلها بس 10% -__-

10% لأن مالها تأثيرعلى جذب الاعضتء للمنتدى >_>

اكيد لأن الاخبار تجي كل يوم اما الالعاب ما تنزل كل يوم + احط كل طاقتي ووقتي بالمواضيع الرسميه وموعاجبج -__-

بالعكس انت ماتقصر وفي اعضاء نفس الشي مواضيعهم جباره...بس انا قصدي ان عدد هالمواضيع قليل مب مثل اول كنا نجوف 3-4 مواضيع رسميه في القسم الواحد كل اسبوع

[Garl Vinland]

تم التصويت و شكراً على الأستفتاء المهم (كان من زمان) ^^

[dro]

درو
لاني ابي تروحون للمكان الاحسن لا أكثر

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟ ثم أنا مشارك هناك لكن تواجدي هنا اكثر لأني مرتاح اكثر هنا صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

[ienzo]

لونلي تستاهل تصفيق ومشكورعلى الاستفتاء

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟

وين الاعلان؟
انا اشوف انا ما يستاهل ان ياخذ مخالفه لان قصده تطوير المنتدى للافضل وبعدين انت شوف الوضع في قسم الالعاب
المراقبين مثل ايوب الحسن ,الجنرال, فارس ,والحين كاسح ما لهم اثر بالاقسام

[Lonely Hunter]

معليش لونلي أنا ما ادري انت تمزح او تتكلم من جدك ؟ .. المفترض تاخذ مخالفة على الأعلان مو التصويت يعني لو انا عملت اعلان لمنتدى المنتدى عندهم تتوقع ما راح يعملوني شي او اخذت راحتك بما ان ما فيه مراقبين ؟ ثم أنا مشارك هناك لكن تواجدي هنا اكثر لأني مرتاح اكثر هنا صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

اذا الاداره مايحسون انا ليش احس’ لازم يكون في احساس متبادل ياعزيزي

و عادي عندي انطرد على هالموضوع لول, لي هالدرجه صرت مو مهتم

انا هدفي من هذا كله ان اخليهم يضبطون القسم لان زهقنا فعلا من سالفة اقسام داخل قسم داخل قسم , تقول قاعدين بفلم انسبشن

[dro]

تقول قاعدين بفلم انسبشن

هههه xD

انا طبعا متفق معاك

[Pika-Chu]

صحيح هناك فيه شغل اكثر من هنا لكن الحمدلله أنا هنا مو مضطر اني اكون منافق و اجامل غيري ثم اذواق الأعضاء هناك يختلف مع اغلب اذواق الأعضاء هنا تماما

+1
that's so true

فعلا هالشي الوحيد اللي يخليني ارتاح في هالمنتدى واتم اشارك فيه ..

[MoMeNTuM]

السلام عليكم

هي السالفة صغيرة و ما يبالها تفكير

انتو ليش تتريون حد ايكم عشان تتطورون, انا اقول انتو بروحكم لازم اتبدعون و اتسون مواضيع و اتطورون القسم, ف مب لازم تتريون حد كل واحد يتسفيد من قدراته D:

[solid619]

2-ألاحظ ان في اعضاء يتبّعون نظام "اللزقه" في المنتدى...اعني باللزقه ان في اعضاء يبون عضو معين يكون متواجد في المنتدى على طول ولو تغيب فتره او ترك المنتدى يحصل لهم احباط ومايشاركون بدونه..ايضا في اعضاء يشجعون العضو المعروف او اللي بحبونه اكثر ويشاركون في كل مواضيعه حتى لو ماتهمهم اما العضو الجديد او اللي في حاله مسكين محد يعطيه ويه ولا حتى يحصل فرصه يروينا طاقته الجباره

هذا السبب اللي خلاني ما عاد اشارك في المنتدى

كنت اشارك واكتب اخبار وسويت موضوعين رسميه لكن للأسف ما كان فيه تفاعل من الاعضاء والاداراه كرمتي مره

واحده مع اني كنت متميز في اكثر من شهر ومن بعدها سرت متصفح فقط للمنتدى

واذا المراقبين مشغولين انا انتخب نفسي مراقب

[dely10]

شباب ارجو ان الواحد لا ياخذ راحته ويتطاول

وشفيكم شايشين>>> وايد متأثرين بالواقع العربي


انا ما ادافع عن احد بس ياريت لايكبر الموضوع وتحدث مشاكل

قدمو حلول وقدمو اقتراحات
واحنا بنوصلها للادارة

الجدال بدون عمل يسبب مشاكل
ولاتوصل السالفه لتجريح >>>> مو باقي الا تكتبون اسم المراقب

أنا ما عندي مانع في التصويت و اننا نطور انفسنا لأفضل و نخلي الأدارة يحسو بمطالبكم لكن مو من حقك ابدا انك تعمل اي اعلان لأي منتدى و تستغل غياب المراقبين عشان تعمل دعاية لهم هنا !

بالأول كان ضحك ... بس بعدين صار جد!!

لونلي عطنا نتايج الاستفتاء وبنوصله للادارة